kakaABC's Profile

星期日我哋同行四個人，做完喜事諗住開開心心中午過去食晏！呢間嘢我哋唔係第一次過嚟幫襯，做嘅都係街坊生意，咁耐以來我哋都係食夜晚為主，今次係第一次食下午飯！我哋係C飛，C033⋯等咗大概半個鐘，我阿媽拎住張飛入去問佢點解你冇叫33反而叫咗34 ，我阿媽係好聲好氣好好態度去問嗰個職員，之後個女職員着西裝既再三強調佢有叫過33號飛，但係冇人應，我見到我阿媽喺度同佢擾攘咗一陣我就行過去問咩事，我阿媽同我講，我就詢問嗰個職員你叫完飛之後等幾奈先跳下一張？個女職員同我講頭先唔係佢叫嘅，佢都係啱啱接更，咁我話冇問題，你可以叫剛剛叫好嘅職員出嚟，佢就叫左個聲稱係「主任」既女人出嚟！嗰個女人一嚟就話佢有叫過33係我哋聽唔到，之後我哋就話如果兩個人聽唔到可能係嗰兩個人傾緊偈，但係我哋另外兩個後生都冇聽到，個人都冇聽到唔通四個個人都係有問題？ 仲要係你撳咗飛號你有冇叫多幾次又或者等人行過嚟？嗰個女人態度勁惡劣，堅稱係我哋問題佢係冇做錯嘅！我忍唔住爆粗喇….我話「無x野呀嘛？你口口聲聲話自己有叫過籌號，其實件事已經過咗去，你唔係應該諗吓點樣去解決件事嘅咩？而家係邊個錯邊個啱已經係無從稽考，有冇證據話你一定係有叫過籌號亦都有冇證據去證明我有冇聽錯或者我有冇聽漏？冇呀嘛……你作為前線你唔係應該去安撫個客話有籌號或者係有下一張枱會安排返俾我哋嗎？你而家竟然同個客對罵？」嗰個女人一聽口音就知道係大陸新移民，原本嗰個黑衫女人已經即刻安排我哋，我哋已經入咗去坐低，但係越諗條氣越唔順，我俾錢過嚟消費，今次餐飯點都有四位數字，如果諗住開開心心嘅一日點解我要喺度受氣食飯？食咗都背脊骨落啦⋯⋯仲要我係一個大肚婆，竟然同我係度對罵…. 雖然我都知呢間嘢係做街坊生意唔憂我哋呢啲生客，人哋有利是俾你，我哋冇自然當你哋地底泥！！唔怪之得家啲人返深圳消費，香港比呢啲新移民搞到七國咁亂…. 唔知大家有冇類似遭遇啦⋯⋯有嘅話可以一齊報東張，睇吓係唔係黑社會酒樓？！！…Read More

以前同我老公拍拖個時係呢間米線常客，但自從食過貴x園既米線之後就無幫襯過呢間….大大話話都幾年了…今日經過紅磡，突然好想食米線，甘入左來啦⋯點知…. 無論咪米味道/雞翼賣相/size 都真係差左好多～下午茶價錢加，算啦….物價貴，但至少份量呀，質素維持下好窩～可能自己大食左……Read More

如題份量少, 個炒蛋雪糕球都大過佢！Pat 蛋，我兩啖食完，如果係男人，應該一啖就好無左……唔知係唔係常餐先係甘…..態度差，店員係掉落嚟的！！其實我都幾想叫停佢問佢「咩料」….不過我啲嘢未齊，驚佢加料…..所以都係忍下口….唔知係咪老闆刻薄佢呢…個靚仔！荔枝角其實都好多餐廳選擇，下次寧願行遠少少或者過對面馬路😅唔明點解仲甘多人排隊……..$52，附近好多地方比佢好啦…..第一次食，試過就算！真係可一，不可再！…Read More

