魔法變變變的個人專頁

見到新開張好多人排隊，就諗住試一試。入到餐廳環境其實好逼，同後面枱嘅客人背脊貼背脊咁滯，不過唔緊要啦，好快食完！最緊要好食！叫咗兩個套餐，樓面係亂到黐線，豆漿嚟一杯冇嚟一杯，諗住等吓點知原來係等唔到，因為佢哋漏晒單。酸辣湯係凍嘅。同枱搭枱嘅食客佢哋嘅酸辣湯都係凍嘅。同枱兩碗酸辣湯都要換，換完都只係暖。小雲吞嚟咗兩次都係生嘅，冇錯，係兩次都係生。第三次終於熟，但食咗生豬肉，大家諗吓有咩後果。除咗生煎包真係唔洗食其他👎🏾…查看更多

男朋友生日早半個月已經係WhatsApp book咗麒天。收到3個tasting menu（$1888/$2388/$3188）同a la carte ，最後決定兩個人都食中價位$2388 per head既tasting menu。由於唔食魚翅，問咗燉湯可唔可以轉，好快都得到回覆可以轉，之後我選擇轉咗做松茸螺頭烏雞燉花膠同椰皇螺頭燉海參各一。亦都pre order咗壽桃$38隻，對話中餐廳通知最少要order3隻，我表明得兩個人，佢地堅持：小小一只 可share。所以都接受咗最少3隻呢個提案。到咗用餐當日。去到餐廳都聽到好多房間都被包咗，但大廳可能因為係閒日只有4/5枱客人，最多人既一枱都係得一枱4個人，而眼見既員工都有6個左右。坐低既時候被問到係咪可以開始上菜？答咗ok後無諗到連座枱menu都無?-?由於無share到menu比男朋友，佢唔知道有咩食，所以一直就開住WhatsApp同餐廳conversation入邊張menu同佢講。之後每一碟餸過到嚟連簡單介紹個餸名都無！唔講以為佢地好忙炒緊場所以忽略咗。其實我唔知道係唔係本身餐廳唔需要員工介紹食物？其實就算普通嘅茶餐廳放低你嘅沙嗲牛肉麵都會講一聲：沙嗲牛麵。。而當我比緊一位客人二千幾蚊頭嘅時候我無諗過會係無咁既服務 。當中蟹黃脆皮花膠係無咗，俾咗第二款花膠嘅菜式，但係由坐低到食完都冇人同我哋pre order咗既野唔同咗。好似有少少離譜。去到荷塘月色（菜）既時候，當個身穿西裝嘅男員工放碟菜喺我男朋友位置嘅時候，我男朋友隻腳突然之間好大反應郁咗下，我問佢咩事，佢話原來啲湯汁倒瀉咗出嚟，唔係佢講出聲個身穿西裝嘅男員工都唔知道。。。之後我男朋友用紙巾抹緊條褲同張枱嘅時候佢先慢慢地幫手，同拎多張紙巾過嚟，say咗幾句sorry，都明白意外無人想既，佢都say咗sorry啦，件事就完咗😂 成晚嘅餸都好精緻好小一份，本身我哋仲討論緊會有幾多條菜，2棵？3棵？最後係得一棵，當我見到個菜既時候我都笑咗出聲。之後食埋個飯，我男朋友起身去咗洗手間。有個女員工走埋嚟問我：係小姐你生日定先生生日？ 個下我有啲尷尬，雖然其實都係過嚟食生日飯，唔係啲咩驚喜，但係冇諗過我book枱嘅時候講到甜品寫xxxx happy birthday (而xxxx係一個都好普遍嘅男仔名） 佢都仲會同我再confirm 邊個生日。Ok，都算😂 到佢哋上壽桃嘅時候，原來可以兩隻，明明當初講一定要三隻。最頂癮係員工真係放低完講咗句生日快樂就走，完全無主動問我地要唔要影相。到最後我哋自己影完相，開聲叫其中一個員工嚟幫手影相（再提一提，佢哋當晚得4/5枱客）呢啲真係要開聲問？就算出去食個生日邊爐，上蛋糕都未必需要開聲要求員工幫手影相，因為大家都身同感受，覺得嗰一刻需要被記錄會主動offer幫客人影相。比得呢個價錢都其實有啲期望，只可以講野食好唔好食就見人見智，老實講好細份，食完亦都唔飽。好彩天氣好好能見度好高，風景有令我地心情好啲，服務唔係差因為係接近0服務，到埋單嘅時候隻手舉咗接近20秒，叫咗幾聲唔該，自己一個企係中間忙緊（？）既西裝男員工先見到（唔係倒瀉湯汁嗰個），最後趕住走，無為意到佢地無比到餐廳單我，只係比咗碌卡單我。真係樓下代客泊車嘅員工同餐廳洗手間嘅清潔姐姐都好服務好笑容同敏銳過佢哋。只能說唔會有下次😂 兩個人埋單$5500，我相信有好多更好既選擇。救命！希望 貴公司見到會好好改善一下員工既服務質素，客人已經唔算多，咁既服務質素點幫政府手夜繽紛呢？由始至終無被通知過無脆皮花膠嘅代替品。由3隻變咗做2隻嘅壽桃。…查看更多

