嘟嘟爸's Profile

臨近萬聖節 雖然老啦 但都算去下蘭桂坊感受下氣氛， 於是就順便醫下肚先搵左間係蘭桂坊既泰式主題餐廳， 串燒 沙律 主食應有盡有，餐廳內櫳係咁既見咁耐冇食泰國野 就食下沙律打頭陣先木瓜雞沙律！👍 清新 清爽 加堆雞肉食 配搭一流呀！之後叫左個雞串燒令我諗起當年係泰國食既滋味 😍燒得夠火喉 再加醬料 正呀之後黎左海南雞飯雞肉嫩滑 醬料惹味 ， 不錯之選👍跟住仲叫左豬頸肉同腸仔不嬲去親泰式主題餐廳都要嗌豬頸肉試下手勢，呢間既豬頸肉燒到好有當地水準 無得彈呀🤗腸仔都好香口最後叫埋魚餅同波羅做尾聲魚餅好香口，波羅直情係鮮甜添😍😍😍 好好味呀，呢餐好好食，令我諗起後生去泰國食既每一道串燒👍…Read More

將軍澳中心裝修完後 ，引入唔少新餐廳， Tokyo cherry cafe 係其中一個👍抱住好奇心既心態 我同老婆就試下呢間既手勢先。餐廳係open area 會比較開揚 睇個人喜好 本人幾like見小食拼盤做緊優惠 一於嗌番個都好豐富下，有豬軟骨，炸洋蔥，年糕，Parma Ham 薯餅同明太子雞翼！😍😍😍個人覺得Parma Ham 配露筍最好食， 年糕第二 ， 整體都係水準之上， 正呀！之後老婆叫左北海道海蝦帆立貝意大利飯， 意大利飯本身唔易整，要夠濕潤， 呢個做到， 而且帆立貝經烤一烤，鮮甜同口感並重。👍本人就叫左蜜糖芥未豬柳薯條初頭仲怕芥未好嗆，但配左蜜糖，好正，較甜👍而且豬柳煮得有口感，加埋薯仔同波羅 ， 成餐咸甜都好平衡，滿足到不到了🤗🤗🤗…Read More

為左慶祝老友大壽 由於大家都附近番工 一於揀左呢個靚景又好食既餐廳賀賀佢先係坐左係度 望住個靚景 歎好野 都咪話唔正呀😈好啦 我地率先黎左個蛋卷濃濃芝士配合不同醬料 韓式粉絲 好正呀！ 食到好滿足呀 之後我地叫左個鐵板芝士配豬肋骨 哈哈 又係芝士 鐵板芝士固然正 加埋烤豬肋骨 岩哂食肉獸既我 豬肋骨好多肉哦👏👏👏之後就到主角啦登登登 烤雞！ 我地叫左個半辣 半蒜香既烤雞 辣果個有點兒太辣 之於蒜香 好香甜 又有蒜香味 加上係烤雞 唔會好似炸雞咁食到成口炸粉 同熱氣 為左慶祝老友 呢餐食到飽到行唔到呀😂😂😂…Read More

4周年拍拖紀念日 搵左係pmq 附近既餐廳呢間餐廳主打pizza 撞正我地都好鐘意食pizza 可謂一拍即合👏👏👏入到去 環境幾好 幾有情調 唔錯之後我就叫左杯mojito 放鬆下先好耐冇飲cocktail la!!😂 所以都幾期待 水準唔錯 飲完個人醒哂👍之後叫左個bruschetta 上面加左d tomato and olive oil 酸酸地再加大蒜面包既脆 食落特別開心跟住叫左呢度其中一個出名菜黑松露意大利粉黑松露wo 咁梗係正嫁啦 味道好濃郁 非常好食😍之後食左個pizza beijing duck + pineapple chicken 個人喜愛食pineapple chicken 多一點 但兩個其實都好好食😍😍😍呢餐飯食得好滿足 之後慢步行下蘇豪 度過有意義既一天😎…Read More

同一班好耐冇見既大學聚會 由於有人住新界東 新界西 九龍東又有 所以揀左書間點 長沙灣 長沙灣其實都不嬲唔少好野食 今次我地就揀左呢間試下個名夠哂霸氣😂餐牌我地首先叫左個齋熱下身先甜甜酸酸 用黎開胃一流😌跟住我地整左個五味牛展做前菜牛展最緊要夠香！ 呢款完全做到啦 食到開心哂跟住叫左個燒味拼盤😍有燒肉 叉燒 油雞 叉燒燒到好好 咬落有口感 燒肉皮脆肉嫩 冇得彈👍最後叫左碟生菜健康下 補充纖維值得一提係老板服務好好 令我地食得更加開心👍…Read More

