Cha-Cha1234's Profile

今次嚟到銅鑼灣食日本居酒屋，勝手餐廳好特別，佢唔似一般嘅居酒屋，佢仲可以包房唱卡拉ok，今次我哋得兩個人就冇唱卡拉ok喇，下次帶齊歌神歌后過嚟一齊唱歌歌，另外食嘢方面佢哋主打爐端燒和日式火鍋另外一個好特別嘅地方，一定要推廣下 (雖然我女人仔做唔到)，餐廳內竟然有引體上升裝置，做得越多還有獎勵，這個機會不屬於我了，看來下次除了帶歌神和歌后外還要帶大隻佬 🤣🤣 ( K房只有兩間記得book位)酒盜芝士我最鍾意食芝士，見到呢個前菜就一定要試下啦，芝士口感好濃鬱配埋餅乾一齊食，有軟有脆，好有層次，仲有個烏賊漬點埋一齊食有另一番風味，芝士份量好夠，餅乾再多幾塊就更好喇 😍多春魚爐端燒我哋就嗌咗多春魚，一個order兩串， 燒得好香脆，外面乾身裏面軟熟，燒得剛剛好，調味亦都做得好好，咸度適中，面頭再加了芝麻，令到多春魚更加香 😄和風牛肉飯定食和風牛肉飯定食配有沙律，麵豉湯和前菜， 沙律好新鮮，醬汁唔會太多剛剛好，麵豉湯鹹度適中，裏面還有豆腐和海藻，上枱熱辣辣，好適合而家咁凍嘅天氣飲呀，牛肉飯份量好大，牛肉好軟熟，紫洋蔥好甜和松茸菇好夾，再加上半山熟流心蛋撈埋啲飯一齊食，成個飯層次更出 🤗…Read More

天氣凍想食熱野，就去左九龍城食日式串燒🍢九龍城好多日本餐廳,揀左好耐最後揀左起依到食串燒大阪燒餅好多木魚碎起面， 好足料👍🏻個粉漿配埋燒汁好好味 煎得好香脆雞軟骨串雞軟骨燒得好脆好香口😋有咬口有口感燒雞全翼燒得好香又無燶，味道岩岩好，吾會好咸雞胸軟骨串軟骨好好味，好有咬口又爽口又脆日本雞皮雞皮好香口👍🏻燒到脆卜卜好鬼正😊整體嚟講,餐廳質素不錯職員有禮,座位坐得舒服就算自己一個嚟寫都唔會尷尬…Read More

今日又去左九龍城食日本野😋這間小店十分精緻，員工十分有禮貌講解食物，十分貼心👍🏻氣氛十分好， 我哋揀咗吧枱前面座位坐，可以睇住師傅一路整一路和他傾計，好似去咗日本咁 😆宮古市原條秋刀魚刺身職員推介秋刀魚，話今日好新鮮😝秋刀魚最怕多骨，師傅刀工好好👍🏻完全冇骨，介埋花十分有心思😆刺身秋刀魚一啲都唔腥， 好鮮好正 🤤配埋啤酒更加一流👍🏻蔥粒吞拿魚腩手卷吞拿魚腩十分肥美， 餡料好多，紫菜亦十分脆，即叫即整，最鍾意食脆卜卜紫菜的手捲 😍食完一個仲想繼續食👍🏻整體感覺都好好👍🏻會再來食野…Read More

今日約左朋友去D2行街，依家開有好多餐廳，好多選擇😆行左一圈最後決定食台灣野 🥰，餐廳採用了spotlight 打燈，好有情調台灣小香腸台灣馳名小食小香腸，香腸配蒜頭片和蔥粒十分夾👍🏻十分滋味，忍吾住口。好快就成碟食唒麻醬拌麵麻醬十分清香，好濃鬱，掛滿每一條面， 仲配有少少青瓜絲，好清新嘅感覺 😆滷牛肚絲牛肚絲炆得好軟熟，好入味，份量仲好多添 😍，洗得都好乾淨餐廳十分熱鬧👍🏻好多人幫襯，店員做野快手👍🏻…Read More

