sunstep的個人專頁

襯個颱風山竹未殺到嚟，兩口子去咗荃灣。外面成卅六丶七度，揾地方食晏。見呢間全正評，便一試無坊。我地叫咗兩個套餐，各人加多一個所謂無味精湯。麻婆豆腐：過麻，個人唔喜歡雜菌蒸雞：味精太多，又細碟！九鼎湯：完全冇湯渣，唔值加＄15囉鼎！𥚃面又冇冷氣，出面又熱，食到我地身水身汗仲要埋單時比我發現收多咗個散餐感覺受騙！總括來說，味精多，空調差，d嘢細碟，又貴又唔好食，仲要收多我錢，真係勁嬲！都唔明點解咁多正評？一個字：伏！…查看更多

同事生日指明要食呢間，所以大伙兒一起去試菜～d碗碟衞生麻麻。我個碗有積，同事個湯匙痴住舊辣椒，另一位同事要換筷子壽星話要食擔擔麵，佢張相有好多肉碎喺上面好吸引，但係嚟到⋯⋯一粒肉碎都冇，d湯好稀，冇乜花生醬味，我唔鍾意我叫咗個黑醋骨，炸得恰到好處，甜甜酸酸幾開胃年糕冇乜味，好麻麻小籠包皮唔叫薄，汁也不多個素鵝，裡面只吃到一舊菇，唔知同鵝有何關係？蔥油餅酥皮好香，熱熱地好好味。…查看更多

返完教會朋友們揀咗食美心MX。因為啱啱撞到有朋友係美心員工，所以有85折！我去親快餐店都係食焗豬，因為呢個菜色係最穩陣。不過今次有d驚喜，因為個賣相好吸引，啲料疊到好高，同平時宣傳海報果d樣好似！(通常實物相差好遠)身旁的朋友仔見到都嘩嘩聲！啲汁好足，仲要上面真係有芝士(雖然唔係多)！d飯大大粒，且粒粒分明，撈d汁酸酸甜甜真係冇得頂。啲菠蘿蕃茄都好大舊;豬扒就有少少韌。不過整體都OK！份量略大吃剩一些豬扒。我個焗豬實在值得推介，不過同枱的朋友啲嘢食就好麻麻。所以去呢度可以一試焗豬。…查看更多

今日約咗4個同事去Poly睇Design Show，其中一位同事又唔想喺Poly食lunch，我諗不如喺尖東食啦！不過以前喺尖東做嘢，食到冇乜好食。突然諗到歷史博物館有間Cafe，我又有兩個同事係外國人，應該會鍾意呢d有特色又懷舊feel的Cafe, 所以一行五個人就試吓呢間。間Cafe係社企營運，都想支持吓。望個餐牌，午餐選擇唔多，某程度上都好啱我呢挺有選擇困難症的人！我叫咗個魚。製作似乎需時，因為同事叫常餐丶雲吞麵食咗成一半我個午餐先嚟。個餐湯係忌廉湯，有幾片火腿，冇乜味，普通茶餐廳貨色。碟煎魚飯賣相並不討好，食落去⋯⋯條魚薄身，好鹹！好似食緊鹹魚。d汁只係有鹹味的茨汁，菜都是烚熟，冇味。認真麻麻。我d外國同事似乎對裝修興趣不大，反而邊吃邊看在仿古電視機播放的粵語殘片😂…查看更多

同舊同事食飯，中港城都冇乜平嘢好食，所以揀菓一道。我早咗去但唔齊人唔俾入，唯有坐出面等。幸好坐出面等時冇人食煙又有d風吹吓！舊同事到咗立即入去，其實個場仲有好多空位，到走時都坐唔爆。我懶健康揀咗豬柳三色飯，d醬汁OK，塊豬三塊薄切就OK好食，菜和飯唔撈汁就完全冇味舊同事個拉麵就麻麻，佢話個湯底似公仔麵湯d味。我地叫咗一人一杯山薑茶，淡淡地，不過不失由於舊同事有會員卡9折，即係冇加一嘅價。整體麻麻地，是否健康嘢都唔應該奢求佢太好味？…查看更多

