專業 食家's Profile

今次來食大喜屋，星期日例牌full booking，想食嘅朋友最好提前book位啦！大喜屋算系比較高質的日本放題，刺身同炸物最好食。　先講刺身，必叫嘅有三文魚、油甘魚、蟹腳，刺身好鮮甜，入口即融，齒頰留香，一定唔會令你失望。壽司都好好食，特別系鍾意黑松露的朋友，黑松露配搭唔同刺身，正！花之戀唔只有三文魚，仲有三文魚子、芒果，食落唔只有三文魚的鮮甜，有魚子的多汁，仲有芒果的香甜，配搭一流！到我最中意食嘅炸物出場啦！大喜屋的天婦羅無得彈，外面脆得來，入面仲保留到食材的原味。首推番薯、南瓜、茄子天婦羅，用料新鮮，番薯、南瓜好甜，茄子好軟熟。特別一提炸丸子，我食左芋頭、榴槤炸丸，小丸子餡料十足，榴槤炸丸仲有爆醬效果，如果系榴槤控嘅你，一定唔可以錯過。講下鍋物－－人參雞湯。人參雞湯幾入味，但略苦，適合天氣凍時食，好滋補。最後講下甜品，豆乳味雪糕好食，濃厚豆奶味，唔會太甜。其他甜品都正正常常，其中Tirumisu 同木糠布丁比較好吃。總而言之，日式放題來講，大喜屋系多選擇得來，食物質素有保證的一間，值得推薦！…Read More

今日同朋友去tst行街,經過見到吉列牛專門店,感覺好吸引~一於入去試下!裝潢整潔,燈光柔和,唔錯唔錯!我同朋友都order左牛吉列御膳!牛吉列御膳好豐富,有湯,有前菜,有溫泉蛋同主角吉列牛!麵豉湯濃味夠咸,前菜龍蝦薯仔沙律味道好特別,幾好味!自家製漬物係菇黎,食落好開胃!溫泉蛋用黎沾吉列牛食或攪勻撈飯食!吉列牛裏面色澤紅潤,外邊包住脆口麵包糠,賣相吸引!每邊大約煎10秒,肉啱啱好熟,肉慢慢變成啡色!吉列牛食落口感好腍,一d都唔韌而且充滿牛肉鮮味!肉汁亦夠多,唔會乾,好味!沾吉列牛既醬汁有6款,我就最like岩鹽+燒汁啦!尼兩款最襯托出吉列牛嘅肉味,係最夾既!整體黎講質素相當唔錯!享用既牛肉很高質!滿足的一晚!…Read More

好耐冇食放題，於是黎到尖沙咀大喜屋一向都出名好食既大喜屋依舊多人，環境算唔錯，位置尚算寬敞～落單紙有兩大疊好多選擇～仲有haagen dazs同movenpick雪糕 不過限每人一杯～首先黎既係牛舌，豆腐同溫泉蛋，牛舌燒得幾香，肉味幾濃，豆腐同溫泉蛋就平通～之後係刺身三文魚同蝦都幾新鮮，三文魚好厚身又爽口，唔錯！燒鰻魚好厚身好大舊，質地好軟熟～雞軟骨好香口，調味得唔錯！焗帶子味道都唔錯，好多芝士，但醬汁蓋過帶子味道。最中意食係依個香芋丸子！！芋頭味唔算濃，但幾軟滑，個皮好煙韌好脆，好好食忍唔住encore!! 隔離果粒係炸榴蓮，唔多食榴蓮既我都覺得幾好食！最後長形果個係炸鮮奶，比想像中好食，幾香奶味，但略嫌皮太厚。最後係甜品！甜品都有驚喜～牛奶布甸好滑溜！仲好香奶味～中間係焦糖芝士蛋糕，出乎意料地好食！唔會太甜而且都幾滑～兩款都有encore!! 不過綠茶紅豆mouse就普通，綠茶味唔夠出，有點過硬。總結而言依間放題食品質素好平均，刺身熟食甜品都唔錯，但價錢略嫌貴，試一兩次無防～…Read More

