hehagod的個人專頁

朋友介紹下帶我去荃灣一間極度推介嘅特色菜, 最初以為係普通潮州大排檔菜式, 鋪頭換面也沒有什麼特別的裏面裝修卻是古色古香, 服務態度良好, 顧客也沒有操之大汗的大排檔食客, 氣氛非常舒適最初以為係普通潮州大排檔菜式, 鋪頭換面也沒有什麼特別的裏面裝修卻是古色古香, 服務態度良好, 顧客也沒有操之大汗的大排檔食客, 氣氛非常舒適由於較早嚟到的關係, 不用等位就有位了, 比較夜的時間人客較多店員立即遞上manual, 菜式選擇非常之多, 他們主打潮州菜式, 卻是有很多混合的菜式, 每一款都非常吸引, 都唔知點揀得落手最後決定叫了四款小菜: 豉油王蝦 紅燒龍中bb鴿子 花膠金湯翅（招牌菜）最潮口水雞花膠金湯翅（招牌菜）招牌菜的關係, 雖然有點貴但是非常超級足料, 完全沒有人造味精的味道, 芽菜同花膠味道濃沃 ,極度推介!!紅燒龍中bb鴿子 高質素的食店有高質素產品, 呢個紅燒乳鴿完全比媲美各大酒家, 香口得嚟唔肥膩, 超好食豉油王蝦 呢個蝦出面會叫美極蝦, 好食到殼都食埋, 比朋友笑了最潮口水雞口水雞非常之嫩滑, 辣度適中, 又係非常推介來個大合照先整體來說呢間餐廳真係三個字, 冇得彈....雖然價錢有點貴, 但是貨真價實, 與味道成正比媲美酒家, 極度推介!…查看更多

星期日同朋友冇嘢做想食放題, 嚟咗呢間朋友話好抵食嘅日式放題,  就喺兆萬中心上面, 已經好耐冇食過任食放題了一於睇下換唔滿足先, 星期日放題餐廳好多人呀, 質素應該有保證餐廳裝修好似去咗日本人山人海檯面已經放上作各式各樣嘅美食點單紙, 真係有好多款式, 真係睇有幾多款式都用咗五分鐘點點點瘋狂咁點, 奉勸各位食得曬先好點..真係好誇張所有我想食嘅嘢都有, 啲平時好貴嘅材料, 極上帝王花之戀, 香草燒羊架, 高級爐端燒, 避風塘香辣炒大蝦...呢度都可以任食到滿足為止呢個蟹蓋同一口牛肉真係不得了, 即場喺枱面消給你的, 不明白收呢個價錢都有呢啲食材太好了!除咗滿足同滿足都唔知講咩好了飲品品種都非常繁多食物高質好食, 材料新鮮總結, 唯一缺點就係舖頭有點小, 不過呢個價錢真係非常之抵食, 非常值得推介以下為個人的必食之選:極上帝王花之戀特色火炙壽司： 火石岩鹽燒三文魚腩壽司同火炙沙律燒三文魚腩壽司羅威厚切三文魚迷你北寄貝刺身去頭甜蝦 日式前菜沙律：芝麻八爪魚同芝麻海蜇冰鎮菠蘿日本蟹肉麵味噌湯日本七味雞軟骨 帝王和風料理：避風塘香辣炒大蝦高級爐端燒香草燒羊架泰式香茅雞中翼日本蒲燒鰻魚鹽燒活海蝦鹽燒牛舌汁燒雞肉串岩鹽燒雞髀菇焦糖燒菠蘿泰式生蝦杯泰式手打蝦餅…查看更多

收工同朋友超一超(chill), 食完飯傾下偈傾下日常生活工作壓力, 朋友介紹下嚟咗尖沙咀嘅呢間酒吧, 貪佢呢度尖沙咀中心夠曬方便就響厚福街嗰棟高樓大廈嘅3樓, 遠處都望到佢嘅招牌, 都幾顯眼上到去裝修格調非常有特色, 人流唔算好多非常適合傾計, 我仲去咗迪士尼泰山森林嘅感覺, 加上霓虹光管燈光效果優美環境唔錯唔錯揀咗窗邊嘅卡位, 聞到成條厚福街嘅熱鬧現場職員職場給我們menu, 比起海旁那邊的幾間酒吧價錢不是十分貴, 非常開心仲有可以同朋友玩, 可惜我哋得兩條友太少人了我們點的酒類飲品來了, 這個叫轟炸機的物體, 上來的時候點火即場飲料, 味道很甜只是酒精很濃再來一杯cocktail, 調酒師剛剛好由於我哋好肚餓咁上嚟, 已叫咗好多好多小食, 飲酒當然唔少得炸嘢啦fish and chips魷魚同埋雞軟骨超好食仲有雞骨腸成枱都係嘢食, 傾咗成晚都係三百零蚊埋單, 已經好抵了非常值得同朋友呢推介推介…查看更多