阿爸喜歡吃自助餐，之前一個星期臨時臨急搵地方慶祝父親節，呢間竟然未full！或許因要落訂所以嚇走唔少人！所以就呢間啦唔好煩去到我們的座位離自助拎嘢食區好遠有大有細有老有嫩都幾唔方便嘢食種類也唔多，平時我唔會拎得多的湯(飲一碗已經飽飽哋果d）我都飲咗2碗！完全唔駛話留肚。甜品也很少。其實係有d失望！佢每人有個蟹肉pasta,唔係幾吸引所以叫侍應兩人share一碟就算！不過每人三舊水仲要係父親節正日，我諗都唔可以強求d乜～不過每個男士都有一包曲奇＆skinfood試用裝(坦白說，哪個男人會真的用），係幾貼心嘅！…查看更多

晚餐時間冇胃口但又唔想唔食嘢，咪諗住簡簡單單食碗車仔麵就算。於是去咗蒙麵。呢間好耐之前食過，店內店外均貼極具創意的告示，例如"梁振英都要照排隊"。今次貼"並無特事特辦"，好正喎！𥚃面都有不少提示，例如"本店不用次貨，貪平勿進"，對想食好少少質素的食客來說，若屬事實就一流。其實我真係冇乜胃口，所以起初只叫了一個餸，但佢話最少要揀三個。焗住叫多兩樣。蕃茄湯底夠曬濃，好好味，幾乎俾我飲清光！薯仔都煲到淋淋哋～齌個湯底已經好正。五香牛筋入口即溶咁，超級入味，好香！豬手不錯，蛋角好香口，菜甫有𡁻頭。瀨粉就冇乜特別。份量對一個女生來說實在太多，兩個女生食就差不多！不過為咗唔做大嘥鬼又唔想拎走才勉強清咗！心機之作，值得推介！…查看更多

今夜未食正餐已經心思思想食甜品。也是刻意行去亞玉豆腐花~雖然天氣熱到唔郁都會出汗，但基於要為地球出一分力少用膠兜丶膠袋丶膠匙(其實為咗慳一蚊)，我決定喺鋪頭面前食糖水~想不到穿藍色恤衫的外國人也識食～佢叫咗豆漿花和芝麻糊～我就叫黑白配喇，即係豆腐花加芝麻糊。我落咗d薑汁和糖。其實又唔係話特別好食，芝麻糊結撻撻唔算香，豆腐花又不是特別滑～不過9蚊一碗黑白配，邊度搵吖！糖水鋪起碼加多十幾蚊埋單！食完流曬汗，將個碗放在一個膠筒，湯匙放另一個筒。諗住走人時，才發覺條龍長咗幾倍！咁抵食的糖水又真係難揾！如果淨豆腐花都係6蚊雞咋！下次試吓黑豆腐花先～…查看更多

傍晚喺紅磡要揾嘢食。經過間吃米線的鋪頭，突然想吃米線。老公就話食就食隔離間新川啦！老公咁嘴勺都咁講，咪試吓有幾好食！入到去都係鋪細細但盡量間多d位果d！所以坐得好逼！我今晚仲屢次批踭去後面的女士個背脊度，真是不好意思叫完之後一兩分鐘就上！速度快得驚人！個樣都幾令人垂涎！只有大中小辣揀，唔係好食得辣的我咪唯有叫小辣。配料有d肉碎丶花生丶芽菜丶芫茜丶蔥。撈完後第一口覺得都幾辣和麻。d汁好好味丶好香。其實都怕怕越吃越辣。但又冇喎，反而適應咗個辣。d薯粉好彈牙，配埋d汁真係好好味。豬膶和鹵蛋不過不失啦！不過整體來說都很好，所以成碗清曬！老公也好快食曬。佢俾咗隻豬耳我吃，十分入味亦惹味！每人卅幾蚊的晚餐，又飽又好味！抵到爛啦！…查看更多

