Smileyy's Profile

大角咀分店開店以嚟一直大排長龍 去到北角終於有機會一試每張凳面都擺放咗海苔、鹽酥同香辣味粉 想多想少想溝想重口味都隨你鐘意😏真正嘅味粉Party woho個人排名係 👑海苔👉🏻鹽酥👉🏻香辣👉🏻蜂蜜奶油.🍴香酥魚菲力紅燒黑麥麵 HKD $84魚柳一共有3大塊 有大半隻手掌咁大而且算厚身 視覺效果上都幾澎湃 食曬啲魚柳都飽咗大半係麥記嗰種魚柳嘅厚身版 味道口感同紋理基本上都一樣😂今次揀咗動物餅版嘅海苔粉 幾襯塊魚柳 炸漿夠薄可以貼合魚柳 唔會出現空氣窿窿 炸得酥脆無燶又幾嫩👍🏻啖啖肉 湯底微甜唔死咸 黑麥麵有咬口 不過就唔算太特別 反而配料塊風琴豆卜索曬湯幾好食櫻花蝦辣椒比例較少 如果多啲應該會更惹味魚柳大勝個麵餅🍜推薦度：9/10.🍴 香酥脆雞便當 HKD $73今日便當配咗蒜香炒椰菜、家常炒粉絲同金平蓮藕3嚿脆雞用雞髀肉 厚身juicy 真係脆到咬到去咔一聲揀埋蜂蜜牛油味😂即刻好似食緊韓式炸雞咁不過飯相對較乾身.今次推薦度：8/10…Read More

由網店變旺中實舖 主打不加防腐劑日日新鮮製造望落好似好多料😂但其實係因為個碗好淺哈哈哈🥣 豆腐花珍珠綠茶焙茶芋圓 HKD$32🥣 仙草紅豆三色芋圓 HKD$28🍴三色芋圓包括芋圓、紫薯圓同地瓜圓口感行彈牙路線 但偏粉感三隻味嘅芋圓味道上無大分別😅真係要靠顏色先知道到底食緊咩 評分：5/10🍴 綠茶圓、焙茶圓因為聽落幾有特色 所以本身抱有期望但最後仍然同三色芋圓一樣都係要極度細嚼先食到輕微嘅味道🫣評分：6/10珍珠偏細粒同發漲嘅淋 豆腐花仙草、紅豆正常發揮跟底嘅黑糖汁甜得太over整體嚟講 經過可一試但不需再試😂整體推薦度：5/10==============================📍圓仔記地址：旺角彌敦道688號旺角中心一期2樓SB05號舖交通：旺角站 D2出口 / 旺角東站B出口…Read More

芋圓控穩身觀塘工廈 配料每日全人手新鮮製作 無加任何防腐劑小店行車仔風格 除咗預設MENU 仲可以自選配料同糖水㡳嚟個mix & match最低消費揀五款$35 其後每加一款加$4 最多八款$48 .🍴 芋圓、地瓜圓（每款5粒）每粒size都唔算細 表面滑嘟嘟某幾粒有食到芋頭粒粒 真材實料 但普遍嚟講味道較啖勝在咬落彈牙 口感加番分推薦度：6/10.🍴 焙茶圓絕對係特色之作～ 店主採用咗深焙嘅焙茶粉 茶味濃郁 對比芋圓地瓜圓味道出好多！ 口感偏實心 但略嫌中間位置有少少未搓均嘅感覺 食到粉感推薦度：7/10.🍴 奶茶凍特色之作2.0～份量俾得超豪爽 三大塊動L動L放滿個碗奶凍充滿住帶少少澀嘅嗰種港式奶茶味道 非常像真外賣放耐咗 個牛奶㡳仲變埋奶茶㡳添推薦度：9/10.🍴 雞蛋布丁滑嘟嘟 易入口同統一布甸相像度超過90%推薦度：7/10.🍴 SET B 良知甘露 HKD $46配料包括芒果肉、柚子肉、寒天晶球、白玉丸子同西米芒果汁㡳比想像中淡 配料亦正常發揮 不過不失註：-只收現金-星期日休息==============================📍芋圓控地址：觀塘駿業里6號富利工業大廈11樓B號鋪交通：觀塘站 A2出口…Read More