前幾日放假 所以就去左元朗間莆田到食LUNCH 去到12點左右 未到LUNCH TIME 所以人吾算多個裝修好有空間感同放左好多鏡係旁邊。去到D 啊姨侍應就比左壺菊花茶我, 好清新同吾太甜既茶, 個人覺得幾好飲。之後ORDER左幾樣野食 好正 首先有冰鎮苦瓜,  刨到個苦瓜花咁好靚, 刨到又好薄, 透光咁樣, 你可以點D 好似蜜糖既醬。但我覺得就咁食好正, 因為個苦瓜好鮮甜又苦, 食到佢個味道, 但如果怕太苦就可以點下個醬中和下。食完呢個  飲左碗扁肉湯, D豬肉細細粒 成個雲吞咁 個味道就咸咸地 好易入口 D肉物有D爽 一啖湯一啖肉 岩岩好仲有D紫菜係入面 簡簡單單但好好飲 個味好突出之後仲食左個荔枝肉炒咕嚕肉。個肉好好食~外面吾會話好多既炸粉感覺, 個肉超級軟身! 吾會話好似咬到D肉入哂牙隙。一咬就溶哂咁, 食過最好食既咕嚕肉。個荔枝肉好大粒~好多汁~仲ORDER左碟興化炒米粉。呢個米粉好特別, 因為個米粉底好鬆化。平時果D都係痴埋一舊 但呢個就好鬆化, 而且層次分明, 有冬茹, 有蝦咁, 食落去個口感好豐富! 今日既主角就係蟶子~見佢今期賣得咁勁~就當然要試下~冰鎮酒糟蟶子! 呢個煮法令到個蟶子鮮甜出哂黎~ D 蟶子個樣好得意 好似吊腳咁除完個SHELL, 夾起個蟶子, 點D 酒黎食 好好正 凍凍地 岩哂夏天 消暑另一個就係蔥薑炒蟶子~ 呢個就有D似大排檔風味。D 蟶子就入哂蔥薑豉油呢D味, 撈飯食簡單一流! 食呢個海鮮都幾特別, 因為都吾係成日食同埋莆田都煮得好乾淨 冇沙冇腥 極力推介! …查看更多

同女朋友試下呢間老夫子主題餐廳, 見到d室內設計同幾有心思, 少少懷舊嘅感覺老夫子融入咗喺啲枱枱櫈櫈度本身入嚟食都係抱住貪得意嘅心態, 心諗呢啲主題餐廳嘅食物應該都係同普通茶記食嘅差唔多點知食落就覺得好好味。雖然係港式餐廳嘅一啲好常見嘅菜式，但係味道就比想像中好食而且二人餐都幾抵大大份。大推。燒味拼盤 （叉燒、燻蹄、紅腸、海蜇）份量足夠， 叉燒同埋燻蹄嘅肥瘦非常得宜，而且都好入味。蔥油肥雞or 麻辣口水雞我哋要做麻辣口水雞麻辣口水雞唔會太多油， 食落味道比較清，但係就麻香味十足上湯浸時蔬大愛呢個菜，上湯好清甜有呢個菜式非常之健康。雞湯米粉或者白飯我地要左米粉， 雖然佢話雞湯，但本身以為只係一啲random嘅普通清湯。但點知佢個雞湯飲落真係好清甜， 而且有啲白蘿蔔一齊煲。呢餐未至於驚天地泣鬼神咁好味，但係竟然會有小確幸嘅幸福感。 適合一家大細過嚟食。…查看更多

