gfgm.hk.by.mochi的個人專頁

依間芝士撻分5cm同7cm，有超過12款口味選擇，會食到個底有淡淡芝士味，但主要都係本身個款口味，所以唔洗擔心唔鍾意食芝士嘅人會卻步😝
訂左經典三重芝士、Oreo、伯爵茶麻糬、三重朱古力脆脆麻糬、檸檬柚子、咖啡朱古力、特濃開心果、焙茶生朱古力麻糬、抹茶生朱古力紅豆、藍莓、抹茶士多啤梨等。每件撻四十幾蚊，算係中高價散水餅之選，但個樣好靚好得體，味道方面亦獲同事一致好評！我食左特濃開心果同焙茶生朱古力麻糬，兩款都好好食🤤另一個吸引嘅地方係間舖可以官網下單，超方便！

…查看更多

姊妹請食生日飯，第一次到訪依間高人氣嘅壽司店食omakase，只能話真係名不虛傳，食完幸福感滿瀉🥹以下介紹印象最深刻嘅幾貫，下次有機會要試埋名物太卷🥢

🍊🐡 河豚刺身配柚子安康魚肝醬 (𝟙𝟘/𝟙𝟘)
係香港唔係好經常可以食到河豚，就算有得食都未必敢食，今次有機會一試好驚喜，肉質比想像中扎實🧐安康魚肝醬味道好濃郁，幸福感滿滿，如果可以買返去撈飯就正😝
🐙 汁煮柚子皮八爪魚黃芥辣 (𝟡/𝟙𝟘)八爪魚嘅肉好軟淋淋，個汁少少咸少少酸咁，配埋黃芥辣開胃👍🏻

🦑 螢光魷魚茶碗蒸 (𝟠/𝟙𝟘)
螢光魷魚係我日本料理嘅其中一樣最愛，熱食又有另一番風味！🍣 小肌 (𝟠.𝟝/𝟙𝟘)
口感彈牙，好好食😗
🐚 北寄貝 (𝟙𝟘/𝟙𝟘)
本身唔係貝類嘅fan，但依隻北寄貝軟得來有咬口，應該係我有印象食過貝類以來最好食嘅一次🥰🐟🥯 安康魚肝泡芺 (𝟙𝟘/𝟙𝟘)
對泡芺嘅概念停留左係甜品度，以前真係想像唔到泡芺可以咸食🙈安康魚肝醬好好食，超級推介！
…查看更多

每次有朋友話想食串燒我都會諗起依間，基本上三個月就會返去報到一次😎餐牌上有幾十款選擇，每款隔離都會括住係日、泰、港、川、西、台、韓、新疆定自家製嘅整法，有啲組合仲好有創意👍🏻除左串燒好食外，另一賣點係生啤長期買一送一🍻中環、尖沙咀、紅磡同旺角店我都食過，經過多次實測，除左旺角店質素有啲跌watt外，其他分店都質素一致！🐥🦑 雞皮墨魚滑 $𝟛𝟠 (𝟙𝟘/𝟙𝟘)薄薄嘅雞皮燒到非常香脆，包住墨魚滑依個組合好特別，大粒得來口感好彈牙，墨魚滑多左雞油香，表面再灑少少椒鹽已經好出色😍朋友都大讚，果然係餐廳推介嘅十大必食💯🧀🥚 焦糖鰻魚芝士玉子燒 $𝟚𝟠 (𝟙𝟘/𝟙𝟘)玉子燒外面嘅焦糖好脆，配溶溶地嘅芝士同少少流心嘅玉子燒，外脆內裡軟綿綿，口感好有層次，超推介！🍏🍞 焦糖青蘋果鵝肝多士 $𝟙𝟘𝟠 (𝟙𝟘/𝟙𝟘)鵝肝好香同好多油，配焦糖青蘋果中和到唔會太漏，成個組合好夾，每次來都必點！🐷🥒🍭 豚肉節瓜波板糖 $𝟛𝟠 (𝟡.𝟝/𝟙𝟘)豚肉同節瓜切成薄身再捲成波板糖形狀，未食都感受到心機。付月見，味道香濃，好好食！🟠🍗 明子太雞腿肉 $𝟚𝟠 (𝟡.𝟝/𝟙𝟘)雞腿肉嫰滑，明太子醬都好足料！🐷🌱 鹽燒豚肉露荀卷 $𝟛𝟚 (𝟠.𝟝/𝟙𝟘)露荀冇overcooked保持到多汁，豚肉都好食！🐥🍄 汁燒免治雞肉軟骨釀冬菇 $𝟚𝟠 (𝟠.𝟝/𝟙𝟘)冬菇燒完後都保持到好多汁好嫰滑，配免治雞肉軟骨依個組合幾特別，好食，不過下次我可能會點返普通嘅免治雞肉軟骨棒，個人口味而已😆🐷🥚 海苔黑豚肉鵪鶉蛋 $𝟚𝟠 (𝟠/𝟙𝟘)鵪鶉蛋同豚肉都好夾，但如果豚肉多啲調味會更好。…查看更多

