lavender_min's Profile

朋友搞生日party，選址這間樓上sake bar，貪可以包場又可以自己叫到會😋Sake bar空間不算大，但足夠容納十幾人有餘。麻雀雖小，五臟俱全，僅是清酒已有近20款，均是市面少見的特色label，還有梅酒、果酒，甚至whiskey等選擇。店主耐心理解眾人人口味，便耐心推介合適各人的清酒。每枝酒的口味、歷史、背景、故事，都為我們一一道來，足見店主對sake認識非常深入。橫山「美智子公主」純米大吟釀全日本只有8間酒廠，可用這隻沿自皇室的玫瑰花作酵母。店主介紹當年日本美智子公主，採擷了這朵實驗室培育的玫瑰花，送給英國皇室。味道十分香甜，帶有花香及蜜糖的甜味。䤒自慢「雄町50」純米大吟釀著名酒廠出口，老少咸宜的一款酒，不論喜歡辛口或甘口都合適的一枝。味道清新帶淡米香，入口稍辛但純。くどき上手「JR的不可思議44」生詰 純米大吟醸店主介紹酒廠是父子經營，JR是仔仔釀造。清甜易飲，適合女生。今錦「中川村的小蝌蚪」生 特別純米夏日之選，比較酸的一枝，開胃但不太合個人口味松の壽「夏の壽」生 純米吟釀Label好靚因為label而選的一枝，清爽不算酸。仙禽「獨角仙」無濾過生原酒店主介紹這個酒廠的所有酒全部一樣味道，只是有不同公仔。酸酸澀澀，有氣泡感的一枝。雨後の月「涼風」純米吟釀廣島縣名物，入口清甜，男朋友非常喜歡後勁的米香，但我不太喜歡酸酸的米酵母味。淺間の乳酪酒算是出面少見的酒類？口感真如乳酪般非常稠身，但又有酒精感，獨特的一款，作為甜品酒作結也不錯。玩得飲得非常盡興，試到好多出面少見的label，又學到很多清酒知識，值得再訪…Read More

大坑冇乜飲茶食點心之選，呢間都可以話獨市經營🤨見閒日12點前入座，就有午市85折，決定試試佢！茶樓入口掛上一盞黃色大燈籠，行上去條樓梯亦畫滿關於大坑傳統同特色嘅壁畫，例如舞火龍，顯得非常有心思🤍不過對比下，座位同餐廳外圍設計真係比較簡陋，主要係4人卡位或長方型枱，有幾間房仔，冇乜中式茶樓氣氛。環境都比較細同少少逼食物上菜都幾快，第一道泰國蝦醬腸粉有驚喜🤩配上肉鬆有啲咬口，味道又甜又咸，如果腸粉煎得更脆更乾身就perfect！XO醬陳村粉就有對比有傷害😓陳村粉皮太厚，亦唔係好掛汁，變咗個味比較淡，可以skip所有點心一盅兩件，雖然用上帶子、鮑魚等名貴食材，但對味精提升唔算多🫠不過燒賣本身肉粒多夠大粒，咸水角有鮑魚粒嘅口感幾立體，加上造型扮蘿蔔，都係加分位食完之後侍應仲送咗蘋果雪耳湯水，臨走前仲叫我哋飲多啲水，小心天氣熱好細心嘅服務，令人舒服總體而言味道唔錯，服務好好，不過價錢85折後都要300幾有少少貴。經過想飲茶就會再食～…Read More

喂見到social media好多foodie同KOL介紹，裝修又幾靚，用上Kingsman做主題，經過就買盒飯試吓味啦。舖頭主打英倫風，話有「A taste of England」，不過出品仲差過大家樂叫咗招牌威士忌BBQ豬扒飯，豬扒個汁冇威士忌/BBQ醬不在話下，只係普通嘅燒汁醬。豬扒用大量梳打粉醃，咬落冇口感之餘，仲要啲肉好乾身，一絲絲攝哂牙。飯底好濕好淋，配菜亦不值一提咁嘅價錢同質素，我情願返去大家樂食一哥焗豬扒飯，希望冇期望，冇失望🙍🏻。…Read More

