wongtszB的个人专页

今次想介紹呢間打冷鋪，好明顯行街坊路線，位於油麻地，街坊價，開頭以為呢個價錢會將價就貨，咦！又估佢唔到份量唔細喎，不過講到尾味道先係重點😏鵝片啖啖肉，雖然偏少少肥，但係非常入味。滷水豬頭肉拼墨魚，勁爽脆。蠔餅係有啲失望，厚粉，炸得唔係咁香脆，但係蠔都算大粒。我最中意就係蠔仔粥，可能我本身係一個茜人，一見到落左咁多茜已經好歡喜，肉碎同蠔仔一啲都唔吝嗇，材料好多，啖啖過癮。最緊要我食完冇口渴😉😉滿足既一餐💪#潮味莊…查看更多

來到CityWalk覓食, 想食日本菜, 因為朋友唔食魚既原故, 所以今次來一餐無魚日式料理🤭大約7pm到場餐廳已經坐滿人啦, 襯住排隊既時候揀下食咩啦!睇到餐牌就俾d有趣既菜式名吸引, 好彩有註釋 如果唔係真係唔知係咩😂"柚想蝦你" - 柚子甜蝦沙律, 配上蟹子 車厘茄帶出鮮味, 亦都有牛油果 同蘋果做配料. 除咗胡麻醬之外, 仲有少量柚子汁做調味, 成件事清新哂 好開胃呀🙌🏻🙌🏻🙌🏻"忘不了你" - 原來係芒果芝士炸牛肉卷物, 光睇名一定估唔到係咩菜式😂 卷物包住炸牛肉喺入面 非常脆口 亦都無油膩既感覺, 而芒果切薄片放喺成條卷物上面, 滿滿既沙律醬 淡香芥末醬將成件卷物昇華, 連唔食芒果既朋友都大讚出奇地夾!!! 真係會"忘不了""自家玉子燒" - 除左色澤均勻 蛋味濃郁之外, 每件玉子燒既面都再有火炙過, 微焦既味道 相當吸引🫔"清酒煮蜆" - 賣飛弗😍 蜆肉好有口感 每隻都肥嘟嘟, 而且非常入味! 蜆湯有淡淡既酒香, 仲有秀珍菇同海帶, 飲完一碗再一碗🥣🥣"枝豆" - 最簡單既日本食品, 熱騰騰 每條都有足夠鹽味 佐酒一流🍻"黑豚豬頸肉串燒" - 本身睇落好肥 一定好油, 點知非常有口感 完全無溜既感覺 好正🤩🤩 想再食多串👍🏻👍🏻"埼玉網燒牛舌" - 每塊都有半隻手掌咁大, 一上台 <嘩>咗一聲, 好肥美呀!!今晚真係好滯滿足, 邊個話一定要由魚 做主角?!😎…查看更多

我真係食到飽飽勁大滿足，真係好多野食選擇，生既，熟既，蒸既，煎既，烤既，炸既。。。真係講到既都有❤️岩曬我呢啲樣樣都想試既大食友😏全港首間放題居然可以任點任食呢個干飽，SIZE唔細架，而且好入味，汁好濃郁，仲有花菇小棠菜，真係一個無敵陣容😂 真係完全估唔到食放題都有高質中菜😜😜呢個川式燒蠔好勁嘢味呀，我一個人食咗幾隻呀，而且仲要係即燒， 熱辣辣 蒜粒又夠香，勁推介❤️菜乾豬肺湯 我見到有呢款湯 我開頭都諗會唔會伏呀， 但抱住咩都試下嘅心態， 我決定飲咗一碗， 居然有家嘅味道 ，好飲好飲好飲😎， 而且仲有豬肺食，完全係我預期之上呢次放題真係同以往嘅放題好唔同， 有好多我估唔到放題唔會出現嘅菜式都出現咗包括呢隻紅燒乳鴿， 紅燒得脆卜卜，而且保留肉汁， 我覺得好食過出面食嗰啲， 隔離嗰枱我仲見到人哋食咗成四隻呀😜話曬都係放題我 梗係要食返啲刺身滿足下自己啦， 擺盤漂亮 食材新鮮選擇亦都多， 好鍾意佢嘅蝦刺身一隻蝦都大大隻啖啖肉非常鮮甜🍤🍤鵝肝壽司， 擺盤非常精緻，岩曬打卡😜 而且份量亦都唔會少， 最重要係鵝肝味道濃郁，好味自助區仲有冷盤選擇，真係花多眼亂呢個貓山王炸波波真係一絕，榴槤友應該 欲罷不能， 外邊炸得脆口， 內裏係流心榴槤， 一咬開一半香味四射， 好鬼過癮呀， 作為一個榴槤控食佢半打都唔係好過份啫😜仲有哈根大師雪糕杯呀我個人覺得呢個價錢食到咁多嘢真係好抵食， 最緊要味道好選擇多，值得推介❤️…查看更多

