edfoodie's Profile

今次介紹嘅係一間地點不太方便，隱藏於摩囉街古董舖之中嘅特色fusion餐廳，餐廳將中菜特色fusion西班牙傳統菜式🇪🇸，感覺令人煥然一新😌 可能老闆想襯返摩羅街喇，新舊融合呀嘛🤣 而我哋最欣賞嘅係，呢間餐廳每上一道菜，都有侍應去介紹每一道菜及建議食法，呢啲好似好普通嘅嘢，不過喺宜家呢個速食世代已經買少見少🤷🏻‍♀️🤷🏻避風塘雞軟骨($98)：佢係一鍋上，無錯，真係一鍋咁上，好大份😱 炸雞軟骨大大舊，而且仲有雞肉痴住，食落口感香脆，最驚喜嘅係佢哋個避風塘嘅香、辣等調味處理得好好，大量嘅炸蒜/辣椒🌶️ 越食越過癮慢煮八爪魚配加泰隆尼亞汁($138)：西班牙作為沿海城市，八爪魚都係佢哋嘅食材，呢味八爪魚完全表現出新鮮，點解我哋咁講？係因為餐廳用咗真空慢煮嘅煮法令到八爪魚鬚一啲都唔韌，彈彈吓咁，而且咬落好juicy添🤤 襯埋個加泰隆尼亞汁，味道帶少少酸，幾開胃👍🏻西班牙蒜片蝦($168)：份量唔多，得6-7隻左右，呢度要扣分！😔 撇除份量唔夠呢個缺點之外，橄欖油盡吸蒜片、辣椒嘅香氣，然後緊緊咁包住蝦肉，蝦肉爽口彈牙😍 食完後仲可以將附上嘅麵包沾少少盡吸蒜片、辣椒香氣嘅橄欖油🥹北京填鴨扁意粉($188)：呢度我哋真係佩服大廚，居然可以將傳統嘅片皮鴨，再用上fusion手法去煮個意粉。首先大廚將海鮮醬調校成汁再煮扁意粉，令到個意粉有少少掛汁嘅狀態，食落有海鮮醬嘅味道。而傳統片皮鴨果部分，餐廳就用咗鴨胸，而且係厚切，令到每一啖咬落去啲鴨油咇出嚟🤤 最抵死嘅係佢連傳統片皮鴨嘅京蔥薑絲都有，食一啖意粉，再將一舊鴨胸連京蔥薑絲點少少海鮮醬食，食完之後個感覺好似真係食完片皮鴨咁😂四川麻辣黑毛豬扁意粉($178)：佢哋啲豬肉都係厚切，而且份量多，不過要注意嘅係呢味菜味道就相對麻辣。佢哋嘅調味就同傳統嘅四川菜一樣，有香、麻、最後先辣，而且意份都係掛汁嘅，佢哋嘅黑毛豬豬肉冇雪味(可能因為四川調味太濃，我哋都食唔出啦🤫)，口感唔講以為食緊牛肉啊🤯 越食就越辣，越辣就越想繼續食，好鬼正🥵食咗咁多又熱氣又辣嘅嘢，我哋都忍唔住叫咗個甜品蛋白杏仁茶焦糖燉蛋($88)：佢哋連甜品都fusion咗傳統中式甜品蛋白杏仁茶，同侍應交流後，我哋知道，原來餐廳老闆用咗好多方法想將杏仁茶嘅滑融合落去焦糖燉蛋度，不過用咗好多方法都唔成功，而家我哋食到嘅已經係最成功嘅一個方法喇。講返個甜品，甜品唔會太甜，面頭嘅焦糖厚薄適中，我哋最怕焦糖又厚又硬，咬到牙都崩🤓 而且甜品係附送少少生果及開心果味gelato，以呢個價嚟講算合理😌特別一提，餐廳嘅wine list 以呢個規模嘅餐廳來講都幾齊全，有傳統嘅汽、白、紅葡萄酒(唔記得有冇Sauternes🤔)，去到spirits 都有，睇得出老闆應該係愛飲之人，我哋期待下次可以試吓佢哋嘅雞尾酒。小小總結啦，呢間餐廳食物質素、創作心思都好好，唯獨是係價錢略為進取，如果價錢可以向下微調少少，我相信佢就算開到喺沙頭角，都有一大班fans入去支持。…Read More

