大口仔胡迪's Profile

任食時間加錢叫左一個沙魚骨豆腐鍋，可能d 沙魚骨太散，搞到成個鍋既湯都起左層膠咁真係睇到都唔係太想食。我地同個阿姐講，想佢地比一個湯「喝」比我地果陣，個阿姐以為我地投訴，係咁話係咁架係咁架....... 係啦....我知係咁la，我想清一清d 白泡得唔得呀！之後越食越火，叫乜冇乜，寫就差不多過百樣食物，但根本就唔知有冇20款可以比我地叫。d 肥牛散開晒，放左入水拖兩拖.......已經唔見左.........生根好似濕過水吹返乾咁，用叉叉佢都唔穿，羅白好似d 放左好耐既雪梨咁生晒銹.......墨魚滑又唔彈又唔滑反而非常腥...........最唔開心係食完野想抹手，見到人地有濕紙巾，於是問部長但係d 部長一去不回.....但係見到隔離吉枱有濕紙巾，拎左一張......因為我本身張枱冇......係一張都冇......個部長就話：「你地成日拎晒我地d 紙巾，拎完又拎又拎埋隔離枱」其實我真係拎第一張咋喎......d 濕紙巾唔係好貴咋下話.....????跟住佢掟低一張.....好凶咁行左去......於是我影埋佢!!!!!!…Read More

聽好多人講話呢間既pho (越南湯河) 係全香港最好味連本地既食評人都係咁講。去試下，講真又唔見得真係好味得咁緊要。湯底：Pho 既湯底好緊要，食之前我飲左一啖....um.... 似泰國河粉既湯底.....同埋都偏油，越式配料等香料亦發揮唔出佢既威力，感覺係各有各味道，湯有湯味，配料又有配料味，但配籵係後加的 = 冇味......最重要既係佢d 湯唔夠熱..............!!!!!!!! 吃生牛肉湯河如果d 湯唔夠熱.....d 牛肉又點可以逼熟呢？但你地睇下我張相 d 牛肉係熟的....湯唔夠熱但係牛肉熟左.....咩原因？因為d 牛肉本身已經拖熟左.......河粉：不見彈牙，同埋都好散好易斷開。不合格......…Read More

紅豆沙酥餅好好味，層皮鬆軟，加左d 砂糖，由於紅豆亦唔算太甜，補足到成個酥既味道甜甜地，又不會失去紅豆淡淡的甜味~~~ 正.....仲要都好平，5蚊個.......…Read More

見到報紙介紹二宜樓，的起心肝去試下。點心既選擇都幾多，不過又唔算有好多特別野，口多多同d阿姐講：「其實有冇客家既回點心架呢？」於是佢介紹左呢個籠仔飯。籠仔飯係蒸飯，飯上面放左好多龍躉肉同鹹蛋黃.....蒸飯最優勝既地方係佢會令d 白飯入晒味。雖然我唔知係咪客家野，但係真係好好味。蜜汁雞翼，呢個我估唔會係客家菜，我唔識點整，但估佢用蜜糖燒完再煎，再加芝麻，所以都幾香口杏片蝦球，我見店內好多人都食呢個，於是試下，但可能杏片既味太重，蝦味有d 淡。滑蛋蝦仁，塊蛋真係好滑，聽講客家菜既滑蛋會加 d 水牛奶，不過以我所知香港係好難有水牛奶的，但係見佢咁滑,,,,我發下夢當佢係。而d 蝦係d 中蝦來的都幾正。金牌流沙包..... 好熟......邊樹食過呢？原來二宜樓係新星同公司真係唔講唔知.....…Read More

山長水遠去到深水埗，一直都知道呢間係老字號今日終於可以試下。買了合桃酥、香蕉榚.........合桃酥唔覺得真係好味得咁緊要係好脆既，係好鬆化既.....但係合桃味其實冇乜另外香蕉榚個人認為反而唔錯軟腍腍，香蕉味又香噴噴一次過吃左3條 :…Read More

見佢又做緊特價去試下大良魚湯鍋.....$18 講真冇乜特別，反而d 魚肉都幾 鞋口..... 大量既薑令佢冇咁腥，但好好味一定唔係~~~~ 3件特價火鍋料都有叫脆香酥$15：其實即係腐皮，好脆，放入湯一陣立即拎起，又脆又吸到d 湯!!!! VERY GOOD!!!!手切肥牛 $48：d肥牛太平衡啦，冇可能係手切肥牛咯......你唔係急凍野點雪硬佢，你唔雪硬佢點用機切，你唔用機切邊可能塊塊都咁薄咁平衡厚度。我就唔係太信可以咁得閒一塊塊咁片出來啦.......一晚我估佢地去成幾廿碟肥牛，咁切法仲得了既。何況d肥牛食得出有雪氣味....雪花蚌和珊瑚蚌 $28：冇乜咁特別......不過都ok既不過講真，佢地既火鍋料真係好唔新鮮...........手打烏冬：我唔係太信佢真係手打，佢餅野仲係有d 正方型的墨魚滑：只有腥味，冇墨魚味鱔片：唔爽唔脆冇鮮味其他街市貨都ok 既..... 咁係咪即係叫我返屋企打就算呢？不過....... 脆香酥真係好正，最後叫了三碟埋單位位207 ... 吃既其實唔算太多，但幾貴.......但服務好好，阿姐主動執枱同埋加油加湯......叫佢即刻過來我下次都係去飲下茶同吃燒鵝算了 …Read More