今日同同事去左粉嶺做野，之後就起粉嶺食埋飯😝， 發現到有間麵店好似幾好，就入去試下排骨擔擔麵排骨大大塊，炸得好軟熟，上面仲有啲蔥油， 好香 👍🏻擔擔麵份量好多，仲有花生碎和肉碎，湯底辣味適中，十分岩我口味蘿蔔絲酥餅嘩，蘿蔔絲即叫即整，熱啦啦，好好味，脹卜卜，裏面啲蘿蔔絲仲好豐滿，師傅手勢好好呀， 個皮猜得好靚一層一層，炸得剛剛好，好香脆，高溫起鑊唔肥膩，份量仲有四隻， 每人兩隻好滋味，下次再黎會想試其他小食😋…Read More

放左工自己一個去旺角行街，諗左好耐食咩好😅最後決定食一人燒肉😍餐廳裝修環境好光亮，餐枱好寬闊，可以擺好多嘢食，抽風系統做得好好👍🏻，冇燒肉味，偷偷食韓燒都唔會畀人知道，哈哈 😆我揀左一人燒肉套餐，依度套餐有吾同重量選擇😝好岩女仔一個人黎食🤗我揀左黑椒鹽醬西班牙黑毛豬五花套餐😎，員工都好好，會教我點樣燒先係最好食，我慢慢燒慢慢食，好好享受食物🥰 黑毛豬好軟熟，肥瘦適中，份量都好多，仲有麵豉湯和飯，夠曬飽飽…Read More

今日去左食omakase,揀左好耐最後揀左依間餐廳😎聽講師傅係米芝蓮🌟🌟🌟志魂做了9年，之後起廣州紫檀，琥珀擔任主廚👍🏻，咁一於黎試下佢嘅手藝每件壽司都感受到師傳既用心，每件都各具特色👍🏻，魚生都係師傅精挑細選揀每日最新鮮最靚嘅部位嚟做壽司🍣完全符合Omakase嘅精神，啲飯用咗醋飯做包得好靚，唔會散開，師傅刀工又好好，厚薄均勻 😍環境優雅，坐得舒適，餐廳寧靜可以慢慢享受，十分適合情侶黎食❤️…Read More

今日喺中環行街，行到夜晚就去咗中環街市度食飯，中環街市時不時有live表演，總是有驚喜，最後就選擇了台灣麵，台灣麵大大碗真係好夠份量，街市內還提供自在飲水機，亦都可以慢慢傾計，坐幾耐都可以紅燒牛肉麵紅燒牛肉麵有3大塊牛肉，肥瘦適中，炆得好軟熟同埋好入味，湯底好清，好正宗紅燒半筋半肉麵半筋半肉啲筋好軟熟，軟綿綿，老人家都好適合食，牛肉就同紅燒牛肉一樣都係咁軟熟帶點咬口，兩款口味都有，好推介士林鹹蛋芋泥蘇鹹蛋芋泥酥鹹蛋好香，芋泥搓得好軟熟，外皮又炸得好鬆脆，好好味嘅台灣小食古早芋泥三色芋圓芋泥三色芋圓，芋泥大大舊好軟綿綿，三包嘅芋圓好吸精，顏色鮮豔，咬落去係Q彈感覺， 裏面仲有好多涼粉，好好味…Read More

今次嚟到觀塘工廠大廈食日式任食，當然除咗任食仲有其他唔同嘅嘢食，餐廳裝修好特別，有好多唔同日式嘅 decoration，畫作，祝福牆壁，燈籠都好有風格，同埋佢仲有一個大大嘅露台，可以呼吸新鮮空氣，環境一流我哋揀咗有刺身嘅任食，首先每人一杯迷你松葉蟹肉海膽杯，海膽好鮮甜 🥰 yummy，仲有好多松葉蟹肉墊底都係好鮮甜，跟住有第一round炸物和沙律，蟹子沙律，炸燒賣，炸餃子，七味炸雞翼，五串燒物分別係雞肉串，雞皮，鰻魚，雞胸軟骨和吞拿魚，樣樣都燒好靚，尤其是鰻魚燒得香脆之後就食神木五點盛刺身刺身和連日本直送原條魚刺身，直送完條刺身魚好鮮好靚，魚質爽口，問師父佢叫"老師魚"，第一次食真係好鮮甜，第一次五點刺身有劍魚，吞拿魚，虎蝦，油甘魚和立魚，樣樣都好新鮮， 跟住再同店員encore啦，原來刺身係唔可以揀嘅，師傅會挑選當日最新鮮嘅刺身黎供應，第二次刺身係劍魚，帆立貝，北極貝，立魚和吞拿魚，好刺激，好似開盲盒咁，好有驚喜 😆最後仲有個雞煲或者shabu shabu，我哋揀咗shabu shabu有m5和牛送，和牛肉細嫩，重牛味，好鬼正，仲有大大盤蔬菜盤，慢慢享受食曬所有嘢之後就去甜品呀呢度嘅甜品有都有四款唔同嘅口味，但係佢係袋裝咁食，比較搞笑，雪糕都好 creamy…Read More

