506a6d53d1e84f8b8's Profile

呢間Tiramisu係網上見到有好多人推薦，咁岩係附近做野就順便過黎試下。環境尚算寬敞，係係酒店樓下大堂。落完單2分鐘已經上左，首先個樣已經同人地唔同，人地都係一大舊正方形，我既係扁塌塌，ok啦邊角料總要有人食味道方面食落酒味同咖啡味都唔算突出，仲有一啲工業味既奶味同糖精味，橫切面睇手指餅佔比亦太多，而表面可可粉亦太多，稍有不慎就可能令人不適，不過尖沙嘴地段呢個價錢已經反映一切，當普通甜品一嘗就可以，朝聖就冇咩必要…Read More

第一次幫襯呢間舖，睇左下menu叫左杯奶茶，同埋講要少少糖，唔知係收銀定係老闆負責落單，好串話，唔好意思我地冇落糖嘎窩，我點知你邊款有落邊款冇落啊？我只係想飲冇咁甜，咁樣既態度不敢恭維…Read More

叫左泡菜豬肉石鍋飯，上菜賣相ok，食落真係好難食，肉質一扯就散，唔知擺左幾多年既凍貨，泡菜係軟嘎，仲有飯入面自帶既汁係甜嘎，真係9唔搭8，從來未試過咁難食既石鍋飯…Read More

有朋友推薦呢間鋪頭，放假決定同男朋友黎試一試，地鐵站出黎唔洗5分鐘就行到。入黎見到裝修都好有feel，適合兩三個朋友小聚既地方，好似去左日本咁•冷烏冬定食，配wasabi好開胃🤤•天婦羅半熟蛋，好食又好睇•雞皮餃子，油脂好香，好送酒•天婦羅大啡菇，大件抵食，夠曬juicy •天婦羅穴子，同手臂一樣咁长，肉質鮮甜•天婦羅黑虎蝦/廣島蠔/鮮帶子，食材新鮮彈牙•天婦羅士多啤梨/菠蘿，好新奇既搭配，十分解膩…Read More

入去坐底睇左冇幾分鐘menu就比人催落單，叫左一打十蚊蠔，一個西班牙火腿哈密瓜，軟殼蟹意粉第一打蠔尚算大隻，所以加左第二打，食到最後一隻口感似壞左，即刻吐番出黎冇食，點知都係中伏，兩個人夜晚翻到屋企就開始肚痾。而西班牙火腿一入口就有腥味，勉強食到一半仲要食出一塊膠紙，食品衛生堪憂，轉頭望入廚房，處理生食竟然冇一人係戴口罩意粉係鹹蛋黃醬整，軟殼蟹亦比餐牌上展示細一半，想飲啖水朗下口，連杯水都有腥味，最後兩人盛惠六百蚊痾左四次…Read More

趁著幾日假期，所以一個人去南丫島慢活。見到大街轉角有一家招牌好細既甜品鋪，之前黎親都未見過，所以行左入去望下。一入到去鋪面都好細，不過甜品櫃都有幾多甜品，聽店主講都係每日手工製作，所以款式唔會太多！其中一款「Taromisu」吸引到我既注意，身為芋泥控既我頓時雙眼發光所以叫左一件芋泥版Tiramisu同一杯凍啡。第一啖食落去係軟綿綿既質感，細滑既芋泥同其他食材已經混為一體，芋泥味亦都好重冇一陣，碟上食物已經一掃而空，意猶未盡時，最後決定買左一罐手工曲奇帶走…Read More