酷熱天氣下諗住買定外賣必要時醫肚，想起此一人經營的韓食小店。由於先前光顧見到不少人外賣紫菜飯，所以諗住叫呢樣啦！入店時聽著韓語收音機的女店主正正在做紫菜飯，所以叫做＂即叫即整＂了😂。夏日炎炎食呢個都幾好，裡面有醃蘿蔔都幾開胃。整體而言OK啦！…查看更多

昨晚和老公看29+1，今午和爸爸兩父女出外撐枱腳，份外有感觸。本來爸爸想試試報紙介紹石蔭商場附近的一間酒吧午膳(所以才刻意山長水遠來石蔭)，惟獨抵達時見到裡面幾乎沒有人影，而且餐牌又唔多啱佢口味。只是大熱天時唔想再周圍慢慢找食市，剛巧鄰店餐牌有爸爸想吃的魚，而且都有些食客，所以決定一試。由於打算同爸爸share,所以我揀佢都啱食的紅酒牛肋條，佢揀比目魚。由於餐廳不供應水，我們都選了餐湯。是日餐湯是蕃茄蟹肉湯。聽下去伏伏哋，估計是紅湯加幾絲人造蟹柳。反之爸爸卻十分期待，因為他喜歡蕃茄湯。上湯時我眼都突埋，原本打算靠佢解吓渴，但原來佢⋯⋯咁⋯⋯䄂⋯⋯珍⋯⋯嘅😅彷佛可以一口喝完。阿爸話見佢咁細就知係好嘢。果然，原來係超級濃湯嚟，想不到呢個份量是剛剛好，太多就太飽了。佢有舊breadcrumb香香哋都幾夾，喜出望外！好有水準！值得推介！👍🏻爸爸點了凍奶茶，佢話不過不失啦。紅酒燉牛肋配雜菜薯泥沒想到賣相會如此好，味道也很好。牛肋夠淋夠入味，又唔韌(個人最怕咬唔爛）。配菜有燒蕃茄丶翠玉瓜丶小蘿蔔丶仲有椰菜仔(我最愛，但爸爸最怕)，正呀～薯泥在底，個份量OK～比目魚配雜果沙律阿爸選雜果沙律，因他不喜歡薯泥，又不喜歡冇生果的沙律。我平時在茶餐廳吃的生果沙律都是來自罐頭，所以總覺得好伏。但又係喜出望外，條魚都算幾大條，d生果大大粒幾有咬口！幾好食！賣相也很吸引！整體來說十分滿意，惟獨店內冇廁所，去商場廁所又要鎖匙(店員說衛生亦欠佳)。此乃美中不足之處。但我和爸爸吃完就走，所以都不太受影響。…查看更多

雖然係為慶生，其實期望不大，因為吃過的朋友都覺得一般。只是因為地點方便而壽星又想吃小籠包，又冇切餅費，所以試吓啦。價錢都唔平，所以叫多d粉麵填肚。限時個半鐘，打去時fully booked咗要walk in，但空置率甚高，所以過咗時都冇人理。人手不足，偶爾忍不住要自己加水。朋友説睇一間上海食市得唔得係睇佢小籠包掂唔掂。我個人覺得呢個336上海小籠包一般般啦。排骨擔擔麵，由於喉嚨痛唔敢食排骨，擔擔麵少辣所以吃了一口，好濃花生醬味，啱我喜好。黃金炒飯，睇相已經知會用無味的雪蝦，都冇乜期望。結果d蝦的確堅係冇味，不過個飯底有鹹蛋都還可。上海炒年糕，OK啦。上海炒麵，都係一般啦。魚籽煙燻蛋，都幾特別，OK醬燒茄子，我鍾意干貝賽螃蟹，我覺得只係食緊堆醋撈蛋白樟茶鴨，其實食落去只係overcooked的燒鴨，我朋友說似屋企d蠟鴨囉香蕉高力豆沙，50蚊4粒，𥚃面冇乜豆沙，我覺得唔值呢個價，唔好食。Overall: 如果食裝修食地段，都OK嘅。不過唔係outstanding的餐廳…查看更多