放工喺灣仔唔知食乜好，又去番我哋嘅至愛，貪佢質素穩定之餘，仲有甜品俾我哋慰藉心靈🥹今次我哋揀咗set dinner，套餐包括前菜、主菜、甜品及飲品。前菜：有凱撒沙律、香草薯條、意式番茄包揀我哋都揀左香草薯條，份量唔少，薯條撈埋Cajun粉，辣辣哋幾惹味主菜：有意粉、可麗餅、煎銀鱈魚、牛扒揀最愛嘅Prawn delight可麗餅已經冇再出🥲 所以今次就試下可麗餅以外嘅野食睇下係咪都係咁好食，試左個安格斯肉眼扒🥩 牛肉味係香嘅，揀左medium rare，有咬口仲保留到粉嫩肉質幾好食，不過牛扒嘅配菜都係薯條😂 所以如果唔想食咁多薯條就可以揀其他前菜啦甜品：有兩款可麗餅揀，分別係曲奇忌廉可麗餅同埋冧酒提子可麗餅，兩款都整得好食，睇個人口味啦冧酒提子可麗餅嘅酒味香濃仲可以揀一款口味嘅雪糕添，另外曲奇忌廉可麗餅有好多Oreo碎碎，忌廉夠滑身又唔會太甜，唔錯！…Read More

今次嘅餐廳係Peek-A-Chill，值得一提嘅係餐廳廚師係泰國人。點解我哋知？因為我哋都係偷偷地聽到佢哋係講泰文嘅🤫 BTW佢哋係peek-a-poke嘅姐妹店，行過兩步專食夏威夷蓋飯果間☝🏻THAIPAS 拼盤 ($168)：有魚餅、波波腸、蝦丸、春卷及香茅雞翼，配泰式辣醬及一種有少少酸甜味嘅醬，份量夠！全部即叫即炸，新鮮熱辣🔥不過就有少少貴🤏🏻燒魷魚筒配酸辣汁 ($78)：大約有6至7隻魷魚，泰國廚師燒得啱啱好，而且魷魚好新鮮！燒完魷魚筒後入邊仲十分之鮮嫩，襯埋個自家調製酸辣汁，好好食😍CHILL 辣生蝦沙律 ($138)：話明超辣，就真係幾辣🥵嚴格來講佢唔係沙律，佢係一個用七八隻生蝦、泰式醬汁、辣椒、蒜頭及脆脆，再加少少檸檬草及香茅混合而成嘅一個冷盤😌 味道酸酸辣辣，生蝦好新鮮放心大蝦炒金邊粉 ($108)：呢個係set dinner，不過呢個炒金邊粉完全係highlight of the night 🤩 佢炒得好好，唔會話太乾身或太濕！味道帶少少甜，襯埋花生碎及辣椒粉，口感好衝擊🤤而最有驚喜嘅位置係佢隻大蝦真係好新鮮，蝦肉爽口彈牙，美中不足係蝦頭無膏及得三隻蝦唔太夠😂…Read More

