siudoudaangwai's Profile

以前係紅磡讀書，每次經過十和田都想去試下，到依家大左再經過，終於有機會試下三文魚刺身我真係一個三文魚狂熱嚟嘅，魚生基本上只係會食三文魚～依度一份三文魚刺身只有三舊，但每舊都係厚切！可以見到三文魚油脂分配好平均，入口即化！燒明太子雞翼燒明太子雞翼一份就有兩件，雞翼燒得岩岩好，脆身雞皮十分可口~雞翼拆左骨，然後釀左明太子入去~ 食落一大啖肉，再加上微辣嘅明太子，十分惹味!火炙左口魚邊丼友人叫左一份火炙左口魚邊丼，滿滿一碗鋪上火炙左口魚邊，再加上畫龍點晴嘅海膽，鮮味up!左口魚邊每塊都火炙過，有焦香嘅痕跡~ 入口油脂感非常重，本人就覺得有dd腥，友人就話咁先係左口魚邊嘅精粹!而旁邊嘅海膽雖然只有少少份量，但可以平衡左口魚邊嘅油膩，亦令到整個丼口感層次更豐富同時食得出海膽嘅鮮味~吉烈生蠔湯烏冬吉烈生蠔就不過不失，吉烈生蠔炸粉唔算厚，食落鬆脆，亦食到少少蠔鮮味~湯烏冬就普通一碗日式湯烏冬，如果烏冬再彈牙d就更好!以日式居酒屋黎講，十和田都算係質素中上，如果想去靚少少嘅日式餐廳，都會再考慮~…Read More

本人好中意食辣，同時又好中意拉麵濃郁嘅味道，鬼金棒一次滿足晒我兩個願望增量叉燒x2辣麻味噌拉麵朋友係食肉獸，叫左依碗有兩大舊叉燒嘅拉麵，另外再加左拉麵必叫嘅味玉（溏心蛋）～ 叉燒肥瘦均勻，滷得入味，肉質唔柴！而且真係好大舊，十分抵食～溏心蛋係真係溏心，橙色嘅蛋黃呈啫喱狀，並無熟晒亦唔係太生味道亦相當不錯，並無太鹹而蓋左蛋嘅香味！辣麻味噌沾麵既然朋友叫左拉麵，我就叫左沾麵試試有咩分別～ 同樣係小辣小麻，但沾麵嘅湯底比拉麵嘅更濃厚，所以食落會更重口味～沾麵亦十分掛湯，令到每一啖都十分有滿足感～美中不足係依度嘅沾麵冇得選擇冷麵，因為我覺得熱湯配冷麵先係沾麵最好食嘅食法！希望佢遲啲可以提供更多選擇比顧客～食拉麵/沾麵咁濃味嘅嘢食，都係要配番汽水先過癮！純帶一提依度仲提供一次性圍裙防止你食麵嘅時候彈到自己，十分貼心！埋單三百蚊唔洗，好抵啊！…Read More

位於北角嘅炯記燒味，望落比一般燒味餐廳新式啲，餐牌亦比起傳統燒味餐廳有更多選擇除左傳統嘅燒味飯，炯記比較特別有 "太子鵝油撈麵"粗麵撈左豉油，就咁食都唔會覺得味道好dry~ 鵝油十分掛麵，令到麵質變滑，令人一口接一口！我今次就同友人各自配左煙燻燒鵝同埋麻辣手撕雞~先講煙燻燒鵝，鵝味充足，肥瘦得宜，有少少肥膏但又有肉咬下~唔知有冇人同我一樣中意食燒鵝嘅皮多過肉，炯記嘅燒鵝皮仲保留左少少脆嘅口感，配埋酸甜汁十分惹味另外麻辣手撕雞一睇就知唔惹少，辣味比起坊間嘅麻辣手撕雞更加勁，但咸咸辣辣反而令人慾罷不能雞絲普遍都幾大片同嫩口，撈落鵝油撈麵別有一番風味~去得燒味店就當然要食埋叉燒啦炯記嘅醬王叉燒（例牌）大大嚿，仲係可遇不可求嘅半肥瘦叉燒！ 肉質爽口，有燶邊得黎亦有醬油同蜜汁嘅甜味，係高質嘅叉燒食左咁多肉，我地就叫埋鵝油菜心消下濟比起一般白烚菜心，加左鵝油嘅菜心多左一陣鮮甜味，味道冇咁寡~ 雖然加左鵝油，但唔會好油膩自己係屋企比較難整到鵝油菜心，係度食下都唔錯！頭先講到麻辣手撕雞都幾辣，所以我地都叫左杯阿華田雪山飲~其實係阿華田特飲加咗麥芽係面，唔係好多地方可以飲到，配埋中式燒味都幾有趣！中意食燒味又黎開北角不妨試下依啲小店，比起大集團個啲可以更比到驚喜你！…Read More