呢間好多人推介，今日就即管去試下。。圖一豬扒煎太陽蛋飯大大碟，而家賣相 非常討好隻太陽蛋仲要燶邊㗎😂 豬扒煎得惹味而且 完全唔乾 好有肉汁，篤爆隻太陽蛋蛋汁加蔥撈落啲飯度簡直淡淡滿足😎😎圖二 越式拼盤一共有四款不同食材， 雖然唔係四款都做得好好味 但係我最欣賞就係嗰兩條蔗蝦🍤🍤圖三主打越南河， 湯底固然之濃郁， 而且飲落甘甜， 牛丸勁彈牙， 可惜生牛肉浸得太耐 搞到熟曬冇咗軟淋淋嘅口感， 下次都係唔好影相快啲食有著數。。圖四係咖哩牛筋飯， 勁香椰汁嘅咖哩， 係好香同好滑 但係好似食緊啲馬來西亞嘅咖哩感覺。。 就係好似同越南餐廳唔係好夾囉， 不過係好食嘅。。…查看更多

今次去到石門站既串串川食好野😋雖然店鋪細細但係裝修風格同配色都好吸引👍👍我同老公都唔係食辣之人，今次膽粗粗即管去試一試，餐廳老細都好好幫我地煮左啲減辣菜式迎合我地😎多謝你呀😆我推介四川黑糖冰粉,上枱我就己經嘩嘩聲，每樣配料都擺放得好靚，我食到有山楂，松子，提子乾 ，酒釀 ，花生碎 ，黑糖 ，蜂蜜配上果凍啫喱咁，視覺效果同口感都極度豐富，而且配上唔同既配料又有唔同既味道，真係食得好開心😋麵配料一啲都唔輸蝕，配料新鮮，選用新鮮牛肉及大埔振興牛丸,彈牙有味,讚👍再黎番碗熱辣辣既薯粉，薯粉滑嘟嘟，湯底濃郁，問左老細原來佢係用左37種天然香料，再加入雞，鴨，豬骨熬製5個鐘而成。。難怪湯底咁惹味啦😋古法宮廷酸梅湯，飲落甘甘甜甜，但絕對唔係一般係出邊飲到既糖水味，佢既甜係出自於本身酸梅既甘甜，慢慢滲透出黎既味道，解辣一流呀🤗我已經同老公約定左下次再去食#串串川其他菜式喇❤️❤️…查看更多

今日同老公搵食黎到長沙灣，因為突然好想食韓國菜既關係，就簡左呢間韓國餐廳，門口擺放左巨型公仔打卡位，老實講我真係俾呢個公仔吸引左埋去🤣🤣餐廳內部裝修得意，好多玩具擺設充滿玩味，令人放鬆😎牛肉大醬湯跟飯大醬湯熱辣辣，牛肉腍唔韌配上滑嘟嘟豆腐及爽口翠玉瓜，最正係用大醬湯撈白飯，味道濃郁，一流🤤😍海鮮石窩烏冬（新品推介）😍店員推介新品🥘🥘大大碗而家烏冬煮得剛好，爽口，最重要唔會煮到腍曬😉撈埋隻蛋令到烏冬口感更為滑口👍👍無骨炸雞醬汁有四款選擇（甜辣， 蜜糖芥末，牛油蜜糖，芝士二重奏）我就簡左最經典既甜辣口味，冇骨好處啖啖肉，啖啖滿足，而家炸雞保留到脆口之餘都能保留到内裡肉汁，正喎🤗…查看更多

