cwingkiki's Profile

同朋友冇book到位，唯有係門口等walk in 位。因為這裡都幾full booking，即日book都相當困難。落完order,必定先送上麵包。食過幾次outback 仍然會好喜歡呢個自家製既麥包，上枱時還是會有微暖，外皮帶少少脆少少乾，內裡包心先又軟又帶麥香，塗上牛油忌廉，令食落麵包更香。最好的是還可以免費order ，多人既gathering 都唔怕唔夠分。 Combination Appetizer kookaburra wings,Aussie cheese fries,ribs on barbie. 雞搥帶點香辣亦炸得好香脆，惹味。芝士薯條就略嫌芝士可以更流質會比較好，因為芝士好快就凝結將薯條黏在一起，要將佢分開變得有難度。ribs 就有香濃bbq sauce ，肉質比較淋。 這個都是必食之一。因為其他餐廳都比較少這款小食。 Crispy Fried Mushrooms 外皮香脆，而炸粉唔厚，內面是熱辣辣的蘑菇，咬一口，外脆，蘑菇好熱亦好厚肉，亦juicy, 每次都必定會食！ Lamp chops職員會問熟既程度，我地揀了7成，個人同朋友都覺得剛好，唔會太乾同硬，保持到肉汁和軟度。還可加配芥末醬或薄荷葉。非常推薦，而薯蓉有好香牛油味，好軟滑。 …Read More

大約兩點幾來到，因為冇得booking,所以一定要排隊等位，前面有幾個人，等左15分鐘左右已經入得。我地就睇住menu 邊等入座。Brunch set 去到4點先完，所以唔怕，慢慢等同揀都得。 餐湯就冇得揀，但今次係南瓜湯，都好合我心意。飲落少少creamy, 好香南瓜味，因為每啖都充滿南瓜蓉，有別於忌廉湯，唔會有膩既感覺，反而更開胃。 麵包就外脆內軟，配搭湯點來食麵唔錯，或者塗牛油都一樣好餐飲就選了橙茶，充滿橙香味，是健康之選！Rosted U.S Half Game Hen,Herb Potato ,Green pepper sauce 雞肉比想像中嫩滑，亦好有燒烤味，雞皮薄又唔會肥。 而且size剛好，唔會食完好heavy or 太大太full , potato 能該用herbs 同olive oil 烤過，咬落充滿香草同香烤薯仔味。 Beef burger with bacon and cheddar cheese 最欣賞係牛肉係調味恰當，可以帶出到牛肉味，亦有肉汁，唔乾，而且厚度適中，唔會太厚食太多會好heavy 或太薄而失去口感同肉汁，所以覺得佢煎既時間都好講究先可以配合得好好。始終食burger,beef 的質素係最重要，其次就配合半溶既cheddar cheese ，有埋蛋就更加juicy, bacon 就加添smoke 既味道。漢堡包都很鬆軟，帶點空氣感。side dish potato chips 香脆而每條充滿薯仔肉，外脆內軟。每條薯仔都佔了點點辣粉味，有點惹味，非常配襯，酸瓜和蕃茄自行加入burger or 就咁食就可以更開胃。整體非常滿意！店舖少許暗黑頗有情調，亦設有戶外露天座位，可以有兩種不同感覺。…Read More

黎到澳門一定要食番個葡撻先不枉此行，本身想去食瑪加烈葡撻，點知見到太多人排隊啦，所以行行下買手信就比我見到原來而家鉅記有埋葡撻買，價錢都是一般大眾價錢$9 一個。見到佢放係暖櫃，而且望見佢都幾吸引就一試。一咬落去酥皮比較乾，而蛋味唔夠香濃，但整體都唔錯。去澳門行隨時食到葡撻，都算是唔錯選擇既！…Read More

兩翼餐$40佢雖然外觀唔太討好，而且店舖都好細，幸好我地5點左右去都唔太多人，唔需要等位。佢即叫即整，雞翼香脆熱辣辣，炸粉厚度剛剛好，唔會只係食炸粉。味道方面唔會好鹹，雞肉都好滑。 可惜汽水唔夠汽，就比較差。但估唔到澳門有咁好味炸雞，下次一定推薦比朋友！ …Read More