觀塘好多隱世小店而且性價比高，依間台式小食唔係位處觀塘嘅核心地帶，但估唔到平日放工去都full house。職員笑容滿面，有小店嘅親切感覺。食物唔錯，本身價錢已經唔貴，仲要兩點半後入座有九折😳同朋友兩個都大食，叫左一個飯、四款小食、兩杯飲品，埋單唔洗$250但最後爭啲食唔哂，真心好抵食👍🏻下次會再去試其他款式！🥭🍚 芒果魯肉飯  $𝟝𝟠 (𝟡.𝟝/𝟙𝟘)芒果配魯肉真係一個完全幻想唔到嘅組合，雖然我覺得一齊食唔係太夾，但兩樣分開一啖一啖隔住食又出奇地好食！芒果甜嘅程度係滿分💯魯肉肥瘦適中，同飯嘅比例剛剛好唔會太鹹，加埋咸菜、蔥花等配搭，口感好豐富，係驚喜之作！🍳🥓 熔岩蛋之戀 $𝟜𝟛 (𝟡.𝟝/𝟙𝟘)蛋餅餅皮好薄， 半溶嘅芝士充滿拉絲感，睇相都感受到有幾膨湃，要趁熱食！沙律醬份量好多，超邪惡但好好食，如果比個option可以揀低脂沙律醬就更好🙈🥪 脆炸鮮奶卷 x 古早芋泥二文治 $𝟜𝟠 (𝟡/𝟙𝟘)炸鮮奶外面好脆，牛奶饀甜度適中。芋泥二文治用左夾心餅，食落啖啖芋泥，芋泥愛好者一定滿足！🌭🍗 台北夜市小食拼盤 $𝟜𝟛 (𝟡/𝟙𝟘)花枝丸本身彈牙，炸得夠乾身同唔油，台灣腸香脆同加左蜜糖甜甜地，兩款都好好食😋相較之下鹽酥雞較為失色，炸得未夠脆，但以依個價錢來講合格。🥚 鵪鶉蛋 $𝟙𝟚 (𝟡/𝟙𝟘)我同朋友都好鍾意鵪鶉蛋所以叫左，花雕好香！🧀🍠🥛 芝士奶蓋芋頭鮮奶 $𝟛𝟛 (𝟠/𝟙𝟘)標榜全手工製作，芋泥好綿密，唔會太甜，飲得出個種手工感，但芝士奶蓋可以多啲。…查看更多

