Au313's Profile

星期五happy hour完同D姐妹即慶搵飯食，8點去剛剛有位，全場爆滿。 問有冇位嘅時候，有個哥哥態度特別差，語氣唔好，好似我哋欠咗佢咁。心諗真係無下次，幫襯你重要受氣。豉椒蟶子炒米粉，蟶子就少啲，不過配個米粉嘅味道就剛剛好唔會太鹹。豉油皇鵝腸好爽口，頭嗰兩碟都好好味嘅，心諗應該冇揀錯地方。之後重點就嚟啦！！！避風塘瀨尿蝦， 隻蝦又真係好大隻嘅，但係可惜係霉嘅。辣子雞，炸到啲雞好乾又鹹。平時最鍾意食小炒王，一定要試吓，咁咪會嗌一碟，從未試過食兩啖就已經要放棄了。 又鹹，腰果又淋。最後其他朋友都放棄咗個小炒王，叫咗個金銀蛋白菜仔，呢個先叫做正常返啲。食物同服務方面都有待改進。…Read More

中秋節同同事去食飯，點知入到去坐低，先知原來當日係無下午茶餐。走嘅時候專登喺門口再望吓，佢哋並無貼出指示當天沒有套餐。咁都坐低咗啦，唔緊要啦，照嗌啦，兩個人嗌咗一個匯豐餐。叫咗一個鎮江骨，雞絲粉皮做前菜。呢啲正常嘢都冇乜問題。砂鍋椰子雞，得一嚿係雞胸，全部都係雞脾腳尾嗰舊骨戴少少肉及雞翼啲轉彎位，大約有六至七件都係咁樣。應該係下欄斬出嚟嘅，咁樣做法真係唔係好老實。京蔥炒牛肉，好油同埋唔夠熱。呢個餐亦都冇包飯麵。…Read More

朋友想食飯，我又想食米線，所以去到厚福街呢一間店見到好多都讚嘅。 3點嘅時候都仲係坐滿，要等一陣先有位。叫咗兩個下午茶餐，一個豬扒飯，豬扒飯大到連啲飯都睇唔到。豬扒又淋又入味。另一個就嗌咗貢丸紫菜米線，米線下午茶餐份量係少啲嘅。 $45仲要包埋嘢飲。啱晒細食嘅女仔。…Read More

見到新嘅火鍋店開咗唔係幾耐，個個人都話要等好耐，終於見下午嘅時候冇乜人就去試吓。入到去原來係自己搵位，之後隔一陣先有個姐姐俾咗個QR code你自己點單。我哋兩個人一人點一個餐，原來套餐內好多嘢都要加錢，主食份量少。肉類睇落好似好大盤，但係因為刨出嚟嘅就拱起咗。好似好多。菜盆顏色都好鮮艷，睇落好似好新鮮，但係原來收埋咗啲菜好多都係黑色嘅，我朋友仲要換過添。 換菜過程搵咗好耐員工先有人應，大量員工，不過其實喺門口傾偈。總括嚟講，就唔推薦啦…Read More

一行三個人，兩個姊妹生日，揀呢間係因為又有天婦羅又有刺身同壽司嘅omakasa.真係一分錢一分貨，前菜實在太低檔，刺身都叫做新鮮少少，天婦羅都係即炸嘅，不過有啲都唔係太熱啦，有D都幾油。真係無下次…Read More

諗住搵個地方飲happy hour，呢間嘢行過幾次，又有露天座位好似好relax咁，所以就入咗去啦。Happy hour 價錢大約平正價$20，點知發現咗原來佢都有其他嘢食嘅，我哋今次幾個女仔就嗌咗，德國豬手，豬頸肉，燒青瓜，炭燒魷魚及德國腸又可以happy hour又可以當dinner😁。德國豬手個皮真係好脆，如果配芥末就真係一流啦。炭燒魷魚配個汁👍🏻👍🏻但係燒青瓜就差少少，如果份量多少少，感覺會良好啲…Read More

一個人周圍行，諗緊睇吓食啲乜嘢，見到呢間又可以食烏冬，又有鍋就入咗去試吓啦。坐低就可以用QR code order, 有好多種唔同嘅烏冬，例如鍋烏冬，冷烏冬，熱烏冬和伴烏冬等等。最後揀咗一個豚肉湯鍋烏冬及小食及飲品，大約等15分鐘， 小食選擇咗腐皮壽司👍🏻👍🏻, 個湯鍋仲跟咗一件天婦羅蝦和一件炸豆腐。好啦，講下個豚肉湯鍋烏冬，個鍋係用個Gas爐熱住，冬天嚟應該覺得暖笠笠，但個湯底真係麻麻，豚肉唔太新鮮，豚肉有少少豬嗅味，但係個烏冬分開上，烏冬係熱的，烏冬好好味🤤…Read More