同老公去食日本野😋古今二荃灣店，座位闊落坐得舒服，而且由入座起員工都好有禮貌👍👍第一感覺唔錯😊講番食物方面都算幾多選擇，最吸引我既係色彩繽紛既卷物🍣所以我就叫左搖滾樂，鰻魚多汁配芝士炸蝦牛油果，食落口感豐富，而且炸蝦脆卜卜🍤🍤又併黑白芝麻十分香口，好味😋彩虹卷🌈刺身三文魚吞拿魚牛油果青瓜蟹柳，清新配搭，打卡之選😍龍捲風沙律🌪️🌪️份量勁大份，沙律菜底仲要有大量蟹柳蟹籽，正，沙律中間仲放埋中華沙律，真係一次過滿足幾個願望🤣我推介 鹿兒島豚肉荔枝串燒，外層豚肉燒得香，包裹住juicy 既荔枝果肉，估唔到佢地居然可以咁夾😋好好味呀🍢🍢今次真係滿足又食到好野喇😍😍…查看更多

好耐冇食啲重口味既野食，今日老公帶左我去食印度菜😋位於寶勒巷既#kailashparbat ，店舖環境色彩繽紛，而且座位闊落，坐得勁舒服👍👍食物方面我最欣賞既係味道，由上枱果刻就己經做到香味四射，令到我急不及待咁即刻食落口🤣🤣當然味道冇令我失望啦，咖啡惹味但不搶喉，而且每食一啖味道層次都有遞增，會有種想追住食既推動🤣🤣所以我今次真係好滿足可以嚐到正宗印度菜，多謝老公❤️❤️👍👍👍👍…查看更多

雖然而家0+3,但可惜我冇大假😪唯有去尖沙咀食番轉水門雞飯先🐓🍚裝修好有當地FEEL，真係幾似架😂當去左轉曼谷啦🤩好，講番個雞飯先，份量唔算好多，女仔份量，我就唔多夠飽喇😅雞都算嫩滑而且啖啖肉,無骨, 最鍾意佢嗰個醬汁辣辣地勁惹未,係會有種愈食愈想食既感覺，讚👍👍👍另外仲叫左個水門撈麵🍜個樣望落幾OK架, 可惜敗筆位正正係個麵底, 作為一個撈麵居然煮到又淋又軟，完全冇麵應有既口感。。真係幾失望🙄慶幸啲餸OK都好入味，如果唔係呢碗野真係嬲😜…查看更多

又係同奶奶出動去搵食既日子🥰今日黎到厚福街食韓國菜🥘🥘🥘先黎半份原味炸雞，有薯條配襯，炸雞炸得脆，內裡肉質都保持都鮮嫩，但味道略嫌淡左少少，如果濃味番啲會好啲😊海鮮煎餅，呢個我推介呀，材料勁多，而且唔會做到厚粉，每啖咬落都有海鮮料，配埋醬汁食，正呀🤤韓式炸醬麵，大大碗，份量足，而且多汁，惹味，但少少偏鹹左啲😅不過都OK啦紫菜飯團（自己落手搓）一碟俾你，俾埋手套你，自己搓個飯團出黎，幾好玩同埋好好食，佢啲飯軟硬適中，而且熱辣辣， 紫菜脆卜卜， 真係有即做即食嘅效果🤣雖然個樣做得唔靚， 但係味到搭夠😋…查看更多

第一次試呢間野，因為今日好肚餓既關係，又見到門口餐牌碗碗都咁大碗又啖啖肉，我呢個胃食妹梗係入去試啦餐牌食品選擇都算多.而且仲有呢個2人前既選擇，岩曬啲唔想簡唔想諗既朋友仔👫👫我叫左個牛角次男坊丼，因為佢標示左佢有約16CM高，為左知道佢既真實性同埋我好想食肉既關係我叫左黎試目測都真係幾高，好有台型，同埋一望落去份量真係好多好滿足，至於味道就好惹味，每塊牛都燒到甘香,而且保留肉汁，飯既質地亦都軟硬適中，加上醬汁既配合，都真係幾好味架…查看更多