禮係一間我地一直好想嘗試既居酒屋，位於土瓜灣站附近，位置十分方便。裝修好有日本味道，係一個令人放工後小酌一杯既好地方！夏日祭生蠔（$168）好抵食！！半打大大隻生蠔擺到好似花咁靚，size 好大隻，texture creamy而蠔味又好足。配埋餐廳特製既醬汁，鮮味再提升！刺身五點盛（$388）五款刺身望落同食落都十分新鮮，厚切拖羅口感十足，海膽既鮮味亦好重，超鮮甜！我地最欣賞蝦刺身，爽口彈牙。芝士玉子燒（$88）邪惡流心芝士 入面用左2隻芝士 除左有拉絲效果 食起黎更cheesy 蛋係煮得剛剛好 仍然有juicy既感覺 好飽滿好滿足松露半熟牛肉他他（$128）大推👍🏻牛肉味好重！ 半熟既牛肉唔靭 配埋d 洋蔥一齊食好惹味青森青提豚肉卷（$48）平時食開荔枝豚肉卷，第一次食呢個配搭，juicy既提子平衡番比較油膩既豚肉!牛蒡素肉串燒（$38）牛蒡味好出，食落texture比一般肉丸軟身，鍾意牛蒡既朋友唔好錯過亞波美手羽先（$48x2)雞翼表面燒得香脆，肉質嫩滑脆皮風鱔 （$88）另一大推👍🏻燒得好好 魚皮燒得好脆 魚既肉汁鎖起哂 平時唔食鱔既朋友都話正明太子油揚豆腐 （$88）呢隻藍色半月形既碟真係超靚！豆腐口感好似豆卜，炸得外脆內軟加上明太子醬，口感味道十足。松竹梅 特選大吟釀 （$198）忍唔住手叫左枝sake黎送野食 冇後悔到 昇華左d 肉味同海鮮味 呢枝松竹梅比較甜身 易入口人均$670 好抵食 食到好滿足！…Read More

平時係觀塘食野都會去下啲工廈搵野食，今次就去左Urban Cafe二人餐包左前菜，主食，飯麵同野飲，價錢合理！餐湯應該係粟米蘑菇湯，內有大量粟米同蘑菇，只係粟米皮令到口感麻麻～ 沙律都係配上常見嘅芝麻汁，沙律菜新鮮爽口～我哋另外再加配左小食拼盤，全部都係新鮮即炸，邪惡感爆燈！我哋今次就冇嗌到意粉，試左咖喱牛肋條飯～雖然賣相就一般，但係咖喱味十足，牛肋條炆得好淋，薯仔同蘿蔔都好入味，不錯不錯！主食方面就叫咗pork ribs🐷 一上菜就嚇左一跳，因為份量真係好多，條條都好大條！燒烤醬味道好惹味，連住ribs既肉都好嫩，好容易入口~配菜既薯蓉同啲煙肉混合左，成功點綴大大條既ribs～野飲方面叫左個奶蓋觀音同埋oreo朱古力，只係需要補番少少差價就可以飲到特別啲既野飲場內仲有好多好得意既貓貓陪你食野，愛貓之人必到！…Read More

