一座山's Profile

探魚黎到apm都有一段時間了，太懷念那烤鱼的味道，終於唔使上深圳，同朋友黎食個lunch。我地點左新口味「日月光番茄烤寧波魚」，一端上来，那濃郁的蕃茄湯味道，直接香得我七荤八素，口水都要流下来。店員小哥說，滚沸等三分鐘可食；我是一秒也等不了。嘗了一口鱼肉，我直接十脸震惊——寧波魚怎么能這麼好吃？！真的是超鮮甜，啖啖肉，還是這個蕃茄濃湯，酸甜微微辣，愈食愈入味。還點了份「寛粉」，唔好浪費甘正的湯，再用粉索曬佢。「海陸空把把燒天團」3拼串燒4串牛肋骨，4串魷魚須，4串掌中寶，勁有風味的串燒，牛肉咸香嫩滑，魷魚爽口彈牙，掌口寶一定要試，我都係第一次食，原來是鳳爪中間那個掌心位，超爽口，比雞軟骨更好食。飲品要推介「囂張冰桔桶」，同深圳係一樣味道，2個人都飲唔晒，冰涼唔會太甜，岩曬食辣野解津，一定要點。食完會再想食的餐廳，非「探魚」莫属。…Read More

今日經開尖沙咀，到午餐時間，同朋友討論緊食邊間好，突然諗到想食酸菜魚就食姚姚酸菜魚啦，以前真係為左呢間餐廳上深圳，排一兩小時都要食。而家過江龍到香港啦太好啦，太想念這酸菜魚的味道。餐廳在港威商場2/F，好易搵。我地2點到剛剛有卡位，坐得好舒服，座位寛闊，雖然近門口，但又有私隱度。我地2個人當然要點主打酸菜魚2人分量，好大盤新鮮鱸魚魚片滑溜且肉嫩鮮甜，其秘製湯底更是花足最少5小時熬制，配以經過醃製水東新酸菜，超級酸爽開胃！酸菜吸盡湯味，辣味滿口，口感爽脆。 可選辣或不辣，照顧到不嗜辣得人。另外我地還點了四川回鍋肉，我朋友最愛，麻香麻香，肉片肥瘦均勻，咬下去帶來豐富又飽滿的層次感。吃辣少不了凍飲，這杯鮮檸檬茶甘而不澀，飲落好清爽，而我就點了低糖豆漿，餐牌上的幾款豆漿都是低糖的，岩我口味酸菜魚一定要試呢間餐牌上仲有好多美食想試，無奈2個人食量不夠，下次再戰…Read More

心思思又想去食燒肉，藉着週年紀念日，又有藉口去食嘢好🤤今日我揀左呢間宮崎肉本鋪，見到A5櫻花冠軍和牛，全部食材都係日本空運到港，就試下啲和牛係咪甘正。一入到去已經有驚喜，好喜歡呢度的包廂坐位，私隱度好高，仲要望住大維園，由天光食到天黑。好開心😀首先店員送上A5桜花牛燒肉拼盤，有五花腩、牛肋肉、內外後腿肉、和尚頭、西冷等十多個部位，單單看賣相已經非常高質，牛油花滿瀉，燒熟之後，每款口感不同，全部入口油脂豐富，細膩的油脂分佈密而均勻，粉嫩的肉質與白色的油脂相互交錯，看著已不禁令人垂涎欲滴👍和牛頭盤，其中有西冷和壽喜燒，店員會幫手燒，店員燒的時候就像一場表演和牛輕微烤過，不需費力咀嚼肉質便在口中輕輕化開放題餐牌還有超過60款的日本時令食材，日本豚肉，日本地雞，可惜個肚實在沒有位置放下再多的肉類，唯有下次再試另外還試了拉麵，餃子，等等其他熟食，全部超出驚喜，全部都是水準之上，真是一分錢一分貨，兩個人買單$2000 ，只是食那和牛的頭盤已經值回票價，絕對物超所值無論係同朋友小聚，慶祝生日，或者周年紀念，依間餐廳都好值得推介，特別喜歡他的包廂座位，坐得好舒服，一邊食靚野，一邊嘆靚景👍最後以呢個自家製柚子雪糕結尾👍…Read More

