小愛瑪的個人專頁

推介芝士焗蟹蓋！啖啖肉，好濃芝士味。食完配上仲2隻蟹型的薑果凍，清清味蕾。無得輸！龍蝦泡飯個龍蝦湯好濃的龍蝦味，加上脆米同配料，感覺好得意。甜品樹原來已經冇咗。換左隻騰雲架霧的天鵝酥。打咭一流…查看更多

呢間餐廳係一個唔起眼的位置，好少人，好清靜。所以要介紹一下俾要求唔太急，要慢慢享受下午茶的朋友。2個下午茶餐$116 好抵食囉，食完唔使食晚飯。肉燥飯可以，個雙併粉正常，油菜好味喎，甜品幾好食（唔太甜），咖啡好飲。慢慢坐，傾吓偈。好舒服。推介…查看更多

今日中秋節（星期六）經過數碼港逛逛。愛奶茶的朋友想試吓呢間專業奶茶店。位置係Starbucks 對面，明顯價錢係二個唔同的市場。剛好係下午茶套餐時間，真係好抵，$10.9有一杯奶茶加一個蛋撻或菠蘿包。呢個價錢，冇得輸啦，冇要求啦掛。奶茶份量都大杯，有茶味。蛋撻係撻皮，好鬆化都好味。假期冇乜人，一份下午茶可以同朋友傾計，好relax 冇壓力，$10.9 坐1-2小時去邊度搵。我今次冇影相呀⋯大家有機會就試吓啦。總結：抵！…查看更多

經朋友介紹試下呢個蛋，點左好似好靚的雲朵蛋飯同埋梳乎厘pancake. 雲朶蛋飯（餐牌唔係呢個名）不似預期的味道。主要撈蛋黃，豉油，飯素。撈完的味道應該係冇得輸。但$108 的價錢就唔係好抵啦⋯⋯既然點左，影相打卡是可以的。甜品，原味 pancake ,呢個要推介一下，我試過幾間的pancake,呢間的蛋味係好濃，好香。值得一試總結：下次試奄列飯…查看更多

約左一班好朋友聚舊，見星期五唔駛返工，我哋好早就定左呢日。咁啱有張星期一至四先可以用的65折coupon, 我地揀咗呢間餐廳試吓。天有不測風雲，臨近放工，好多地方封路，又遇風球前夕落大雨，大家排除萬難，終於到達餐廳。一坐低望下餐牌，發覺真係非一般的貴，餐牌中鮑參翅肚，海鮮全部飛。我地叫啲普通家常菜⋯⋯志在坐得舒服，傾下計，吹下水。我地點左蝦多士，油左啲，好食妙齡乳鴿，好味😋燒雞，記得係燒雞不是炸子雞，呢個燒雞要介紹一下，佢好脆，好熱，唔油，加埋個桂花醬好好味，好特別，好清新。值得一試老干媽炒黑豚肉, 呢個餸炒得好惹味，有鑊氣啫啫生菜煲，新鮮的菜，好味道乾炒牛河，牛肉食材好新鮮，味道唔錯，係貴左啲黑松露蛋白炒飯，黑松露味令到蛋白炒飯去到另一個層次。甜品-豆腐花，豆味好濃，夠滑，一桶分三小碗芝麻卷，好濃的芝麻味，我平時唔會主動叫呢個點心，但呢個真係好味呀總結：環境好好，坐得舒服，食物新鮮，味道好。由於有coupon 的關係，7人個人$300。都ok 啦。下次會再嚟，要早啲訂片皮鴨…查看更多

好耐冇同呢位長輩食飯，原來呢餐就係餞行飯。祝大家生活愉快啦～原本今日餐廳係fully booked 的，放左我係waiting list, 點知臨時有位，我即刻轉啦。呢度真係請客的好地方。首先，環境舒服，上菜節奏慢，好適合傾計的飯聚。所以，當收到電話，二話不說轉啦。已經來過幾次，佢一段時間就會轉一次餐牌，所有食物由廚師發辦，唔使諗，星期日仲可以加$168加任食生蠔，都好抵啦。頭盤-鰻魚，帶子，每次上菜都有視覺享受，好主菜-龍蝦鯛魚好好食甜品-泡芙，水蜜桃，好味呀最後仲有杯餐飲，完美總結：請客一流，強烈推介備註：午餐的麵包係可以refill 的，我每次都會叫多份疫情後，餐廳好難訂位，要預早少少訂位…查看更多

父親節快樂！今日咁啱經過旺角，感受疫情過後的情況。波鞋街的確係好多舖頭拉閘，女人街亦冇左以前的風光。上到妹記，估唔到星期日中午冇乜人來喎。仲要有$49的午餐。包例湯同飲品。肉絲炒麵，估唔到的好食。同一般茶記，酒店的味道不同，好難形容。鍾意食肉絲炒麵的要試。粟米肉粒飯，食材新鮮，正常，好食食。乳鴿，炸得好好，但食材唔得，冇乳鴿味。蠔餅，炸得雖然硬，粉略多，都可以。總結：整體來講，係好抵食。星期日中午有午餐，真係超值。我會再嚟！推介…查看更多