好耐冇食過拉麵喇，今次就去咗旺角食日本拉麵，餐廳都好有日本風格，裏面嘅座位雖然唔多，但輪轉得很快，出餐速度都好快，每張餐枱都配有日本香料，七味粉，芝麻等都任君選擇雞軟骨餃子小食嗌咗雞軟骨餃子，餃子煎得香脆，裏面啲雞軟骨好爽口，食落去索索聲，好惹味燒牛肩胛(拉麵)燒牛肩胛好重牛味，煮得剛剛好軟熟，仲有一完整隻流心蛋，好大方，湯底揀咗雞白湯，雞白湯好濃鬱又唔肥膩，拉麵煮得好好，QQ彈彈咁，係我鍾意嘅口感招牌三色沾麵三色沾麵裏面包括豚肉，雞肉和和牛，三款肉肉都係我鍾意食嘅，豚肉/叉燒煮得好軟熟，肥瘦都好均勻，雞肉好嫩口，應該用了慢煮方法烹調，和牛好大快，感覺只係輕輕拖一拖熱水，好新鮮嫩滑，少少咬口，有融化嘅感覺， 湯底揀咗黑蒜濃湯，好濃濃嘅蒜頭味，沾麵嘅面係粗過拉麵的，感覺會硬少少，但係加落沾麵湯底一齊食，掛滿曬沾麵嘅湯底，好滿足…Read More

今次去咗沙田嗰邊搵野食，沙田有幾個大商場食晏時間都真係好多人， 我哋就等到下午茶先去食啦，揀咗越南嘢，依家下午茶時間都好多人，但係位置都算多，好快我哋就有位，餐廳裝修整潔，牆上有唔同嘅畫作都畫得好靚，有卡位，坐得舒服，可以慢慢傾計生牛肉牛腩片湯粉生牛肉好軟熟，牛腩片重牛味，有口感，兩款肉份量都好多，湯底亦淆得好好味，粉類選擇了金邊粉，煮得剛剛好，唔錯香茅豬扒湯粉豬扒大大塊，分上，炸得好香脆，好有驚喜， 醃得好入味同埋啲肉都好軟熟，湯底用咗鮮雞湯，好鮮甜，河粉好嫩滑西貢脆春卷 & 街頭蓮藕蝦餅小食加配咗春捲，炸得香脆，裏面有多肉，粉絲，蓮藕蝦餅有驚喜，蓮藕夾著蝦餅好似漢堡包咁夾住蝦餅係中間，蓮藕硬身，蝦餅軟身，兩個夾埋一齊食，口感有軟有硬好得意，好好食話梅咸柑桔水 & 會安香茅蜜柑桔水成粒放入去，個底有好多柑桔，非常解膩香茅蜜大大支香茅放入蜜糖水裏面，又有香茅味，又有蜜糖，好滋潤…Read More

今日好開心同媽媽去左九龍城食飯❤️九龍城有很多不同特色餐廳，這間日本居酒屋我和媽媽都十分喜歡🥰，坐位都坐得好舒服牛肉壽喜燒鍋🥘份量好大👍肥牛質素很好，湯底不會好咸，味道調得剛剛好，還有好多金菇，冬菇同菜，岩唒鐘意食菜既媽咪🥰食完個鍋已經有7成飽☺️辛味黑梅螺😍第一次食這種口味的螺，爽口彈牙，一試難忘👍我和媽媽都喜歡食，我們很快就食完一碟😂黃油牡蠣🦪用鐵板上枱，熱辣辣，蠔大大隻又juicy👍， 燒得外脆內軟仲好新鮮，下面墊了很多菇，吸收曬蠔嘅鮮味，十分惹味…Read More