午餐有分兩個時段：11:30-13:30，13:45-16:00我平日去都唔太多人，早左10分鐘去到，首先會安排坐位，可以係門口area 有梳化坐住等安排入座。5分鐘後就有職員帶位，還幫我地拉座位，服務好體貼。 有5款特飲，港式奶茶，人手即沖咖啡，5款果汁特飲，有晒冰同唔同種類糖。 即叫即煮，還會詢問我地要既份量，絕不浪費。 多款不同種類熱食 印度食品，有3款咖哩，有印度廚師即場介紹有不同辣度同口味，有客人要求還可即場特製合適自己味道既咖哩多款特色包點 還有西式蛋糕，甜品 即場炮製pancake, 還有chocolate ，raspberry ,vanilla, cream 自行配搭 德國食品 多款好好味既甜品現場還有中式點心，西式料理，刺身，冷盤，燒牛肉，火腿，燒味⋯而且味道亦好好，食物選擇多 ，誠意推薦！服務員都好快速收好客人既食完既碟，亦有為我地推薦食物，十分友善。 最欣賞係食物質素和服務都非常好，價格便宜，值得再去！ …Read More

之前旺角食過一次，但朋友話其實部隊鍋同人參雞鍋湯底更加正，所以經推薦下再試。外面等位都幾細心，有玄米茶提供。內裏環境都唔錯，播住kpop有氣氛，而且乾淨又唔太迫。湯底有人參雞，個湯清清地帶人參味，感覺健康養生，想健康的打邊爐我會推薦呢個。另外部隊鍋就岩晒想食年糕同公仔麵，因為呢d都比較入味。火鍋食物款式提供都幾多，除了一般火鍋食品，仲特別在提供好多有韓國特色，例如有韓式豬皮，韓式豬大腸，韓式年糕，韓式魚皮，韓式粉絲餃，韓式公仔面，韓式午餐肉，韓式腸仔。我當然有試過晒，覺得都全部都唔錯。最喜歡係公仔麵配部隊鍋湯底更加好味！而且我喜歡韓式年糕，煮過後年糕入晒泡菜湯湯底味再加韓式辣辣醬，就非常好。前菜有泡菜，豆芽，蘿蔔其他韓國食品有牛肉泡菜炒飯，韓式壽司仲有最愛沙律bar, 重點係有沙律菜同芝麻醬or醋! 因為我怕肥膩，食呢個岩晒！醬料我揀柚子醋，酸甜感覺開胃，特別的仲有韓式辣醬。飲品除左一般汽水，仲有果汁&韓式既茶包，有柚子綠茶同花茶，對我唔太飲甜野同要飲熱飲同想健康既就必然之選。甜品有乳酪雪糕，有多款朱古力針&豆揀，仲有朱古力醬同士多啤梨醬。但我鍾情於純乳酪味，淡淡地乳酪味感覺健康，岩晒火鍋完食番少少甜品中和番。…Read More

食過幾次lunch，都係牛肉漢堡係最愛。因為lunch都幾full,要預先book位。環境唔錯，都係暗暗既西餐廳，有枱布，lunch都幾享受。不過正正多人，所以點完餐都要等比較耐，所以我地一個鐘食就都幾趕。點完要大約20分鐘先到。牛肉漢堡$66 - 漢堡juicy, 好厚，味道亦話調得剛好。有埋煙肉芝士，蛋。 包係麥包，好軟熟，似自家製，外面似買唔到。有埋沙律菜同薯角！ 非常滿足連一杯餐飲總括: 一定會再食，不過時間充裕d會比較好…Read More

午市唔多人，直接入座。必叫白咖哩豬排飯，每次都會食。白咖哩豬排飯$5x - 白咖哩唔辣，香濃咖哩，甜甜地，伴飯一流！豬排有香茅味，而家唔韌，幾軟熟。一客有3，4件。咖哩汁有少許洋蔥，更加香。水牛芝士pizza $4x - 6吋size, 芝士好香濃，份量夠。原來佢係酥餅皮做薄餅底，幾有新意，亦好香脆，非常推薦! 蕃膏塗滿餅底，食落有好香蕃茄味。而且即焗，熱辣辣！總括: 好味!又抵！一定會再食…Read More

好鍾意大家樂既鐵板餐，因為晚市食鐵板要可以$60左右既選擇都唔太諗到。蘑菇湯- 唔錯，都有好多蘑菇，唔會好稀好水，都幾creamy揚枝甘露- 都唔太甜，有芒果肉，亦唔會好似剩似芒果汁咁餐包- 係牛油餐包，跟埋牛油，暖暖地，都好鬆軟，同本身餐包都好有牛油味鐵板夠晒熱，落汁時的確會炸炸餐豬仔脾- 好味！有香草味又唔太咸雞排- 煎過，都係有香草味! 芝士扭紋粉- 唔夠多芝士總括:會再食，性價比高!…Read More