舖頭入面嘅霓虹燈一直都深受歡迎但食物就真係中大伏見近期開咗新分店再次俾人吹捧 忍唔住出個負評po略盡綿力 警惕大家🤧🍴黑蒜牛肉麵 HKD $118刀削麵幾好咬彈牙 牛肉都幾厚 不過就比較嚡同韌湯底較水但勁重味精 似公仔麵湯包feel 鹹到逼你叫飲品隻蛋熟到可以叫佢做烚蛋重點係！！！等咗半個鐘 但係竟然得到碗唔熱嘅麵🫠推薦度：2/10🍴薯泥起司黑松露蛋餅 HKD $78薯泥令到蛋餅皮軟patpat 比較難完整夾起所有材料係各自放喺度 完全無融合嘅感覺成嚿嘢得原味薯泥嘅味道 仲要唔係特別綿淡到懷疑味覺😑 說好的芝士呢？黑松露呢？推薦度：3/10🍴明太子甜不辣 HKD $68MENU聲稱係推介 但仍然係一個伏！甜不辣偏近熊井日式魚餅味道 口感淋 唔煙韌又唔彈牙喺面頭唧咗現成嘅明太子醬 叫做無咁dry 但味道上就無太大提升喇😕推薦度：3/10🍴黑芝麻奶奶麻糬 HKD $75餐廳招牌 可以揀芝麻 花生或者oreo沾粉麻糬強調只用鮮奶製作 唔加糯米粉同奶精所以麻糬甜味自然 做到拉絲效度麻糬相對軟身 容易攤開沾粉 無糯米糍咁實心彈牙算係為今餐加番少少分🫠推薦度：7/10註：-設加一服務費-人均最低消費$150==============================📍CHECK IN TAIPEI 臺北棧地址：中環蘇豪荷李活道27號地舖交通：香港站C出口/中環站D2出口(較遠)分店：尖沙咀海港城…Read More

厚福街的確係有好多嘢食 但論CP值喱間轉角小店無得輸😎.🍴豬扒肉躁拌麵 HKD $60 豬扒調味甜甜哋 吸引住你咬完一啖又一啖炸粉薄 咬落鬆脆唔嚡又唔韌 仲要有原塊豬扒切件上添呀😼肉躁份量好夠 每條麵都可以均勻地撈到 加埋菜脯 為相對淋身嘅麵加番一定口感唔好睇佢細細兜 食埋半隻滷蛋都幾飽咖🙊推薦度：7/10.🍴海苔魷魚鬚 HKD $40 即叫即炸 熱辣辣脆卜卜上台 份量合理 炸漿厚度適中 所以唔算太油膩而魷魚都好容易就可以咬開 唔霉😌小缺點係紫菜同炸漿雖然預先溝埋一齊 但紫菜味唔夠出 同食普通炸魷魚鬚無大分別🤧推薦度：7/10.註：-可用消費券付款: Alipay…Read More

：「茗茶聽落好老土喎😪」：「茶味？唓 平時都成日食綠茶焙茶咖啦」NoNoNo!!! 係中式茶味呀喂 仲要係低脂GELATO嚟😏雪糕口味包括：半熟普洱、伯爵茶、大紅袍、鐵觀音、蜂蜜茉莉花龍珠、玫瑰花茶🍴半熟普洱雪糕 HKD $27 (原價 HKD$35) 雪糕質地綿密 實在 又夠滑每啖都佈滿茶葉碎 味濃 有回甘 夠特色完全複製咗平時飲嘅普洱 推薦度：7/10🍴大紅袍雪糕 HKD $27 (原價 HKD$35) 茶味相對易入口 似平時奶茶感覺如果唔偏好濃茶嘅朋友仔可以試推薦度：8/10小店位置唔算易去 但可以一試 😼註：- openrice都有77折coupon，折後$27/杯- 星期日休息建議：沿半山自動扶手電梯一直上👉🏻去到板長壽司搭𨋢落番地下👉🏻轉左直行到過咗安全島👉🏻再直行多個街口👉🏻落少少斜路…Read More