自己好鍾意食鱔嘅，朋友試完之後即刻介紹，八點幾去到差啲冇枱，好彩啱啱有人走😅😅坐低，第一時間，立即order燒鱔先，好快就到，唔洗點等，食落都好脆，無泥味，不過個皮厚咗少少，但係有啲似燒完reheat. 可能我哋8:30先去😓啦。希望下次早啲去新鮮食到😁各款小炒都好有鑊氣，鍋類出嚟嘅時候仍然咋咋聲👍🏻, 可惜有D味精味。炒蜆無沙👍🏻👍🏻應該即炒，真係好香，唔太鹹。最後發現個蟹係最好味嘅，雖然呢個係等得耐啲，的確係真材實料，好新鮮。…Read More

帶住狗狗想去chill 一chill呢度可以同狗狗一齊飲咖啡。佢哋menu 都幾健康，健康選擇都算多。可以選擇坐室外或者室內，但係就要自己入cashier度埋單啦。叫咗個煙三文魚牛油果bagel仲配咗沙律添。味道同環境可以再encore👍🏻…Read More

啱啱商場開嘅時候同朋友食過一次下午茶，覺得好好食，當時服務都幾好嘅。所以今次做冬就同屋企人去食。我哋三個人，叫咗個二人餐，加咗個菜同雞肉串燒。頭盤我哋揀咗蝦餅，好厚肉👍🏻，唔好似出邊嗰啲太薄。主菜叫咗金邊粉，除咗個金邊粉之外，基本上所有嘢食都好食，又唔會太辣，其實我自己都食得辣嘅，但係比較其他嘢食嘅話就真係辣咗啲啦。另一個主菜係啖啖蟹肉咖喱，我哋選擇咗薄餅，但係似厚酥皮比較多。甜品點了，香蕉烤餅配椰子雪糕，好可惜7:15pm 已經無雪糕，唯有選擇芒果椰汁三色糯米飯。總括嚟講集團形式都做得唔錯啦，可以再去。…Read More

喺大陸都食過撈海鮮，所以見到香港都有都要試吓先。牛站同一個集團，所以開嘅頭嗰一年內一定要食，如果唔係就會變得很參差。首先講下鍋底，冇辣嘅選擇的，buffet要攞嘅丸，菜，熟食都係同牛站差唔多，見到佢多咗有魚子醬，我朋友就用魚子醬撈麵。飲品方面，竟然有兩隻生啤選擇👍🏻👍🏻真係冇得頂。當然QR code要點嘅嘢唔係好多款。始終撈海鮮為主。撈嘅海鮮都好新鮮，有各兩三款蝦蟹蜆，都係活生生的，仲會好細心，當撈完之後幫你斬開隻蟹。甜品方面都係基本雪糕，軟雪糕，放題甜品咁冇乜特別。諗唔到，佢哋再要進步嘅空間了⋯⋯…Read More

咁唱同朋友搵飯局，見到旺角幾就腳，所以就去試一試一入門口佢哋會有counter嘅，但係我哋就過咗樓上，樓上同樓下個設計唔同樓上要除鞋嘅，就比較日式啲我哋叫咗個餐嘅，跟住再嗌埋刺身魚，條魚係乜就唔記得咗嚕，不過條魚新鮮切嘅，刺身嚟講都幾新鮮蠔🦪好大隻，－啖食唔晒下次一定再去…Read More

提早食生日飯及做冬，素食係一個幾好嘅選擇。我哋三個人揀咗竹笙翅，叉燒及片皮鴨拼盤，薑蓉炒豆苗，豆腐煱。除咗薑蓉炒豆苗唔太特別之外。竹笙翅當然就仿翅啦，但係個湯味道做得好好，同以前酒樓去飲嘅時候味道一樣，仲會跟紅醋同胡椒粉添。我哋每人食咗三碗。叉燒及片皮鴨拼盤跟刈飽，雖然跟刈飽比較有飽肚感，但係片皮鴨青瓜及甜醬嘅配合就恍如食緊真嘅片皮鴨一樣。叉燒就好似平時食齋叉燒嘅感覺一樣，但係就比較厚身啲。豆腐鍋就好似豆腐火腩嘅味道一樣，入邊有白果，松茸，白菜仔等…Read More

叫咗$10 蠔試吓，其實都幾新鮮，刺身拼盤就等得耐D，但都新鮮嘅，仲加咗黑魚子及三文魚子，有D腥味。豬手好脆，味道十足。可能員工人手不足。服務未太周到，叫咗枝酒，好似都無人serve 咁。唔知點解會員比現金有8折，但信用卡得9折。…Read More

朋友從外地返到香港，所以就同佢gathering揀咗呢間餐廳。揀咗個六百幾蚊嘅餐，係有日本和牛嘅，寫明係A5但係出嚟冇油花嘅。其實係咪有啲呃人呢？下次唔去嚕。相中嘅蝦，甲羅燒都係送嘅。拼盤一嚟就有啦。再講番啲肉先，無論豬肉或者牛肉都係冰嘅一樣。完全見到有雪花喺面，有點兒失望。下次唔去嚕。…Read More