餐廳裝修為休閒航海風，好有南法嘅風情🤣而主打食物睇個名就知，可麗餅crêpe(ed小分享：可麗餅(crêpe)起源於法國西北部嘅沿海城市Bretagne，而傳統上當地人食crêpe會加入生果、忌廉等，只要身邊有咩就放咩，而且會配上蘋果酒(Cider)一齊食)OCTOPUS CARPACCIO ($128)：用橄欖油和檸檬汁醃製的超薄切八爪魚片，上枱嘅時候真係呆咗，因為個份量對唔住佢個價錢🥲不過老實講，味道唔錯，而且八爪魚一啲都唔靭，有少少檸檬汁及橄欖香，食落去好開胃LA FERMIERE ($118)：餡料有雞肉和蘑菇，再用鮮忌廉及全麥芥末醬烹製，令雞肉同蘑菇好Juicy，連埋充滿蛋香嘅可麗餅一齊食，好滋味🥹LES PIERRES NOIRES ($142)：材料用上煙燻火腿、camembert 牛奶軟芝士、番茄、雞蛋，再加少少沙律。我哋都覺得好食，反而冇上面嗰款咁膩。不過食嘅時候建議連埋煙燻火腿一齊食，因為主要嘅鹹味係由火腿到嚟。中間仲有一隻好靚嘅蛋黃，整穿個蛋黃後，撈埋所有嘢一齊食，蛋香融和芝士香，令我哋食指大動🤤LE DEFI ($88)：呢個係Highlight of the night 🤩，餐廳嘅甜品最不得了，焦糖雪糕、焦糖香蕉，再加上用牛油焦糖而整成嘅Crêpe，成件事好夾! 我哋叫嘅蘋果酒 VAL DE RANCE SWEET ($175/ 枝)，因為蘋果酒嘅微酸，完美咁中和咗焦糖嘅甜，而且唔好以為焦糖本身好甜，佢哋嘅甜度真係恰到好處，唔會話食一啖已經頂唔順👍🏻CREPE HONEY ($50)：係！冇錯，我哋比上面個咁fancy嘅焦糖可麗餅打動咗，把心一橫叫多個，順便飲埋支酒🤣今次我哋叫嘅係最普通嘅蜂蜜可麗餅，估唔到我哋叫最普通嘅可麗餅，反而食得出可麗餅嘅蛋香，再加埋少少蜂蜜嘅甜味，為呢一餐法國菜畫上完美嘅句號🥹如果你係可麗餅達人，或鍾意食甜品嘅話，我哋真心建議你嚟呢度挑戰一下，唔錯的(P.S 蘋果酒有得揀叫甜或不甜(dry)，有杯、Jar、枝選擇)…Read More

又一間高質海鮮、任食雞煲、火鍋放題仲有手切牛頸脊😍 一開頭會有四款任食小食，比大家未等齊人嘅時候過下口癮食住先🫢 等人齊就可以上刺身拼盤啦刺身拼盤🐙：刺身有四款分別係北寄貝、墨魚、三文魚、八爪魚，質素正常蒸海鮮拼盤🐟：限每人一款海鮮，包括扇貝、青口、鮑魚、蜆，幾新鮮，中間仲有蒜蓉撈薯粉，好豐富😎雞煲：有唔同辣度供選擇🌶️，我哋今次就揀左唔辣平時食開辣雞煲，估唔到唔辣嘅都幾好食，醬汁一樣惹味， 雞件又唔會過老👍🏻 另外芫荽係分開上嘅，唔食芫荽嘅朋友仔都唔使驚火鍋🍲：任食火鍋配料同埋多款湯底比大家選擇總共有八款湯底🍲，我哋就揀左花膠老雞金湯，不過依款湯底要提早一日預訂所有邊爐料都係任食，牛頸脊肉味香濃有咬口，不過記住唔好煮咁耐另外海鮮盤有蝦、蠔、蜆、仲有我哋最愛嘅脆鯇腩，全部都好新鮮墨魚滑蝦滑勁好食😍，鮮甜嘅墨魚味仲要好彈牙自助區仲有好多火鍋料，包括響鈴，炸魚皮、唔同種類嘅丸、餃子、多款蔬菜、麵類等等酒精以外嘅飲品都係任飲嘅~ 以依個質素黎講我地會encore! …Read More