最近天氣涼左少少，平日放工去打邊爐，搵到依間冇限時任食試下，印象中好似係第一次食冇限時嘅火鍋，冇壓力下可以慢慢講住野咁任食都幾好！依間除左地理位置方便外，環境都好舒服同抽風幾好，唔會食完成身味！開始打邊爐前餐廳會送一份鹹蛋黃魚皮，同四款唔同口味嘅shake shake粉。我地揀左藥膳養生花膠雞涮涮鍋，湯底比想像中有少少失望，比較淡味😥肉類方面，因為朋友唔食牛肉，所以叫左最平$308嘅餐，包美國安格斯肥牛同西班牙無激素豬肉，估唔到肥牛肥瘦適中，好好食，我一個人啪左兩碟😍雞脾肉好嫰滑，仲有打邊爐少有嘅鵪鶉蛋，好滿足！我打邊爐最鍾意食丸，依間款式好多同質素好！好多款手工丸同餃都可以不斷encore，我推介口感好特別嘅手工香菇雞軟骨餃、爆汁嘅手工牛丸，仲有手工黑松露墨魚丸同芋泥貢丸都冇得彈🥟🍢海鮮方面，海蝦好新鮮好好食，但沙白就略嫌有少少沙。另外仲有脆鯇魚片、帆立貝等，不過我地冇試。蔬菜方面都好多款，有粟米、紫薯、金菇菜、雞髀菇、羽衣甘藍等🥬🌽麵類有幾款選擇，包括出前一丁，我揀左試好出名嘅台灣王子麵，口感有少少似細細個食嘅福字上湯伊麵，但掛湯力超強😱放落火鍋湯底兩三分鐘已經索哂啲味，第一次食好驚喜，食左兩個👍🏻飲品方面都好多選擇，包括自家製冷泡茶，仲有維他奶！每人最後可以揀一款Mövenpick、Häagen-Dazs或Dreyer’s雪糕🍦…查看更多

依間以雞蛋為主題嘅吐司專門店係大圍區內嘅人氣小店，經常都要排隊，有日平日下午唔洗返工所以去試下！Cafe走日系風格，純白色裝修加上木系擺設，感覺舒服。食物賣相好靚好打卡able，以定價來講質素算唔錯，但服務態度一般，員工都係走慢活同cool嘅路線，唔係太熱心招呼😂整體而言個人認為唔值得花時間排隊，建議平日非繁忙時間得閒先去試🤣🧀🐷🍞 ᴅᴏᴜʙʟᴇ芝士豬柳盒子吐司 $𝟝𝟝 (𝟙𝟘/𝟙𝟘)盒子吐司先用牛油煎香，吐司香脆微焦，豬柳煎得好香，芝士份量一啲都唔吝嗇！雖然芝士同豬柳係好簡單嘅食材，但都可以整到好吸引，滿滿嘅餡料同時滿足視覺及味覺😍另一驚喜係我本身以為配菜係薯條，但今次用左日式芝士年糕拌碟！年糕本身甜甜地而芝士就有少少鹹，兩者平衡得好好，加上口感煙韌，真係好出色👍🏻沙律菜亦都中和油膩感，以定價來講值得滿分💯🌰🥛 開心果特調 $𝟝𝟞 (𝟟/𝟙𝟘)作為開心果同豆腐嘅超級粉絲，依個組合本身令我好期待，雖然唔係難飲，但有啲失望😭首先係奶泡太厚，開心果味唔夠濃郁，整體比例完全失衡，唔知係咪一時失手？豆腐比較淡味同軟身，好快溶哂，無論味道同質感上都冇起到加乘作用🤦🏻‍♀️可取之處係開心果碎鋪滿杯邊，賣相好靚，打卡able📸🍊🍰 柳橙布丁焙茶戚風蛋糕 $𝟝𝟞 (𝟠.𝟝/𝟙𝟘)是日精選蛋糕，我好鍾意橙味嘅甜品，所以毫不猶豫。焙茶好香濃，而橙味酸酸地帶來左一陣精新感，戚風蛋糕口感鬆軟，好食！…查看更多