O係圓方睇完戲，揀左呢間台灣菜試下，野食選擇好多，要左一份三杯雞，魯肉飯，菜脯煎蛋同紅油抄手。紅油抄手少少辣，皮好薄，餡多，做得唔錯。而菜脯煎蛋就幾抵食，好大份，蛋餅好厚身，煎得金黃色，入面仲keep到濕潤，有菜脯o係入面爽爽地，幾好味。而三杯雞就用石鍋上，個汁一入口有dd麻，之後味道就甜甜地，用黎送飯都唔錯。最後既魯肉飯飯粒分明，魯肉半肥瘦，不過就細碗左d. 飲品方面幾中意呢杯雙圓冬瓜茶，入而加左細細粒既芋圓，比加珍珠有新鮮感。…Read More

呢間西餐新開無耐，裝修好令，樓底高，有bar枱位比人飲野，幾好feel，野食唔貴，飲野都係5-60一杯。點左2杯mocktail, 好大杯，happy hr好抵飲，特別係relax好好味，係mango+coconut milk既沙冰。之後既煙三文魚沙律幾大份，醬汁可自選，我地揀左芝麻醬，沙律菜爽口，最有趣係加左西瓜，好fresh.Wa, 呢份啤酒烤雞賣相好得，雞肉幾嫩，而且有小小啤酒香，配左好多蔬菜感覺無咁膩。全晚最好味係呢半份pork ribs, 好多肉而且煮得超淋，個汁好濃好好味, $88幾抵。甜品要左呢個勁邪惡既烤棉花糖香蕉朱古力批，半溶既棉花糖加朱古力有d漏~…Read More

平時都好少食中菜, 今日同行朋友話要食中菜所以就下佢. 呢間餐廳平日夜晚都好多人等位, 真係咁好食?@@ 野食都好多款, 夜晚都有點心食, 叫左一籠蝦餃, 厚切叉燒, 飯焦鳳凰蝦, 花枝片炒秋葵同埋菌皇醬蒸淮山. 野食黎得好快, 蝦餃大大隻, 皮夠薄好多蝦, 唔錯. 厚切叉燒半肥瘦, 但瘦既部分就唔夠滑, 好彩夠多汁. 飯焦鳳凰蝦原來係炒飯入而加左飯焦, 食落好有口感, 脆脆地又香口, 而蝦亦有好多隻, 幾爽口, 呢個飯幾好味. 花枝片炒秋葵平時好少有, 秋葵係好有益既食物, 不過就唔多中意佢個口感, 加左醬汁炒又幾惹味wo, 好食過日式食法好多! 平時真係無咩幾可會食到蒸淮山, 淮山好粉, 上面係自家菌皇醬, 加埋咸咸地香香地又幾特別. 本身無咩期望, 但最後都有驚喜, 有時食厭左西餐日本野食下中菜都幾好呀XD…Read More

同朋友黎呢間Oyster bar晚飯, 餐廳地點唔算方便, 但網上見到d生蠔幾平所以黎試下~ 最平日$9就有一隻, 不過我地就揀左$18既USA Yellow stone, 買5送1, 生蠔size唔細, 海水味都濃而且爽口, 呢個價錢幾抵食! 之後點左一份羊仔架, 羊架煮得好林好香, 味道唔錯, 有4件都算多, 不過配菜就比較少, 只有一片煮蘋果, 但勝在名特別, 都幾好食. 之後就叫左牛肝菌意大利飯, 賣相就一般, 但食落幾creamy, 飯粒有口感, 入面有蘑菇粒, 份量唔太多,2 個人share岩岩好. 最後呢個慢煮牛柳係全晚最有驚喜既, 牛柳好大件, 慢煮到8,9成熟, 肉質依然軟林, 牛味都濃, 做得唔錯, 而旁邊加左酸酸甜甜好似果醬既汁幾特別…Read More