舖頭似立食格局 位置及空間都唔多主力平價Omakase同壽司盛盒 但壽司都唔馬虎而家用App訂位仲最多可以有半價咖woho~🍴辣味三文魚軍艦 HKD $7.5 (原價 HKD$15) 角切方式令佢比食普通三文魚更有口感但完全食唔出辣 如果追求「辣味」嘅會失望味道似淡淡淡～～味版嘅元氣 推薦度：6/10🍴灸燒左口魚邊 HKD $12.5 (原價 HKD$25) 分咗兩轉叫 第一嚿夠肥美有口感 一咬啲油脂咇曬出嚟jeng第二嚿就好薄身 表面燶曬 而且無咗左口魚邊獨有嗰種彈牙口感真係睇你運氣喇推薦度：9/10🍴饅魚手卷 HKD $16 (原價 HKD$38) 饅魚本體同汁嘅份量都足夠食到尾唯一美中不足係紫菜唔夠脆 小扣分相都唔敢再影呀😂推薦度：9/10🍴魴鮄壽司 HKD $10 (原價 HKD$20) 喱款深海魚肉質鮮甜 紥實帶少少筋 所以幾有咬口坊間比較少見 喱到必食推薦度：9/10其餘壽司都維持正常水平 對得住個價錢 襯有半價不妨一試註：- 所有壽司預設有wabasi 落單時可要求走/另上- 可用消費券付款: Alipay…Read More

號稱美食天堂嘅台灣短期內都係無飛嘅希望唯有喺香港搵番心心念念嘅味道啦🥺燈籠滷味喺停晚市期間推出咗外賣加熱包快啲襯仲有優惠快啲買定幾包放屋企 隨時隨地加餸啦.🍴「醉翁」古法滷豬手 (350g） HKD$ 68 (原價 HKD$88) 食前要解凍 原包放落滾水浸大概20-25分鐘就食得入面附有好多招牌滷湯 攞嚟撈飯一流豬手切到細細嚿方便食用 而且軟嫩易甩骨 大人細路都食到有骨膠原得嚟又唔會好肥好滯推薦度：9/10🍴台式麻辣滷香豬耳朵 *普通版* (150g) HKD$ 28 (原價 HKD$48) 超方便 只要解凍當涼拌食就可以 份量仲足夠兩個人豬耳嚿嚿口感都極爽脆 加埋招牌滷水汁一口接一口呀真係！推薦度：9/10🍴台式麻辣滷香豬耳朵 *加辣版* (150g) HKD$ 28 (原價 HKD$48) 豬耳一樣爽脆惹味 花椒八角辣椒乾俾得好重手 夾豬耳嘅時候總會夾雜（圖二）重口味人士應該會歡喜但yo本人就推介普通版多啲喇 真係食到招牌滷水味嘛麻辣豬耳好多地方都有啦推薦度：7/10🍴「師大精選」滷味包 (700g) HKD$ 78選擇困難症發作就買綜合啦 一樣都係原包浸熱就食得有齊9款常見嘅餸 包括蜂巢牛肚 豬耳 鴨胗 甜不辣 貢丸 麻吉燒 百頁豆腐 黑木耳 椰菜鴨胗無腥味 牛肚表面就掛滿滷汁jeng jeng jeng建議各位懶人另外淥個麵 再用入面的汁撈 肯定2個人都食到攬住個肚呀推薦度：7/10註：豬耳保鮮期10日；滷味包、豬手、雞翼及蹄䠙保鮮期1個月…Read More

自從疫情起咗之後 街又無得點行 嘢又無得點堂食去旅行就更加係遙遙無期啦✈️唯有網購下零食平復下心理🥺網店買滿$300仲包順豐 3日內就運到你屋企 啱曬精明嘅消費者（…懶人）😏WFH煲住劇食又得 番工放喺Office 3點3拎出嚟醒下神又得 得咗🙌🏻.🍴奶香伯爵曲奇 HKD$ 99 （240g 約26塊）對蛋敏感嘅朋友望過嚟喇喂！喱盒曲奇走蛋咖 啱曬你一打開嗰蓋 啲伯爵茶味湧曬出嚟 伯爵茶控表示lamlam脷😋每塊曲奇都用咗頂級法國嘅天然牛油、伯爵紅茶同天然萃取嘅佛手柑唧花而成茶香牛油味都齊曬 香而不膩 唔會死甜之餘仲要超級鬆化 大人細路老人家都食到👍🏻不過真係要小心！小心！小心！🤯…因為會食到停唔到口咖 呀yo食咗第一嚿已經後悔買太少了😭大推！！！推薦度：10/10 👑 🍴夏威夷果仁豆塔（綜合口味）（共十個） HKD$ 138果仁豆塔比較少見 無論內外都好禮面 用嚟送禮就啱曬了🤓選擇困難症發作諗唔到要咩味就買綜合啦入面有齊原味x4 咖啡味x3 鹽味x3 獨立包裝 一次過滿足你3個願望 果仁豆塔外型就好似個小蛋撻咁用咗牛油曲奇撻皮做㡳 牛油味香 但就比起伯爵曲奇實淨好多上層舖滿曬頂級大大粒嘅夏威夷果仁 一啲都唔慳皮-原味-用咗特調牛奶麥芽糖漿包住果仁同蔓越莓粒 酸酸甜甜雙重口感麥芽糖幫助癡實批㡳 可以一啖食曬所有食材 就唔怕食到周圍都係啦-鹽味-果仁用咗椒鹽、黑胡椒同鹽調味 咸咸香香 過口癮送啤酒都啱曬-咖啡-面頭淋上咗牛奶糖漿 配埋特別挑選嘅咖啡粉 好惹味啊☕️ ✨註：無落防腐劑 所以保鮮期大概為45日.推薦度：8/10…Read More

