a115tar的個人專頁

今日難得兩公婆放假又醒起有位舊同事講開旺角有間放題啱啱裝修完好乾淨我哋上網睇吓嗰個環境又唔錯噃，所以就敢去試下。本身其實有諗過食lunch buffet，但係覺得放題依家都係用手機落單會比較少同人接觸，可能會安全少少。再加上心入邊有諗呢間做緊優惠似乎抵食啲。於是就出發。一入到去個感覺真係好乾淨真係啱啱裝修完，比到我哋喺衛生方面嘅信心即刻。係入去我哋嘅位置嘅途中就見到我哋可以任拎既飲品同埋食品，選擇真係好豐富。飲品方面除咗啤酒汽水果汁冷熱清酒咖啡，最令我驚喜係有冷泡茶，食到飽飽都可以中間消下滯增強續戰力。嘢食方便選擇都多最驚喜就係有自助夾糖同凍熟蜆。因為兩個人既緣故，店員安排咗我哋坐喺窗邊嘅高枱餐廳入邊嘅境況一覽無遺，就算細節位例如冷氣槽都完全睇得出好新淨同有清潔。地下又唔會蠟痴痴。坐低二話不說即刻攞部電話出嚟下載個應用程式然後落單相當方便。試左兩round刺身你叫幾多個真係嚟幾多食物嘅種類相當豐富尤其係刺身同熟食居然有花膠。我都算每次叫得多，但都嚟得齊，所以真係食得好爽呀。又新鮮又乾淨又抵食，如果疫情好返啲，絕對要趁新再幫襯。…查看更多

呢間一君係食車仔面架。有心去既人去到條街要好仔細搵。因為望落個門面似拉面店多啲同我想象既好唔同既感覺，裝修得好日本餐廳咁。最初我仲以為會好地茂，坐得好迫。但唔係啵，有精心佈置架喎，坐得幾舒服。望下個落單紙，咁花多眼亂既，啲字好細密代表選擇好夠多。最估唔到連香蕉船都有。見到忍唔住叫左。侍應話可以安排食完面先上既，所以可以放心叫。主菜我叫左個牛頸脊湯面。再加一D小食。一睇碗面因為完全冇任可野。我反而鍾意咁樣，證明老闆對質素有信心。一試果然，塊肉真係好漱滑。小食方面，特別要點名牛柏葉，好香辣，食完上癮，食牛柏葉黎送面可以喚醒味蕾。最後黎個香蕉船埋尾，幫條脷降返溫。好滿足，估唔到可以俾車仔面店咁樣滿足法。…查看更多

天寒地凍最岩食雞煲呢間吞pot之前都有幫襯過都幾高質 今次就去咗佢油麻地既分店 好方便係油麻地地鐵站站出行去兩分鐘都唔洗就到佢身處既大廈到 佢哋嘅鋪頭多數都樓上 呢間更加係22樓 落地玻璃 望到ICC 夜晚既景色都幾令架我哋點左佢個香辣雞煲 因我同女朋友都食得辣 另外加左大腸係個雞煲到黎到真係香噴噴同已經係熱辣辣 店員都話可以即食 我就有理冇理都引唔住即刻夾舊雞食大佬點忍呀 都出哂煙喇味道真係十分之香濃 真係好彩最後我地叫左一隻雞 唔係既話半隻一定唔夠喉食到咁上下，我終於頂唔順想叫碗白飯黎食 其實我地都有叫紅薯粉 不過我個人覺得呢個汁係要跟飯食既 結果我既直覺真係冇錯到 白飯更加能夠中和到佢個汁 食出香甜既感覺而且更重要係可以減下辣 小辣都唔惹小…查看更多

搬左屋以後每日返屋企都會經過英都。放工行過見到佢地既燒味都會突然間變到好肚餓。初黎報到，人生路不熟，不過睇落間舖似乎都應該係街坊燒味之選黎。今日請左下晝假，可以落黎英都試下喇。我叫左個燒味雙拼河粉，滿心歡喜。等左十幾分鐘，因為我係下午茶時段早兩個字坐低，佢要搭正兩點半先幫我落單。不過唔緊要喇。我碗河黎喇，燒味睇落相當令架。我叫左燒肉同燒鴨。我就等唔切咁夾左舊燒鴨黎食。食落有啲失望，係味道個方面，因為佢既汁同我食開既唔同，酸酸地咁。不過起馬比我個位都算多肉都令既。到燒肉喇，燒肉既味道再令我失望多啲，好乾，同太瘦。但個皮係脆既。我唔會話唔好食，係可能唔岩我心水姐。但係個河粉我真係會講難食。所以最尾我食唔哂。唔知係咪下午茶餐既緣故。我會再幫襯既，因為都幾多熟客入黎。希望下次會試到佢燒味既真章喇。…查看更多