公司附近就去試下，一過12點半就坐滿哂～兩個麵底都叫咗嚟試，麻辣拌麵比較出色，少少麻辣加乾葱香味，個汁夠多夠濃，有啲Kiki 麵嘅味，不過食完好口乾。至於蕃茄湯今次比較稠，茄膏味重冇乜真蕃茄味，葛粉都唔係好掛湯。雞扒同鴨稍為乾身，啲餸係冇乜特別，主要都係食個麵汁同麵底～環境方面真係坐得有啲逼，我同女同事都係瘦底，都要逼埋一舊男同事就係咁比廚房門拍上次遇唔到傳說中嘅黑面神，今次終於見到。一入去咩都未做，收銀員全程黑口黑面，同佢講唔該佢直接走開…Read More

近年深水埗大南街一帶打造成文青聚居地，開咗好多cafe，但質素都好參差。今次誤打誤撞去到附近嘅基隆街，被一間裝修精緻嘅cafe吸引睇相裝置會不定期更換，今次換上一棵小樹，感覺舒服清新店舖座位都幾闊落，員工招呼殷勤。欣賞佢哋6點last order，5點50分仲會熱情招呼，並提醒店舖6點15分會關門。食物選擇唔算多，主要都係蛋糕為主。今次試咗檸茶撻，我覺得幾酸下不過幾開胃，食到中間都有少少茶味，食完一個都唔會滯。咖啡方面，因為冇乜時間慢慢品嘗，所以揀咗最簡單嘅long black 同dirty，一杯nutty一杯fruity。nutty 豆用上巴西豆，幾易入口；fruity豆就係經典嘅 Ethiopia 豆。兩杯正常發揮，冇乜特別。Menu上嘅飲品選擇都多，咖啡有fancy嘅rose latte, 橙味朱古力咖啡等，亦有手沖精品咖啡。不過唔知係咪去到近閂門，手沖得返2款豆揀另外menu設計幾有心思，用上塔羅牌，諗唔到飲乜可以根據心情揀合眼緣嘅塔羅牌。彩蛋送上店長貓「妹妹」～…Read More

Weekend lunch menu款式十隻手指數得哂，仲要好多都係唔飽肚嘅選擇，例如blueberry bagel 🥯 揀咗個凍烏冬，近$200但得一碗仔，係普通女仔都唔飽嘅份量味道可以，酸酸地幾開胃chicken waffle 份量幾多，不過個雞冇乜調味，亦都炸得略為乾身，冇乜肉汁……Jollibee 仲好食啲chocolate waffle用上薑汁做jam，幾surprising，不過啲生果好酸特登加咗個signature 叉燒，瘦叉都唔緊要，又係好乾身，冇乜醬汁味又冇乜肉味惟一一讚係每張枱有枝竹炭水任斟，擺碟都好精美，但真係相機食完就夠…Read More

蠔拉麵係海老名限定拉麵，每日只有10碗左右，午市、晚市各5碗星期日晚約5點50分到（晚市6點開始），已有3、4個人排隊，剛好食到最後一碗！師傅先將蠔煎至金黃，逼出蠔香味之餘，內裏仍然非常creamy 🦪廣島蠔新鮮濃甜，雖然唔算大隻但足足有6隻湯底方面蠔味不算濃郁，配以肉碎及柚子，有種日本海邊的清新淡麗嘅味道同場加映主打的蝦味噌湯沾麵，湯底濃稠惹味，蝦味比味噌更突出，掛汁力強，個人更偏好呢款咸香味不過叉燒稍薄偏鞋，數量偏少，稍為失色。至於麵底彈牙有咬口，而且份量十足店家亦喺主食前，提供紫菜同脆脆做小食，亦主動提供消毒搓手液，都好細心…Read More