「喂，去打冷喇」，明明成句句子都無任何一隻字係關於食物或食嘢，不過唔知點解個個香港人已經將「打冷=去食潮州菜」Anyway，我哋今次介紹嘅係我哋由細細個食到大而且價錢非常親民又有質素嘅西環一代著名食店，金興潮洲飯店！舖頭得到街坊們多年對呂老闆嘅鼎力支持，已經擴展出幾個舖位喇🤣去骨鵝片($140)：份量足/鵝片厚/連鵝皮，呢三個因素通通齊哂！加埋佢哋嘅滷水汁，無論係鵝片或墊底嘅炸豆腐都夠哂入味，而且唔會爆鹹👍🏻 鵝片肉質柔嫩，一啲都唔嚡，連埋鵝皮一啖咬落去，鵝香十足🥹令到我哋即刻叫個「靚仔」(白飯，$10)同一枝啤酒($25) 餸飯食🤩豉椒炒蟶子($140)：份量好夠，當然唔好expect蟶子肉好大條喇，大約無名指咁上下喇🤏🏻一上枱我哋已經聞到好香嘅豉椒味🤤蟶子新鮮，無沙，食落鮮甜而且帶少少辣，越食越正。椒鹽九肚魚(例$90)：即叫即炸，上枱時我哋仲feel到陣熱力源源不絕咁係九肚魚到散發出嚟🥵炸粉上得好薄身，而且九肚魚好嫩滑，口感上形成咗外脆內軟，沾少少佢哋自家調製嘅醋，中和翻個油膩感，正！今次九肚魚嘅骨仲唔太多，無sip牙罅🤣 當然呢啲嘢係撞手神嘅😌墨魚鵝腸雙併($80)：墨魚都叫新鮮，好彈牙！而且包含嘅部位有墨魚身及墨魚鬚，美中不足嘅係我哋食到有少少鹼水味，呢度扣咗少少分🤏🏻不過佢哋嘅鵝腸就真係好正，而且鵝腸入邊嘅肥膏已經全部清理好，唔會話食完覺得好油膩🤤仲要條條都咁爽口彈牙。最底層佢哋用咗中國最鍾意割嘅一種菜墊底，就係韮菜🤣 呢間餐廳大大話話都過30年歷史，而且淨係開晚市，咁多年都係㗎啦！所以佢哋絕對係一間有實力，而且深得街坊歡迎嘅舖頭！第一次嚟嘅朋友講定你聽，侍應好似好惡咁，不過佢哋冇心的，最緊要係跟翻人哋規矩，人齊入座，咁就冇問題👍🏻希望30年後，我哋同大家都仲聽到呢一句廣東話「喂，去打冷喇」…Read More

鍾意食脷嘅人可以先俾定個❤️，因為呢間餐廳嘅牛脷只可以用一個字形容，就係好鬼厚！厚燒牛舌飯($158)：個餐有一大碗飯、5大塊巨型厚牛舌、沙律、麵豉湯等，份量十足！牛舌煮得剛剛好，肉質軟腍但又保留到彈牙嘅口感👍🏻 而且調味唔會太重，搶哂牛舌嘅味道🥹食咗3塊已經開始飽，不過真係太好食，忍唔住食哂！香煎鵝肝($130)：我哋必叫嘅嘢食，因為鵝肝煎得靚唔靚好講廚師對食材及火喉嘅控制😤佢哋處理得剛剛好，外脆內軟，口感綿滑🤩如果要我哋雞蛋裏挑骨頭，我哋認為鵝肝表面唔夠焦糖化囉，如果可以加少少酸酸甜甜嘅汁，或用少少干邑吊一吊味，應該可以令個味覺更有衝擊及平衡鵝肝嘅油膩，不過整體都唔錯🤤炸雞軟骨($90)：上到枱熱辣辣，好熱氣🥵可能上面兩款已太出色，呢味菜變得相對普通少少🤏🏻鍾意食牛舌嘅朋友仔，嚟呢度會係你一個幾正確嘅選擇🤣…Read More