迷你毛成日大排長龍！！！試過嚟到3-4次都不敵排隊條龍敗走，閒日午後同朋友經過見到門口無人馬上衝入去一嚐佢嘅甜品同野飲我地兩人因為食完lunch無耐，只係叫咗兩個甜品同兩杯野飲。火龍果乳酪同latte。紅火龍果好有益，飲落係無加糖💯 清清甜甜酸酸地，望落都好靚好開胃，不過覺得就咁飲佢已經都可以當係午後snack薄脆拿破崙，雪糕香滑一開始以為係薄荷味朋友話應該係焙茶(?) 最驚喜係既係佢啲朱古力米米入面係爆！炸！糖！食落係無諗過會咁夾。焦糖夏威夷果仁比得一啲都唔手軟，滋味到食到停唔到口食到最後個粒都好想繼續食。而佢中間吉士夠杰，少少都無濕到啲薄脆，一路食都係咁香口咁脆Tiramisu同出面個啲都好唔同，我朋友好鍾意tiramisu試過好多都大讚呢一個。佢味道好有層次唔會一味死甜，由苦澀既可可粉到奶香味濃既cream直入濕潤帶有酒味既蛋糕。甜品有驚喜期待下次試佢啲主食…查看更多

瞓醒食個上海brunch，一餐當兩餐豆漿唔甜又有濃郁嘅豆味，但略嫌細杯，不過lunch set包埋就算啦我認為食酸辣湯係要飲咗一半既湯先食啲麵，因為當你食哂啲面果湯已經稀哂生炸雞翼脆卜卜，味道唔算濃配返酸辣湯食都唔會覺佢地係個口入面打交主角小籠包！一咬開啲湯汁流晒出嚟，成支匙羹都係。皮薄多湯汁！不得了，不得了。必試下次想試埋豆沙鍋貼同其他小食，不過要搵多一個人一齊食，一個人個胃有限良心小店要加油，下次再嚟食…查看更多