之前睇OpenRice 見啲人食評唔錯，放左佢在會試清單上。見去附近staycation, 扮下偽日本之旅，就㨂呢間食午餐。經OpenRice 訂左12:00，11:15 收到電話reconfirm booking，叫我要準時到因為今日好full。結果，我好準時地12:00 到達。一入門口，見到張booking list,得4-5個。坐低望下周圍，未坐滿，可能未到齊啫。餐牌，冇set lunch. 再睇下入面，選擇有啲少。作為一間居酒屋，選擇不多，其實有啲想走。唔好意思的關係，求其叫左3樣嘢。濱燒，海鮮併盤，鮑魚未返揀咗第二樣代替甲羅，呢個甲羅幾好食，放上炒飯一齊食，別有一番風味。 海膽炒飯，大家唔好以為係海膽同飯一齊炒。上枱時係炒飯上面放2條海膽總結：以上盛惠$860連加一。好彩唔係好難食，如果唔係我更加難忘。要再寫多200字我或者要隔好耐先再嚟。備註：埋單時都係得4枱客。 $860其實有好多選擇。…查看更多

今日係附近staycation, 早上去公園晨運後去呢間懷舊粥店食早餐。小店雖然裝修舊，但入面算係乾淨。人情味濃。今次點左魚片艇仔粥，足料，有幾條薑絲辟味炸兩，正常炒米粉，都ok 。熱豆漿，佢係煲熱俾我。好有誠意。總結：建議大家有機會可以去試下支持小店。食完唔口渴，冇乜味精的感覺。…查看更多

呢間壽司店己經去咗二次。第二次的感覺都係抵食！要介紹俾大家。壽司新鮮，我諗呢個係壽司的重要元素。我覺得雖然選擇唔算好多，但起碼新鮮同平。有樣嘢係，呢度冇茶碗蒸架，喜歡食茶碗蒸的話要有心理準備。麵豉湯多料但味道一般，可以唔點。有樣嘢我建議唔好點就係$18-星鰻壽司，個樣好ok, 食落怪怪地，有唔新鮮的感覺。總結：預左唔係高級路線，但呢個價錢同食材的新鮮程度，我覺得可以接受，仲可以再嚟多次。重點係唔係好多人排隊嘛價錢：25碟壽司395+10%，我收貨了…查看更多

今日經過尖沙咀，突然好想食壽司定食，一定要返來食呢間舖的午餐。$138/set 壽司烏冬定食，有海膽壽司，其他壽司都新鮮，麵豉湯有蜆喎，蒸蛋有三文魚魚子，蟹肉。烏冬彈牙。呢個價錢，冇得輸啦總結：極之推介…查看更多

揀左呢間火鍋，發覺原來係放題。晚餐$348/位，啲嘢食不過不失。首先，食個刺身，都算新鮮，份量少左啲。當一個前菜食啦。之後，4選1要一個煲，我哋今次㨂左酸菜魚，味道是可以的，唯一不足係唔夠粉條。食完頭盤，揀個湯底開始打邊爐啦。個餐包一份靚牛肉&海鮮。之後可以用QR code 點餐&出去攞。但後加的食物種類不算多，牛肉都冇第一轉咁靚啦。如果，對火鍋好有要求及食量較多的朋友未必啱。今次我哋2個人，食量唔算多。所以，我都已經好滿足架啦。總結：整體唔差，但我未必會短期內再去試。試吓其他先…查看更多

原本諗住去買戲飛，無意中經過呢度。八卦之下發現原來有下午茶，星期六-日係2:45開始。好啦，就安排睇戲前飲個下午茶啦⋯⋯下午茶有2款，一款係high-tea 架$388/2位，一款係咖喱牛肉粉絲或豬扒包。3個人可以加$190/位食high tea. 我覺得3層架的high tea 啱我啲，有4款鹹點同4款甜點加一杯咖啡或茶。鹹點好味，甜品都幾特別。仲可以好悠閑地享受靚景，黃昏海景，真係唔錯。環境好啱週末relax,朋友聚會，傾計。由係冇乜人，係幾舒服的呢個價錢，值得一試…查看更多

今日假期專登同家人去呢度食早餐。如果第一次來食，要試吓佢的豬扒公仔麵白咖喱湯底+烤餅+流心蛋 （$41）呢度餐比起其他的茶餐廳/冰室早餐有少少不同。換下口味。總結：值得一試。…查看更多

原本今日訂左位，突然訓醒掛8號風球喎。手足無措。 問問餐廳，今日仍然營業。見今日原來的安排都取消咗，天氣都唔係好惡劣，我照去啦。其實，呢間餐廳我之前食咗一次Sunday brunch, 上次的感覺係味道一般，但環境同視覺係好舒服的。由於join 左會員，就試下週六午餐。抱住要慢慢嘆午餐的心情來食午餐，對食物冇乜特別期望。反而，今次食物味道有驚喜喎係視覺同味覺的享受我地揀左Taste of Craft $440/位，成個餐都好特別好好食。我揀咗幾道菜寫吓：頭盤有個雪糕，味道好creamy, 好fresh，好特別。個signature dish 好特別，造型似壽司，底下係好似脆米咁，好得意。我地加左$180 轉左和牛鮑魚。呢個鮑魚慢煮咗14小時好入味，值錢加錢。個鰻魚的煮法好似白鱔湯咁，好膠好濃好味。總結：好享受好慢活好味的一餐，加埋有會員折扣好抵食平過抵過某星級酒店的早餐。我問左職員，佢建議如果趕時間，千祈唔好來食，呢度唔啱你值得推介…查看更多