餐廳由韓國人主理，無論係食物、氣氛都充滿韓風😎韓式豬仔腳 ($338)：份量超多，適合3-4人食，豬腳仔肉質軟腍，滿滿嘅骨膠原，可以直接食或者包住生菜，再加少少附送嘅韓式麵豉醬一齊食會中和返豬仔腳嘅油膩感🤤不過真係好鬼飽，份量多到我哋要打包返屋企食🤣水冷麵 ($108)：麵質口感煙韌，有啲冰粒喺入面增加口感，味道酸酸哋幾開胃，夏天食一流😎我哋建議如果食韓燒嘅話，大家可以叫呢個冷麵食辣泡菜湯 ($108)：泡菜湯配白飯，湯入面有啲豬肉片同埋豆腐，味道就正正常常啦，愛辣人士會幾鍾意🌶️辣牛腸牛肚拼鍋 ($188)：唔知係牛腸清潔得唔乾淨定點，聞落臭臭哋食落都唔多新鮮🫢 唔建議試….真係臭到冤😵‍💫DraftMakgeolli ($120)：韓國新鮮米酒，飲落有少少氣，味道帶微甜，唔好睇小呢杯酒，飲飲下好快上頭😵呢間餐廳我哋認為適合大夥兒一齊去食，不過價錢真係有少少貴，如果你真係鍾意食韓國菜嘅話就可以去，因為食物味道好正宗…Read More

Bookmark咗一段時間都未有機會食，上次冇睇清楚原來星期六係唔開門就去咗🤣 今次星期日去終於試到啦，我哋大約兩點到餐廳大概等左20分鐘先入座月見蚵仔魯肉飯 ($66)：魯肉飯就食得多啦，不過就好少食到蚵仔配魯肉飯，發現原來一齊食好夾🤩 首先蚵仔新鮮，冇沙冇臭味而且份量好多。本來以為蠔仔會係細細粒冇乜肉點知食落肉質好飽滿🤤 魯肉調味啱啱好，肥瘦均勻，再配埋隻半熟蛋唔講得笑撈飯一流起司雞排蛋餅 ($38)：入面大大塊雞排啖啖肉，蛋餅厚度正常，雖然就冇上面個魯肉飯咁有驚喜，不過都唔錯嘅無冰芋泥鮮奶 (跟餐 +$28)：難得地飲品唔算太甜，芋泥整得好綿滑同鮮奶融為一體咁🥹 不過我哋個人口味就鍾意有啲芋頭粒喺入面可以增加口感…Read More

始創於1969年嘅老字號扒房，港式平民鐵板牛扒餐嘅始祖！金鳳大餐廳 @goldenphoenixhk餐廳由1969年到宜家足足54年歷史，而且大家都知道60年代到70年代，”鋸扒”係有錢人、上流人士先食得起🥺平民百姓想享受下”鋸扒”嘅樂趣，真係唔洗諗🥲不過，有危就有機，金鳳大餐廳嘅創辦人林先生就睇準機會創業，令到平民百姓都有機會享受”鋸扒”嘅快感🥹 最難得嘅係，宜家餐廳已經係由林生嘅兩位千金全權打骰，將餐廳打理得井井有條，分店越開越多👍🏻西冷牛扒餐 ($140)：包咗牛油餐包、牛扒加薯菜、餐湯、餐飲，正路價錢喇！我哋揀左medium rare，肉質軟腍，仲可以加$2要多蒜，真係勁多蒜🧄鍾意食蒜嘅話可以考慮下🤩由於佢係鐵板上，所以上台嗰陣塊牛扒仲係燒緊，到食嗰陣已經變左medium😂，所以建議點餐嗰陣牛扒熟度可以叫低一度咁到食嗰陣就會啱啱好啦牛柳餐 ($140)：揀左rare，同上面一樣，不過牛柳嘅肉質更加嫩，口感相對西冷好，同時無乜筋，其他配料就正常發揮😌我哋想講吓佢個紅湯，佢個紅湯真係好正，好鬼港式😂帶少少香辣，而且牛扒餐黎講真係算抵食，當然就唔可以同出面啲西式扒房比啦，不過想食牛扒又唔想食咁貴就會揀佢哋喇。不過有定心理準備有排等🤷🏿‍♂️…Read More

