seamuskawing's Profile

食過幾次，味道同份量都OK平均一星期都幫襯一次點知上星期就遇到疑似比佢呃嘅經歷平時食開冷麵餐不過女店員就話賣哂好啦咁我揀A餐再加冷麵點知又話賣哂得B,C,D餐最後就買咗B餐雞胸腿各半但我返到屋企諗真啲其實冷麵餐同A餐有嘅雞胸腿B,C,D餐入面都有我揀嘅配料又有，冷麵又有咁點會無冷麵餐同A餐但有BCD餐呢？🤔我個人就覺得係果日落大雨生意唔好就要人食貴啲果啲餐比佢地欺騙過一次之後真心嬲😡😡決定以後唔會再幫襯…Read More

翠華成日標榜係一間通宵茶餐廳但原來同非通宵既無咩分別晚上十點半坐底，叫一份西冷牛扒餐七成熟，跟忌廉湯一碟白灼菜心『唔好意思，全部菜都無哂!!』　其實唔算好夜咋喎，成晚流流長，全部客人連條菜都無?五分鐘後，『白湯都無哂!』點搞呀!!!!!連白湯都可以無?!十分鐘後，西冷扒十成熟送上，明顯overcooked, 成舊石頭咁鞋烚烚，完全無牛肉味，極差!!!!!!!!!!!!!!!!…Read More

前一日book左台，點知去到都仲係要等成50分鐘 我地等到一肚氣之餘，receptionist亦非常唔老脾… 現場既arrangement做得好差，無訂台既人發爛渣就即時被安排入座，咁對我地呢d book左台既人實在非常唔公平，一係就唔好有「book台」呢個system啦！！不過等位時又見到張智霖伉儷同魔童黎食飯，見到之前既食評都有人提過見到佢地，而且店門都貼住張Chilam寫住「The Best Korean Restaurant in Hong Kong」既簽名海報，睇黎佢地係熟客。等到肚都扁埋，我地一台四人以狂風掃落葉姿態清晒所有餐前小食，泡菜可以再辣少少，其它既都唔錯。第一round韓燒叫左雞肉，五花腩，魚柳同生菜包。雞肉：非常juicy，人人搶食。五花腩以生菜包住黎食﹝期間部長阿姐好俾心機示範生菜包食法兼送多碟生菜同雜菜俾我地。﹞，唔油膩，好有咬口。魚柳就不過不失啦。第二round叫左個海鮮湯麵窩，原本個湯底好香好鮮甜，期後加左海鮮同調味，反而就變得太濃。海鮮都算足料同新鮮，麵都算滑溜，不過可能係我地之前食韓燒已經飽左一大部分既關系，略嫌太濃味。其實比起任食韓燒，每人只需要付出多幾十蚊，就可以有更好既享受，雖然等左好耐﹝但入座後既服務都好好，好貼心。﹞，所以都係值得既。…Read More

難得放假同老婆好悠閒咁遊西貢全日都好開心但食完呢餐真係吞唔落呢啖氣二人套餐$348椒鹽墨魚:比起其他算唔錯，不過得幾舊，又唔夠味芝士龍蝦伊麵:龍蝦好細隻，成碟野都好淡，完全無芝士味豉椒炒蜆蜆肉得手指尾隻指甲咁細，仲要有半碟係D蜆殼，D肉去左邊?蒜蓉粉絲蒸瑤柱:粉絲就好多，實際上粒肉細得可憐，又鞋又有沙!油菜:呢個最好食!!!紅豆沙:稀到飲水咁大佬，我食套餐都預左唔會好好但都唔係差到咁呀嘛?打死都唔再黎!!!!!!!!!!!!!!…Read More

