bibimeow's Profile

好耐未黎過樂富了，原來樂富商場多左咁多好野食，梨滿園是朋友推介的，既然大家都想食韓國野，一於試下啦~前菜好有誠意，五碟大大碟，不夠仲可以添加，店員十分熱情，唔知點乜好不仿問下她們哈哈前菜中我最中意泡菜，夠入味，辣度適中，很開胃令我們好快就清左一碟。食韓國野一定唔少得人參雞湯啦，我們只叫了個小碗的，但一樣咁足料，雞肉應該有一整邊~原條人參~還有不少薏米等等滋補配料，香濃軟糯，喝下去立刻醒神！這個海鮮煎香蔥餅我們特意選了加芝士，果然係正確既選擇！加了芝士特別香滑，魷魚丶蝦等都好多，趁熱食很脆口！我們人數不多所以烤的食材點的不多，不過原來每樣都幾大盤，所以好夠飽。例如呢個烤帶子係我至愛，真係好大粒！店家前期準備的很好，烤完就算乜醬料都唔沾已經非常好食。鮮甜爽口，肥嘟嘟好飽滿。大蝦呢個好抵食~大大隻，鮮味十足。同行朋友特別喜歡醬油蟹，她說比起她韓國食到的更勝一籌，醃得好手勢，仲特意叫左個白飯來配着吃~呢個係無骨雞脾肉，至岩懶人吃，啖啖肉，好快熟，香嫩入味。我喺出面好少叫牛脷，因為如果煮得唔好，好易會好硬，起初要自己烤我都有D擔心，點知原來咁好食！軟硬適中，好有咬口，唔錯！最後有一個驚喜，原來仲會送生果。靚橙夠甜哈哈~大家都好滿意呢餐~一定會再黎呢…Read More

第一次黎美林邨，想唔到會食到咁正既火鍋，特别依家天氣咁凍，食落去暖笠笠，好正！ 呢個黑豚肉火鍋（$188）完全估唔到咁大份量，上桌先知咁足料，有菜有肉，每盤都有畫板咁大，誠意可嘉，營養均衡，一定唔驚肥哈哈！蔬菜睇得出全部都好新鮮乾淨，擺得咁靚令人食欲高漲！特别個豬骨湯底要重點推介！未滚已經香味四溢，黑豚肉浸下去後又滑又惹味，蔬菜都好易吸收到濃濃的湯底，完全不用點任何醬汁已經好好食呢~我幅相影得比較差，呢個蟹丼另一邊仲有兩大塊蟹柳，真係好多配料，鮮甜爽口，一邊食火鍋一邊食下小清新，唔錯。忌廉蟹肉薯餅~很推介既炸物！粉漿厚度剛剛好，入面D蟹肉熱騰騰，甚有咬口，大滿足！ 呢餐唔係叫左好多，但幾個人都夠飽，所以唔貴，以質素來講都好滿意。下次仲想試埋刺身啊。…Read More

今天跟2位朋友到位於太子的老夫子餐館食晚飯。先上一層樓梯，門前擺了老夫子，大蕃薯的公仔，可供食客拍照。整間店是以黑白色調為主，並以老夫子中的角色作裝飾，桌子椅子，牆壁以至天花板，到處都是拍照點，像是走進老夫子的漫畫世界。是裝飾得很不錯的主題餐廳。餐牌DIECUT了老夫子的剪影形狀，非常可愛。我跟朋友2個人，點了2個主食：咖喱蔬菜飯，鐵板燒雞。飲品是熱玫瑰果茶，熱MOCHA。還點了2個甜品：店舖的招牌火焰雪山及焦糖吉士布甸。先說說主食，咖喱蔬菜飯，擺盤非常誇張大的一碟。咖啡汁微辣，不過不失。朋友的鐵板燒雞配薯菜，燒雞肉質嫩滑，大份又抵食。薯茸微甜也非常好吃。至於甜品側是讓人非常驚艷，這是我首次吃火焰雪山。火焰雪山上桌時，侍應先把我們座位的燈光調暗，再把預先準備好的液體淋上雪山上，即產生一些火焰，場面很浪漫。雪山外層是厚厚的蛋白，裡面有一層蛋糕加上結實的雲尼拿雪糕於底層。雪糕很好吃，份量非常巨大，2個人實在吃不下。建議多些朋友分著吃。最後不得不提的是熱果茶，水果先用杯子盛起，而茶則是用一個很大的試管狀器皿盛起，現代感十足。熱玫瑰果茶甜甜酸酸十分開胃，推薦給喜歡喝果茶的朋友。…Read More

諗唔到金記冰室竟然令我中意左食伍仁月餅呢！其實咁多年黎我一聽到伍仁月餅都好抗拒，因為細個時食個一個好難食既伍仁月餅，非常之硬同油膩。今年家人買來，我先發現原來金記冰室都有出伍仁月餅。家人吃過後極力推薦，不想試的我本來只打算吃一小口，點之竟然有驚喜!可口鬆軟，而且皮薄剛剛好，未食已經聞到很香的金華火腿和乾果味，質感不會壓的硬實實!沒有想像中般要好用力去嘴嚼，很清新感覺，特別適合怕肥膩的女仔食，明年必定會再買!吃完後打算影相先發現原來已經俾家人吃到一個不留! 只好和雙黃白蓮蓉拍拍照了。至於金記的雙黃白蓮蓉，我最喜歡是蛋黃的鹹香同蓮蓉十分配合! 低糖不單健康，口感亦變得更清爽呢！…Read More