今次嚟到大學站附近搵嘢食，餐廳裝修好靚好有特色，有大卡位可容納六人，內有獨立廁所， 下午茶時間唔係好多人可以慢慢坐，慢慢食，慢慢傾計斑蘭咖央多士斑蘭咖央醬好重手，還有大大塊牛油配埋脆脆嘅多士，入口柔軟，有鹹有甜再加牛油嘅香味簡直回味無窮 🤗巴東牛肉(配油飯)巴東牛肉好軟熟，基本上係用咗牛腩嚟炆到好淋再配油飯，真係好好食海南雞清湯米粉 (改油麵)海南雞米粉可以改參參，米粉或油麵，我就揀咗油麵， 油麵粗少少，我鍾意食啲，海南雞冇骨嘅，啖啖肉同埋好嫩滑，好正宗新加坡咸蛋黃魚皮小食家配料炸魚皮 鹹蛋黃 而家拉嘅炸魚皮再炒鹹蛋黃 雖然邪惡但好好味 ☺️馬來黑醬油叉燒另外都加咗黑醬油叉燒，叉燒有啲似豬頸肉， 彈牙爽口少少肥，煮得好入味和軟熟熟南洋白咖啡 & 熟香茅橙茶 & 美綠哥斯拉白咖啡香滑，橙茶係隆隆嘅橙味，再加埋香茅嘅清香，幾特別，哥斯拉美祿重朱古力再加埋哥斯拉脆脆喺面頭更重朱古力…Read More

今次黎到黃埔食晚飯，揀咗食越南餐廳，晚餐時段好多人爆場，但好快就有位，餐廳侍應都多，service幾好，裝修整潔，有卡位越北生牛肉湯粉生牛肉軟熟，湯底夠滾亦都好重牛味，河粉份量都好多，飽曬順化香茅豬扒香茅豬扒炸得鬆軟，啲肉仲係白色嘅，醃得起好好，另外有配越南蛋餅，蛋餅入面夾雜咗好多越南香料，幾得意炸蝦餅 & 豬頸肉炸蝦餅裏面好似魚腐咁鬆軟，外脆內軟好好味豬頸肉煮得好惹味，半肥瘦好有口感越南老薑蜜兩杯都係越南老薑蜜一凍一熱，熱嘅飲落好暖胃，凍嘅飲落去喉嚨好快就感覺到好重薑味， 兩種感覺截然不同，兩杯都好重薑味好好飲…Read More

今次嚟到沙田新城市廣場發現特色韓國熊貓餐同埋Halloween套餐，賣相又靚，畀佢哋吸引咗入嚟食晚餐，呢度有卡位，可以慢慢坐，慢慢傾計嫩綠蘆筍蟹肉飯卷蘆筍蟹肉飯卷蘆筍好清甜，蟹肉亦都好多，好新鮮，包得又靚，面頭多紫菜和芝麻，令到成個飯團好香，仲有啲似熊貓 🤭啖啖蟹肉千層麵蟹肉千層麵真係好有驚喜，每一層都有好多唔同嘅餡料，有蟹肉，魷魚，魚子和韓國秘製醬汁，口感非常豐富，仲要成個千層麵都好厚，正 😆青提寒天啫喱奶蓋熊貓嘢飲主題，用咗青色同白色做，面頭有幾粒大大粒提子之外，裏面都有提子肉，奶蓋整得好好，甜度適中惡鬼荊棘海提子沙冰另外嗌咗杯halloween主題嘅提子沙冰，呢個係有隻鬼眼睛係個沙冰上面，造型相當可愛， 沙冰甜度適中，帶少少酸味，好開胃黑白熊貓Oreo蛋糕熊貓蛋糕樣子好可愛，蛋糕軟綿綿，上面有提子做襯托， 細細件都好豐富…Read More