朋友極力推介依間墨西哥菜，首先一入到去氣氛好好同好異國風情除左墨西哥風佈置，包括有亡靈節主題嘅壁畫同墨西哥帽外，餐具都好靚好色彩繽紛👒🥳Lunch set百幾蚊包餐湯或沙律同main，like餐廳嘅ig同fb送非酒精飲品同甜品，食物質素好高，近乎係驚喜一浪接一浪，性價比極高👏🏻唯一要進步嘅地方係墨西哥比人感覺熱情，但依度嘅waiter比較cool，會有少少影響左個vibe，仲有就係比較遊魂，包括唔記得左上餐湯、上漏左一個餐包同上錯飲品😂不過食物質素完全足以cover依啲小過失，有機會會再訪！🥙 ᴄᴀʀɴᴇ ᴀsᴀᴅᴀ ᴛᴀᴄᴏs $𝟙𝟚𝟠 (𝟡.𝟝/𝟙𝟘)墨西哥出產辣椒，所以墨西哥菜偏酸辣。Lunch set依款青醬牛肉tachos加左少許辣椒及洋蔥，自己決定落幾多青檸汁，辣味唔重，酸酸甜甜地超開胃。Tacos皮係軟身個款，好好食！🥩 ᴛᴀᴊɪɴ ʀɪʙ ᴇʏᴇ sᴛᴇᴀᴋ $𝟙𝟜𝟠 (𝟡.𝟝/𝟙𝟘)牛扒煎得好好同份量好大。薯角簡直驚為天人，外皮好脆好香但入面軟到直情有少少流心感，係我食過外脆內軟嘅第一名。薯仔味好濃，唔係一般薯角得個咸字，完全唔需要點茄汁！🐷 ᴘᴏʀᴋ ʙʙǫ ʀɪʙs $𝟙𝟚𝟠 (𝟠.𝟝/𝟙𝟘)肉質好軟嫩，骨肉分明一切就切到，好食但相比其他菜式冇咩驚喜，配好好食嘅薯角挽回左啲分數！🥣 sᴏᴜᴘ (𝟙𝟘/𝟙𝟘)跟餐嘅雜菜忌廉湯超級creamy幼滑，明明入面放左我唔鍾意嘅椒同西芹，但煮到爛爛地咁好好飲同味道好豐富。🐥🌮 ᴄʜɪᴄᴋᴇɴ ǫᴜᴇsᴀᴅɪʟʟᴀ $𝟙𝟘𝟠 (𝟙𝟘/𝟙𝟘)Ａ la carte左一個經典墨西哥芝士餡餅，餡餅夾住煎香嘅雞肉、溶溶嘅芝士同香料，即使唔點醬都好好食同有二合為一嘅感覺。另外提供左莎莎醬及酸忌廉，點埋就更加多層次。好食到有幸福感，總共有八件都好多！…查看更多

完成左個大project想奬勵下自己食餐好，係銅鑼灣時代廣場附近搵食，見到大大個招牌寫住World’s Best Wagyu Burger，所以決定入去試下！雖然門口感覺唔大，但原來內有乾坤！裝修走意大利歌劇風格，掛左好多西洋畫、歌劇面具、精緻吊燈，加上播古典音樂，營造出歐式典雅嘅氛圍🎼好有格調，同平時係快餐店食burger嘅感覺好唔同，係一個幾特別嘅體驗🤩依間小店主打burger同gelato，burger分original、combo同tasting，tasting細份啲啱女仔，好貼心！雖然將本身係fastfood嘅burger變得高檔，但一個combo set都係一百蚊鬆啲，同啲外國連鎖brand差唔多😎而款式選擇多左好多，味道亦好有驚喜，絕對係誠意推介！有機會會再返去試其他burger同gelato👍🏻🍔 ғᴏɪᴇ ɢʀᴀs ʙᴇᴇʀ ʙᴜʀɢᴇʀ (ᴄᴏᴍʙᴏ) $𝟚𝟞𝟡 (𝟙𝟘/𝟙𝟘)因為係奬勵自己所以揀左個比較貴嘅set，雖然真係偏貴但turn out都冇令我失望，一上菜已經覺得好surprised😍Burger超大個，而且目測完全見到鵝肝同和牛漢堡扒超級厚💯食過第二間嘅鵝肝牛肉漢堡，依度嘅份量真係好均真。漢堡包熱辣辣之餘好軟熟，蛋黃醬嘅份量恰到好處，唔會太漏或搶左主角風頭。和牛漢堡扒煎到八成熟左右，內質好鬆軟同juicy，一路食一路好多汁滴出來🤤鵝肝亦煎到外脆內軟同好有油香，配合半溶嘅芝士、番茄同生菜中和油膩，真心係我食過最出色嘅burger之一！至於薯條亦好有驚喜，幼身同炸得好脆🍟本身嘅調味剛剛好，唔需要沾茄汁都好好食，而且食完burger再食薯條時都keep到未淋😝🌹🍷 ᴇxᴏᴛɪᴄᴀ ʀᴏsᴇ sᴘᴇᴄɪᴀʟ $𝟟𝟡 (𝟡.𝟝/𝟙𝟘) 玫瑰奶昔好香花香味，味道唔假，配搭嘅rose mulberry gelato質地好幼滑同有好多莓籽，分開食好好食，夾埋奶昔都好match，奶昔唔係好厚身好漏個種，好快已經飲哂！見到依家跟兩個餐有買一送一，可惜我今次係獨食🤣…查看更多