今日去左葵涌搵朋友，佢就話要帶我試間超正茶餐廳。去到睇餐牌，見到餐廳價錢都幾親民，大約$60就可以叫到個一餸跟飯湯同飲品既晚餐。我地叫左招牌菜咕嚕肉同埋薯仔牛柳粒，另外仲叫左個西蘭花炒帶子。上菜速度好快，唔洗等好耐就已經有得食。今次係我第一次食冰鎮咕嚕肉，覺得好新奇，有好多冰鋪響面頭，令到咕嚕肉既外皮能夠好鬆脆，口感好好，而肉都好惹味。薯仔牛柳粒既牛好軟熟，唔會難咬，非常好。菜方面都唔差架！西蘭花色水好靚，食落又甜又新鮮，好餸飯！另外加左$7升級特飲咸檸七。佢係一枝七喜比我地自己溝，好正啊好抵飲！餐廳另外有推廣，9點後入座有九折。總結我地2個人食左3個餐(即係3個湯+飯)加2杯特飲，都係$250以內，非常抵食，價廉物美！…查看更多

星期五放工同幾個姊妹想搵個好坐舒適嘅地方 食飯， 經朋友介紹， 聽講呢間 cafe 都幾多人推介，就試下。 最值得一讚嘅係脆脆豬手， 皮脆肉嫩，豬手好多汁。以呢個價錢嚟講係幾抵食 另外呢個三文魚黑松露意粉都好值得推介，佢個意粉煮得好好味，有少少趙口。而個黑松露汁亦都整得好好味， 下次去我會再叫。大推最尾有個risotto 特別嘅係佢有陣好少有嘅芝士味，連埋蕃茄一齊食好特別。平時好少機會食到呢隻味， 我個人唔係特別鍾意。 不過另外嘅朋友就話好清新， 最尾講下呢度嘅環境， 環境舒適，乾淨企理，三五知己之選。…查看更多

呢間放題已經食過好幾次，今晚又好任性地食呢多次呢間放題， 係鬧市既放題有唔少選擇牌，但連續幾次食呢間，認真係食過返尋味。 貪佢坐得舒服，刺身新鮮，食物種類繁多。好想全部都試哂！出面有好多熟食既選擇，上菜前可以一試。花之戀卷同串燒燒物，每次都必叫。紙巾都有得攞好貼心放題時好驚食非日系既熟食，一般味道都麻麻。呢個菜苗係食完一眾刺身後顯得格外好味。唔少得有壽司另外仲叫左小丸子，唔可以話係最好味，不過都不過不失。飲料都有好多選擇最好食左d甜品就收工。特別推薦呢個小泡芙。建議大家食之前留定肚，太多野食揀食到好飽…查看更多

星期六中午同朋友係銅鑼灣諗唔到食咩好，兩個人想食日本菜，就揀左食放題。極尚大瀛喜呢間放題店之前我地食過佢其他分店既晚餐，感覺唔錯，今次一於食多次！點菜唔洗用紙（其實好浪費紙張）,而係scan佢個qr code去點菜，上菜時間都好快。食物選擇就唔算最多，但佢既出品係每一樣野食都係比較美味。好多放題店有太多選擇，除左日本菜，泰菜港式熟食一大堆，可惜味道永遠強差人意。我地叫左都係d standard野：刺身，串燒，壽司。叫左十條甜蝦刺身大大條食個夠。特別一讚係右上角既花膠，冇諗過會係放題店食到花膠，仲冇諗到佢原來係大大塊，好味又足料。今次呢個lunch放題我地都好滿意。…查看更多

泰國菜係我其中一個最鍾意食嘅菜式， 見到呢間泰菜開咗一段唔係好長嘅時間，但係已經有好多人推介所以我又想去打一卡。牆上得意嘅畫。最愛食海鮮，佢呢一個蝦嘅汁調味得好好味 有少少西式風情, 再點埋佢個泰式秘製醬汁。泰式明爐魚都係我嘅推薦菜 ，好開胃。 調味亦都剛好, 魚身唔會太鞋。必食嘅黃咖哩蟹，黃咖哩唔會太辣，佢個汁配蟹 唔會覺得膩。 而且好大隻蟹，比起好多出名嘅泰國餐廳嘅黃咖哩蟹都處理得更加出色。小食拼盤又係必叫，賣相靚， 亦都好開胃， 之後將啲蝦片點咖哩蟹嘅咖哩食perfect match。呢間餐廳都算有驚喜， 每一道菜都係水準之上， 推薦各位鍾意食泰國菜嘅朋友食。…查看更多

