nomanda的個人專頁

前菜：多士唔脆，鵝肝比較干/ 粉湯：節瓜火腿雪耳湯，主要係節瓜味，冇乜火腿香味，都麻麻地主菜：牛肉乾配冇味白蘿蔔？？ 所謂大連雪龍3A西冷⋯⋯牛肉太熟，好干（請見圖片），蘿蔔冇乜調味，平時車仔麵嘅蘿蔔仲清甜冇根，呢道菜非常失望飯：醉雞湯飯味道ok，但唔明點解要放幾條Jalapeño辣椒，又唔提前問下食唔食辣，辣到我食唔到其他味⋯⋯另外份量都少得可憐，兩啖食完甜品：山竹雪葩普通，可能山竹本身都冇乜特別味環境：靚，有西九海景服務：正常，不過黎收碟另一隻手已經係下一道菜，係我食過最「香港效率」嘅fine dining不過算啦，佢話自己係「casual fine dining」埋單around $800/位，冇下次出咗海港城一陣冷風吹過，又只有6分飽，決定轉彎入M記買多個餐⋯⋯…查看更多

第一次寫差評⋯⋯豬扒味道普通，叫咗熟成西冷，期待「豬味」會濃啲，但好失望，肉質、肉味都非常普通，同其他地方食到嘅炸豬扒味道差唔多，唔夠juicy，瘦嘅部位甚至有啲干⋯⋯更過分係，呢個價錢（$220）食個炸豬扒set，菜絲竟然唔俾refill？！食炸嘢想食多啲菜冇咁熱氣，我仲要見到其他食評話菜絲任添，點解到我問店員請佢幫我加啲，店員假笑著答我：「我地唔做refill㗎」🙂今時今日咁嘅服務態度⋯⋯算啦，冇下次。…查看更多

香港難得好味的椰子雞😋椰子雞湯底清甜椰香十足，無味精，我地最後飲晒d湯⋯⋯雞係用海南文昌雞，兩個人叫左半隻，好滑，有雞味，正。宜家有新開張套餐包椰子雞半隻+一款青菜+一個煲仔飯，煲仔飯好足料丫好味自己沖功夫茶有野玩下，幾開心，叫左熟普洱，茶都幾香。茶位+火鍋調味料$15一位，好抵！米芝蓮級服務，耐心解釋所有野，仲會過黎問下d野食ok嗎好味嗎😊睇佢既點心紙都覺得好吸引，可惜今次已經好飽，下次要再黎試點心丫～～…查看更多

每次經過大埔，都忍唔住去萬利小食店食碗車仔麵加碟腸粉。車仔麵湯底加腩汁加辣，人間美味。必食豬腸，蘿白。豬腸洗得乾淨鹵得入味，蘿白清甜無渣。其他送亦都好好味，例如鳳爪，雞翼，豬紅，豬肉丸⋯⋯樣樣都好味！有時真係選擇困難呢～腸粉滑溜，醬汁好味，麻醬好香。我會再加條腸仔同串燒賣😋大滿足！差點不記得，仲有$5豆漿都好好味呢。最重要係門口既哥哥同每位店員都熱情有禮，樂於助人，係一間人情味濃濃的小店。希望萬利小食店越來越好！❤️…查看更多

無諗過九龍城都有咁正既印度菜！會再來！食物味道：⭐️⭐️⭐️⭐️⭐️ 正宗，好味！我地食左Lamb Masala同Butter Chicken，加Garlic Naan同Cheese Naan，全部都好好味！環境：⭐️⭐️⭐️⭐️ 乾淨，舒適，門口招牌普通，但入面都幾高檔。洗手間好寬敞乾淨，加分。服務：⭐️⭐️⭐️⭐️⭐️ 十分優質，周到，五星級！以前想食印度菜通常會去尖沙咀，今日見到呢間諗試下，結果有驚喜！一定會再來。…查看更多