我哋本身都mark咗呢間餐廳一段時間，適逢收工唔知食乜好就決定會一會佢 😂 餐廳裝修一流，充滿植物，就好似入咗個花花世界一樣🥹好鬼適合打卡～我哋叫咗個二人餐 dinner set ($368)，包兩款前菜、兩個主菜及一款甜品，價錢正正路路喇，唔係獅子開大口 🦁前菜：黑椒牛肉沙律：黑椒牛肉cold cut嚟，有四片，中間配以火箭菜及迷你蕃茄仔，味道有丁點黑胡椒香，正正常常喇，無乜特別呑拿魚他他沙律：佢唔應該話係”他他”，因為無整成蓉，應該改做”呑拿魚粒”🤷🏿‍♂️雖然係咁講，不過佢哋用嘅吞拿魚都好新鮮，食落無可惡嘅酸味👍🏻沙律菜就落咗黑醋，酸酸甜甜咁，所以口感上都幾開胃，唔錯👍🏻主菜：辣蕃茄蟹肉扁意粉：呢個係highlight of the night🤩 賣相幾好，乾辣椒嘅辣、蕃茄嘅酸甜味夾埋蟹肉嘅鮮，三種味道融合埋一齊，真心好正，而且意粉最講究嘅al dente 🤌🏻 (口感)都拿捏得好準確，餐廳水準及誠意之作🥹油漬蕃茄烤吞拿魚扁意粉：如果你唔食得辣，呢個可能係你嘅另一個選擇，意粉都煮得好好，不過就冇上面果款嘅味道咁有層次，不過油漬後嘅蕃茄酸度稍為低咗，反而仲帶有一絲甜味。唯獨是佢嘅烤吞拿魚火候過哂火位，你哋睇相都見到個芯已接近全熟，呢度要扣分🤏🏻甜品：絢爛盛夏芒果椰子梳乎厘(+$32)：上到枱，顏色好金黃，梳乎厘班戟有三大嚿，唔錯！仲有芒果、忌廉及椰子味雪糕，肥死呀🥹梳乎厘外層整得幾挺身，內裏好綿滑，同時亦充滿蛋香，唔會好甜👍🏻餐廳預我哋連埋雪糕一齊食，所以調整咗個甜度。我哋認為餐廳嘅梳乎厘質素可以同幸福pancake一決高下。(p.s. 我哋去就有個小插曲，因為地址係卡佛大廈，我哋本身以為係皇后大道中坐電梯上，問個物業管理員先知係要經石板街行上去，餐廳位置喺陸羽茶居斜對面，大家唔好好似我哋咁大頭蝦啦)…Read More

食乜：N咁多款鮑魚及龍蝦、天婦羅、手握壽司剌身，有麵食又有湯飲加甜品，飽到上心口🥹總結：整體服務非常唔錯，師傅對食材了解獨到，食材新鮮👍🏻 天婦羅火候，拿捏得好準確🤩不過我哋食深海池魚刺身時就食到骨，師傅即時同我哋say sorry及之後補返嚿壽司俾我哋，過程亦無任何不快，待客之道值得表揚👏🏻不過當然唔希望下次再遇到同樣事件啦😌…Read More