係附近返工幫襯過兩次甘大把啦⋯⋯食物質素分量都接受到！係服務質素有d搞笑….話說今日來lunch，我隔離個男人叫左豬手配薯條，之後佢問店員拎茄汁，個帶眼鏡瘦瘦地既女仔俾左支茄汁佢唔夠一陣，個個女仔問人地仲要唔要，因為隔離檯要用，之係問佢可唔可以用m 記個d茄汁包個男人睇落好無奈，又唔知點答佢靜係「下」左聲😅 因為連食都未食就俾人收返支茄汁🙈甘岩需要支茄汁個客就坐係對面，甘人地都唔知仲要唔要好…. 我見隔離個男人勁尷尬，佢有少少想拎俾佢的….🙈最後個個女職員見到甘，就Fing 下隻手「唉！算啦」就走左😅 （唔知大家幻唔幻想到個畫面）成間鋪頭，兩樽茄汁都無？ 😅 個職員答法又「gor 制」家窩…..…Read More

行到攰攰地，唔知食乜嘢好，見呢度開張左咁耐都未入過來試，今日就決定入嚟食個下午茶！入到黎，坐低跳落單，嗰個阿姐聽到應你但係都可以扮聽唔到直行直過！咁我叫另外一個落啦....好啦，落完單，我再叫嗰個阿姐（原本叫佢落單但無so我個個）拎杯熱水俾我，咁佢拎完杯水來直行直過....因為佢已經唔記得咗係邊一個客叫佢拎呢杯水！你行返轉頭，我望住佢，佢又望住我，跟住問我「係米你呀？」跟住我都燥燥地應佢「係呀！」之後佢好大力掉低杯水就行左去....個下午茶$43，我去前面大家食食30幾蚊個飯都唔使受呢啲氣啦⋯⋯或者前面廿幾蚊一個魚蛋粉.....整體來講，第一次試！但不會有下次！野唔係平過人！！…Read More

買左雙併飯，燒肉切雞飯 $22打開一睇，燒肉三舊，切雞切到一片片薄ee ，北寄貝刺身厚度啦⋯⋯ 飯量唔使講，少！原本唔諗住寫食評，所以係影相食左個飯但真係唔飽！女仔都唔夠食，更何況男人呢？$22 行前d都有燒味店係呢個價，唔好講送多與少，至少白飯搭夠！坦白講，唔明點解甘多正評！我覺得唔好買飯盒靜買燒味應該可以！因味道唔差！但真係太細舊我都試唔到咩味！！一片片甘我不如食返30幾40蚊個d飯盒喇，至少飽肚先！唔使依家食完唔飽又要再買過野食…Read More

岩岩係下面食左碗車仔麵，但我深信自己係唔會再幫襯！！！自從畢左業出嚟做野之後我已經有一段時間無食過呢度既車仔麵！當時我同我男朋友（現時的老公）經常係度食嘢！老闆都好好！大家都熟曬了！但出左來做野之後，時間唔夾，變到可能星期六/日間唔時先幫襯一次！但呢排，我發覺好似轉左手了！樓面/收銀都唔同曬！有一晚，我同我老公落去食飯，當試新野！原本我地好肚餓，我地2個人叫左3個菜，其中一個炸大腸！唔好意思，我地唔係想浪費食物，而係d野食太差了！！原完唔係個會事！可能連厨師都轉埋！我地食左幾啖走人了....所以決定以後唔會再落去幫襯晚市！但車仔麵反而味道同以前差唔多！所以有時想食都會落來食下！呢個食評，我忍咗好耐先至打出嚟！轉左人，無論服務還是食物質素都係令我大開眼界的！佢哋好似唔係好自在做生意！對上一次，我入去自己搵咗張枱來坐！當時成間鋪其實係冇乜人，入面啲枱直頭係冇人坐！我揀咗一個角落位坐底，即時有個男人好唔好禮貌甘喝住我「喂！小姐！你一個坐呢度啦！」我都呆左！我有無聽錯？「喂」呀.....直到今次，我見個個男人唔係度再入去！車仔麵嚟到d牛丸凍冰冰！！個湯底咸到苦！我即時同佢地講！有個女人（應該老闆娘）行過嚟話幫我換過，用隻匙羹筆走咗我另外未咬嘅嗰一粒！唔好意思都冇一句！好！算！食左唔夠兩分鐘，有兩個女人帶住兩個小朋友入嚟話搵媽咪，係呢度唔見咗媽咪！問可唔可以借電話來打一打！有另一個女人講「呢度無窩....係唔係呢邊個個呀？（指住我）」我心諗，個女人智商都幾低窩....如果我係佢哋阿媽，見到自己個女喺度扭計話要搵媽咪，試問我仲會唔會咁淡定坐喺度食車仔麵睇戲呀？？之後個老闆娘行過嚟話「呢度冇得借電話，你去第二度借！」之後個靚妹喺度扭計話「我係呢度唔見左媽咪，我一定要係度打電話！」個老女人就兇個靚妹，話「你話打就打呀？」當時我真係想拍檯！！擾攘左一輪，我女人堅決唔肯俾佢打電話！我就忍唔住大聲嗌「係唔係要打電話？我呢度有電話你用我嗰個打啦！」個老闆娘見到我咁樣就話肯借個電話比人哋打！我話唔好用佢嗰個，用我呢個打啦！之後個靚妹打完電話俾佢阿媽，個女人懶係好心甘係度解釋！我想講，借個電話俾個小朋友打下係米好難呀？依家人地唔見左阿媽緊係緊張家啦！甘黑心！俾在以前既老闆一定唔會有呢d事發生！真係希望你生意興隆！我估都好快再轉手…Read More