銅鑼灣想食拉麵多數去登龍街, 經朋友介紹今次試下呢間隱世拉麵Jo米芝蓮推介嘅拉麵之前試過幾間, 各有千秋, 豚骨拉麵 幼麵（叉燒 竹筍 木耳 青蔥）好鍾意呢個湯底, 好香濃嘅豬骨湯味。溫度由一開始食到食完都keep住熱辣辣，雖然係最普通嘅湯底,但係佢拗出一種拉麵都得有嘅豬骨湯底味。醬油豚骨拉麵 幼麵 千葉縣產醬油 （叉燒 菠菜 青蔥 干筍）男朋友叫咗醬油湯底,比較得意嘅係佢有菠菜做佐菜。都幾好味。炸八爪魚球 呢個冇影相食囉, 佢有啲似章魚小丸子， 不過就係炸嘅形式, 外皮脆而個熱辣辣, 係另一番小丸子嘅風味。蔥花牛舌份量比想像中多。…查看更多

自從上次食完放題之後, 今個星期又過咗嚟兆萬呢度搵放題食. 求其入咗一間， 呢個極上帝王水產，見到佢嘅食評都幾多係推薦。 所以今次就試下。 星期六夜晚八點過到嚟都依然好多人 。我哋等咗一陣之後入去坐，都有唔同嘅嘢食揀 。個人喜愛刺身 食咗好多甜蝦同埋三文魚刺身。 個麵豉湯有蟹鉗 好足料 另外大概係呢一個蟹蓋 入面真材實料有蟹肉。 不過比較得意嘅係佢撈咗啲壽司飯喺入面。 食落口感增加。 另外仲叫咗幾款壽司， 我個人偏好炙燒口味嘅。 另外仲有啲熟食,唔算太差不過唔係我心水. 所以都係推介返呢度嘅水產。…查看更多

My friend recommended me to go to Kobe Fusion for dinner so I brought my girlfriend to have Japanese/Korean buffet. The staff members were nice to customers. We went to some Japanese buffet restaurants before and the staff members there were so unfriendly. This restaurant, they came to you to ask if you were full and recommend what you should order to try.We order quite a lot of food but within 15 minutes, all food was served. The grilled chicken steak was very delicious as the sauce was very rich and the chicken was grilled perfectly! The Teppanyaki Beef was so good as well! The beef was really fresh. When you eat it when it was hot, the blend of the sauce and the beef was amazingly combined. I ordered some tempura food as well. The taste was just okay as what you expected.It would be better if they provided the vinegar sauce with the tempura as is usually standard. The restaurant provided a good selection of drinks. There was a range of soft drinks and two kinds of beer you could choose. We ordered some sushi and we both like roast salty salmon. It tasted really good! Tuna sushi, salmon sushi, they were also very good. We tried some Korean fried food as well such as fried milk. It was the first time I have heard of fried milk so I just tried to see if I like it. I did not like it too much but my girlfriend loved it so much. We had so much food and left at around 7:15pm. There were some people waiting for tables already. We were glad we went there early. The male toilet was not very clean and a bit stinky. I think the staff should clean it more often, but it may be a problem with the building, I’m not sure.Overall, I enjoyed the food and the environment there. The staff do their job efficiently and mind their own business, creating a relaxed atmosphere.  I will definitely recommend my friends to go as well. …查看更多

同friend兩個人去cwb搵野食, lunch食左好多野唔係太hungry, 係openrice睇倒就pick左呢間專食chicken wings ge餐廳試下。一入到黎呢到俾我既感覺好美式lol佢除左wings之外都仲有其他side, 咁但係既然呢到係主打wings, 咁就我同朋友就淨係試下佢既拿手菜啦。MENU好有趣, step by step咁, 感覺好sophisticated XDD佢有好多5同既sauce, 好多我地都想試下之後我地兩人total要左16個wings, 咩醬都試左少少, 我個人最中意traditional american buffalo, 酸酸辣辣。好惹味…查看更多

家住葵芳, 好少可會過到黎呢個位食野, 上兩個星期探朋友, 佢話呢間串燒店好抵食, 咁我就跟佢試下。一入到去員工都好熱情招待, 仲表示絕對唔用味精。見倒MENU有好多CHOICE, 咁我地就叫左燒茄子、燒豬頸肉串、燒煙肉露荀卷、燒雞全翼等等。不過掛住食冇咩點影好多相。個人最LIKE個茄子, 好入味! 好快就食哂, 而且好大條。朋友點的日本魚, 佢話都唔錯。可值得一試。哈哈, 佢地個牆有D好搞怪既畫。擺埋一齊影相又幾好笑。其他食物都唔錯。再一次發現呢頭都幾多美食。食完呢餐真係和味個和味龍。下次會想黎試埋佢地其他串燒!…查看更多