今日收工約朋友食飯，朋友想食日本菜，我立刻諗起呢間，快快book位👍我已經食過幾次架啦，呢間的魚生好新鮮，日本空運到港，絕對要試下。清酒煮大蜆$88粒粒蜆都好肥美，啖湯都好清甜，仲有粉絲係底索滿湯汁，淡淡的酒香加埋蜆肉的甜味，是一道不錯的前菜。天龍卷$98呢個係招牌菜，一定要點，裡面是大大隻炸蝦加爽脆的青瓜，表面是肥美的三文魚，最重要係個汁是微辣的，食落去口感好豐富。丼瀛特選丼$188呢個刺身質素絕對對得起個價錢，太豐富啦。有蝦，三文魚，蛋，海膽，蟹籽，元貝等刺身，好鮮甜，睇得見的新鮮。而且全部都係日本空運到港。和風豬頸肉$88呢個必點下酒菜豬頸肉爽口彈牙，燒到剛剛好下次再黎嘆返杯清酒，今日要揸車所以冇飲到。2個人埋單500左右，食得開心又滿足，支持良心餐廳。…Read More

最近發現德福多咗間新餐廳係韓國濟州過江龍🍊大排長龍，今日終於有機會試吓😍🍊濟州柑橘乳酪$68依杯野好好飲，好香嘅今有味酸酸甜甜好開胃，原來乳酪同柑橘🍊好夾👍🍊水果忌廉三文治$62軟綿綿的厚切麵包裏面有大大粒提子，仲有士多啤梨🍓咬落去，雪白嘅忌廉充滿晒成個口腔，好正，又唔會太油膩，一定要試下😋🍊燒醬油黑毛豬白切肉飯$128呢個超依個推介，我一直掛住濟洲的黑毛豬，冇得去旅行，真係好難再食返咁好味燒黑毛豬肉，點知喺呢度搵到，好感動呀😍肥瘦相間的黑毛豬，肥肉嗰部份咬落去係爽口彈牙的，完全沒有肥膩感覺，配微辣泡菜炒飯，非常有水準👍🍊濟洲抹茶窩夫$82見到張張台都會叫甜品，自己又忍唔住要試吓，我哋叫咗抹茶窩夫，超大份😍窩夫超厚身，鬆脆，不會太甜，配忌廉抹茶醬Perfect，仲有好多唔同口味，下次可以再試吓☺️🍊慢煮雞胸紅菜頭沙律$72呢個好有驚喜，第一次食紅菜頭沙律，出奇地好味，好特別，唔識形容，口感好清爽，會一啖接一啖食唔停🤣仲有好多菜式都好想試，但係個肚容量有限，唯有下次再嚟啦👍…Read More

香港甘多親子餐廳，最特別要數呢間，因為係我最愛的韓燒啊~~~呢間觀塘的炑八裝修超韓風，有兒童遊樂區，大大的玻璃墻，可以望到小朋友玩樂，仲可以著埋韓服影靚相，好有feel～～對上1次黎食炑八時，BB仲食緊粥仔🤣今次BB 2歲啦，可以同我地一齊食啦😍呢度的兒童餐太吸引，價錢唔貴，一定要試下～～❤️韓國公主蛋包飯城堡嘩～BB以為係生日蛋糕，興奮到唱生日歌🤣薯仔，紅蘿蔔，粟米，蛋包飯，賣相一流👍少油少鹽少糖岩BB口味❤️火車便當忍唔住叫多個開學便當🍱，飯團勁得意，份量好多，好抵食，而且係即叫即整，會好放心俾BB食。❤️三味牛小排+蔥蒜牛舌牛小排每次必點，輕輕兩面燒下，牛肉燒出油，沾一沾醬油，超好味，入口溶。而牛舌薄切，不用沾醬料，本身有蔥蒜調味，嫩滑爽口。❤️厚切五花肉+八爪魚平時唔食肥豬肉架，只食韓燒五花肉，燒到啲五花肥腩變到脆，再加生菜同泡菜包住，一啖塞入口，最正👍第一次燒八爪魚，無從入手，店員見到主動幫手燒👍讚啊👍❤️兒童遊樂室有店員在門口幫手消毒雙手才可入內，入去玩的小朋友可以借用韓服穿著，好得意。地方不算大，但應有盡有，連超市都有啊～當然BB玩到唔舍得走，係甘無限次滑梯。最後出動到扭蛋，先可以哄到佢離開。又過咗個開心的晚上，小朋友放曬電，大人又飲飽食醉最開心🤣Ps 仲有育嬰室，太親子啦😘…Read More