假日去元朗brunch，依間cafe裝修幾靚，以灰色水泥牆為主調，走型格路線！最大賣點係歡迎寵物，空間都夠寬敞同舒服🙌🏻我地坐出面bar枱，隔離放左兩部風扇仔，所以帶到入面啲冷氣風出來，一啲都唔會覺得熱🪭環境同食物都算唔錯，唯一係服務態度真心一般般，想要杯水都叫左三次，由食緊野中途叫到最後臨埋單前先有水飲😭🦀🦐🍝 虎蝦蟹棒蟹籽粉紅汁卡邦尼手工意大利麵 $𝟙𝟘𝟠 (𝟡/𝟙𝟘)手工意粉粗身，有少少似烏冬但口感比較煙韌，算係我食過覺得幾好食嘅手工意粉😎雖然話係卡邦尼，但個汁比較似龍蝦忌廉汁，最似卡邦尼嘅位係有海量煙肉。另外虎蝦同蟹棒各有兩大件，性價比算唔錯！🍔 安格斯牛肉漢堡包配薯條 $𝟡𝟠 (𝟟.𝟝/𝟙𝟘)安格斯牛肉好厚身但肉質偏實，唔夠鮮嫩同juicy，薯條亦都唔夠熱同口感麻麻，本身以為burger係穩陣之選，有啲失望😥🍵🥛 ᴍᴀᴛᴄʜ ʟᴀᴛᴛᴇ $𝟜𝟜 (𝟠.𝟝/𝟙𝟘)抹茶味夠香，好飲👍🏻🍫 ᴇᴀʀʟ ɢʀᴇʏ ᴄʜᴏᴄᴏʟᴀᴛᴇ $𝟜𝟜 (𝟡/𝟙𝟘)Earl grey同朱古力兩種味道平衡得好好，整杯飲品唔會太甜😝…查看更多

