talwewe's Profile

呢間嘢成日爆我建議一定要book位。Book位嘅時候我順便留定奄仔蟹同埋筍殻魚，因為上次嚟兩樣都賣晒，今次終於食得到。首先叫咗個加拿大A蚌刺身，真係好新鮮，食落好爽甜，好好味。諗起都有啲想再食😋10/10奄仔蟹佢哋轉左做法，依家變咗火焰奄仔蟹，不過都係油鹽焗。初時以為呢個只係噱頭，食落原來真係有分別，香好多！我俾佢9.5/10筍殻魚亦都係佢哋嘅招牌菜，完全冇失準，夠晒大條又脆口 - 9/10。最後仲叫咗隻乳鴿，之前佢哋用BB鴿，今次大size咗好多，皮炸得好脆好好食，都係高質，不過可能大隻咗入面啲肉唔係好夠入味 - 7/10。…Read More

朋友食過話好食，心郁郁都去試吓！星期五7:00到咗，全間餐廳爆曬，好彩有打去訂位。試咗招牌鹽焗奄仔蟹，嚟到真係心心眼，爆曬膏，鹹味啱啱好，好好味！明廚第一炒，其實同小炒王差不多，不過好大碟，同埋加埋上面啲銀魚仔，炸到脆卜卜，送啤酒一流！黃金涼瓜，個涼瓜做得好出色，裏便唔會有苦味，俾啲鹹蛋黃包住，外脆內軟！白灼手切本地牛，牛肉非常有肉味，牛肉生熟剛剛好，鍾意食牛嘅一定要試吓！另外仲有幾個小菜，炸乳鴿，冰火辣魷魚，椒鹽鮮魷，菠蘿生炒骨都好出色，食下飲下啤酒，開開心心過咗一晚。值得一提，餐廳幾個老闆都好後生，個個都靚仔靚女，服務又好，下次一定會再返嚟！…Read More