今日黎左依間一直都想試的台式火鍋店，有別於一般港式或日式火鍋，依度既湯底、野食同飲品都有台式風味～環境不錯，張台夠大，可以擺好多野！而且周圍都好闊落，唔會話太嘈吵～依個係個set包左既野，不設任食，另外部分配料都有得任食～其實淨係依度包既野已經好多！我地兩個人食完依啲都已經食唔落啦haha!!首先湯底揀左紅燒牛肉，佢係好似雞煲咁，本身有好多牛肉係煲入面，等你食完先加水變火鍋～牛肉煮得好林，幾入味，唔錯！而且份量真係幾多～醬汁配料就同平時打邊爐差唔多～上菜好快，好快已經擺滿成枱野～肥牛算多油花，真係好軟熟，眼看薄薄的，其實好鬼厚！煮完擺入口，係有融化的感覺，成口都係肥牛的油香，無得彈！火鍋拼盤十分精緻，有墨魚汁烏結糖、黑松露海鮮軍艦、黑松露蟹肉餃、三重芝士鮮製墨魚丸等。每一樣都係特別自家製，好有心思！當中丸類都幾有驚喜，每款都幾特別，唔錯～滷水雞翼、牛肚、豬耳、大腸等，普通滷味，不過不失。但系值得一提的係紫薯水晶包，晶瑩剔透，煮完成粒紫色水晶球甘，好可愛，食落又好香紫薯味，好好味！依度既飲品真係好大杯！！！左邊係朱古力珍珠奶茶，好濃朱古力味，但飲得多會漏，加上打邊爐都偏油膩，建議叫啲清啲既野飲～右邊係香芋珍珠奶茶，幾香香芋味，比較冇咁漏不過都係飲得多會好飽...整體黎講食物質素唔錯，份量亦好多，可以一試～…Read More

今日去左茘枝角D2 Place答周末市集，係隔離既工業大廈發現上面原來有好多餐廳～於是試左依間美式野～環境唔錯，裝修幾有心思～首先叫左杯ginger beer，有淡淡薑味，不過就冇乜啤酒味，但都幾好飲～芝士條外脆內軟，入面滿口芝士，點埋醬，好香好好味！芝士控唔好錯過！炸魚分量十足，魚肉好嫩滑，外皮好香脆，加埋沙律醬，雖然有點油膩，但值得一試。薯條無得輸，有小小辣粉，更加好味。成個餐份量十足，好飽啊！呢個系一個set dinner，跟沙律、薯條、飲品。薯條炸得岩岩好，原味無辣粉，鹹度適中，好味！呢個Burger 好多汁，入面有培根、牛肉、炸洋蔥、生菜！塊包好鬆軟，牛肉唔會太熟，多汁夠味。培根有小小過硬，不過洋蔥圈好香好脆。成個包好好食，好值得試！香蕉味雪糕配蘋果Caramel ，外脆內軟，入面好多蘋果肉，一凍一熱，有冰火兩重天的體驗！蘋果香加香蕉味，我就真係抵擋唔住！雖然係星期六夜晚，都唔係好多人食，有點奇怪...其實價錢合宜，環境也不錯，地點可能唔係太多人知，所以呢間美式餐廳就被遺忘了，試完係唔錯嫁，去下啦！…Read More

