or#Tm65400918's Profile

買外賣最怕係咩？你叫A，返到屋企發現佢俾B你！今次係第一次幫襯已經賴嘢！外賣叫咗是日快餐中嘅豉椒雞球，知佢唔係即叫即炒，但都等咗好耐先有，當時夜晚未夠7點，本身堂食都冇咩人，外賣又得我一個，唔知點解要咁耐！結果搭車返咗屋企打開發現佢俾咗冬菇肉餅！打去同佢講，叫我下次再幫襯就送個油菜！仲要我再幫襯？佢就想！😤😡個肉餅難食到死，係午餐肉嘅質地，仲要霉霉地🤮🤮，啲點心外賣店賣廿零蚊個肉餅飯仲好食過佢！！😤😤俾錯order正常都叫個客下次去攞返啱，但佢居然要我再去買飯先送個油菜當補償，我一口拒絕咗，啲嘢咁難食，以後唔會再幫襯囉！…Read More

好後悔今次幫襯之前冇預先睇吓佢啲食評！原來好多負評！今日去咗石蔭路，行過見到呢間茶餐廳嘅下午茶有懷舊蝦多士，因為其他茶餐廳好少有，於是買個外賣。。。點知當我返到屋企打開睇，果一刻簡直震驚+震怒😡😡😡佢哋居然將一份西多上面加舊蝦就當懷舊蝦多士賣，味道仲要又古怪又難食🤮🤮🤮唔怪之得有其他食評話貨不對辦、西多難食！我今次一次過受晒😫😫😫！！！真係無良，為咗賺到盡咁都做得出！👎🏻👎🏻👎🏻…Read More

有日我啱啱响隔離便利店買完嘢出嚟，行經呢間小食店前面，見到個阿姐唔小心整跌咗一舊三寶嘅物體，舊嘢瞬間轆咗去街道地下（黑蚊蚊好污糟），佢冇懸念，即刻夾起舊嘢，我一路慢慢行，望實佢，睇吓佢係咪會掉咗舊嘢。。。佢好似知道我望住佢，所以佢動作好緩慢，仲疾吓疾吓咁，然後將舊三寶夾住放响枱面一個鬼鼠位，等我過咗佢間店。。。我行過咗之後，即刻上咗自己架車繼續望住佢，果然佢望吓周圍冇人（佢唔知我仲望住佢），就夾返舊三寶出嚟重炸🤢🤢🤢，跟住放返去同其他三寶一齊賣😡😡😡…Read More

買加大碗牛雜$51+1（外賣），結果得半碗多啲啲！😡😡😡預先同佢講唔要咁多牛蒡，但結果佢都係咁剪啲牛蒡落去！😤見佢最尾剪咗好多舊蘿蔔，跟住倒落個碗度，但係都只得半碗多啲啲，我同佢講「得咁少？！」佢就酌量「象徵式地」剪多一嚿…，係，剪多一嚿！可能佢認為嗰一嚿可以填滿個碗剩返嗰四成嘅空間！用加大碗嘅價錢，原來係買咗額外嘅空氣！同埋原本已經多仲要再加多啲嘅墊底蘿蔔！😡😡😡味道嚟講係OK，但咁樣呃秤法，以後唔會再幫襯！…Read More

呢間酒樓平時都有煮好嘅餸供外賣，但我一直都冇幫襯過，今晚街市又早收，周圍好多餐廳都冇開，想買外賣都冇。剛好經過見到呢度有$85重慶雞煲，見整好晒又唔貴，份量都ok就買黎試吓。個雞煲味道中規中矩，唔難食但欠缺重慶雞煲應有嘅香料味。食完一半左右就加水當打邊爐，我自己加咗肥牛、丸類同芋絲，全部係預先洗乾淨先落。點知食食吓，見到有隻黑色有腳物體浮响舊芋絲上面，近睇清楚，明顯係隻大烏蠅🪰🤢🤮！即刻撈出黎😡😡🤬🤬其實佢哋擺出面賣嘅時候已經包咗保鮮膜，所以應該係响廚房煮嘢時候已經「包含」咗隻烏蠅😤😤煲嘢本身好深色，啲汁又杰撻撻，如果唔係我加水當打邊爐，而又咁啱有舊白色嘅芋絲俾隻黑色嘅烏蠅托底，我諗會不知不覺食咗😖😖.…..又可能唔只一隻🥴🥴！總之唔會再幫襯！！…Read More