咁岩去開太子，就搵下有冇啲小店可以試下，然後就發現火五依間越南餐廳火車頭牛肉河食親越南野就當然要食番牛肉河，依度既招牌菜火車頭牛肉河十分足料，有大量既牛肉牛丸花膠，一個男仔都食唔晒！湯底亦唔似味精湯，相信都有用時間煮出嚟胡椒豬肚湯河因為好少見出面有得食胡椒豬肚湯河，所以我地就叫左一碗黎試下。同樣地都係份量十分多既一碗，豬肚有爽感。胡椒味雖然唔係太重，但就清清地咁，比起一般牛肉湯底冇咁重口味～越式炸蝦春卷依款春卷同出面一般肥肥短短既春卷好唔同，佢係長長瘦瘦入面包住蝦肉！新鮮即炸熱辣辣又脆卜卜，炸得剛剛好唔會過乾意大利黑醋汁蒜蓉牛油雞翼一開始都怕黑醋汁配蒜蓉牛油雞翼會唔會有啲奇怪，但食落又幾清新，酸酸地既黑醋汁哥以中和下炸雞翼個陣油膩感。雞翼都係新鮮即炸，炸粉唔會太厚，係幾特別既一款小食凍越式咖啡飲品越式咖啡就冇咩特別，比起一般茶餐廳既凍咖啡感覺冇咁甜～兩個人二百蚊有找，如果去開個邊都係一個唔錯既選擇啊…Read More

早一兩年去泰國試過當地船麵就一直記住個份正宗地道味道，依家疫情關係去唔到旅行，唯有係香港尋找他鄉既味道! 港島呢間泰濃麵成個裝修同環境都幾有泰國特色，環境影響味道架嘛！先黎美國肥牛濃麵配黃麵底～最正既當然係個船麵湯底! 濃濃既香料味, 配上蘿蔔, 脆卜卜既炸豬皮, 索哂湯既精華, 正! 美國肥牛亦都幾靚, 同埋有墨丸配菜, 十分豐富再黎黑豚肉冬陰公湯麵～呢個麵上到黎最surprise 既係配搭足料海鮮! 大大隻蝦同青口😋  豚肉亦很十分有肉味～  至於冬陰公湯底則辣味比酸味突出, 適合好辣人士！另外我地仲叫左份泰式小食拼盤，有炸雞翼,炸芝士雲吞同炸蝦餅～芝士雲吞好有特色, 入口係外脆內軟既感覺～炸蝦餅蝦味十足，炸得酥脆，唔知入面擺左幾多蝦呢計埋野飲加一埋單$241  咁足料既食物, 性價比一流!…Read More

好耐之前就聽過加藤屋又抵又好食，終於搵左一日特登上慈雲山試下佢，又真係cp值極高喎！我同朋友分別叫左日式牛肉雜炊同埋咖喱牛肉飯～湯底我就揀左日式濃湯，好重牛肉味，雜炊入面有菜有肉有烏冬，絕對唔係劣食！另外朋友既牛肉飯牛肉份量都唔少，咖哩香口，但有啲大食既佢話唔係好夠飽，咁既價錢叫多份都唔肉赤haha晚市可以減10蚊真係好匪夷所思，好似係慈雲山店獨家優惠黎，70蚊可以餵飽兩個人，諗唔到唔多啲黎食既理由！…Read More

好耐冇食泰國菜，今次就同朋友一齊去左新泰食，貪佢係樓上夠晒私隱同空間比我地一路食一路吹水坐底左一陣，就有職員黎問我地洗唔洗叫左野飲先，我同朋友分別叫左青檸梳打同埋芒果沙冰～ 青檸梳打係比你自己溝埋既，夠晒清新開胃泰國野不少得有串燒，依份串燒拼盤有齊豬牛雞，每串都燒得好香，肉唔會好un，配埋沙嗲汁夠晒惹味另外仲叫左份青咖喱，可以自己揀配邊款肉，汁同料既份量幾乎係1比1～咖哩食落都有少少辣，我地叫左份薄餅黎點住食，薄餅係新鮮熱辣辣咁上枱，兩樣野夾埋就岩岩好食左咁多肉，當然要食番啲菜啦～我地叫左馬拉盞通菜，份量都幾多，鹹辣好惹味美中不足係油左少少，食到最後要fing走啲油主食就有食極唔厭既泰式炒金邊粉，依度既金邊粉外型好有趣，有個蛋皮包住啲金邊粉，介開佢就可以見到有唔少大蝦既金邊粉啦～最後唔少得有經典甜品芒果糯米飯啦依度既糯米飯有齊普通白糯米同紫糯米，配埋椰汁同埋酸酸甜甜既芒果，為我地依餐畫上左完美既句號…Read More