呢排新都城都換左一堆新鋪頭 德美壽司就係其中一間 當年係厚德街都食過一次 都幾印象深刻 所以難得樓下有 又今日唔駛排隊 梗係入去食下啦😂裝修比厚德街果間有心機 更有日式風味同坐得舒服叫左個壽司配烏冬餐率先黎左個牛肉烏冬咁其實呢個烏冬就冇咩特別 正正常常啦跟住就係6件壽司啦👏👏👏蝦好鮮甜 上面既魚都好肥美 肉感好正 魚子爆哂漿 三文魚 帶子都係一貫既鮮 同玉子燒👏👏 最正係鮮蝦格黎果個 好好好好好食呀😍😍😍 佢仲配埋甜品 沙拉同湯 埋單100 都幾好👍…Read More

話說今日係7夕 （其實都係搵個借口食飯je) 所以落街食個飯 去之前成日都要排隊既金坊餐廳裝修都幾有泰國風味同埋好大下其實都好耐冇食泰國菜 所以揀左好耐先點菜首先黎左個串燒😍咁就牛豬雞三款配沙爹醬 正常配搭 口感同烤功唔錯 雞肉幾好食 但豬牛就一般啦跟住就黎左馬拉盞炒通菜唔夠泰式 唔夠辣 一般般啦好 跟住係波羅炒飯呢個唔錯 又足料 都幾多蝦同帶子嫁 跟住就黎左金邊粉金邊粉加青檸 芽菜就爽口 都有唔少蝦係入面 同埋金邊粉炒得幾好食全場最好食 我要推介呢個酸辣感一流 豬肉肉質鮮美 夾埋入去生菜既爽 一次過擺入口簡直係人間美食 無得彈呀！好多年前食過荃灣果間 好似當年好食點 但都開心樓下多個泰式選擇👏…Read More

黎到星期三 風又打唔成 咁唯有食好d 慰勞自己 咁就去左來佬餐館試下 唔駛等位 餐廳夠大 坐得夠開心😍 睇左陣餐牌 一於嗌泰式太陽蛋香草肉炒飯😍上到菜果陣 即刻篤爆個太陽蛋 等蛋漿充分鋪滿成個飯😂 （唔係要個蛋托咩）之後食啖飯驗下貨先 唔錯bor!!!!😍 少少辣既肉 香草又唔會太勁香草味 飯又幾軟 一匙有哂肉 香草 同飯既 係一種享受 有哂辣 香 軟 咸 😂😂😂 加上已經鋪左蛋漿既飯同肉 係正既😂😂 唯一唔好既係 個蛋太細 唔夠鋪哂成個飯…Read More

星期日撞正1號波波 又成日落雨 都冇出街所以於是晚餐落左樓下開左幾個月既deli o 餐廳入面裝修幾特別 中間有張兵兵波台做餐台 而且張張台都幾闊落 所以都坐得幾舒服我地最後叫左一烏冬 一喇沙喇沙係肥牛喇沙 一上黎就試下個湯底先 其實個湯就冇咩特別 滾水咁囉 冇應有既椰香花生味 至於肥牛都冇咩特別 至於烏冬就叫左豚肉番茄烏冬 呢個就唔同啦 真心好味好多😍😍😍番茄湯係真番茄 唔係就咁用番茄醬溝水👍 而且番茄都煮得爛 易入口 酸中帶甜 唔錯👍 至於豚肉都比肥牛好咬口得多 所以誠意推薦一試😁…Read More

香港人好似特別鍾意食米線 米線鋪開到成行成市南記可以話係香港扎根多年 叫得香港仔南記 因為佢真係香港仔發蹟 😂 呢排佢都幾大肆擴張 樓下都有番間 好啦 今日下午搞完銀行野 就順道想食下南記既小鍋米線🤣嗌左都等左一段時間先有得拎 但好野係值得等既😍相信食得南記都知佢個春卷係生招牌 😃 食左第一啖 已經滿足到不得了😂😂😂 真係到依家都搵唔到另外一間可以媲美 此外 辣豬肉都係佢地招牌 辣同醬汁既咸融合爽左後 係變得更令你上引 唯一可惜係佢今次醬汁落咸左🤣…Read More