樂富算係比較平民嘅地區，大部分餐廳價格都好親民。依間餐廳主打日式洋食，係樂富價，但食物質素高之餘環境仲好舒適🥰裝修走歐式休閒風，上層餐廳嘅大玻璃窗採光度高，整體感覺好好，好適合一班朋友聚會🎉平日lunch set有三個價格，選擇好多，除左主菜外，包水果茶、酸種麵包同沙律或湯，較貴嘅兩個set仲包埋甜品，超級抵食👍🏻唯一挑剔嘅係啲侍應好多都好似好green咁，落單同上菜都比較遊魂，服務質素有待改善！🍗🍚 南蠻烤雞西班牙鍋飯 $𝟙𝟝𝟠 (𝟡.𝟝/𝟙𝟘)上菜時見到擺盤好驚喜，雖然叫西班牙鍋飯但唔係個回事，個飯加左蛋沙律，整體感覺好特別同fresh，雞腿肉好嫰滑！🍆🍅🍝 烤茄子蕃茄手打意粉 $𝟙𝟙𝟠 (𝟡/𝟙𝟘)手打意粉質感好好同好掛汁，烤茄子好好食，比想像中驚喜！🐮🍝 自家製和牛肉丸手打意粉 $𝟙𝟛𝟠 (𝟠.𝟝/𝟙𝟘)自家製肉丸好澎湃，肉味濃但較鬆散，有少少肉碎同芝士撈埋意粉一齊食，好食！🟠🍝 明太子忌廉手工意粉 $𝟙𝟛𝟠 (𝟡.𝟝/𝟙𝟘)招牌菜式之一，明太子忌廉汁唔算好突出，勝在上面放左好多魚子，夠鮮味同令口感豐富左。意粉放左少量薯仔，比較硬身，個人來講幾鍾意😎🦐🍝 白酒海鮮忌廉汁扁麵 $𝟙𝟝𝟠 (𝟟/𝟙𝟘)海鮮只有細細粒嘅蝦，意粉亦冇咩特別，雖然唔難食，但係有種貨不對辦嘅感覺。🧀🍕 四重芝士薄餅 $𝟙𝟝𝟠 (𝟡.𝟝/𝟙𝟘)配蜜糖簡直係天堂級享受但真係好邪惡👿多人一齊share最啱！🍕 辣肉腸芝士薄餅 $𝟙𝟛𝟠 (𝟡/𝟙𝟘)啲料同某pizza牌子嘅味道好似，不過pizza唔同，個皮好鬆軟，好食！🌰🍰 ᴄʜᴇsᴛɴᴜᴛ ʙᴀsǫᴜᴇ ᴄʜᴇᴇsᴇᴄᴀᴋᴇ +$𝟛𝟘 (𝟡/𝟙𝟘)賣相靚同味道唔錯，唯一係basque cheesecake冇流心感，但當普通cheesecake咁食絕對係唔錯的！🍰 ᴛɪʀᴀᴍɪsᴜ (𝟡/𝟙𝟘)好大件同質地偏實淨，如果bailey味再重啲更佳。🍠🍮 番薯奶凍 (𝟟.𝟝/𝟙𝟘)番薯同奶凍分開，奶凍冇番薯味亦冇奶味，比較失色，唔建議。…查看更多

依間湯麵專門店主打每日新鮮製作手工麵，有五款麵選擇，包括擔擔麵、蛋麵、闊麵、菠菜同來自陝西嘅Biang Biang麵。啲麵唔會有梘水味，灣仔區來講講價錢算合理！平日午市時間有好多人係門外排隊，不過等大約十至十五分鐘就入到🙈🦀🍜 鎮店蟹皇拌麵 $𝟡𝟠 (𝟠/𝟙𝟘)蟹黃汁用大閘蟹肉及蟹黃製作，冇加蛋黃及蟹油，個人覺得好稠身但味道較淡，作為鎮店介我覺得比想像中有啲失色😥優點係份量好闊綽，足夠沾哂成碗麵👍🏻我本身唔食醋，但加左自家製蟹醋後冇咁單調。擔擔麵好幼滑，份量好大好夠飽！🐷🍜 台式滷肉拌麵套餐 $𝟠𝟠 (𝟠.𝟝/𝟙𝟘)午市嘅一人拌麵套餐包拌麵、小食同飲品，算係性價比之選👏🏻滷肉味道濃郁，擔擔麵掛汁力強😋小食手拍小青瓜酸酸甜甜咁好開胃，份量非常多。洛神花蜜就比較淡味。🌟 Follow @gfgm.hk on Instagram for more 🌟…查看更多