雖然我之前係將軍澳住左好耐，但係我都未聽聞過呢間榕記車仔麵。佢附近既我都識。唔知係咪因為新開或者裝修過。入到去都冇乜印象。但查實佢都幾闊落下，感覺好今服好好坐。佢不同其他車仔麵店，佢係跟湯底分唔同色既紙，似乎係幾著重湯底既。餸個啲就一樣。我今日就試皮蛋芫茜，跟牛腩豬軟骨同自家制既酸斎。果然不出我所料，佢個湯底落足料架。個湯淡淡地，都幾肯定冇落味精既。飲到最底愈黎愈濃味我係好中意食酸斎既，基本上有得揀都會揀。呢間既酸斎令我眼前一亮。好清新同好自家制既感覺。我仲叫左碟雞絲粉皮，一句講哂，非叫不可。最初以為細細碟，點知上枱都幾大份量下，差啲食唔哂我一直覺得將軍澳真係缺少車仔麵既鋪頭，但呢家終於有呢間榕記滿足我一時既欲望。…查看更多

話說有啲唔抵 遲左一個字趕唔到叫早餐 平差不多10蚊仲要包野飲不過入到當然都要幫襯喇 唯有嗌少個送令自己個心平衡一下雖然樣子有點普通，但係食落一啲都唔求其。甜酸斎係我最愛，必叫既 呢樣送已經係第到賣少見少。牛腩都好正架，淋淋地又入味。每次入親屯門都會盡量幫襯。…查看更多

放左工之後一支公走左黎呢間和氣食堂食晚飯 因為睇落都幾平民 諗都唔諗就入左去 環境幾好 仲有好多figures想特別提佢本menu成本字典咁厚 好多野揀 不過我一支公嗱喎 就淨係叫左個大阪豬扒飯食 望到張相同價錢應該算係當中一味招牌菜碗豬扒丼黎到 都唔算話係落差好大下 整體份量都幾大份 心入面都哇左一聲不過望真啲就發現原來只係啲椰菜疊到好高筆就椰菜之後 個份量就好少少失望 同終於同豬扒見面 塊豬扒冇我心入面個塊咁大雖然係咁 但係味道方面就好好味 椰菜下面既豬扒蛋同飯都係熱既整體黎講個飯都ok 不過價錢就貴左少少…查看更多

岩岩搬黎黃大仙 放完工返屋企執屋執到餓餓地又攰攰地 唔想落街食就惟叫外賣喇 app入面搵到附近有間車仔面 都冇特別留意邊樹就即刻禁入去喇 哇 估唔到價錢抵到你唔信 仲要唔收我運費 不得了 選擇又ok講好左20分鐘送過黎 又真係準時 快令正 仲要湯面分開裝下次唔想落街一定會再幫襯 …查看更多

今晚同女朋友同屋企人難得一齊出去食飯，女朋友話想打邊爐，老子大熱天時都會奉陪。當然前題係唔可以食得馬馬虎虎。於是諗兩諗就醒起呢間醉胡爐。雖然醉胡爐既價錢絕對唔算平，但係平唔平唔緊要，最緊要係抵唔抵嘛。我個人就覺得，醉胡爐係抵既。先唔講野食住，我想講佢既裝修，係非常之咁有feel同坐得好舒服。係門口望入去，就可以見到中間係張酒吧枱，有個師傅係到燒串燒，幾有氣派。然後舖入面既兩側就係食客既位。每張枱中間有扇門隔住，有返D私隱，一班人講野大大聲都唔怕比人望住哂。利申我地今次冇叫過串燒或者刺身既。講返個邊爐，我叫左男女老幼都岩既濃湯花膠雞翅。聽個名都好補，味道好濃，料又足，雞又唔識老咁，我個晚都唔記得飲左幾多碗呀。同埋基本上濃味到唔洗點醬料D邊爐料都鮮味到不得了。黃金炸魚皮。呢個非叫不可。好有咸香味。就咁食又得，浸一浸仲正。梅菜豬肉丸。叫個陣估唔到咁出色。食落就知係新鮮野。封門柳。據聞非常罕有。我認為岩女仕食，因為瘦，但都幾有肉味下。值得一試。黑毛豬。又係估唔到咁出色。好似食緊根位咁，好爽口彈牙。值得一提既係，D肉類止枱得比較慢，追問下原來係因為即叫即切架。員工係多重追單下都服務好好。值得一讚。總次，最緊要係大家都好滿意，食完之後都唔覺得口乾，只係荷包乾左咁話。…查看更多