灣仔大王東街坐落係修頓對面 喜帖街附近 呢條街都唔少好野食 建議大家可以尋下寶今日去左tic tac toe 主打西餐入面幾闊落 又有情調睇左餐單後 嗌左波菜蜆意粉 波菜汁本身都清新可人 所以食落都幾好 👍加上有蜆做主食 可以配搭出新鮮 清新既味道 另外 佢地有杯主打飲品 叫TTT Lemon tea佢會俾三個檸檬冰你 另外上一杯檸檬茶 咁你倒檸檬茶入去果陣 就會開始將冰溶左 咁入面既檸檬就會出黎啦 好處係唔駛驚冰溶左之後 將檸茶應有既味道溝淡 所以唔錯嫁！…Read More

中環貴為香港市中心 真係想搵平靚正既餐廳都難呀？😭今日就去左間連鎖快餐去醫肚人多到爆炸 但都算快就嗌飯食啦 嗌左個抵食兩送飯有菜心 豬排 菜心就家常菜咁啦 豬排好好食呀😍 甜甜地 又好咬口 唔錯唔錯👍另外 值得一提係杯檸茶係用earl grey tea 做底 擺檸檬入去 earl grey tea 本身已經好好飲 原來用黎做檸檬茶都唔錯👍中環食飯真係貴夾唔飽唔多 難得搵番間平民美味之選 正呀！誠意推薦大家可以搵呢間醫下肚 又平又抵食👍😆…Read More

Burgeroom 可以話係我其中一個favourite 餐廳 所以忍唔住又食啦事緣放工約左三五知已 就一於係銅鑼灣坐低食下飯 就去左burgeroom除左好食 位置我都好鍾意 百德新街呢頭靜中帶旺 唔駛驚迫😂由於同行友人未到 嗌杯桃茶飲下降火先大熱天時，爽呀！🤗食漢堡 梗要嗌小食 嗌左個炸雞翼歎下 少少辣 又啖啖肉 一解口腹之慾主角黎啦 今日嗌左個特量芝士漢堡！芝士多到估你唔到😂😂😂 真係好特量 滿瀉哂 牛肉保持一貫高水準 加埋芝士 夠哂滿足呀！食burger 既 誠意推薦食呢間👍…Read More

老婆生日梗係大哂 所以訂左長期要排隊既滿屋慶祝下先由於係平日午市， 所以都好快入座啦 同當然要盡快叫野食啦拎左前菜食下先跟住梗係食刺身啦 值得一提 野飲都好多選擇 有罐裝 有特飲作為一個成功既放題 又點會只得刺身 梗係仲有一堆熟食啦牛柳粒 羊排 焗蠔 全部應有盡有 好食又大份 夠哂滿足仲有嗌左好多正野 雞翼當然走唔甩 仲有炸野 有炸年糕 炸榴連 好味到無朋友 仲有個燒波羅都一定要燒 好甜既波羅 食完好多肉後 食一啖有陣清新既感覺 最後仲有花膠俾你 夠哂補身呀！ …Read More

銅鑼灣登龍街 呢幾年可謂經歷左翻天覆地既變化由以前既拉面街 變成多左好多高樓大廈 林林總總既食肆 而今日就搵到係Vpoint 25 樓既韓式烤雞入到去 被安排到近window 位 可以一覽維港餐廳都好新淨好啦 我地嗌左杯野飲消消暑先朋友嗌左杯藍橙沙冰 好冰涼 橙味夠 好好飲我就嗌左柚子沙冰 柚子咪好夠 但飲左藍橙覺得藍橙仲正之後嗌左 牛肉粉絲沙律做前菜正呀 粉絲彈牙煙靭 再拌牛肉 肉味濃郁 粉絲彈牙 係韓國既風味呀最後 梗係主角烤雞啦呢個係芝士蜜糖咖哩烤雞，甜味有蜜糖，咖哩有辣味（少少辣 ) ，加埋芝士 同烤雞，好食到停唔到 我會將芝士食一啖 再食雞 保證啖啖都係芝士蜜糖咖哩烤雞😂第一次食韓式烤雞 冇炸雞既熱氣 有雞既肉味 口感 係一個值得推薦既食物同餐廳👍…Read More