上星期與屋企人再次黎食荃灣既金記，上次有好多菜式都未試，今日早放工可以約埋再黎了。父上最中意保衞爾牛肉汁，佢話估唔到咁懷舊既飲品都有wo,所以一見到餐牌好驚喜仲立即叫左，佢話同記憶中一樣好飲!有回復青春既感覺!仲讚做法正宗添~隨餐送既例湯都好高質，足料味夠濃。而且今次也有叫返生薑檸蜜飲，唔係好多地方有，出街食都有健康飲品架~之後叫左上次好想食但冇食既泰式可樂豬扒! 呢個我覺得係金記數一數二既招牌菜式! 很惹味!豬扒肉質軟滑! 又切得一片片好易夾入口，醬汁酸酸甜好開胃。 而半煎煮鹹菜魚煲係第一次叫。估唔到咁濃香。魚湯同鹹菜平分秋色，大家爭住飲! 乳白色的湯非常入味，好鮮味! 原條靚魚肉多又滑嫩! 希望呢道菜多d 出現啦，因為好似唔係晚晚有既常規菜式。至於椒鹽鮮魷豬扒，魷魚好大條，份量足，卜卜脆，佐酒吃的話風味一定更佳。鹹魚雞粒炒飯很清香，粒粒分明，配料好多，我至愛，家人則更喜歡重口味的焗白汁芝士龍脷柳飯，芝士超級多，但白汁調的剛剛好，濃厚而不膩，正!仲有好多菜式都有興趣試下，等下次得閒又黎先。…Read More

這家cafe多次在不同網站雜誌看到推介，既然住在荃灣區方便就腳，某個晚上就約定三五知己一同來試試。有幸朋友早了過來，我等了不是太久便能入座。店子小小(真的非常小)，走北歐mix田園(？簡約風, 看起來挺乾淨企理的。雖然位子比較窄，但朋友們擠一起，也不會太局促。我只記得影自己點的這個，既然這pancake是主打，當然要一試。這個草莓Pancake賣相吸引，即叫即做，所以溫度控制得剛剛好，入口鬆軟，個人覺得不會太甜，特別岩怕肥既女仔們哈哈。而且藍莓醬好多原粒，天然滋味，幾有heart,唔錯，雪糕求也不算細，混著吃一熱一冷感覺特別入味。價錢方面不能說是便宜...以甜品大小、質素、店面裝修、服務和等候時間各方面考慮來說，其實只能叫還算合理的價錢...可能期望太高，不算驚喜,不過不失，不過作為幾個朋友去試新野黎講，我覺得值得去的。順帶一提，因為即叫即做，大部分甜品都要等等等，而且不是等一陣...係等好耐(~20-30分鐘...)有d餐牌上的款式仲未必有....所以趕時間既話真係要三思...…Read More

大家向來對便利店的印象多數是方便但不便宜，其實好多時7-11都有不同的推廣優惠，若碰上有適合自己的產品時，真的比外面廉宜更多呢。例如7-11的熱賣點就是醫肚的好地方! 這期碰巧遇上我至愛的咖喱魚蛋特價，10元10粒，每粒都比許多街邊檔還要大1.5倍，我覺得非常不錯呢，而且便利店長期有冷氣，咖哩汁比較新鮮乾淨，不會像有些小店為懶得再調汁而弄得十分咸，魚蛋亦不會泡得太軟，保持到爽口彈牙感! 讚呀! 抵食夾大件!大家不要以為便利店的食物就不值一提呢，只要多些留意，隨時有驚喜!…Read More

今晚去了荃灣新開的懷舊冰室金記冰室吃晚飯，冰室裝飾正如名字所言懷舊，枱面的擺設亦有特色，有蓋的溏瓷杯亦是好多人以前童年常用，用乒乓波放設計的菜譜更是吸晴，很有心思。先來一個例湯，濃濃的香味，真材實料，滋味之選!生薑鮮檸蜜的薑不太辣，飲完暖在心中，欖菜肉鬆四季豆清香可口，乾炒豬扒烏冬香口惹味，而咸魚雞粒炒飯味道討好，咸香好味!星洲豬扒軟滑可口，雞煲的豬肝十分好味，本來怕腥的我也覺很好吃，可惜得兩片，只搶得一片! 古法蒸魚的汁令人引不住撈晒，太好味! 乳鴿香脆可口，清哂! 全店所有菜都真材實料，煮法亦沒有加味精，點解知？因為餐後不覺口乾，沒有狂飲水!整晚雖然客人多，但座位亦安排得舒適，服務員態度亦佳，期待下次嚐試其他菜式!…Read More

第一次跟朋友來金記小聚，光看名字以為是普通茶記，直到看到非常有風格的門口才令我有躍躍欲試的衝動呢，裡面裝修風格也很有心思，香港情懷的海報加上惹笑插圖，等朋友的時間也變得特別快過!這裡必叫既一定是大大個既農夫包，豬扒又多又厚，配上秘製咖哩汁，惹味非常!而且飯也加上了蛋炒過，誠意十足!喜歡韭菜的朋友一定要叫這個韭菜炒蝦球!有花生，蝦米，而且蝦球很多，大大粒!韭菜很嫩滑爽口，印象中真沒有以大眾化價錢吃到過這種級數和份量的小炒呢！豬扒炒烏冬是另一道一定要食的!出面食炒烏冬最怕食到成口油，呢度炒得恰到好處，既保持麵條的質感又不會太硬太乾，大家好快就分晒了哈哈菠蘿咕嚕雞球也很推薦，啖啖肉，完全沒有多數出面餐廳的通病，粉漿不會過厚，菠蘿和醬汁的酸酸甜甜很好地融入雞肉當中呢，配飯吃很開胃!整體來說十分滿意! 好食又唔貴，侍應反應快，上菜有效率，而且座位也比一般餐廳寬敞，慢慢食住傾計也冇壓力，推薦!…Read More