酸奶開到成行成市 係咪間間都好飲？喱度嘅飲品預設咗少甜 比起坊間嘅感覺更健康喺長洲行到又熱又攰 就入嚟唞一唞啦叉完電重新出發之前 記住打個卡先呀😼.🍴經典角酪 HKD $ 28最原本嘅乳酪配紫米乳酪甜度適中 滑身唔太稠 奶味重 紫米無煮到爛 粒粒分明幾有咬口飲完都有飽肚感咖🙈🍴百香果角酪HKD $ 34比起原味乳酪加咗新鮮嘅百香果落去一齊攪真材實料呀 喺杯㡳真係飲到一粒粒嘅果肉某幾啖個人認為少酸 即係精神為之一振夏天熱辣辣飲就啱曬喇 夠曬FRESH😜推薦度：8/10…Read More

想食拉麵唔一定要去過江龍舖頭嘅 有時親民嘅橫街小店可能都唔錯咖🤓喱間舖頭離yo都有段距離 但成日都心思思 不其然俾佢吸引咗去各款由日本師傅主理 日日新鮮熬製無味精嘅湯㡳任你揀 係無味精呀媽咪！！！飲曬成碗都無難度啦🤤.🍴蝦丸(蝦豚骨拉麵) HKD $ 98所有拉麵都可以自選粗或者幼麵 yo私心推介粗麵每條麵都好彈牙 煙煙韌韌 超掛湯👍🏻.除咗麵㡳可以自選 就連湯度嘅油都可以自己揀多定少 揀少油心理上又過到自己haha🙈雖然無味精 但個湯㡳一樣有超香濃嘅蝦味 加埋輔助嘅豚骨湯 一啖接一啖叫人點停口喎😫面頭仲舖滿咗一大堆脆卜卜嘅櫻花蝦 真係唔打得都睇得 包保你啖啖都有櫻花蝦hee 配料方面有2片薄切豚肉 偏瘦但仍然可以做到入口即溶效果 絕對唔會嚡sapsap攝牙罅😛醬油溏心蛋個流心加埋滑嘟嘟嘅蛋白 一啖食入口 mmmmmm 大滿足🥳ps.有儲印花活動 食滿3碗送一款配料滿6碗送一款特色飲品 （*推介白提梳打！）滿9碗送餃子一碟滿12碗就送一碗拉麵喇！！！.推薦度：10/10…Read More

餐廳食物行Fusion路線 有西式有日式任你揀 款款食物都改咗個玩味嘅名落MENU都幾過癮咖晚餐SET包沙津、餐湯、主食、一球雪糕同HKD$40以下飲品（可補差價升級）環境又清靜 想chill下就啱囇喇☕️.🍴澳洲M5+和牛肩肉溫泉蛋飯SET HKD $ 218牛肉舖滿成個飯面 塊塊都無overcook juicy易咬又嫩口煎到半熟之後好香牛油味 咬落口啲肉汁充斥囇個口🤤加埋中間隻溫泉蛋用嚟撈飯無得輸啦😼雖然小貴 但最推喱個👍🏻🍴蒲燒三層饅魚滑蛋飯SET HKD $ 178饅魚有足三大塊 肥美厚肉唔嚡口 但要小心有碎骨 扣分位😥滑蛋大大嚿但偏乾身 蛋味稍缺 似炒蛋多啲🤔珍珠米加上蒲燒汁 每啖飯都可以分到饅魚 啖啖肉都jeng咖🍴炸軟殼蟹蟹肉西蘭花忌廉意大利飯SET HKD $218是日廚師幫你諗好意大利飯系列 日日都唔同咖🤓軟殼蟹面嘅七味粉如果可以俾多啲就更好了 可以辟下腥🧐蟹肉份量都足夠 每啖飯都有少少hee意大利飯軟硬度偏淋汁忌廉味濃 少膩 收到啱啱好碟㡳無剩汁但個人偏好多少少汁會更理想 🍴自家制姜汁咖啡 HKD $218姜汁產品多數係冬季精選 但喺喱度你就可以嘆住冷氣飲喇首先一讚係每杯咖啡都有拉花 視覺享受咗先 打卡一流😛除咗加咗薑汁落杯咖啡度沖之外 上枱嘅時候仲有一茶匙姜蓉另上 真材實料嘅Ginger Latte可以按自己喜好加埋入咖啡當中 自己控制濃淡度奶泡加埋淡淡嘅薑辣味中和番咖啡嘅苦 值得一試呀ps: 晚餐飯嘅份量偏大 女仔建議shareps: 用Eatigo APP訂位仲有折添呀！最多可以有半價咖！仲唔快啲down.推薦度：8/10…Read More

