LawrenceJaiJai's Profile

潮州菜從來都不是我的喜好，這一碗紅燒大鮑翅好好味！裏面的魚翅我可以不要，我只要湯就足夠！😂蝦棗和蟹棗都是我比較喜歡的菜式，還有滷水鵝片、凍馬友、糖醋兩麵黃等，滷水鵝片肉質有啲老、滷水豆腐味道有啲鹹、凍馬友本身個肉質比較霉爛、所以當做了凍魚之後，口感就會好啲食緊霉霉爛爛嘅肉，我自己就不喜歡，至於糖醋兩面黃做得唔好，完全唔夠脆，食兩面黃就係想食脆，咁簡單嘅菜式都做得唔好…所以我本人認為這些菜式都非常一般。…Read More

收藏咗呢間「人生有限杯 . 串燒店」好耐，終於扚起心肝去食，小弟對於呢間店嘅期待指數係非常之高，加上網上面幾乎冇負評，所以期待值真係滿分，不過食完之後，我就唔係咁睇，我絕對覺得網上面嘅人嘅評語過分誇大，甚至乎係咪收錢㗎你。事實上完呢餐之後我嘅失望值反而係標高，我絕對覺得唔需要推薦別人去食，當然你有時間，而且唔使排隊咪去食吓囉，要排隊嘅話真係冇乜必要。我叫咗個流心蛋薯仔沙律、蒜蓉欖角燒蟶子、蟹粉日式豆腐、蒜蓉菜脯燒茄子、明太子忌廉烏冬、泰式燒墨魚鬚、鹽燒鮮雞皮、焦糖菠蘿鵝肝醬多士、白酒忌廉煮蜆、蒜蓉燒蠔、豚肉荔枝卷、鹽燒雞腿肉同埋仲有杯荔枝檸檬梳打幾好飲。而家先講先講伏嘅先：蟹粉日式豆腐 ：呢個真係冇諗過會唔得，因為喺網上面見到都有人，真係想問嗰條友識唔識食㗎？粉有少少腥，豆腐佢就切得細細舊跟住塊皮超厚，唔係好感覺到食豆腐，非常推薦你唔好叫呢個食！❌蒜蓉菜脯燒茄子 ：呢個唔算係伏，但係處理得非常唔出色，主要係調味嗰度，完全浪費咗蒜蓉，唔知點解佢將蒜蓉菜脯同埋佢一個醬撈埋一齊之後變得完全唔精彩，另外一啲舖頭只不過好簡單用蒜蓉用少少調味粉就已經好容易好出色，反而佢仲俾心機加咗菜脯之後我覺得有啲失色，呢款菜叫唔叫嚟食你自己諗，因為佢又唔係唔好食，但係又唔係好食，因為事實上係可以做得好出色，但係佢偏偏做到唔出色。😩明太子忌廉烏冬 ： 呢個真係最多人讚，喺網上面差唔多偏偏搵到讚，黐線❗️首先碗烏冬嚟到嘅時候真係好香，充斥着濃濃嘅奶香味，烏冬上面有明太子醬同埋一隻蛋黃，撈埋左一齊食之後，明太子味唔夠濃，忌廉又冇乜味，當初好香嘅奶味，原來只係嗅覺❓好奇怪，最大問題嘅就係烏冬，超級淋啤啤🤮非常糊口，終極失敗‼️ 焦糖菠蘿鵝肝醬多士 ： 無論係個名，或者係個賣相都好吸引，又係嗰句，當你期望越大失望就越大！焦糖菠蘿我冇問題，鵝肝醬有少少冰，多士裏面有啲淋，三樣嘢加埋嚟食呢個組合應該冇乜問題，但係佢哋偏偏出現大問題，食物上面完全冇互相幫助，再加上食材有問題，我相信如果稍為改一改成件事就Perfect，鵝肝醬轉為鵝肝，佢嘅多士就唔好用法包，真係用無邊嘅多士，而且仲要整得脆而唔係硬，而家佢嘅做法就係硬個發包變硬，中間就淋，係因為鵝肝醬處理上面唔知點解出水，整濕咗個包，所以成個組合好難食❌以上呢幾樣嘢係最大問題，都有幾樣嘢出色嘅，就係蒜蓉欖角燒蟶子、泰式燒墨魚鬚、鹽燒鮮雞皮、豚肉荔枝卷，其他嘢食基本上普通，不過不失，絕對唔需要大推，所以我真係唔係好清楚啲網友嘅口味還是係打手🙄…Read More