好耐都冇出街食飯，但係情人節將至，點都要出街食餐飯慶祝吓，我諗咗好耐，最後揀咗依間韓國菜，因為真係好掛住韓國啊😆見到網上評價幾好，仲要係韓國人打理，價錢又有返咁上下，應該有水準。呢間餐廳真係好多人排隊，餐廳行簡約工業風，座位好細，不過都算舒服😌我們點了3道菜。第一道菜是泡菜蛋漿熔岩炒飯（$158），餐廳最出名的菜或，店裡的小鮮肉Oppa會親自在客人面前用火槍燒熔芝士和整熟蛋漿，然後把飯和芝士蛋漿炒均勻，看著都流口水！我們勺了一勺飯，芝士完全可以拉得很長！看上去邪惡，但吃起來完全不會膩，因為大部分屬於蛋漿小部分是芝士，吃起來很滑，又有泡菜的辣味和午餐肉粒，很好吃呢！第二道是半份有骨醬油炸雞（$178）。上來的炸雞份量不少，大概有8塊，底層還有很多薯條。韓國餐一定要食炸雞，那風味是韓國餐廳才有，炸得很酥脆，裡面雞肉嫩滑多汁。薯條也炸得很脆，好吃。第三道菜我們點了薯仔豬骨湯（small $148）老公大讚，完全是韓國的味，味道夠濃夠辣，豬骨排煲到焾曬，入曬味，如果天氣再凍啲飲仲正，一啖湯一淡炸雞，好好享受。今餐飯好滿意，出名真係有原因，一分錢一分貨，呢個價錢食到的是韓國味，可以一解冇得去旅行之苦。推薦俾大家👍…Read More

最近在土瓜灣附近返工，一早聽聞土瓜灣多美食，今晚同同事嚟食這間菜館，同事大力推介，上網睇吓評價又好似不錯，於是黎試吓🤤晚飯時間都幾多人等位，在門口見到餐牌已經覺得個芝麻雞好吸引。等了10分鐘左右入座，朋友負責點菜，我就負責食。我們點了半隻芝麻雞，上枱時已經聞到好香，忍唔住就要試吓，在脆脆雞皮下面都保留着雞肉的嫩滑，雞皮面上佈滿芝麻，食落好香口，仲有佢嘅秘製醬汁，真係零舍不同👍南乳脆豬手，菜式表面佈滿炸蒜，底下還有炸粉仔伴碟，豬手份量好多，南乳味好重，一咬落感覺勁多骨膠原。黃金桶蠔，六隻桶蠔大大隻，上枱時熱辣辣，熱到放唔到入口，食落好甘香。翠玉瓜炒東星斑片，都幾有鑊氣的小炒，斑片不算太多，翠玉瓜香甜爽脆，不錯的配搭。三色蒸水蛋，好耐冇食過依個餸，送飯一流，加埋肉碎，個蛋蒸到好滑。整體呢間菜館真不錯，價錢抵食，水準高，街坊首選👍…Read More

今日來九龍灣返工，收工想搵個地方傾吓計，所以專登同朋友行遠小小黎九展試下呢間chill in 。果然冇揀錯，一黎到餐廳已經好鐘意，空間感好大，裝修清新，仲有一個大大空間俾你帶埋狗狗一齊玩，一齊食，愛狗人仕必到啊。餐牌是分別有沙律，小食，甜品，意粉，主菜，餐飲。有不小是新款泰菜混合西餐。香烤雞翼配薯條$68這個簡單的菜式賣相不錯👍雞翼4隻，烤到好香啊，金黃色的雞皮，裏邊包裹着肉汁，外脆肉滑。值得一試仲有薯條，即炸的薯條好香脆。烤雞柳菠菜白酒汁扁意粉$98扁意粉軟硬適中，吃一口，口腔裏有淡淡的酒味，雞柳嫩滑。澳洲西冷配紅酒汁$158賣相好靚啊，8安士的西冷配有軟滑的薯蓉，烤過的配菜都保留鮮色同有汁。西冷入口有香濃的牛味，淡淡的紅酒汁不會搶了牛肉的鮮味，薯蓉配紅酒汁好夾。食西餐再加杯大大的生啤，同朋友暢談一番，真係幾chill 。…Read More

