BingkiFung's Profile

眼見乾炒牛河係廚師推介，就落單試下，點知中晒伏🥹🥹 外表正常，但內裡出晒事☹️☹️啲河粉炒到好碎，啲牛肉就更加冇得頂！我都明白一碟乾炒牛河，總有機會有幾塊難𡁻啲既牛肉，但我真係無諗過，可以成碟牛都係𡁻唔到！舊。舊。咬。落。都。好。似。橡。筋無論係大塊定細塊，咬落都係好似橡筋咁⋯⋯ 俾幾塊食得落肚嘅牛我都好🥲🥲 我好神心逐塊咬，然後逐塊吐出來⋯⋯ 自問啲牙齒都齊整健康，但我排牙真係無能為力，格硬吞落肚都難為了肚皮⋯⋯ 真係強烈不建議大家叫乾炒牛河⋯， 炒車機率都好高，祝大家好運🙂🙃…Read More

最近在新蒲崗發現到呢間魚魚魚，原來係同荃灣嗰間係一樣，而新蒲崗呢間分店比荃灣嗰間乾淨企利好多～個魚湯真係好正！既鮮甜又無落好重既胡椒粉去驅走魚腥味，真係當湯飲都得！如果叫泡飯既話，佢地仲提供咗兩個食法，一個係好似平時啲湯飯甘，飯落埋湯一齊上，一個係湯同飯另上！湯飯另上即係變相好像食小菜甘，有餸、有飯、有湯！推薦大家不妨試下～今次我叫咗生炸豬扒，口感鬆軟又香口，正！另外個飯都值得一讚，因為無論你食得幾慢，食到最尾啲湯飯都仲係一粒粒好靚仔，唔會變咗發水麵包，呢樣出面好多湯飯都做唔到架👍🏻👍🏻👍🏻…Read More

新年期間四圍都係人，想同朋友搵個地方食飯之餘又可以坐好耐慢慢傾計，最後嚟咗Outback~ 由七點坐到last order先走，計落都算係划算😆一般人嚟outback都係食扒，我地都不例外，叫咗份Filet Mignon + pasta + 小食拼盤 + 炸蘑菇～不過講到尾，我最鐘情於個黑糖包😋 熱騰騰配上凍牛油，最緊要係可以不停refill! 如果想慳啲食，埋單俾少啲，有兩個tips想分享1. 食多幾塊黑糖包打底，陣間叫野食自然會叫少啲，易啲有果腹感2. 去outback前一日download佢地個app做免費會員，第二日去食埋單可享9折優惠！用咗呢個優惠既話，計落就同免加一差不多，甘食抵好多！…Read More

本來都對呢間店印象唔錯，但服務態度真心差😡😡！經理同侍應再加個餐牌都必需要再調整下囉！😤😤埋單嗰陣經理話個湯底要收$88。我地就奇怪喇，點解剛才個服務人員話全包？醬汁都有另外收費，甘「全包」即係咩意思？然後搵經理了解番，因為個侍應真係話一嚟呢個就係椰子湯，係用「全包」呢個字眼。喺入座時沒有提過椰子湯也是要收費，再加上個menu都無一項寫著係清湯或椰子湯係幾多錢⋯ 要俾錢唔緊要，但由一開始都沒有說明過，仲要喺張單上面寫「廚部手寫單」$88，甘呢句又代表咩？廚房落單都要收費？成件事勁古怪成個過程中，個經理一句「對唔住」都無講過，仲叫我搵番個侍應出嚟，叫佢俾番錢！成件事情處理手法好有問題！餐廳侍應確實係講得唔清唔楚，俾咗錯誤訊息我地，而個menu同收據亦都係有bugs！身為經理仲要擺一張臭臉出嚟，覺得係我地懶皮唔俾錢甘，亦無即時話會再教個員工點樣同客人做介紹等等既補救措施！完全不負責任地重複叫我地搵番個侍應俾錢然後行開咗，勁無懶！勁不負責任！服務態度非常差！食物普通都ok，肉片都係有厚度而非薄切的，椰子湯清甜，不過原來加湯又要另加$40，話係因為真係開個椰青，所以最後都係加水同加水～總括而言，食物幾好味都無用，啲侍應甘既質素，經理不負責任連道歉唔識，啲甘既餐廳之後唔會再光顧，亦以我地呢個故事為鑑，餐牌上無寫既野都係會收錢架！！埋單先知要硬食呢下感覺真係好差好差！期望以後無相同既事件再發生！！！…Read More