今餐係一餐味蕾刺激既旅程🤣🤣炸曼頭唔叫唔得啦咁有台型，佢出場既搶眼度爆登，味道黎講當然係唔會點出錯，溫馨提示： 趁熱食😝鷄煲係要彈下，真係唔熱，佢係有個底爐俾我地熱住食，但係佢一黎既時候雞己經係唔熱，可能餐廳係想靠個爐熱隻雞掛😅但係上左枱冇得即食既感覺真係好爭扎，仲要個火好快熄左隻雞都未熱。。。酸菜魚簡直係今餐既重點，食落去係慢慢滲啲麻滲啲辣咁，會愈食愈起勁，而且酸菜夠多，食下魚食下酸菜可以做一下味蕾間場🤣🤣順便講下好似人手唔多夠，啲野都等左幾耐特別係野飲，杯凍檸茶都等左半個鐘以上😩，叫罐裝汽水會穩陣啲😝…查看更多

行行下街見肚仔餓梗係去食番個TEA補充下能量先啦，今日黎到GREEN WAFFLE DINER食左個下午茶☺️環境好舒服，令人好放鬆😎野食選擇都好多，而且佢個餐牌都清楚寫明用咩材料，新鮮而且係自製令客人食得放心😍同埋仲見到餐廳提供低卡路里餐單及生酮飲食既餐單選擇TIM😊咁岩朋友仔減緊肥岩曬佢口味啦😎牛油果軟殼蟹墨西哥餅配薯粒煎香咗嘅墨西哥餅 以軟滑嘅牛油果，夾埋脆卜卜嘅軟殼蟹，口感極度豐富 ，係會令人想一食再食😋 黃色的醬汁食落酸酸甜甜 ，真係好特別，估唔到配埋牛油果同軟殼蟹又咁夾味㗎喎😎鮮雜莓無糖杏仁粉蛋白班戟呢個真係超級好味 我第一次試呢款用杏仁粉蛋白製成嘅班戟， 開頭我都好好奇會唔會同平時食嘅班戟會有好大分別呢， 答案係真係好大分別， 係好味好多🤤🤤 杏仁粉製成嘅班戟 食落去有陣陣杏仁香 而且係冇糖用蛋白製成食落完全冇罪惡感， 再配上用鮮雜莓打成嘅醬汁酸酸甜甜增加開胃感😍我真係極力推介呢個健康之選😋呢個好味嘅程度我係會為咗佢再去拜訪呢間餐廳😋😋…查看更多

為食既我有個好鍾意食漢堡既另一半, 有見及此今日專承帶佢來JINNI 真妮 試新野!🍔🍔🤤一入來就俾裝潢吸引 色彩豐富 食慾大增👍🏻 我哋揀左出面少有既漢堡配搭 "夏威夷鳳梨黑豚堡" 以鳳梨代替煙肉 青瓜絲代替番茄片, 原本以為效果會怪怪, 點知味道出奇地夾🤩黑豚係吉列既style 但鳳梨同青瓜中和返 好fresh 同清新 完全無漏既感覺🤤另一個主菜 "咖喱蛋包飯配漢堡扒" 🍛, 珍珠米配上咖喱汁 絕配!👍🏻 漢堡扒香煎 又唔會過火, 而碟邊仲有沙律菜點咖喱汁🤤貪心地叫多左2款小食 "日式小丸子" 同 "魷魚圈" 炸得乾身 唔油膩, 小丸子亦唔會成口厚漿 粒章魚仲幾大粒tim😂今次完全唔伏, 估唔到將軍澳除左連鎖既餐廳之外, 仲有令人驚喜既本地小店! 絕對值得支持💕💕💕…查看更多

今日心血來潮好想食碗熱辣辣既PHO。。就同朋友仔去左呢間試下🤤打開MENU PHO既選擇好多，而且價錢適中，睇相仲好吸引TIM😍😍峴港蝦頭膏酸辣海鮮湯河青口墨魚仔爽口彈牙，好鮮甜，而且湯底味道濃郁，好岩中意食酸辣既朋友仔，有種愈食愈起勁既感覺😂😂會安雞絲扎肉湯河我中意食原汁原味既湯底，清甜🤗，PHO梗係要食番塊扎肉啦，我係扎肉控，呢塊扎肉厚度適中，有口感值得一讚😎清沅蒸粉包河內炸春卷成間鋪頭裝修幾好，牆上越南少女壁畫吸引，而且座位都舒適，另外好想讚下店員反應好快，有問必答上菜又快，滿意👍👍👍…查看更多