我食得最多次嘅日式料理餐廳入面呢間係唯一一間，無論晚市定係午市定食還是午市放題暫時都係首選呢一間！因為無論佢嘅食物質素定係服務態度我都認為係一流！亦俾個正評呢一間餐廳！我喺附近返工，lunch 有時都會上來食！因為佢價錢平，除咗定食仲有前菜湯飲品甜品再送小食！今日上來食，有少少失望！加價其次，無左小食，我都唔計較！最慘嘅服務態度令到我有啲跌眼鏡！！！！有位個時冇問題，平時一樣好好態度！但去到落order, 要劃紙，我睇唔到枱號喺邊所以漏空無顛！之後個男職員過嚟收紙，話「你下次寫返檯號窩！！」我聽到第一感受係「喝」！！我真係眼都凸埋...「哦！」左一聲！我望咗佢成2秒先識得俾返反應佢！如果唔係食放題，以後午市定食都可以唔使考慮！原本覺得加價都合理，但小食都無左，同平時其他餐廳定食有咩分別！仲要無啦啦俾人喝狗甘喝！！…Read More

疫情下，我去過甘多間餐廳，呢間係最好！每位客人都派一個膠袋裝口罩！場內每張檯都設有一塊板，阻隔飛沫傳染！防疫意識做得好足！下午去真係好抵食！一個餐40幾-50幾不等，已經有齊甜品，飲品，前菜，湯，小食！食晏已經好飽！仲要味道非常好😋現時餐廳好多，但好既值得推介既不多！希望保持水準！首次寫好評👍🏻👍🏻服務員都好貼心！見你食得7788，會問你需唔需要幫你上甜品等等！好有禮貌！已經推介俾同事朋友！…Read More

星期六晚，我同我朋友想去飲野！我平時都係係呢一帶消費，relax 的！諗住港漫去試一試其他！比較左幾間，行到呢間野睇吓餐單覺得OK就諗住坐低！點知我人都未坐低惡夢就開始！！我想坐低嘅時候，有個瘦猛猛既男人凶神惡煞咁走過來好大聲咁同我講「呢度唔坐得㗎！你見唔見到留咗枱家？」當時我以為佢係黑幫尋仇⋯⋯之後我同佢講我見唔到！我見到就唔會坐低啦！之後佢態度好串咁同我講「依家出面就冇晒位㗎啦！一係就坐入面啦」當時我道火已經標緊上嚟！如果唔係我朋友拉住我，我已經發左火！我大不了唔食！對我唔會有影響！尖東話晒都係半高級地方！我唔明點解會有間咁樣嘅餐廳喺度污染左半個海港！！之後再有個男人行出嚟我再同佢講返呢件事，佢都好客氣咁樣同我哋講話暫時得入面張枱！我相信佢哋已經唔係好想做我哋生意！因為佢哋同我哋講「但係入面張枱有還檯時間！最遲7:30要還枱！」但係當時已經7:05！其實我想講，我唔係志在食，我自在投訴姐！！我相信以呢一個價錢你去附近是但一間都唔會有呢d服務質素！！我寧願俾多少少錢幫襯隔離間意大利野！最後我哋當然冇幫襯走咗！去左隔離d餐廳！ 如果大家有能力去消費，我強烈建議大家去其他附近嘅餐廳！寧願比多少少錢都唔好幫襯呢一間！費事食咗都背脊骨落！！貼錢買難受！…Read More