見到 d forum 講起新星火鍋有一個叫麥邊爐既計劃.......原來又係儲印仔!!!! 家陣d 人做生意真係多野搞。不過~~~ 我都有份儲 hahaha講返個火鍋，呢間新星比其他新星仲抵食d，因為佢5:30已經有任食火鍋唔洗等到夜一夜。講返個火鍋，其實都食左好多野：象拔蚌唔記得左影相，因為趕住去搶黎食！下次唔好搶la 其實係任食架！雖然唔係剌生級既象拔蚌，但係亦唔係最平最末端果d，又爽口又彈牙，味道仲似足象拔蚌剌生，係細塊咯....不過唔洗錢...仲想點.....白螺片：非常爽口，如果要形容佢，我會話佢係白色既响螺片....haha (廢話)流心芝士丸 厚厚魚肉包住可以拉得出來既芝士，翻叫左幾次唔講得笑流心蟹粉丸 其實就係醬爆丸，不過爆出來既係蟹粉.....唔識分佢係咪堅蟹粉，但味道一流，口感一流！又係翻叫左幾次既食物。流心麻辣丸 食完個咀麻左一野，但唔算太辣美國肥牛：好新鮮!!!!至少 dd 冰我都找唔到.........蝦：又係唔講得笑....d 蝦仲識郁架.....!!!特別既野已經講完.......講下d 唔好既野....任飲既野唔係太多百事 7喜 美能達橙汁 ice 啤酒統統我都唔喜歡.....電爐火力太猛，好快又要加水，張枱太細，冇乜位放食物！！…Read More

見到1蚊豬骨鍋底，一於去試下。等好耐，成30分鐘............但為左個1蚊湯底，堅持.....!!!可惜非常後悔先講湯底：豬骨煱底有6舊好大好大既骨，搞到成鍋都係肥油，講真都幾可怕。最後用隻杯係咁清d 油，其實叫得豬骨就預左有油，但係d 油有如一塊鏡咁，其實有d 過左火。鍋內有d 粟米，但d 粟咪又唔甜，又有d 霉爛。芝心丸：一咬成口白汁......仲要係溝稀左既白汁......包住既墨魚丸亦都冇墨魚味，似溝左麵粉入去。炸腐皮：腍晒，我8:00去，相信已經炸左超過半日，甚至係隔夜。雞肉：放左入鍋後全部失蹤.......一粒都冇食過咁。為什麼？因為太細，縮晒水！ 雲吞拼魚皮餃：有人話係四海，不過我認為佢好味過四海喎又......不過，得4粒 -,-脆肉鯇片：真係幾脆既，不過好腥，腥到唔太接受到。鴕鳥肉：我一直好懷疑佢比錯左豬肉我...........象拔蚌刺身：腥臭味......芒果 鯉魚布甸：非常稀，奶味過重........冇芒果肉有芒果味楊枝金露：唔知道仲乜好似有氣咁.....但係又好好味喎服務好差，叫同一個待應超過5次，係咁叫你等一陣，轉個頭又走左去雖然我明白你好多野做，但係我個鍋真係冇水啦......…Read More

同朋友去完apm 就行左去吃火鍋，一年365日中我諗緊自己有至少40晚係打邊呢間野都幾平，不過火鍋料就普通左d。街市貨色。但如果喜歡食內臟既話，佢一定係最好。湯底佢地有好多比你揀，今次食左靈芝鱷魚湯底，都幾有特色，我自己幾喜歡但朋友就唔係太受得杞子味，係咁話佢臭。可能未必個個都受得，但受得既話真係好好味，而鱷魚肉做湯底真係好新奇，鱷魚肉切左粒，放入口一絲絲好有口感。任食既類別其實唔多,都係街市料，不過值得一讚係佢既內臟火鍋料清得好乾淨一d 都唔嘔心。間房太黑，乜相都影唔到......推介食物包括鯪魚滑、雞柳、花枝、墨魚滑…Read More

去石澳玩，玩完求其走入一間，點知食左d 好好味既野窩蛋牛肉飯，雖然好多茶記都有，但我未食過一間咁好味的店員講係煮好左至打先生蛋上去焗，所以隻蛋又滑又半生熟蛋黃用來撈飯亦非常香口。牛肉有少少乾，但味道一流，有d 似茶樓果d 牛肉雖然係碎碎地。有d 似石頭飯架都.....加埋d 豉油撈埋~~~ 掂啊~~~另外店員介紹檸味梳打，個人認為非常難飲，不過見到不少鬼佬都有買來飲。…Read More

我從來未食過一間咁難食既茶樓我先講佢地d 茶，水仙，佢一大堆放晒入去，d 茶苦到冇朋友！！！叫佢換一換 or 拎走d 茶葉，佢問我點拎......拎筷子夾起佢啦，唔通用手咩。菜肉包：包皮勁厚勁粉，餡細到無倫，只佔全個包既1/5 $8.8生滾牛丸皮蛋粥$19.9：皮蛋失蹤，同佢講好似冇皮蛋咁，佢話因為太好火路已經溶晒....咪玩啦....你有冇皮蛋我地知架ma !!! 食得出架ma .... 溶左都睇到d 灰色既野la ..... 睇返張單，原來佢地睇錯單，$16.8係牛丸粥，19.8至係皮蛋牛丸粥，咁知乜事la，溶左........!!!!!????話明唔要蒽又比蒽我......七彩炒米粉$8.8：我有諗過可能係米粉餅，因為炒到燶晒底...........可以一野夾起佢.........南瓜千層榚$8.8：呢件點心幾好，鬆軟，南瓜味夠香。…Read More

kfc 新出既餐，24蚊好大隻雞全脾，一貫既 kfc 脆雞，味道係點不用多說但係食佢之前真係要三思。因為呢隻雞脾其實好油好油好油你咬一啖入去，至少有半支益力多咁多既雞油嘔出來.....我仲唔小心倒左d 油入d 飯到最後d 飯係晒油................食左隻超油脆雞脾就算了.................…Read More