因為唔想食新派泰國菜，所以黎左呢間傳統而有氣氛D既!差唔多九點都滿座七成，應該唔錯!串燒豬頸肉:有四串共十二舊，用十二舊唔係十二塊係因為佢真係好厚，燒得好香好惹味!馬拉盞通菜:好惹味，而且用泰國通菜，幼嫩好多!胡椒蒜蓉炒青口:提左老婆話炒青口好似好怪，不過佢中意無辨法。果然，同青口唔太搭配，但個汁好正好香，可以撈到兩碗飯!黃咖喱雞:呢個用『差』形容，咖喱好淡，雞都完全無味，薯仔唔夠粉。蒜蓉包:上菜既時候成塊包都黃色，實無死。好熱好脆，唯一不足係，牛油夠多，但蒜蓉就無乜，變得唔夠香!楊枝甘露:原來係泰式不過都係由原本芒果汁底變左椰汁底，還可以啦椰汁千層糕:老公至愛泰式甜品，岩岩蒸起好夠熱! 味道都唔錯P.S. 十點後有宵夜時段，睇過Menu都幾平!P.S.2. 餐廳唔收咭，請自備現金。所以今餐老婆請，哈哈…Read More

週未看罷盧覓雪在某雜誌的專欄裡對此餐廳誇獎後，就想來試一下。而最重要的是，青年廣場就在我家附近，(對沒太多食肆選擇的柴灣人來說，實在是好消息！尤其是愛吃上海菜的我倆更是振奮！)但它落成後身為柴灣人的我卻從未踏足那處，也是時候藉這個機會去探個究竟。不知道是否因為「新屎坑」，還沒有到真正的晚飯時候，店內已差不多座無虛席。(要知道青年廣場裡除了這地方外是鬼影也沒半隻的！)因為只是「試菜」性質和老公腸胃不適的關系，我們只是象徵式的點了一些很typical的菜式。雞絲粉皮：這是老公最愛的上海菜之一，可是他就對這裡的雞絲粉皮不是太滿意。原因是說這裡的醬的質感怪怪的，(我心裡想：那個醬的質感原本應該是怎樣的？我不懂呀，我就覺得沒多大不同！XDD) 而且醬的味道不夠濃郁。小籠包：4個只售$18，很便宜！但是我們都給翡翠、鼎泰豐等店的超薄皮小籠包給寵壞，對稍為厚皮的都不會滿意。湯汁足夠也很熱，就是厚皮過不了關。但如果將價就貨，其實算是很ok的。口水雞：這雞有點乾。用「乾」形容口水雞是有點奇怪，但這道菜真的雞歸雞，汁歸汁，好像只是把雞塊擺在醬汁上面就完成了。紅油抄手：普普通通。可能是吃慣附近某茶樓那用鍋貼冒充紅油抄手的原因，這道菜雖然普通，可我是滿足的。可是賣相真的有待改善，而且最大問題是紅油怎麼好像一點也不辣？選址青年廣場，托付著增加廣場人流的重任：說真的，結賬後看到店門排隊的人超多，但只要走往完全空蕩蕩的下一層，才恍然覺得好像兩個世界。需要改善的地方是不少，像樓下各位所說的，上落店口的樓梯真的要小心。以地區來評分，其實算是不賴的。值得一提是雖然這裡的服務員都較年青和有些外藉人士，但也稱得上慇勤有禮。…Read More

咁岩行過見唔算太多人，橫掂要等老婆, 就拎張飛去碰運氣!接完老婆行番去岩岩過左幾個號碼，就問佢有無得補，原來呢度過左好多張台都可以補飛咁就唔洗等得咁辛苦!無幾耐就有得入，叫飛果個阿姐問我地點好野食未，我地答未，佢好唔老皮咁話：『下次係出面等果陣寫好先啦!』都唔爭在果一分幾鐘啦ar ma........叫左…叉燒腸:好好食，睇住佢新鮮整出黎，好薄皮，似係大陸先食到果種腸粉蝦餃:老婆話個皮做得好好，我覺得D饀料一般鳳爪:好食!我同老婆都係鳳爪精，都覺得好食排骨:麻麻…好細粒，肉靭蒜蓉蒸鮮魷:　D魷魚係就係好大，但肉質較老，味道一般間舖真係好細，坐得唔夠廿人D位好逼你都預左佢無服務食完就好快D走…Read More