蟹仙，之前同朋友食過，一直都想再食，今次襯男友生日，就決定帶佢黎食餐好，擦餐勁的海鮮餐。聽個名就一定係食蟹好正，呢度出名的是蒸海鮮，食完感覺是超級新鮮，但價錢真心可以接受，我哋揀了價錢中等那個餐$399一位，開頭驚唔夠食，但食完真心飽。由於疫情關係，所以等了一陣先入座，餐廳又量體溫，搓手，還會發放信封給你裝口罩，最特別係，佢會用過蒸氣爐幫你先消毒碗碟，蒸氣溫度達到120度，真係咩菌都死曬。好快海鮮就上台啦，嘩，隻蟹勁多膏，龍蝦，蚌，賴尿蝦，生蠔，鮑魚，龍躉片，虎蝦等等，睇到都流口水🤤店員會幫你蒸，所以你只要等食就可以啦，店員會接順序一樣一樣幫你蒸，每一樣海鮮唔同時間，時間較得真係岩岩好。除了新鮮外，真係唔知用咩黎形容海鮮，虎蝦好彈牙，肉好爽，凍食賴尿蝦，好正，呢間蟹仙係樣樣都新鮮，真係一分錢一分貨，食海鮮唔可以慳。鮑魚蒸3分鐘黎，一點都唔煙銀，爽口，全部都唔使再Jim醬油，就咁食已經原汁原味。店員最後幫我哋蒸蟹，主角登場，等左好耐，蒸左6分鐘左右食得。好多膏啊，店員會走過來介紹餐廳的由來，說餐廳老闆係做蟹的批發，全港數一數二，會留返新鮮靚蟹在店舖出售。食完隻蟹都覺得個餐廳名冇改錯，真係蟹仙。食埋蒸蔬菜後，就可以食海鮮粥啦👍👍我同男友每人食左3碗，估唔到個粥甘好食，一定要菜莆同埋香蔥，好鮮甜。滿足，超滿足的生日飯，冇揀錯👍…Read More

最近真係好小出街食飯，但作為餃子控的我，今日經過餃掂，真係忍唔住入去食，因為見到openrice的評價好，同埋開左甘耐都未食過。餐廳裝修簡潔，坐位闊落，所以除低口罩落食都算安心。餃子種類好多，除了一般的韭菜水餃，白菜餃等等，還有很多自創新式水餃，見到網上好多人推薦，至尊松茸豬肉餃 $79，點了一客煎的。一上台，已經聞到香味，是松茸菇，加埋松茸醬，還跟一碗製作湯，煎餃咬開，好多汁，放上松茸醬非常香口，完全唔覺得食緊餃子，因為是全新的口味，非常值得一試。元貝豬肉餃 $49 湯上元貝餃好大隻飽滿，元貝是貴價食材，咬開餃子見到一絲絲的元貝，足材雲耳椰菜豬肉餃$43 湯上第一感覺就是好清甜，椰菜本身甜味加埋雲耳得爽脆，呢個經典組合是我的最愛四川涼麵$30估唔到呢度有四川涼麵食，辣度適中，另配麻醬，可以俾你跟據自己口味調教上湯松茸時菜$32菜心略嫌價格偏貴整體食完都好滿足，還會繼續光顧，松茸餃很正，值得一試。…Read More

之前在銅鑼灣上班的時候經常都來光顧新麻蒲，而家將軍澳都有分店，今日經過就入嚟幫襯。一入嚟的時候，侍應會問你食BBQ還是食韓國餐，原本諗住食燒肉， 新麻蒲的燒肉是高質架，不過近排有啲喉嚨痛，所以就唔食燒肉，轉食韓式餐就算啦。侍應會放低兩份前菜，泡菜和紫菜，前菜可以添加。韓式餐的餐牌大概有三頁左右，種類不算多，但係特色的韓國菜都有，我們點了韓式牛肉拌飯，海鮮豆腐湯，海鮮餅，芝士年糕拉麵。食物很快就上枱啦，不用等太耐，熱辣辣嘅海鮮豆腐湯，我哋最愛，份量不算多，兩個人剛剛好，鮮蝦大隻，新鮮，甘凍的天氣，飲返碗熱辣辣的豆腐湯，感覺好舒服。韓式牛肉拌飯，有韓國牛肉，芽菜，菠菜，三絲，一上枱，即刻倒入韓式辣醬，即刻將個飯撈勻，石頭鍋個底熱到滋滋聲，成個飯都滋味提升。芝士年糕拉麵，賣相有少少差，不過味道還可以，略嫌只是不夠多，做唔到拉絲的效果，配料豐富最惹味的海鮮餅，真係次次你都會食，用了好豐富，帶隻鮮蝦，濺到非常香脆，不油膩，配埋秘製醬汁，必點🙆‍♀️總結是高質的韓食，下次都會繼續食。…Read More

