伊豆豆's Profile

之前喺深水埗食過兩次生煎包，覺得好好食，最近去元朗形點2食過兩次，環境都真係好唔夠冷氣，可能係因為商場中央冷氣關係，就算店內有風機都真係好唔夠通爽，會令人食完就想走，職員完全無表情、無互動、無反應、無招呼⋯好食都令我對依間店卻步⋯先講講食物，今次照舊要咗生煎包、小籠包、同埋柚子蜜梳打，而新嘗試係金湯麻辣酸菜魚輕輕咬開一個小窿，熱湯嘅溫度隨之湧出嚟，好多湯喺裡面，肉丸都滿滿湯汁，一啲都唔鞋口又唔會梅，皮面軟身，皮底夠脆，真係好好！同生煎包一樣，滿滿湯汁喺小籠包裡面，皮唔容易穿，但又唔會覺得好厚皮，有時有啲店舖做得皮太薄，反而食唔到皮嘅質感，依個堅信號做得幾好一開始食無乜特別，唔覺麻亦唔覺辣，食到一半左右先覺得麻辣，但只會食一次就夠，難度要成碗酸菜魚要撈勻晒先有溫度、麻同辣？唔係一齊煮的嗎？其實真係希望老細知道，你啲嘢好食，但環境同職員唔改善，一手一腳嘅生意好快玩完，值得嗎？…Read More

上海姥姥嘅小籠包真係令人好回味，見到有鎮店酸菜魚就因為’鎮店‘依兩個字，所以應該唔會差得去邊，但⋯真係差到無話可說⋯上枱夠熱嘅，先飲啖湯，完全無酸菜味，咸味亦好淡薄，一路食一路只覺得只有麻味，唔講我一定唔會覺得自己食緊酸菜魚⋯更莫說係‘鎮店’至於魚肉全部都係一pat pat黐住晒，失望到極點，為免浪費我係食晒，但⋯好後悔唔知自己食咗啲乜嘢⋯…Read More

家住天水圍，自從天水圍分店執咗之後都無食過上海姥姥，但其實佢啲嘢都幾好食，只係而家佢開店嘅商場太多嘢食（又烤肉、又火鍋、又多國菜，出名過佢吸引過佢嘅太多，上海菜真係要排下隊先⋯）今日的起心肝喺屯門錦薈坊食佢，之前已經喺Openrice睇吓有咩新菜式，去到再望吓有無更新，最後都係點咗想食嘅幾款先嚟個-干貝鮮魚魚肚豆腐羹（位）又魚又豆腐預咗清淡，但魚鮮味唔夠，有啲失望再嚟就係-黃金魚塊咸蛋黃味夠、溫度都好夠熱、亦夠乾身，如果擺碟靚啲會更吸引第三樣上枱嘅係-招牌小籠包（4件）皮彈多汁，但底紙太濕，令我覺得係咪已經有一兩隻皮已穿窿最後就係-姥姥生煎包（3件）皮脆內軟，餡料多汁，熱辣辣整體幾好，不過開門唔太多人，店員可以安排客人坐入啲，因為比我更遲嚟嘅客人都係被安排坐門口，感覺唔似入咗舖內用餐之餘，亦令人欣賞唔到舖內裝修格局，服務都殷勤，唔會客人一食完就即時收碟（因為咁樣好趕客），茶差唔多飲剩三成都會好主動斟茶，留意到客人用餐需要，很好！只係已食飽臨埋單已發現自己出晒汗，所以冷氣可以調高少少就更好…Read More

平時想食越南嘢會去沙田越北，但總係覺得太遠⋯咁啱尋日去元朗買嘢，印象中附近有間越北分店就去搵食喇入到店內已14:33，啱啱走一輪客人，職員忙於執枱，但唔會因為忙而黑面或者無視我嘅存在，仲好勤快幫我執枱、落單、甚至細心到問我要唔要碗仔餵小女用餐，咁忙都咁細心、又好態度、笑容，真係好難得⋯先到嘅係酸辣無骨鳳爪同埋椰汁冰，鳳爪同埋配菜好入味，溫度係冷盤嘅溫度，唔會因為存放喺雪櫃而凍冰冰，椰汁冰亦無化水再到嘅係香茅豬扒湯檬，出晒煙、滾燙嘅湯底啱晒我，食湯粉麵湯底唔夠熱係好扣分，尤其我要一邊餵小女食，好多時到我自己食，湯粉已經凍晒，但我食到最後，湯底都仲可以keep到暖，實在難得喺沙田越北食香茅豬扒次次都係又薄又乾爭爭，今次我終於發現原來越北嘅香茅豬扒唔係真係咁差，因為我終於發現厚切，啖啖肉嘅感覺真係好好用餐期間，職員都好親切，間中有撩吓小女，大家傾吓計，好有家庭餐廳嘅感覺，食物溫度好好，該熱嘅熱、該凍嘅凍，連職員都有令人暖心、窩心嘅感受，我相信依間越北會係我去多啲元朗嘅一個籍口…Read More

因為鍾意飲茶，又鍾意食小菜，上網search後決定今晚試吓元朗世宙-壹籠入到裡面，環境無一般食肆嘅迫枱迫櫈感覺👍🏼，很寬敞，冷氣亦足夠，望落環境亦很整潔，坐底睇餐牌後，發現有最愛嘅水煮🔥，但因為唔食牛，就膽粗粗問吓男經理可否轉肉片，係可以嘅🙌🏼再叫咗兩隻乳鴿，優惠價$28一隻，跟住叫咗黑蒜蒸鮮排骨、黑松露鮮蝦春卷同埋糯米釀雞翼，好可惜發雞盲剔咗柚子蜜雞翼😓食物方面：水煮肉片-味道夠，底下嘅薯粉亦唔係敷衍兩注乳鴿-多汁脆口，一啲都唔乾黑蒜蒸鮮排骨-份量亦很足夠，大碟黑松露鮮蝦春卷-沒有油膩感，很脆口柚子雞翼-外脆內多汁味道、食物溫度、質素，都明顯係即叫即整👏🏼👏🏼估唔到咁高質，每位員工服務態度亦好好，值得出帖讚揚，不過，我下次一定要試糯米釀雞翼😉…Read More