今日經過銅鑼灣名店廊間麻布茶房...見到有放題...$138...2hours又唔算貴...menu又幾吸引所以決定試下首先入到去無人招待...要我地話主動詢問先安排入坐坐低左後...等左10分鐘都未有茶又未有order再3追問先知道原來我地坐既...唔係放題區放題區仲未執好...又等...前後大概15mins入到放題房...係一間似韓燒既房因為放題包小型韓燒+火鍋...除左我地1枱仲有另一枱...其他係之前d客食完...但仲未執既"吉"枱...第1round:3文魚刺身燒饅魚韓燒雞排日式餃子海鮮串雞軟骨菜菜天婦羅魷魚天婦羅3文魚刺身~正常但waiter無比"wasabe"我地囉要我地追問先知原來要自己去算沙津bar既地方自己令燒饅魚算最好味...因為其他好難食但其實d味道係正常同其他鋪頭普通無分別韓燒雞排算最好味...有d辣辣地加上蔥花好惹味但後期再order變到超辣辣...日式餃子賣相好樣衰...其實d餃子係普通超市都有賣既日式煎餃子但係佢似無煎過又唔似蒸似係叮囉...之後加d茄汁上去海鮮串好難食有:三文魚，魷魚，菜，青椒而且炸到好燶!雞軟骨~蔬菜天婦羅~魷魚天婦羅算正常但中下水平...三樣野都係多粉炸勁乾...menu話雞軟骨跟味增沙津醬上但無上到...我地追問...先知原來要另叫先有但最終叫左都無黎...第2round:叫d火鍋韓燒材料...都算ok...但佢d野無預先醃過...搞到完全無味道咁佢menu都有汁order跟既但唔好味囉...而且order左10年都無又係要再3追問先有...仲要衰到個韓燒房本身有...waiter去"不"就ok...但無做到服務超超超超超超差最後我地將d野幾乎放晒落火鍋...因為咖哩湯底叫有d咖哩味...野飲/甜品要加$15先可以任飲both就加$25我地加左野飲...估唔到甜品ok出名既麻布茶房d野咁難飲個蜜桃多多叫好味d...芒果好甜...青蘋果甜到飲唔落...爆爆爆甜...想嘔...最後要飲番汽水...最最最最最最離譜同不滿既地方就係餐廳門口menu明明寫住放題2hrs...5:00pm - 12:00am我地9點鐘入到去...仲要等15mins先開始放題果15mins都算...唔夠10點半(25分左右)佢話last order真係勁嬲...d野又難食..銅鑼灣店上至經理下至員工d服務質數都好差囉...成晚茶水都未加過杯紙巾都無...又係要問先有...好差!!…Read More

銅鑼灣己經食到悶…搵間未食過既金雀試下餐廳幾有情調…算幾乾淨同老婆都唔食牛所以什扒餐轉豬雞忌廉湯-同平時茶餐廳d味差唔多…不過入面有雞絲同油炸鬼...仲好大陣油味瑪加利石班-個汁幾好味…塊石班就ok la,幾香脆…不過有d炸過龍什扒餐-豬扒:好大塊好厚…d肉偏實…味道一般　　　 雞扒:相對好細…煎得好脆…見唔到有煎燶…不過有少少燶味雪糕: 可能係自家製?好香好滑又夠凍!埋單$209不得不提呢度d服務好好D阿姐好有耐性仲會等你食完一樣就即刻收碟上第二樣食物GOOD…Read More

唔知係咪呢間野第一個食評呢?第一日開張特登黎食間鋪睇上去唔細間但D枱凳擺到得好少位坐坐左係最角落叫野食時全部阿姐都睇我地唔到又揮手又大叫都成5分鐘其實客唔算好多 但佢地好似好忙睇到我地揮手 同我地講"等陣~~"之後一去無回頭…結果叫左第３個阿姐先落到單己經等左10分鐘…之後入單到佢上碗米線又等左10分鐘…成台人都問做咩咁慢…米線明顯淥唔夠…太硬…不過D料多過其他鋪頭另外, 呢間野好似比其他鋪貴相比尖東鋪, 一味米線22元, 沙田賣23元米線套餐39元, 沙田賣43元…再講多次…真係好慢趕時間千祈唔好去…Read More

熱得快要溶掉的這一天我倆特意慕名而來午飯時間,店裡或門外都是人不僅是年輕人,附近商廈的白領都來這裡排隊我倆都等了差不多15分鐘店裡實在逼得過分,胖一點都難以轉身被安排坐下後不久,事前order好的燒雞拼豬頸肉飯就上菜燒雞的確挺不錯,很嫩滑有肉汁不像普通餐廳的貨色般被燒得幹巴巴然而豬頸肉沒什麼過人之處有如樓下的說,老公嫌豬頸肉略為咸了些想要光顧的要有逼的像沙甸魚的準備像我吃到中段,因為要安排別的人入座的關係店員還沒等我來得及反應就二話不說地拿起我的飯碗-_-"雖然我知道這是難免但有點無奈就是了其實店員服務還是可以的但飯的size對男孩來說有點小吧?!overall來說不過不失…Read More