好耐無食「鋒膳」，今日book咗1:00 食lunch，點先叉燒賣晒，之前都係食叉燒煎蛋飯．．．點知賣晒😅原本想轉食煎蛋串茄焗豬扒飯，不過諗諗吓想下啲未食過嘅嘢，望咗一陣menu，睇到個生拆蟹粉蝦球伴手做風乾麵（足三兩蟹粉）幾吸引，所以就決定食呢個。所有午餐係會送爵士湯，爵士湯係用哈密瓜、陳皮、螺頭、花膠同埋豬𦟌㷛成，yummy 👍🏻生拆蟹粉蝦球伴手做風乾麵（足三兩蟹粉）- 整碗蟹粉好足料，勁好味！😋蝦球上面有金箔點綴，豪華左！至於手做風乾麵🤔我覺得正正常常一個麵無特別，但係．．．風乾麵有少少湯浸住，果個湯亦都好出色，有啲似火腿雞湯而且非常濃厚，好味！整體來講我非常喜歡😘！最後佢仲送咗杯自家製手工雪糕俾我食，少少咸味嘅花生醬再配上比利時餅乾，咸咸甜甜有啲似海鹽焦糖味幾好食😊。By the way 原來「發達叉燒」都係佢哋嘅，所以🥰…Read More

睇到KABU會員通訊「敍。小麵」喺K11 Art Mall 新開幕，清炒六月黃蟹粉有85折，好似幾吸引🤩於是就去試吓。清炒六月黃蟹粉 - 都幾足料，百幾蚊算幾抵食。搭配炸銀絲卷食都幾惹味😋。小籠包 - 皮薄多汁，不錯👍🏻四喜烤麩 - 不過不失蔥烤大排 - 豬排肉質算淋，略嫌味道唔夠濃。砂窩鹹肉菜飯 - 分量大，大約有4碗飯，材料足，味道唔會太鹹剛剛好。整體來講算幾好食，價錢又合理，唯一缺點可能係．．．會員無折扣優惠，一直以來食KABU嘅牛角、溫野菜等會員都有折扣優惠，就算連去matcha Tokyo飲杯抹茶都有折（淨係知道挽肉と米無優惠），加上我喺會員通訊度見到，所以我以為一樣有，直至到我埋單先知原來無折扣優惠，嗯～ 當時嘅我有少少不爽😅宜家就知道唔止挽肉と米無優惠，原來仲敍小麵。…Read More

以前啲人嚟到澳門就一定會食雙皮奶，我諗一諗我都有成十幾年無食過雙皮奶，咁啱見到呢間Cotiz 同義順crossover 咗杯雙皮奶軟雪糕，見到個賣相幾吸引，雖然價錢有啲貴，但係都決定買嚟試吓。軟雪糕牛奶味濃，而且幾滑，但係雙皮奶就有啲偏水，唔屬於滑，所以雙皮奶部份就一般啦。我唔記得咗清楚個價錢，我淨係記得大約50幾蚊，我覺得有啲貴，不過佢咁貴都係有原因，因為嗰個杯係用玻璃做，而且你食完係可以拎走留念，我當然冇拎走，我做咗件更加偉大嘅事情，就留低比佢哋回收．．．循環再用♻️🤭…Read More

知道日本過江龍「銀座 篝」係香港開咗之後，拿拿臨去食，之前只係喺成田機場食過，當時覺得個雞白湯好正，但係個麵就麻麻，好似有陣鹼水味咁。所以知道香港開咗就即刻俾多次機會佢。我叫左碗雞白湯特製拉麵。雞白湯特製拉麵 - 碗麵一嚟到超香，拉麵上面放咗雞胸肉、粟米芯、紅椒、蘿蔔片、蜜糖豆同埋番薯，另外仲有一碟放咗一模一樣嘅嘢，再加上溫泉蛋同埋叉燒。先講個湯，雞白湯超香又濃味，我自己就非常喜愛😘基本上呢個湯配咩我都會鍾意，如果配白飯應該會仲正😋。雞胸肉嫩、溫泉蛋就有少少踩鋼線有啲偏熟、另外豬叉燒，我本人覺得可以不吃🤣，今次食嘅拉麵就冇咗嗰陣怪味，同雞白湯非常夾🥰，搭配蔬菜去食變得清新同埋解膩。所以我自己就好鍾意❤️唯一缺點．．．．．．冷氣不足。…Read More