依間buffet係我食過最多款式嘅其中一間，海鮮方面有兩款即開生蠔（法國同愛爾蘭）🦪仲有龍蝦、雪蟹腳、青口、蝦🦞作為生蠔控，雖然每次只限取兩隻，但職員開得好快，加上我去個晚唔多人食生蠔，基本上可以行多幾轉拎多幾隻返去慢慢歎🤤冷盤方面有幾款芝士同各式嘅 cold cuts，包括煙三文魚、parma ham、意大利肉腸同salami腸等🧀🥓刺身同壽司方面選擇都唔少，有帶子、雕魚、三文魚、八爪魚、花之戀等🍣最令我震驚嘅係平時我食buffet好少食熱盤，但佢嘅熱盤好多款式。除左西式嘅羊架、燒牛肉同意粉外，仲有中式嘅點心、粉麵、燒味同鑊氣小炒、日式嘅和牛壽喜燒同天婦羅，仲有印度咖喱同小食🍛好多都令我忍唔住手，其中西班牙烤脆皮乳豬超好食，我食左四五件🙈中式燉湯好夠火喉，忍唔住飲左第二碗！另外仲有台式果茶無限添飲🍹甜品方面，淨係蛋糕等嘅小甜點都有十幾款選擇，仲未計多款自家製gelato、中西式糖水等，選擇多到令人眼花繚亂🧁🍨見到有茅台雪糕好特別，不過我冇勇氣試🤣鍾意食甜品嘅女仔一定會覺得好滿意！ 平日dinner buffet $758一位，食三個鐘，但網上訂位長期有折，仲要都折好多下，會抵好多😆…查看更多

星期六中午係銅鑼灣lunch，係日本菜林立嘅永光中心度揀左依間試下，估唔到好有驚喜🤩除左餐廳環境有格調同舒適外，連餐具都好靚，包括筷子架係日本武士裝飾🥢我地叫左兩個午市定食，兩個都價錢親民但質素意想不到地高，包括跟餐嘅配菜都好有驚喜👏🏻一定會再訪，下次可能試下omakase！🍮🍋 花膠雞湯果凍配柚子酸汁 (𝟙𝟘/𝟙𝟘)果凍用日本武士設計嘅器皿裝住，未食已經覺得好精緻👺花膠粒爽口，配柚子酸汁好清新開胃，啱哂女仔食！🍣 刺身定食 $𝟜𝟞𝟠 (𝟙𝟘/𝟙𝟘)六款刺身包括帶子、赤海老、真鯛、池魚、銀鱈魚同腦天（吞拿魚頭頂肉）。順序由淡味慢慢食到濃味，淡味嘅帶子、赤海老、真鯛同池魚都好鮮味，特別真鯛好厚切好有口感，赤海老真係好鮮甜🦐另外兩款直情係滿分之作，刺身級銀鱈魚比平時個啲西京燒銀鱈魚肥美同滑好多，帶濃厚油香。至於腦天，一條吞拿魚得兩片，筋少而脂肪多，口感肥美同軟滑得來，食到成個口腔都係滿滿嘅油香，超有幸福感🥰依個價錢食到依個質素嘅刺身（仲未計配菜）真係性價比好高💯🐮🍚 黄金和牛油炒飯 (𝟠/𝟙𝟘)跟刺身定食嘅炒飯，上菜時聞到好香好香，炒飯質感亦好食，但整體來講略嫌單調，同刺身亦唔算好夾🙈🦀🍜 蟹黃磯煮鮑魚伴日本稻庭烏冬 $𝟚𝟞𝟠 (𝟡.𝟝/𝟙𝟘)本身係配闊身嘅花山烏冬，不過當日缺貨換左稻庭烏冬，但鍾意食烏冬嘅我一樣滿足😋蟹黃用松葉蟹肉同蟹膏混合而成，味道濃郁，鮑魚用日式醬油同和昆布慢火炆煮，肉質鮮嫩，好有驚喜！唯一係個人覺得蟹黃比較適合熱食🤣🐟🥣 鯛魚湯 (𝟙𝟘/𝟙𝟘)跟餐嘅鯛魚湯用黃腳立同金鯛魚頭熬製，除左鹽冇落其他調味，一飲就感受到好creamy好足料，仲有種滿滿骨膠原嘅感覺，飲多幾碗都絕對冇問題！🥚🦀 松葉蟹栗子茶碗蒸 (𝟠/𝟙𝟘)依餐唯一比較冇咁啱我口味嘅係茶碗蒸，可能慣左茶碗蒸係咸味，有機栗子蓉太甜反而覺得怪怪地，同其他味道唔算太夾，但蒸蛋好嫩滑。…查看更多

