sammy521llp's Profile

經過好多次都想試下，今日終於試到，入內樓面姐姐熱情招呼，開茶點菜便送上足料例湯～好飲！！荔芋紫菜卷～香脆好食👍芙蓉涼瓜煎鮮竹～好特別😋好好味嘅什錦齋… 略為鹹咗少少嘅廈門炒米食到好飽要打包之際，還要送上番薯糖水及糕點，唔好睇佢哋係送嘅…都係非常足料絕對有誠意之作👍👍👍…Read More

在一個平常日子裡包場食咗一餐好有誠意嘅泰菜，由於可能新開嘅關係，食咗成餐飯都係得我倆老闆係正宗半個泰國人，請嘅係正宗泰國廚師，我哋食嘅係正宗嘅泰菜!雖然食嘅係幾個好簡單嘅餸，但食得出師傅嘅用心❤!炸蝦餅--食得出係手打嘅!黃咖哩雞配飯，由於我倆唔食飯，老闆好好人幫我哋轉咗做多士，但其實送飯真係一流!飛天通菜--睇落真係好普通，但個味道真係好味過荃灣其他泰菜餐廳! 酸辣鳳爪--酸辣度配合得剛剛好希望可繼續保持水準，店員仲推介我哋下次嚟食泰式燒海鮮拼盤。。。 期待下次再見!…Read More

食甜品係我哋幾個朋友飯後嘅指定動作，仲要每次都係4-5個人叫6-8樣嘢，仲一定會食得哂！但今次真係。。極度失望 諗住呢間新嘅甜品店 裝修唔錯 ，門口嘅menu都幾吸引， 就入去試下啦！因為夏天。。一坐低就一人叫一杯嘢飲先， 什麼火之戀，雪之戀 。。都係毫無誠意嘅作品 😓只係唔同顏色同味道嘅糖水加水加冰，已經知道伏咗！普通到連相都無諗過要影。仲叫咗個菠蘿金寶同蜜糖雞翼， 兩樣都係同一樣色就係炸燶咗嘅顏色。。菠蘿金寶 ～～真係可以用不知所謂四個字嚟形容， 從未試過咁難食嘅甜品，我哋只係食咗三分一就已經擺咗喺度，因為佢做出嚟嘅樣就係菠蘿放喺底，有啲碎濕濕燶咗嘅餅乾就咁放咗喺面，好似兩樣嘢係應該分開食咁樣！同埋我真係覺得如果一間食市連炸雞翼都可以整得難食嘅真係好難。。你勁你得咗！以上兩圖都是我哋食淨咗唔敢再放入口！其實我諗我哋真係叫錯嘢，係我哋唔啱 ，應該要叫番嗰啲大大隻字推介嗰啲甜品先得，什麼七成熟牛扒雪糕呀。。 炸雪糕之類嘅嘢會好啲！…Read More

突然朋友話想打一啲可以先飲湯嘅邊爐，就想起之前睇介紹嘅呢間金撈鴨湯！一去到坐低 ，我哋兩個人睇下想食乜嘢， 服務員不停問我哋需唔需要嗌咗嘢飲先， 我哋話等我哋睇睇 ，一個問完第二個再問 我哋唔想再有人犯 ，所以就先買咗個檸檬薏米水 ，同埋個富貴金撈老鴨湯底 ， 個湯底飲落去係唔錯嘅 ！很但係之後服務員就不停加水加水再加水 ，令到個湯就淡曬！跟住再慢慢點其他嘢食 ，其實都係一啲好普通嘅食物。。例如。。 所謂嘅本地手切牛頸脊， 絕對唔係手切！ 食落冇乜牛味 亦不嫩滑 蝦滑墨魚滑雙拼， 份量太少 新鮮度亦不足 ，之前喺小肥牛食嘅 。仲好過佢！ 再嗌咗三樣冇難度嘅嘢 。。炸魚肚，順德魚腐 ，新鮮鵝腸係幾新鮮嘅，仲有個 炸響鈴 。。炸得一啲都唔透！其實全部都係一啲好普通嘅嘢， 結果兩個人埋單盛惠一千蚊。。 其實我同朋友都係邊爐精。 成日都會去試唔同嘅新餐廳， 試唔同嘅火鍋 ，今次試完嘅呢間 。。冇咩咁特別 好普通！…Read More