呢個星期凍冰冰暖啱食熱辣辣既咸豆漿同粢飯其實土瓜灣呢個地方對我來講真係好唔就腳，但係食過坊間太多難食嘅粢飯，寧願嘥啲腳骨力都唔想再中伏。之前幾次假日嚟都要大排長龍，今次閒日嚟店舖入面好少人，唔使等位！爽！坐低即刻叫咗鹹豆漿同粢飯，第一次飲鹹豆漿係喺上海，係香港飲過幾次都係爭啲咁，不過都不過不失（其實佢個甜豆漿都十分唔錯）因為主角係佢個粢飯！平時出邊啲粢飯會焗到入邊條油炸鬼林晒，美華啲油炸鬼薄脆係入面焗幾耐都係脆卜卜！仲要由第一啖食到最尾嗰啖都會有餡！唔會得一啖糯米乜都無。之後見唔夠飽叫多咗碟鍋貼！雖然塊皮有啲厚但入面湯汁多又濃郁，我第一啖咬已經噴咗啲湯汁係枱其實佢哋啲小籠包我都食過，不過個人比較喜歡鍋貼，因為佢哋啲小籠包都有少少厚皮，我就鍾意皮薄嘅小籠包！最可惜食唔到佢哋啲蔥油餅，淨係食過一次，之後成日都太遲去到賣晒，下次一定要早啲一個人早餐食咗$69，但飽到夜晚晏就都唔洗食…查看更多

喺銅鑼灣附近返工其實lunch真係有好多選擇，但係價錢個range都好大經過上次喺隔離食完份量太少嘅春嬌之後發現咗呢間茶餐廳！見到有好多學生同埋上班族都嚟幫襯每一日都會有唔同款式嘅精選套餐會比較平，最後我揀咗魚香茄子魚塊盛惠49！呢個份量真係冇得輸！唔單止飯多連餸都有好多，魚塊都有5/6舊，比起其他茶餐廳更加重手！外賣自取仲要平過堂食幾蚊，包例湯同冷熱野飲。魚香茄子冇咗個煲真係會差少少，但係好彩師傅炒得夠鑊氣，味道又適中唔會太濃味。例湯有成舊雪耳係到真係好誇張，呢個價錢食到呢個份量同呢個味道，真係會當佢係長期飯堂…查看更多

秋風起朋友想打邊爐，但可惜冇book到枱，尖沙咀附近啲火鍋店都已經full booking。經過見到8鍋臭臭鍋又唔算特別多人，所以就決定去治一治個邊爐癮6點9到開始等位，等得到唔算太耐，大概兩三個字就可以入到去我哋叫咗台式麻辣鍋同芝士牛奶鍋，其實我都幾鍾意一人一個邊爐又唔使用公筷又衛生望到好似好滿咁，其實個底浪咗好多菜，慢慢食下食下都食得晒。肉同丸嘅份量都係唔算太多，嗰半個王子麵簡直係成個邊爐嘅神髓！我叫嘅係台式麻辣鍋，湯底又唔算太麻但辣辣地其實都不過不失，食完之後又唔會話好口渴太多味精咁如果唔係太揀飲擇食其實都OK，因為入邊有好多款嘢食，每樣兩三舊都幾過癮。見到麻吉燒忍唔住叫咗一份！麻吉燒真係點食都好好食到最後一個完美嘅結束就係將個粉絲揼落個湯度煮，索晒成個湯底嘅精華，煙煙靭靭咁好了不起！你話佢係咪頹到好似食快餐店嘅邊爐佢又唔係，豪華到出去火鍋店每人食3/400蚊又唔係，佢就係in between嘅level，對得住自己個價錢嘢飲選擇又多，強烈推薦柑桔檸檬梳打，酸酸甜甜解膩一流…查看更多

一直都無食過一起果醬！印象中由初初係西貢已經好出名大排長龍，直到開多咗分店先有機會試到。但體驗麻麻地！！閒日入到去只有3枱客，有幾張枱未執。由於我地唔急，又想坐卡位問咗一問waitress可唔可以坐埋邊未執枱既卡位，佢即刻著咗火！‘未執呀！坐個張或者個張啦！’我地嚇咗一嚇，聽佢講坐咗佢指既其中一張枱佢之後拎menu過嚟我地都睇咗幾耐，因為未食過又搵唔到邊到揀果醬口味同唔敢叫佢嚟落單最後佢過嚟幫我地落單，叫完自選果醬厚多士餐，佢問乜果醬，我地問佢邊到可以睇？佢話‘後面囉！’其實知樓面得佢一個佢真係好忙，但我地又無催佢，做乜要咁惡死之後個waitress要拎放咗係架上面個牌照比人睇，佢直接係客人望住情況下無除鞋踩上卡位張櫈伸手拎多士唔脆唔熱仲好軟熟唔似烘過應該睇得出呢個好好多，夠熱又脆口，但味道一般般。野飲都好飲既，但再食都唔會再嚟呢間分店…查看更多