餐廳環境很好，檯與檯之間不會好近，傾計十分自在，而且沒有時限，可以慢慢傾不用趕，好適合慶祝特別日子或姊妹間想傾計！食物選擇很多，由於只得兩人，怕食唔哂，所以只點了生蠔、一個頭盤、一個主菜及一個甜品。生蠔買一送一，好抵食！！而且帶有成十八種可揀，有不同產地的，也有濃味淡味的選擇，好值得推介！平時很少食生蠔，所以不知如何入手選擇，店員的知識很豐富，向我們細心解釋每款的不同之處。最後我們選了irish premium和ostre disms，前者屬於淡味，後者屬於濃味。我十分推介初次食生蠔的朋友試irish premium，這款不會太咸，而且很鮮味，質地creamy! Diams 那款蠔味十分重，不是人人會喜歡。頭盤terrine and scallop salad，鵝肝份量算多，而且好滑，配合黑醋沙拉汁去掉了油膩感。帶子切得太薄身，如厚一點口感會更好。主菜選了truffle risotto，上菜時已經嗅到好濃的truffle味，truffle汁很好，但飯比較硬身，建議不喜歡飯太硬的朋友選pasta。甜品選了我最愛的朱古力心太軟，蛋糕外層好薄身，不會好實，內的朱古力醬很流心，朱古力味很濃而不會太甜。…Read More

我同朋友一向都喜歡食中菜，今日黎左樂天皇朝，主要黎試佢既八色小籠包。為左試齊八隻味，我同朋友貪心地一人點左一籠。八色小籠包($98)食八色小籠包係有次序，要由最淡既原味食起，然後食人參味，再順時針食到去麻辣味。上菜時，待應千叮萬囑叫我地唔好點薑醋，因為薑醋會蓋過每個小籠包的味道。整體來說，小籠包皮的厚薄適中，質地煙韌，不易被筷子夾穿。內餡十分多汁，而且沒有油膩感，口感十分好！原味（白色)的肉汁很鮮味；人參味(綠色)係我既最愛，小籠包入面有滿滿的參湯，參味濃郁，好想淨係encore依隻味；鵝肝味 (啡色）一入口時並不覺得有鵝肝味，但其後鵝肝味漸漸滲出，但沒有鵝肝那種很油很膩的感覺，十分令人驚喜；黑松露味（黑色）我本身好期待，因為我鐘意食黑松露，可惜松露味道比想像中淡，可能係我太高期望；芝士味（黃色）雖然冇期望既拉絲效果，但芝士味尚算香濃，同小籠包出奇地夾；蟹粉(橙色)小籠包都幾足料，見到入面有唔少蟹粉，滿足；蒜香（灰色）小籠包非常香濃惹味；麻辣味（紅色）則有點令人失望，因為完全沒有辣味，只有點點麻味，不吃辣的朋友亦可以試這款。其實一個人食完八粒小籠包已經飽飽地，不過我地仲有叫d小菜食。李白醉雞($78)知道依度除左八色小籠包，醉雞都係招牌，所以點左一客再加左$10轉雞脾試試。醉雞脾果然冇令我地失望! 雞肉非常非常嫩滑，而且酒味澈底滲透晒落d肉到，完全食唔停口!蘿蔔絲酥餅($38/3粒)外面的酥皮炸得有點乾，而且酥皮較厚身，口感偏硬，蘿蔔內餡很不錯，香甜多汁，酥皮如果能更鬆化就好。肉碎欖菜乾炒四季豆($75)食左咁多肉，當然要點返個菜中和下。依個四季豆炒得好夠穫氣，伴埋豬肉碎同欖菜食，咸香而不膩，送酒應該一流。我地每顯低估左一籠小籠包既威力，點得太多，食到好飽 不過除返開都係每人二百幾，都算幾抵食! 下次一定會再黎試埋其他菜式!…Read More