通常啲人去到澳門都會食番餐葡菜，其實我自己對於葡菜真係唔大癮😅，不過今次見自己好似好多年無食過葡菜，所以就搵番間食吓。咁耐以嚟食過咁多間葡萄牙餐廳，我自己最鍾意一定係「Miramar」不過實在太遠喇！交通非常不便😅，所以今次都係決定唔食佢，搵過第二間食算。搵到間「FADO 花道葡萄牙餐廳」口碑唔錯，最緊要係可以訂枱，排隊嗰啲唔啱我🤣。叫咗八爪魚沙律、詩人煑蜆、烤乳豬、焗鴨飯同埋蛋奶油泡芙。八爪魚沙律 - 八爪魚份量都幾多，食極都有，洋蔥酸度調味剛剛好，幾好味。詩人煑蜆 - 我唔鍾意，因為有芫荽！烤乳豬 - 同一般烤乳豬唔同，將乳豬拆肉，去除所有脂肪，做成肉批，再蓋上脆乳豬皮就完成。乳豬肉胡椒味偏濃，乳豬肉因為無曬啲肥膏所以有啲乾，伴碟嘅水果沙律調味超級正！薯片就不過不失。焗鴨飯 - 我第一次食，所以我唔知佢應該係咩味，我以為會好香鴨油味點知唔係，反而係芝士味，材料有啲葡式臘腸、血腸、煙肉同埋鴨肉等。蛋奶油泡芙 - 呢款甜我又係未食，同我認識嘅泡芙唔一樣，佢應該係將一個泡芙弄碎，放入蛋奶油裏面，至於咩嘢係蛋奶油，其實就有啲似custard，不過呢款甜品都幾甜，所以旁邊伴咗一杯鮮橙雪葩，解一解膩。…Read More

突然想食燒鵝，所以就去咗海天食，我好鍾意食佢哋嘅燒鵝😋，同埋買咗啲海鮮俾佢哋加工。椒鹽瀨尿蝦、清酒煮青口、蒜蓉粉絲蒸元貝、豉椒蟶子皇煎米底同埋甜品 - 雷沙湯丸。燒鵝 - 💯，不過差咗少少。椒鹽瀨尿蝦 - 算好食，唔會太鹹。清酒煮青口 - 本人唔食芫荽，佢落咗，所以🙅🏻‍♂️。蒜蓉粉絲蒸元貝 - 好大量份，落完好飽😂。豉椒蟶子皇煎米底 - 好食，特別係煎米煎得好好。雷沙湯丸 - 唔算好好食，正正常常，花生粉唔夠香。…Read More

真係好耐好耐無食「阿元來了」喇 ～ 雖然我真係幾鍾意食佢嘅魯肉飯，但係一碗細細碗嘅就要$41，如果男仔嘅話真係有需要食兩碗😅先至OK，我真係覺得有啲貴。另外仲叫咗刈包同埋炸甜不辣拼盤。刈包就普普通通，肉就好淋同入味，酸菜亦都好正，唯獨係花生粉唔夠多，同埋整個刈包份量比較細個，兩啖已K.O.。至於炸甜不辣拼盤就同我以前食嘅甜不辣有啲唔同，拼盤𥚃面有兩款甜不辣，白色果款偏粉偏軟，第一次食呢種口感，不是我喜歡的，另外一款就係屬於正常，不過拼盤份量幾多，幾抵食。…Read More

又一間日本過江龍，來自東京嘅na na’s green tea 進駐咗黃竹坑嘅The Southside 商場。我揀咗嫩雞肉明太子茶漬飯同埋抹茶白玉芭菲。嫩雞肉明太子茶漬飯 - 用嚟做茶漬飯嘅湯有有兩款可以選擇，一款係鰹魚高湯，另一款就係日本茶，我就選擇咗鰹魚高湯。我本身好鍾意食湯飯，所以茶漬飯對我嚟講係冇得輸，加上鰹魚湯本身好好味，所以配上什麼食材我都覺得好味😅，食材方面都冇乜問題，唯獨是我覺得價錢稍為貴咗少少。抹茶白玉芭菲 - 抹茶你都講我本身好鍾意食中村藤吉，如果一定要去同中村藤吉相比，我一定會揀中村藤吉，但係事實上佢又唔係唔好食，只不過驚喜度唔大，佢係好食嘅，反而價錢我覺得係合理🤣。…Read More

嚟到灣仔呢間「貓之眼」食午餐，喺門口大約排咗15分鐘，午餐時候特別多人所以排隊係必須。叫咗份{咖喱豬肉·忌廉雞肉·和牛漢堡蛋包飯}我覺得日式咖喱好難會煮得難食，所以一定係非常之safe嘅食物，咖喱裏面嘅材料亦都好豐富，豬肉係用上豬肉片，而忌廉雞肉就好香奶味，味道偏淡，雞肉同雜菜亦都好足料，蛋包飯嘅雞蛋好滑好食，反而米飯唔算出色，飯粒水份度唔高亦唔夠飯香，至少唔係我喜愛嘅米飯。至於和牛漢堡，我就唔建議大家食，雖然件和牛漢堡份量非常之大，但係漢堡肉裏面比較乾完全無肉汁，我諗一般人見到和牛漢堡就會諗到裏面一定好Juicy，但係佢偏偏唔係😓，漢堡嘅肉質偏腍，肉味尚可，但係就裏面偏乾，所以我就唔推薦大家叫嚟食。至於服務．．．．．．算啦！喺呢啲繁忙時間隻眼開隻眼閉啦！…Read More