依間餐廳曾經係蘭桂坊開業超過二十年，當時算係香港人氣數一數二嘅意大利菜始祖，之後輾轉遷移到上海，被評為上海五大最佳餐廳！餐廳近年將重心回歸香港，係又一城重開😳午市嘅semi buffet非常受歡迎，最初只係百幾蚊，雖然加左幾次價，但仍然吸引到我回頭🙈依家平日$278一位，有超過二十款沙律同熱盤前菜🥗有燒牛肉、燒雞、青口同虎蝦等海鮮🦐仲有多款甜品🍰我覺得燒牛肉同沙律通粉好好食，特別係自家製意粉煙韌彈牙🤤唔夠飽可以每人叫一款主菜，有意粉、pizza、魚同牛扒等，大部分款式只係加$20，可以幾個人一齊share！餐廳refill速度快，保證食到飽，以半自助餐來講性價比高👍🏻…查看更多

依個牌子擁有三百幾年歷史，係英國皇室都享用嘅茶葉品牌，鍾意英國文化同下午茶嘅人應該唔陌生！雖然我未試過啲茶，但今次去食晚餐體驗好好🥰餐廳坐落係尖沙咀海傍，一入到去淨係見到靚景加埋英倫裝修已經覺得好有情調🇬🇧唔係我book位，所以本身唔知道二人同行食晚餐會送Peach Condition Mocktail同5克魚子醬，仲有侍應即席表演，好驚喜同覺得好抵🤣⚫️ ᴄᴀᴠɪᴀʀ (𝟙𝟘/𝟙𝟘)點餐後侍應突然推左架trolley出來，話依家做緊promotion送魚子醬，仲配酸種麵包、炒蛋、焗薯同乳酪等配料，成件事都幾開心🤭侍應會問隻蛋想點整之後係你面前整，我想要soft佢都炒得好軟滑，仲話自己結左婚四年，佢太太一餐都冇煮過佢食，所以佢廚藝了得，好風趣😆唔止魚子醬夠香，其他配料都好好食同有驚喜，誠意十足👍🏻🥩 ᴘʀɪᴍᴇ ʀɪʙᴇ-ᴇʏᴇ sᴛᴇᴀᴋ, ᴡᴀᴛᴇʀᴄʀᴇss, ʜᴀɴᴅ ᴄᴜᴛ ᴄʜɪᴘs, ʙᴏɴᴇ ᴍᴀʀʀᴏᴡ, ʙéᴀʀɴᴀɪsᴇ sᴀᴜᴄᴇ $𝟝𝟠𝟠 (𝟙𝟘/𝟙𝟘)肉眼扒叫左medium， 又嫰滑又夠juicy，牛骨髓牛油嘅汁都好香，而且份量好大，兩個人食都好飽下🤰🏻另外薯條切到好似薯角咁，夠熱同外脆內軟，十分高質！🦀 ᴅᴇᴠᴏɴsʜɪʀᴇ ᴄʀᴀʙ, ʟᴇᴍᴏɴ ᴀɪᴏʟɪ, ᴡʜɪᴘᴘᴇᴅ ᴄᴏᴅ’s ʀᴏᴇ, ᴄɪᴀʙᴀᴛᴛᴀ ᴄʀᴏᴛɪɪ $𝟚𝟛𝟠 (𝟡.𝟝/𝟙𝟘)英式蟹肉沙律調味好出色，唯一美中不足係多士有啲細件，沾唔哂啲沙律🙈🐮🥟 𝟛𝟘-ᴅᴀʏ ᴀɢᴇᴅ ʙᴇᴇғ ᴄʜᴜᴄᴋ ᴀɢɴᴏʟᴏᴛᴛɪ $𝟚𝟞𝟠 (𝟟.𝟝/𝟙𝟘)第一次食牛肉做底嘅意大利餃子，結論係覺得牛肉口感有啲太實，唔係好襯做意大利餃子。依款係餐牌上係under Heirloom Tomato嘅欄目，個smoked tomato saurce的確幾出色👏🏻伴洋薊味道幾特別，不過未必人人鐘意。…查看更多