今晚去買燒鴨半隻，講明要頭，個師傅都好明顯聽到！仲係入面同另一個講話我買半隻要頭之類添....好喇，返到來一打開個盒，無頭！我買半隻鴨，要半個頭係唔係好過份先？？呢間野轉過幾次手！但唔見佢有幾好！我唔會係呢間野食飯！只會買外賣，斬料！因為幫襯過既人都知呢間野服務「有幾好！」食飯我係寧願行多幾步去東城！諗住外賣快快脆！米搞甘多野！點知今次都係甘bad！真係沒有最差！只有更差！！！！以後買燒味，我都會行多兩步去埋東城幫襯算！呢間野？不會再有下次👋🏻…Read More

今晚諗住去食飯，入到去我坐個位置係睇唔到晚餐餐牌，仲要坐到好埋！我夾左係中間，左右都有客！我問個男職員有無晚餐餐牌，佢指一指出面！我望一望出面再望一望佢！我話「我坐個位係非常斜，睇唔到！」！佢對我笑一笑，話「出去睇！」但我左右兩邊都有食客，我夾係中間出入好唔方便！我唔明點解唔可以俾個手寫menu 我，我知佢地係有既！你講出來都好呀⋯⋯得3個餐！如果未試過既食客可以去領教下！間野唔使錢我都唔會再去！完！！…Read More

話說舊街方，我老豆去左某寶茶樓飲茶都幾十年！聞說開左間新的茶樓又幾抵過來試下啦！！次次來都主要飲早茶！其實食物質素唔算太差！幾好，又平！每次來，其實基本上都係要睇阿姐面色！叫天不應，叫地不聞！位都係要自己搵！我見街方街李，算！肺事同佢嘈喇！但今次！！！今次真係頂唔順！！！！！ 我扶住我老豆，80幾歲老人家入來，由頭搵到落尾都無位！我同我老豆講「無位窩...」諗住同佢去第二度飲！點知有個阿姐搭嘴，「自己搵位啦！」我當場火都來埋！即刻望向後面望住佢，大聲話「我都知！！我都無指意你地帶位啦！」個個阿姐掂行掂過唔會理你！第一團火，講到呢度停左！第二團火來喇！俾我搵到一張吉檯，岩岩埋左單走人！我衝過去同我老豆講，話個度有張檯！甘岩，執檯個個阿姐就係惹起我第一團火個個阿姐來！我已經好唔滿意！佢都知！佢執檯我放份報紙係度，佢掉左我份報紙！！🤬🤬🤬🤬☄️💥🔥我當場噴火即爆佢！呢間野做到老人家生意因爲真係勝在夠平！好多老人家都無乜火！ 自聞我家位老人80幾其實都好好火！只係佢見我係度爆左，唔使勞煩佢！但我地d後生如果唔係老人家話想來，我真係貼錢都唔會再來！！邊個過年想慳派利是的，呢間絕對係首選！我份人以事論事！但呢度捧送既姐姐係好禮貌的！但著綠衫個批阿姐！真係叫佢快d 食蕉啦！但都要間野挨得到過年！繼續係甘，命不久矣！！…Read More

Lunch 過去食飯，份量越來越少！但價錢又不斷加！唔抵食！！仲要侍應態度唔好！出送時間長！其實5，60蚊食個飯，附近大把地方可以食啦！仲要大大份！d女同事平時食靜曬既都話佢細份！唔夠飽！可想而知…Read More

見到藥膳養生鍋，都想試下，又女士半價點知上到去問下個女職員少少問題，個職員已經好唔耐煩！仲眼利利甘望人！秒嘴秒舌！D野好食到識飛都無用啦！幾百蚊邊度食唔到好質素好服務？百幾2百蚊都唔會好似你地甘啦⋯⋯講真，依家d餐廳有幾多可以長做？就算人地服務好食物質素佳都要摺埋！更何況你呢d新食肆，唔係每樣都要做到比人地好點立足呀？總之我就覺得呢間野全部女人去食係ok，半價試食唔好睇服務，但之後俾正價去食就一定唔會！…Read More