又黎食啦，自助串燒呢間在旺角好就腳，鐘意佢細細間，可以同朋友靜靜傾計，慢慢嘆。入到去每張台都有個轉轉燒的爐，因為都是放題形式，所以可以隨便叫喜歡的食物。選擇都有過百款，餐廳還好貼心準備一份時間表，教你每串食物燒的時間，就唔使擔心佢哋唔熟啦。哈哈，個圍裙好得意，有分男同女架，幾有心思。我食開一定要點佢地的秘製，醬汁，有自家製的沙嗲醬，梨味韓式燒烤醬，兩款都好推薦。唔可以錯過的當然係和牛，西冷，牛舌，牛腩，各個部份都有👍每次坐低都忍唔住要一大堆串燒，好彩每一串的份量不算太多，可以試到好多種類。豬肉種類推薦豬大腸啊，燒到外皮脆卜卜，里面就軟身有咬口。雞皮都好正，好小地方有，加入自己鐘意口味的調味料，不錯👍仲有呢個芝士丸，燒到里面芝士港出黎啊呢個價錢黎講，真係高質，連甜品都是Häagen-Dazs雪糕🍦最後值得一讚是店員的服務，好熱情❤️…Read More

自從同男友去完韓國濟州食過一次黑毛豬之後，就對韓國燒肉念念不忘，上網搵左呢間oppa 韓國燒肉，有黑毛豬啊😱收工拿拿聲同男友來食。間餐廳除左細了一點，其他幾乎同韓國一模一樣，一坐低，店員遞上水，同埋三款前菜，泡菜，芽菜，海帶，仲有生菜🥬倒蛋漿落鐵板，整爐邊蛋。店員亦都好細心告訴我們，前菜是可以無限refill 🤤正，同韓國一樣。見到好多台都叫牛排🥩拼盤，我們就點了黑毛豬，肉類放在一個豬仔型的木盤上枱，賣相好可愛，分別有豬西冷扒，豬鞍扒，五花腩肉。店員見我地雞手鴨腳，會幫忙燒，太好啦🙆‍♀️唔好睇黑毛五花肉甘肥，燒熟之後，那些豬皮和肥肉變到好有口感，食落好甘香有彈性，但絕對唔係食肥豬肉的感覺。豬鞍排肉質都好嫩滑，沒有豬臭味，加埋泡菜，生菜🥬，一啖放入口，真係好正。同韓國黑毛豬比，都有80分架，係香港食到呢個質素，真心不錯。我們仲點了oppa4太子，諗住食下海鮮中和下😂勁大隻帶子，中間有一碟仔是蒜蓉，放上鐵板燒帶子，再落小小蒜蓉，即時變到好有鍋氣😂帶子好新鮮，收乾水好快食得，原汁原味，好正，又鮮甜。燒肉點小得啤酒🍻，呢度啤酒做緊買一送一，有閒小酌一杯，真係好放鬆。好滿意啊呢間韓燒，唔怪得長期都甘多人排隊，好似去左韓國甘，可以一邊食，一邊回味下。最後都要讚下店員，見佢地都好勤力，又幫手燒，又主動refill 小菜👍…Read More

最近唔知點解好鍾意食上海菜，和朋友講起，朋友介紹這間榮華上海川菜館，位於觀塘，打鐵趁熱，今晚晚餐就去食這間。門面很光亮，大大個招牌寫着川菜館，餐廳裏面是舊式茶餐廳怖局，沒有華麗的裝修，大約有七張枱，非常平民化的小店。我和朋友點了一個2人餐，熱菜可選2款，湯類一款，價錢非常實惠。第一道菜，我點了最愛的口水雞，每一間川菜館的口水雞都有佢特獨的味道，這一間果然也有他的優勝之處，口水雞醬汁做得非常香，香辣適中，配着新鮮爽口花生，份外惹味，雞肉嫩滑，冷肉配著熱油，正👍第二道，上海名菜獅子頭。有驚喜啊！豬肉打到又香又滑，肥瘦適中，軟綿綿的肉頭入口即溶一樣，一定要配白飯，獅子頭底配有時蔬。酸辣湯也是每次食上海菜是必點的，這裏的酸辣湯很多配料，味道酸辣適中，非常開胃，一個例牌，每個人大概有三小碗，份量多。最後送上八寶茶2盅，從來沒有飲過，里面有8寶，菊花，杞子，紅棗等等，好香好清甜，如果食完川菜覺得油膩，飲完這個茶真是太舒服了👍吃到滿足的晚餐，代表一天也圓滿結束了，香港這些老店越來越少，老店堅持的往往是食物的味道，食物的水準保持不變，才會吸引這麼多回頭客👍…Read More