or#Tm65254579's Profile

朝早叫左個外賣，已經俾錯左我，我打番去店舖同番員工講，仲態度勁差咁話我：俾錯左咁你想點呀？搞到完全無胃口食因為趕住番工，我話無時間黎換番，個員工態度惡劣話：咁你咪宜家即刻黎換返囉！我話我趕住返工點過黎換個員工話：咁你想點丫又！唔關我事架啦真係好嬲，俾錯外賣仲要話唔關佢地事態度好我都無事，食到成肚氣，個呀姐d態度大聲到我諗在場食緊早餐既客人都聽到佢點樣大嗌之前食過一次員工態度都唔係咁差，雖然唔好食。…Read More

前日買咗外賣返屋企食，發現俾少左份雞翼，於是打電話上面個電話去餐廳，點知打左好耐都無人聽。因為我係食金寶越南，無人聽電話情況底下打去金寶泰國，我告知佢地琴日係金寶越南外賣，比漏咗份雞翼我，一聽電話個伯伯就話我份雞翼係加單，一俾外賣我屋企人就急急腳咁走，佢話份雞翼整好左之後趕出黎已經唔見晒我哋，係我地問題。張單係同一張單，我唔知道原來俾完成份外賣我地之後，我哋係仲要企喺度等，同事亦都冇叫我哋等多陣。我都同員工講我地真係唔知，如果員工都不停講係我地問題唔緊要，我再反映番琴日叫左個馬拉盞炒通菜有少少味好怪，而嗰位男員工就話：我哋啲菜日日都新鮮，冇人投訴過話難食，係你哋依家人有問題….佢就即刻叫左另外一個自稱係經理既女士同我講，我話我只係反映個菜有問題，我亦都無叫你哋退錢，同埋嗰位男員工真係令到我好難受，我問佢各位男員工叫咩名，佢就話果係老闆d親戚，你點都冇得投訴佢，話佢已經走左。(但係其實我聽到佢喺度嗌：落黎搵我囉！點呀！）俾錢買難受，員工原來係老闆d親戚所以態度幾差都冇問題👍🏻…Read More