老婆話想試下…所以襯星期日拍拖黎試下八點左右去到…都幾多人等位不過十五分鐘唔洗就有位喇平心而論…佢個MENU款式唔多有唔知可以叫咩食既想法小籠包: 幾好…但好多地方都食到同樣質素…肉汁亦唔夠豐富麻醬麵：老婆覺得好正不過好漏…同埋調味可以再多D菜肉雲吞麵：雲吞好好味…麵質不錯…湯亦清而鮮味炒菜心：MENU寫炒…不過好明顯係白灼! 但仍然好嫩又甜, 滿意之作鮮肉包:餡應該係小籠包果D…味道幾好既…不過$15一個包仔似乎太貴服務質素好食完碟野十秒內一定有人幫你清但又有少少趕你埋單感覺總括而言可以再試不過應該唔會有好想再食既衝動…Read More

同老公睇完戲去呢度打邊爐,等左差唔多一個鐘先有位我地叫左番茄豬骨鍋同黑椒煙肉鍋前者有好大舊豬骨但無咩番茄味但都算幾清甜,後者幾得意配料我地叫左香草豬肉丸:好好味,好彈牙好有咬口,一定要推介下菜肉餃:都好味,餃入面d菜好嫩,唔會話起晒渣,豬肉爽口,幾有咬口豬夏青:都唔錯,食豬夏青最怕有雪藏味但呢個唔會其他魚皮餃,墨魚丸等等都ok唯一要挑剔既係d生菜,奉勸大家食之前check下因為我地果d好似無點洗過,菜頭度好多泥沙...每樣分量都唔多但end up又好飽喎@_@加十蚊有任飲同任食糖水不過老公就投訴話d雪梨水好淡無咩味同埋要投訴下點解醬料吧會無麻油!!service麻麻, d侍應其實幾有禮貌但有需要如加水果陣就無晒人,overall黎講唔錯而且埋單其實同出面任食火鍋差無幾相信有下次^^…Read More

聖誕正日度度都好多人就黎呢間比較靜既餐廳試試之前見呢間野食評唔錯但食完發覺好麻麻二人食:頭盤凱撒沙律加燒雞$69菜幾新鮮爽脆, 雞肉都嫩滑入味不過有少部份燒燶左, 少少苦味主菜:燒牛扒拼大蝦比目魚$175牛扒唔算大份, 無乜牛肉味兼多筋大蝦同比目魚都無乜鮮味不過比目魚就好嫩滑有機南瓜雞球意大利飯$148成個飯都幾香幾好味, 不過雞球就少D好不滿既係: 老婆唔中意食芝士, 我問個侍應可否走芝士如果唔得就叫第個菜, 侍應話得咁就落單啦上菜時另一個侍應都同我地講"意大利飯走芝士"但一食落就知道無走過!!!成個飯都有芝士其實野食都唔算好差但係佢2個主菜都加D辣椒油上去好不倫不類$420埋單我寧願食第二間…Read More

上星期一行7人來楓林做冬一直知楓林出名,小弟第一次來絕對名不虛傳香酥鴨: 荔芋茸好香, 好好食 不過鴨肉比較薄豆豉雞: 雞肉好嫩, 就算胸肉都嫩, 炒得好香好有穫氣!煎封釀豆腐: 其實都唔係煎, 係炸!(扣少少分)不過身為豆腐精既我, 當然覺得唔錯啦乳鴿: 肥瘦岩岩好! 好有肉汁, 好好食雙菇腐竹燜翅裙: 有魚咀魚肚, 好香鮑汁味! 不過翅裙就真係無乜肉鬆生菜包: 平平一落單果時已經叫左糯米飯食哂野之後追單幾次, 先話一早賣哂之後食左個豉油王炒麵, 麻麻地食埋佢個糖水就走人埋單大約$1000…Read More