. 夏天出街行多陣就想飲嘢 飲得多珍珠奶茶又覺得悶喎飲啲酸酸甜甜又新鮮嘅嘢就又解渴又醒胃啦Gogogogogo!!!.🍴芒果優格果昔 HKD $ 36鮮芒果+奶+yogurt+冰 攪攪攪做出沙冰嘅口感 夏天飲凍冰冰真係好正飲落好重奶味 溝淡咗個甜味🥭推介〜👍🏻🍴鮮橙菠蘿乳酸 HKD $ 30用咗新鮮菠蘿肉同橙肉攪拌🍍🍊一路飲一路啜到啲果肉絲 幾有口感但菠蘿味就比較搶了飲品唔會太甜 輕鬆飲曬一杯無負擔😌.推薦度：9/10
==============================…Read More

夏天熱辣辣有時真係無咩胃口食飯麵又或者3點3落嚟食個熱狗叉叉電就啱啱好喇熱狗自家製 每日限量發售 賣完就無咖喇等yo幫你哋懲罰下喱間咁有個性嘅小店啦.🍴黑松露芝士炒滑蛋熱狗 （單點 HKD$ 36 ; 套餐HKD$44）套餐包括熱狗、一款小食（薯條/薯餅/粟米杯或另外加配）同汽水熱狗包份量夠做正餐 麵包咬落外脆內軟 仲好香牛油味添上枱隔住個口罩都聞到黑松露味 可惜食落口就唔算太濃滑蛋配埋芝士 一啖食落口真係好滿足呀 食完即刻飽曬🍴炸芝士條 （三條HKD$ 18 五條HKD$23 *套餐優惠減5蚊）麵包糠外層厚度適中 全部都新鮮炸起 熱辣辣出囇煙
咬一啖伸長隻手 即刻做到拉芝效果 jeng ah1芝士味道唔會過濃 食完都唔怕口渴.推薦度：8.5/10…Read More

舖頭以藍白青花瓷做主題 除咗有青花瓷磚牆之外 連裝食物都用咗青花瓷碟 用嚟復古風打卡一流呀📷另外要讚一讚當日店員好貼心 夏日炎炎準備冰水俾排緊隊嘅朋友飲住先💓.🍴日式刺身級帶子忌廉香草醬意大利飯 HKD $ 168SET包咗主食、餐湯同一杯HKD$40以下嘅飲品（或補差價）忌廉湯入面有南瓜蓉同洋蔥碎 偏稠意大利飯嘅軟硬度適中 但略嫌個飯唔夠濕潤香草醬忌廉味比較重 食曬全碟有少少膩🤭帶子幾大粒又鮮味 表面煎得香脆 內裏軟林林 有冰火交融嘅口感😛🍴蒜香墨魚汁海蝦意大利麵 HKD$ 118海蝦偏乾身 食落會有少少嚡意粉偏硬 好在加咗蒜粒同辣椒去炒 有少少辣可以辟腥之餘仲變得幾惹味可惜食物唔太熱 加上吹住冷氣 好快就凍曬🥴🍴熱奶蓋鮮奶焙茶 HKD$ 48 （跟餐+HKD$8）抺茶就見得多 焙茶比較少有呀 即刻嗌！焙茶同牛奶比例幾平均 甜度亦適中熱飲仲有拉花添呀😻.推薦度：8/10…Read More