成日聽人講大埔大榮樺未開就有好多人排隊等佢開，最後12點去到等咗成個鐘先有得入去食！等咗咁耐緊係極度期待啦Waiter哥哥都醒，未到我地入已經落咗我地單先！我叫咗最受歡迎既西冷，佢已經同我講要等半個鐘！因為太多人叫！！好彩最後都好似係15分鐘到就有我只可以講佢係價錢買份量而唔係質素，食落同普通茶餐廳差唔多但大份好多，佢係落咗好多粉既肉，食落鬆軟肉味唔重。最失望係薯條竟然唔熱佢煎得香口係唯一可取之處。但排咗成個鐘真係唔值呀！…查看更多

朋友係上環返工約咗佢收工係上環食飯。知道上環有好多cafe，特登早啲出門口係食飯之前試一試去上林茶舍係太平山道，位置唔難搵。閒日既上環非常好清靜。同另一個朋友由3點半坐到6點，當中只有一位客人買take away仲聽到佢地既對話係話上星期四無開，負責人就好causal咁問佢幾時會嚟？到時會開定等佢，真係好causal我地叫咗兩杯野飲同一份waffle，我叫咗抺茶椰奶，本身都好鍾意抺茶同椰奶，一見到就好想試同埋呢個combo真係未見過！佢其實仲有好多過百元既茶可以叫，但奈何我同朋友都唔係識品茶既人，所以就無叫味道有點複雜，係屬於好既複雜。開頭椰奶味甜甜椰香味都出到嚟，而後勁就係濃郁既抺茶味。不過後來佢地mix埋咗一齊就得返抺茶味。個種甘香飲落十分醒神Waffle有焦糖係面，食落都幾甜。好彩我地叫咗summer berries，每一粒都好酸，但剛剛好中和返啲焦糖既甜味。gelato勁好食，焦糖味香甜中間仲有曲奇🍪 真係好值得試下佢地既gelato閒日想搵地方hea下工作/睇書/同朋友傾計呢到飲下茶都唔錯…查看更多

而家食麥當勞好方便，手機落單衛生快捷又唔洗等，有時見到部點餐機個個都禁完之後又用手拎薯條食真係搞唔掂手機麥當勞app又成日有優惠，太抵啦原本35蚊平咗3蚊就32蚊勁抵啦！食麥當勞最怕薯條凍冰冰！今次好好彩，因為盒薯條係新鮮炸起熱辣辣，由第一條食到最尾個條都係熱，簡直有中咗頭獎嘅感覺本身以為菠蘿同脆辣雞腿飽會唔夾，點知沙律醬同菠蘿既甜味match得好好，菠蘿好似解咗沙律醬個種油膩感同脆辣雞腿個種辣味，真係感到好意外…查看更多

其實見到個名都覺得有點娘同out dated，但既然同事想食越南野就試吓去啦。而家好多餐廳都係用電話落單，極方便我自己就叫咗雞絲扎肉叻沙金邊粉，我諗由落單到送到去枱面大概只係用咗4/5分鐘，快過快餐。湯頭甜椰香味重，濃郁不膩，但未算正宗。豆卜索哂湯底一咬落去個口即刻充滿哂湯汁扎肉一般，刀工唔太好厚薄差太遠，雞絲大概有3條我叫個杯椰汁冰太甜都唔算太好飲最後同兩位同事食完行出餐廳只係歷時咗15分鐘，我地一致認為食完好似無食野落肚咁，因為份量太細啦！當下午茶應該還可以，正餐就完全唔夠飽…查看更多