今日放工時間尚早，經朋友提議試新野-韓式火鍋聽落幾有興趣, 因為以前食既都係中式,日式究竟有咩特別唔同呢?我地6點幾去到，所以冇咩人就可以直接入去。店員首先為我地送上餐前小食,有泡菜同豆芽再有餐牌,我地問過部隊鍋係最受歡迎店員都細心地為我地送上手機膠套同頭髮圈,唔錯!人蔘雞湯底都夠特別,下次可以再試!我地揀左牛骨湯,個湯都幾入味!食物有好多款式選擇,當中記得有韓式粉絲餃,韓式腸仔,韓式年糕這些都是其他地方沒有~還有韓式醬料選擇,都非常吸引!最喜歡還有乳酪雪糕,加上自己揀喜歡既配料~外面食仲要計重量,但呢度加幾多都唔怕啦!總括:有新意既火鍋! 仲有好多未試!下次要再試多D…Read More

行完黃金商場就見咁多好評既蝦子麵試一試,7點左右,未見多人,可以直入。店鋪好細,擺放大約5張細枱。蝦子水餃撈麵 $39竹升麵-應該爽滑彈牙,但佢麵質偏乾,帶鹼水味。但的確好多蝦子,整個麵都係。水餃-不過不失,個湯就都有D咸,不太是清湯總括: 一般.不會再食!…Read More

去書展行想食一個飽而特別既早餐補充好體力再去，因為可能時間尚早，大約9點幾，所以不用等位直入。不過都接近坐滿人,再遲可能更多人,要等位了。店鋪不算好大,冰室格局。但侍應穿上牛仔圍裙,都幾型!很快就開始幫我地落單,叫了一份早餐7:00-12:00供應的火腿通粉,牛油多士,雙蛋,餐飲 $34火腿通粉-有幾香濃既雞湯加通粉係實實地口感既,幾好牛油多士-麵包質感好鬆軟亦好厚,唔會係發粉發出黎冇口感既麵包,而且烘至表面小小脆配份量剛好既牛油!炒蛋- 好香滑,充滿蛋香味,份量亦不少奶茶- 香濃,好飲服務好快,而且全都即整夠熱!總括: 值得食!…Read More

現時大多都係日式既抹茶&焙茶,經網上介紹一試台灣的抹茶雪糕留意: 堂食顧客每位必須要最少惠顧一份飲品或食物培茶霜淇淋 $32入口都幾香濃既焙茶味雪糕,不太甜又不太苦,茶味剛好。不過我比較喜歡質感軟滑既雪糕，而這個雪糕冰感比較重，入口即溶，但欣賞正正如此多食都唔怕膩，感覺較輕盈。好在選擇堂食，夏天街上食就恐怕不停地溶，滿手都沾滿雪糕。焙茶鬆餅配抹茶霜淇淋  $78等了10分鐘左右就送上，鬆餅即叫即整，所以一邊切一食的時候是鬆餅是暖而配上雪糕是冰冷的，是很好既配搭。而且焙茶跟抹茶味都好Match，可以自由選配配搭,唔錯!焙茶鬆餅幾香脆，亦有淡淡的焙茶味，因為焙茶帶苦味，與本身鬆餅太甜，配搭後就剛好。抹茶霜淇淋就同樣冰感重，很快就溶，但味道都有幾香的抹茶味,甜度適中。可惜是放上鬆餅後霜淇淋即溶，如果質感結實d就更好。抹茶啫哩就淡淡的，少少彈。紅豆不錯,大粒,而且夠軟&甜。總括:可以一試!…Read More

星期六放工去食LUNCH叫左一個牛潤麵$31第一時間飲啖湯先,都唔會好咸,幾好味但公仔麵唔夠彈牙,不過都OK,同份量都幾多,應該都有一個半公仔麵值得一讚係豬潤好多,成個碗面都滿晒~ 但牛肉比例較少, 但好食再叫咖央西多士$18唔油膩，好鬆軟，有蛋味但咖央味啖啖地，可以再濃味D…Read More

$40 per 5Mozzarella Cheese Stick呢個係即叫即整既等左10mins 就有了,佢用牛油紙包住,咁樣可以吸走d油,不錯。隔住包裝紙都feel到佢好熱食落去個面好香脆，入面既芝士可以拉出黎配埋新鮮自己整既茄醬，唔甜好新鮮，正！…Read More