係尖沙咀食飯之後行下街。因為夜晚食完個沾麵又唔係話好飽。於是就諗住去買底媽咪雞蛋仔一路行一路食。舖頭好細，但係門口就長期聚集買既人。事實上媽咪雞蛋仔真係同出面既雞蛋仔唔同層次架。由拎上手個下已經感覺得到，每一底都係新鮮滾熱辣。摸上手好熱好堅挺。食落口表皮脆入面綿，無得頂。絕對係最好食既雞蛋仔。…查看更多

之前比朋友帶過去銅鑼灣間三田食過，個次係人生第一次食沾麵。好驚豔，好好食，簡直好食到唔識形容。行開尖沙咀K11，發現原來呢到都有間三田，瞬間就成為我開餐既選擇。K11呢間裝修環境比銅鑼灣好，亦都乾淨D，起碼感覺唔係後巷。沾麵款式唔多，我都係食返最原始同大份量既冷麵，比我可以浸落熱湯入面，口感好舒服。個麵一黎到，我就等唔切起筷。夾好多麵落湯到。哇，係呢種味道喇。三扒兩步，好快就冇左半碗麵。食到呢到，先捨得食塊肉，都係浸落去，掛左好多汁，好淋好好食。流心蛋都係一流。雖然我成日覺得沾麵呢個價錢唔係咁抵，但三田絕對我會間唔中食，沾麵既首選呀。最後講多句，我覺得味道黎講銅鑼灣再正D。…查看更多

呢間野都係係商場行行下無意中發現到。因為佢所在既位置都算幾偏下，係商場二樓既角落頭，唔容易發現。約左個住係附近既朋友放工返坑口食飯。因為我比佢準時收工，咁我就係商場搵下有咩食，就比我發現到呢間算係開左唔係好耐既馬來餐廳。我就先攞飛。如是者等到朋友收工過黎，咁岩就有位喇。佢個餐牌睇落都好多選擇，可以話係豐檢由人，最貴既有個足爆版喇沙二百幾蚊碗。(見到隔離枱有人叫，個碗同賣相都幾震憾下)。不過我地只係叫左普通價錢個D，分別大蝦炒金邊粉同印尼炒飯。雖然價錢係相對普通D，但係誠意都幾足架，可以係香料同配料到睇得出，係絕對唔係馬虎既。比如個炒飯上面既蛋花，色香都提升不少。而D肉都肥瘦均勻。炒金邊將D調味撈埋一齊都好惹味架。…查看更多

平日間唔時都有幫襯米線陣。不過今次係第一次叫佢個二人餐呢。佢個二人餐係餐牌到睇落個都幾多野，除左米線之外，仲可以揀兩款小食同野飲添。不過179抵唔抵見人見智。成個套餐到齊喇，望落係咪都好豐富呢。平時一人食一個米線，女仕可能岩岩好，不過男仔喇喎，就除非撞正唔算太餓。唔係既話都未必夠飽。如果約埋個伴，叫下佢呢二人餐都ok ga。一來多啲野食，又有野飲，二來更加可以試下平時試唔到既小食。今次叫既豬軟骨，好入味。但唔夠雲吞搶鏡，熱辣辣好新鮮上枱。下次都會叫。…查看更多

趁食晏由荔枝角搭地鐵過黎上環搞啲野。時間咁炆，只可以求其搵間野快快趣食個晏。於是就入左呢間係地鐵站出口隔離既源記。因為撞正食飯時間，所以人好多，當然我一個人實會搵到位搭枱。其實餐牌上都多選擇既，所以都望左陣，同時已經比侍應兩次追問食咩。而我最後就叫左個常餐叉燒意。叫左之後又有第個問我寫左野食問。都幾煩下。諗住食常餐都穩陣既，不過黎到見到啲叉燒都冇乜食欲，因為瘦得過分呀。多士得個半塊。四草野都唔可以話合格問心個句。不過都係咁架喇。仲想人地比幾多你係呢區。叉燒食落真係又瘦又乾。炒蛋都還可以。今次經驗以後就算趕時間都唔會幫襯源記。…查看更多

之前係商場行街已經比佢既裝飾吸引到，好有西班牙或者係葡萄牙既風格同感覺，驟眼睇落價錢唔平，但係原來都幾大眾化，因為見過優惠時段有平外賣賣。今日同屋企人，一行幾人加個個BB食早餐。所以想揀間闊落啲，坐得舒服既。春天就岩哂啦。春天既早餐選擇都好多下，咩種類都有。我就叫左個應該比較多人叫既同相對抵食既套餐。40蚊有找賣相我覺得頂呱呱，起馬同出面賣差唔多價錢既連鎖早餐係誠意上贏一大節。尤其佢個多士真係好好食同新鮮，冇平時既多士咁寡。…查看更多