這間位於北角、新開張的太元樓，幾乎每個星期五和週末都爆滿，所幸我及早訂位，晚上七時到達，經已坐無虛席。先來朋友最愛的冷盤水晶肴肉（$78），啫喱彈牙肉質爽口，口感新鮮，不像普通食肆擺放很久的冷盤。而且味道清新，不會死咸。抵到爛的妙齡乳鴿（$28）雖然只有四小件，價錢真係超吸引，加上師傅冇因為係特價小菜就放軟手腳，炸得皮脆肉嫩，又不會太多油，味道咸香。又一抵到爛之選的小籠包（$38）。這裏的小籠包質素拍得住上海的佳家湯包，真係皮薄餡靚，又多湯汁，個人感覺比某米芝蓮更好。香軟小米糕（$42）應該係比較傳統嘅小海小點，我同朋友都冇食過，味道類似港式馬拉糕，不過冇咁甜，帶點米味的清香，好軟身，不會蒸到濕哂，不錯。奶油津白（$68）個人覺得麻麻，唔夠火腿咸香，不過朋友們幾鍾意。奶油味好濃。上海年糕（$78）就一致覺得係正常水準，略嫌唔夠入味，但好煙靭。有碟唔記得影相嘅黃金蝦（$108）最正嘅先忘記影相，咸蛋黃汁超香濃，掛到汁，味道唔會太咸。重點係啲蝦炸得超香脆，但入面嘅肉剛好熟，我估唔到食黃金蝦都可以外脆內軟朋友連殼啪埋添呀！其實朋友連我3人，冇人食紅棗，但老闆推介加上出面冇見過，所以叫左黎食。本來以為係平日食開流心嘅心太軟原來係紅棗夾住粒mochi。熱辣辣嘅紅棗加濃濃嘅蜜糖，估唔到好香好好食。超薑的薑茶湯圓（$36），朋友們就食唔到但我超鍾意，好傳統嘅味道，食完係咁放屁，哈哈酒釀桂花丸子（$36）係成餐飯嘅遺憾，桂花糖太多，好藥水味，完全冇酒味。整體而言，以試業嘅餐廳來講，質素好高。而且裝修好光猛，唔會太迫，環境唔嘈，坐得好舒服。應該係老細嘅男人，會逐台問意見，而且好好禮貌，仲幾靚仔添…Read More

我向來對香港的西式餐廳處理海鮮沒太大信心，不是用料不濟，就是烹調不當。就算是高級餐廳，收費不菲，離好吃還有一段距離。但Mr. Crab收費相宜，海鮮鮮甜，是性價比高的一間餐廳。我們選擇以生蠔開放今晚的海鮮之旅。生蠔選擇不多，當晚共有4款生蠔，每款若$50一隻。我們點了一款愛爾蘭蠔、一款法國蠔。愛爾蘭蠔味道清淡夾口，法國蠔濃郁軟綿。我們還叫了兩款小食，分別是水牛城雞翼和黑松露薯條。水牛城雞翼略嫌不夠辣；薯條值得一讚，餐廳除附以黑松露醬，更在薯條上刨上黑松露片，薯條的熱力這逼出黑松露的香氣。終於來到主菜Seafood bag。seafood bag規定要最少三款海鮮，最便宜的海鮮不過$100，豐儉由人。不過今次慶祝生日，我們就點得豐富點，選擇了1kg長腳蟹、帶子、蝦；醬汁則要Mr Crab特制醬汁。蝦和帶子鮮嫩香甜，蟹肉質結實，而且超級濃香！海鮮份量十足，也是king size的海鮮，鮮甜程度與西貢、鯉魚門的海鮮相差無幾！醬汁咸咸辣辣，我不太吃辣，點medium辣味也不為過。我們還點配了麵包沾汁吃，侍應說這是傳統吃法。連同飲品，3人盛惠$1700，雖並不便宜，但絕對對得起這個價錢。…Read More

每次經過利東街，都會被這裡的門面吸引。純白簡潔的設計，倘大的窗子，坐在這裡拍個騙照，確是不錯。初嘗此店，當然點夠三款味道。除了顏色多點更漂亮，還可以多試幾個味道。店內共提供15款雪糕味道，有些比較大路例如開心果、草莓、咖啡；還有較少見的花味雪糕。我點了玫瑰、白桃、薰衣草。雪糕份量不少，雪糕師心機滿滿，每塊花瓣大小均稱，花形完整。可惜味道並不出色，更遑論要與傳統義大利雪糕(gelato)相提並論。雪糕水份甚重，雖說天氣酷熱，但融化速度未免太快；吃下去也毫無煙韌軟滑之感，總體而言，就像果汁加水的味道。玫瑰味帶澀，雖說感覺天然，但多吃幾口感覺很苦...白桃味基本上吃不出，薰衣草是三款最好吃，少少甜，不算人造味道。而雪糕筒是軟身無味，和廉價雪糕的雪糕筒無異。整個雪糕，實在對不起$78。滿足一下少女心就好了。…Read More