尖沙咀海防道熟食中心重新裝修之後，居然茶餐廳嘅質素都保持到，最最最重要嘅係價錢好相宜🥹 (重要嘅事講三次)牛筋牛丸米粉($40)：牛筋好入味，煮得好淋🤤而牛丸我哋食唔出佢係手打定係機做，不過佢嘅質感好彈牙，而且食落仲有陣陣陳皮香味，味道出奇地夾👍🏻牛雜墨丸粗麵($40)：牛雜份量都算正常，而且無異味，味道香而濃，不過如果可以多啲就仲正🤣。墨丸都好彈牙，食到墨丸嘅鮮味🦑 粗麵就冇鹼水味，不過不失啦！食佢哋嘅粉面就記住落幾滴佢哋自家製嘅辣椒油，味道會再上升另一個層次🤩咖吔鮮油多($22)：呢個價錢，俾到呢個質素都冇投訴㗎喇😮‍💨 咖吔味道唔會太甜，唯一挑剔嘅係牛油可以厚切啲🧈🤣天時暑熱入去呢啲熟食中心唔叫凍飲真係對唔住自己🤣❄️而且跟餐叫，嘢飲會平兩蚊雞🥹凍奶茶($18)：茶底唔錯，幾香，而且口感濃滑。甜度適中，飲完之後口腔仲有淡淡紅茶香氣。飲得出唔係用死茶嚟沖👍🏻奶茶紅豆冰($24)：茶底同凍奶茶一樣，我哋呢度唔累贅，估唔到嘅係紅豆冰加埋凍奶茶係好夾，不過食完都幾飽，女仔要留意☝🏻嚟呢度食炸豬扒，可能大家都食過，不過我哋發現除咗炸豬扒之外，其他餐廳質素都唔錯，有機會去試吓啦🙌🏻…Read More

一次過滿足哂雞煲、海鮮、邊爐三個願望🤩仲有任食手切牛頸脊🐂同黑豚肉🐖依度嘅火鍋真係贏左，除左滿足到上面三個願望之外，仲要價錢好合理，真心推介雞煲🐥：依個係任食嘅有五種辣度，分別係大辣、中辣、小辣、bb辣同埋走辣🌶️ 我哋就揀左中辣🌶️ 譚仔嘅話我哋食開小至中辣，依度嘅中辣我哋就覺得啱啱好又滿足到食辣嘅慾望雞煲醬好出色，味道香而麻辣，雞件好入味好正😋海鮮拼盤🦐：限每人一款海鮮有多款海鮮，包括扇貝、鮑魚、蟶子、海蝦、花蜆、龍躉， 質素唔錯都算新鮮，而且每款海鮮都勁多蒜同埋粉絲，打卡一流😂火鍋🍲：任食火鍋配料火鍋湯底有幾款，我哋就加$38升級左蟲草花竹絲烏雞湯湯底一黎到就試飲左先，味道濃郁飲得出真材實料，之後都冇口渴就知係冇加味精😂 食材方面如果like左社交平台仲有任食手切牛頸脊同埋黑豚肉添😌 任食手切牛出面真係冇乜邊度有，仲要質素係好，牛肉味香濃，食得出真係手切唔係冰鮮除左牛同豬之外，仲有多款自助火鍋料，比多啲選擇大家最後就係甜品啦，椰汁雪燕，食埋個糖水就完美啦😌…Read More

繼上次推出雞子小食後，今次又有新搞作就係雞子火鍋啦😂 火鍋可以揀全個雞子鍋或者鴛鴦鍋，都係同等價錢😀 除非真係熱愛雞子，如果唔係嘅話為左大家嘅膽固醇著想，兩個人去食嘅話我哋會建議揀鴛鴦鍋啦，因為半邊鍋已經有成廿幾粒雞子🤭 雞子本身上台嗰陣已經係熟嫁啦，所以如果想食到雞子嫩滑口感嘅話最理想就係水滾後就開始食啦，食落好香麻油味係正嘅🤤另一半鍋我哋揀咗蕃茄湯底，味道同平時一樣咁濃郁，配公仔麵最正😌火鍋配料方面我哋叫左：本地騸牯手切肥牛：要提早預訂，口感煙韌牛肉味幾香，不過唔好煮咁耐啱啱變色就好食啦牛脷：上台嗰陣已經係熟嫁啦，厚切爽口推介！牛餐肉：份量算幾多，又係超厚切新鮮炸起唔錯！腐皮墨魚蝦條：外皮脆卜卜肉質爽口幾好食另外貢丸同埋豬頸肉就正常水平啦如果鍾意食雞子或者未試過但心郁郁想試下嘅朋友仔就唔好錯過啦，想食嘅話記住要喺當日兩點前預訂啦…Read More