早幾日，來呢長沙灣呢間餐廳食飯，野飲野食都唔錯，最驚喜系北京鴨卷同甜品！餐廳裝修好特別，以火車做主題，牆邊仲有螢幕播住風景，模仿火車開動叫左波蘿椰子特飲酸酸甜甜，做凍飲一流，開胃！而且個杯同杯墊都好令，配合火車主題熱朱古力加拉花，賣相取勝！北京鴨卷好似Keba ，不過係本地特色的Keba。厚厚的面皮入面係洋蔥，青瓜，幾舊鴨肉。麵皮經過烘烤，所以有幾香同脆，不過有D過厚。不過鴨肉就好鬼juicy 配埋濃烈的洋蔥同清淡的青瓜，好食又飽肚，正！                        墨西哥辣肉醬配脆酸忌廉牛油果醬，都幾特別，記得以前去外國就成日食呢D。辣肉醬唔係特別辣，配脆脆有D dry 。不過牛油果醬配脆脆就一流，搞到最後D脆脆只能配辣肉醬，牛油果醬如果可添加就更好啦！                        海鮮幾好食，D蝦，青口，食落幾新鮮。不過墨魚筒就可以再香口D，西班牙炒飯好似唔夠火候，飯有D硬。                        個甜品好驚喜，賣相無得彈，睇相就知啦！frozen cheese 夠凍，甜而不膩，切開舊cheese ball 入面流出raspberry soda ，甜甜地，加上底下既mix berry curd同cocoa nubs，酸酸甜甜咁，口感不錯，又幾靚，值得推薦！總結餐廳環境特別，食物亦不錯，甜品尤其出色，值得一去…Read More

黎尖咀行開街，聽人講呢度有粗口啤加串燒黎試下本身想要青檸味但賣哂 :( 唯有要甜橘微辣味飲過都ok，但無想像中既辣味有d失望，下次要試番青檸先得！野食先來一客雙重芝士燒豬頸肉，芝士控必叫之選！芝士塊加芝士粉真係無得輸。芝士塊加熱後溶落豬頸肉度好正，d粉就跟住d熱力痴係上面，yummy燒雞泡魚干，上台果陣係熱既，配沙律醬食岩哂黎到招牌火焰叉燒！！waiter 會係上叉燒既時候既時加d酒精，然後開火做火焰既感覺！酒精味唔會太濃，酒精濃度較低左，叉燒食落有少少焦味唔錯用火槍燒叉燒既表面好正之後要多個豬仔脾，肉質幾嫩，但又唔會鬆散哂，唔洗加七味粉都夠香，食番原汁鮮味最後要多串安格斯牛柳粒同燒芝士丸，無太大特別~~…Read More

weekend黎灣仔食好野呢間日本野係QRE plaza 都幾就腳，呢棟野不嬲多野食頭六款價錢比較高端，岩鍾意刺身既朋友仔試木槙lunch set 選擇十分多，選左好耐先決定要第十款既蒲燒鰻魚定食 $198個set 既presentation 好grand, 有面豉湯，小小既沙律鰻魚飯份量好足！燒得唔會太焦，個皮食落仲脆脆地，唔錯，個鰻魚汁都落得幾足，甜甜地，正飯粒軟硬適中，男士表示有多少少就更好配埋三塊三文魚，刺身好厚呀，真係意想不到完左主菜仲有小甜點送，不錯~…Read More

專業食家又周圍試下新餐廳！今次揀左呢間西班牙菜，貪佢夠特別！野食有多款tapas，仲有西班牙海鮮飯同好多燒烤類食物揀。先試兩款tapas小食，Tapas先要左個炸茄子配山羊乳酪，wa, 賣相估佢唔到，原來d芝士係包左o係炸茄子入面，外皮好脆，入面有好濃芝士味，反而茄子唔太突出，呢個tapas幾special幾好食。西班牙銀鱈魚蛋餅 (Tortilla como en Donosti, con primisentos y bacalao) $68另一tapas就係平時成日見既蛋餅，呢度用左鱈魚做，入面仲有薯仔粒，個鱈魚咸咸地，薯仔又香又林，好食過之前食過其他地方既蛋餅！主菜要左西班牙乳豬，呢個十分推介大家，真係好味，個皮好脆，入面d肉唔鞋仲好多汁好嫩，旁邊有燒汁同蘋果蓉醬，夾蘋果蓉醬食好正！甜品有4款，最後簡左Churros 伴香草雪糕同朱古力醬。甜品就無咩驚喜啦，churros係熱辣辣既，不過無咩味而且好鬆散。野飲要左fuji apple sangria, 入面有white wine同apple cider, 偏甜但都唔錯。…Read More