搭叮叮經過灣仔，諗緊食千樂定棋哥好，最後因為棋哥周圍都有所以決定食千樂，下次再戰棋哥咁樣食一食燒味飯都要$165蚊其實都少少貴，所以真係對佢好期待第一次嚟嗰碟乳豬油雞飯個乳豬得塊皮同肥膏，自問唔係肥膩嘢fans，如果一兩舊係咁都OK，但舊舊都係咁真係放唔落口好好彩一同個staff講佢即刻幫我換返乳豬脆皮香口，油雞都醃得好入味，好嫩滑，加埋薑蔥加啲點綴非常好嘅配搭（雖然到到食燒味飯都係咁）湯唔好飲，好咸，唔得唔得。青瓜嗰醬好似袋仔冷麵入邊啲汁咁，食落好有熟悉感叉燒叫咗半肥瘦，我相信大家都見到係好瘦，呢個套餐比起乳豬油雞飯有啲失色，亦都對唔住佢個價錢，同係屋邨入邊啲燒味舖差唔多…查看更多

嚟到葵廣真係有好多野食選擇，唔掃街嘅話餐廳都有一大堆可以揀。最後嚟咗良心小店孖寶車仔麵💛一坐低梗係即刻填紙仔啦，佢都幫我哋計好咗如果俾人罰$5000倒不如食100碗車仔麵我就叫咗湯米粉，朋友叫咗撈油麵。我哋都有加秘製辣汁其實每次食車仔麵都好想叫好多餸，魚旦豬皮豬紅冬菇諗起麵好想食最後因為我想食多啲菜就叫咗滷水豆腐，蘿蔔，生菜。一開始我以為滷水豆腐會係好似滷水鵝下面個啲咁，點知佢比個啲更加好食。首先佢係熱，其次佢啲豆腐係硬豆腐入邊有好多氣孔，索哂啲滷水汁同湯汁，一咬落去佢哋即刻好似係個口入邊開party咁一路食一路忍唔住大讚。蘿蔔仲誇張，又甜又多汁，煮得又夠淋有時候出去食車仔麵叫三餸每樣都得一兩舊，但呢到就唔係，雖然$50食碗車仔麵都唔算平，但味道同份量搭夠返，食完都覺得呢50幾蚊好抵比同埋佢個秘製辣汁真係好抵加，簡直令到碗麵昇華咗去第個level…查看更多

上海菜有好多選擇，小籠包，粢飯，炒年糕，上海粗炒。香港都有好多連鎖嘅上海菜餐廳麵好好食。之前喺土瓜灣已經食過天園餃子一次，見佢係旺角新開咗就帶咗朋友嚟再試。而家好多餐廳麵係用電話落單，好鍾意呢個模式，方便又快捷仲可以慢慢睇下有咩食麻辣雞卷係第一樣上枱既食物，可能因為直接係雪櫃拎所以先咁快。好彩都無雪味，但肉質唔係嫩滑嘅雞肉，反而有好紮實既口感。醬汁麻麻辣辣食落都唔錯。配雞卷既撈麵簡直係全枱野食既number1，啲乾洋蔥，青瓜令到個麵有更多口感，味道都有更多層次。但略嫌麵太淋，如果再乾身啲就會更加好食。椒鹽脆豆腐夠熱夠脆，乾蒜份量好夠，豆腐都好滑有豆味，應該係某品牌盒裝豆腐（？）煎韭菜豬肉餃咬落煎香嘅皮會流出餡料嘅汁，咸咸中帶點韭菜獨有嘅香氣。餃子入面嘅豬肉有肥有瘦，所以先會咬落有肉汁流出反而酸辣湯有少少令我失望，酸又唔夠酸，又唔算辣，有少少似食緊碗仔翅嘅感覺但總括而言，天園都係一間可以再去食嘅良心上海菜餐廳💛…查看更多