試咗兩款新口味Lady M (可能唔係新，至少我未食過😅）炙燒焦糖芝士千層蛋糕Burnt Cheesecake Mille Crêpes焦糖、忌廉芝士、檸檬芝士千層蛋糕、牛油曲奇餅底，呢四個組合算係幾夾，忌廉芝士非常香濃，牛油曲奇餅底非常加分，令到整件蛋糕多一份香味和脆度，至於千層蛋糕部份．．．因為忌亷芝士和牛油曲奇餅底太出色，所以千層蛋糕有點失色，不過非常適合喜歡芝士蛋糕嘅人。 開心果千層蛋糕Pistachio Mille Crêpes我一直都最鍾意伯爵茶千層蛋糕Earl Grey Mille Crêpes，今次食咗開心果之後，我有少少動搖😅，因為真係又香又滑又濃味，唔怪之得最近啲人咁鍾意食開心果口味嘅產品。…Read More

第一次嚟食「多賀野」，叫咗份極上蟹皇沾麵、吉列炸蠔同埋山梨縣葡萄汁🍇。極上蟹皇沾麵 - 個湯蟹味算濃而且好鮮甜，因為個湯係用豚、鴨、雞、魚做基礎湯底，所以真係好鮮味。拉麵掛湯程度只屬於一般，而拉麵係屬於有咬口嘅拉麵幾煙靭。糖心蛋也不錯，反而軟殼蟹非常普通，絕對沒有幫助碗拉麵加分，價錢偏高😅$188。吉列炸蠔 - 自家製吉列粉幾出色，偏脆，略嫌蠔味唔夠。山梨縣葡萄汁 - 嗯．．．日本版威路氏提子汁😊整體上是好的，包括服務態度非常好👍🏻，絕對會再次光顧😋。…Read More

KABU PASS 金咭會員可以優先預約挽肉と米👍🏻👍🏻，都隔咗一段時間冇食，上一次食喺中環嗰間店，今次就預約喺尖沙咀分店。今次尖沙咀嘅成個體驗我覺得非常好，無論服務同埋食物都係，最奇怪係今次個漢堡扒超好味，同上一次比好食好多，上一次舊漢堡扒明明食唔到炭燒嘅香味，但係今次就食到有炭燒香味，而且漢堡扒裏面仲要超級Juicy！爆汁！搞到我好想嗱嗱臨再預約食多次😋。而且我發現咗舊漢堡扒沾香炸蒜碎好好味！唯獨是有一個缺點：就係佢哋冇隔蛋黃器，因為小弟覺得淨係生蛋黃撈飯先至正，如果有埋蛋白就No Good 😊 …Read More

屯門巿廣場開咗間日本過江龍「鳥貴族」，都開咗一段時間仲見到好多人排隊，之前去日本旅行嘅時候，從來都無食過呢間店，所以就嚟試吓。雞腿（秘制醬汁） - 嗯⋯⋯咁普通？！絕對唔係唔好食，但係又唔係好食，淨係諗到普通兩個字無其他😅。雞爽肉（鹽燒） - 呢個算好食，首先肉質比較有彈性，鹽燒比起秘制醬汁好味，同焦燒嘅香味比較夾，亦唔會掩蓋雞肉味，貴族雞釜飯 - 如果係釜飯嚟講，一定唔係好，但係唔係唔好味，可以食得落肚，真係好普通、好平凡之類嘅形容詞，唯一優點：份量好多。日式雞肉薯仔沙律 - 薯仔沙律本身無問題，反而係日式雞肉出事，日式雞肉係會淋喺薯仔沙律上面，但係雞肉果啲汁超鹹！完全破壞晒！雞皮（鹽燒） - 呢個應該無得輸喇啩 ？！但係都要輸一半🤣視乎你鍾意食脆卜卜嘅雞皮還是Q彈嘅雞皮，他們家的是Q彈的。芝士雞肉丸 - 三個字「超難食」，芝士被醬汁完全掩蓋，少少芝士味都無😓。雞肉丸質地腍bet bet ，啱晒無牙嘅食。釀青椒 - 青椒唔好乾，水份非常充足，以為係蒸。青椒有少少紫蘇葉既味道幾清新、可惜釀青椒係用雞肉丸嘅免治雞肉釀的，所以⋯⋯我食咗$229.2🤔應該唔算便宜，同埋咁嘅質素，真係無乜必要再幫襯。…Read More