九龍城最近開左間台式小店叫等等hea，吸引左我依啲中意hea既人啦～食親台灣野10次有9次必嗌都係鹽酥雞，今次都唔另外！鹽酥大大雞扒，名乎其實大大塊，即叫即炸熱辣辣～配埋千島醬，好邪惡啊！台灣腸又係一食就停唔到口既小食～平時食多數都係原味既，依度有埋墨汁味！朋友覺得墨汁味腸香啲，我就覺得原味配蒜係最無敵，anyway姐係兩款都好食啦主食就叫左幾特別既爐端燒牛肉拼盤有齊牛舌、牛肩甲、牛小排同牛胸腹，兩個人食都夠晒～其實我都唔係好識分啲肉類，但食落全部都重牛味又唔un，好食！佢用既爐好特別既，感覺係類似光波爐咁，可以好均勻咁燒塊肉雖然佢就唔會令到啲肉好金黃色，但佢可以逼到啲油香出黎～除左牛我地仲叫左份豬，肉質都係好易入口～多幾塊會開心d 台灣野不能少既仲有珍珠奶茶～依杯珍珠烏龍奶茶可以過下口癮又可以解膩燒肉黎講價錢相宜，店員都好nice，大家要多多支持小店啊！…Read More

有日經過尖沙咀，偶然見到有間裝修幾靚既餐廳，原來係以前飾演美味天王林小丁的鄧一君開既一君士多! 唔少明星都有黎撐過場!(我都係睇佢既介紹先知哈哈）士多主打高級車仔麵  亦都有唔少地道特色小食廣島蠔椰汁泡飯78蚊既泡飯有4粒大大粒既廣島蠔  圖中可以見到幾肥美椰汁份量頗重  估唔同飯及蠔亦幾配搭  非常有特色! 牛腩豬紅蘿白油麵除左一 d特色推介麵之外，亦有普通車仔麵菜式選擇   味道不過不失! 一君炸蛋炸蛋係唔多地方有做  之前亦都係出面小食店見過炸魚蛋賣    呢款一君炸蛋  採用左鵪鶉蛋黎做炸蛋  值得一試!  雪糕紅豆冰紅豆冰配上大大球既雲尼拿雪糕  非常抵飲熱朱古力朱古力飲落都幾濃，加左幾粒綿花糖加添幾分特色…Read More

過左2019年後都好想獎勵自己，所以同男朋友去左比較有格調既餐廳食西餐～點餐後waiter就比左依盤小食我地食住先，我估應該係墨西哥脆片個啲黎，熱辣辣新鮮炸好，配埋千島醬好岩過口癮野飲方面我地就叫左pina colada，比較易入口既調酒，點綴下依餐西餐～當日因為唔算肚餓，所以兩個人就叫左一份salad同一份main dishSalad就揀左caesar salad加配煙三文魚個份量都幾大，煙三文魚都比得唔姑寒有4、5塊，生菜望落有光澤，食落鮮甜爽脆Main dish方面就叫左Beef Wellington，因為難得見到價錢唔高而我地又未食過：pBeef Wellington望落去唔算好大塊，但食落都夠我地飽～另外仲有黑松露薯蓉做配菜切落去酥皮鬆脆，肉汁同蘑菇醬一齊湧出黎，好香啊～入面既牛肉係半生熟，食落雖然牛味唔係話好濃烈，但勝左唔un！整體黎講兩樣野食都有水準，場入面仲有人係度唱歌，好有feel啊～…Read More

新一年成班朋友想食下小菜飲下啤酒，平時去開紅磡個頭，今次就試下位於鰂魚涌既小店啦～一坐低侍應就擺低左碟魚仔，食落鹹鹹地，送酒一流滷水拼盤有齊紅腸、蛋、豆腐等等索晒滷水汁味既材料，食落去好夠味，唔錯既前菜！黃金蝦球係濃厚既鹹蛋黃包裹住啲蝦球，一上枱熱辣辣，唔洗五分鐘就比人一掃而空！椒鹽豆腐同平時出面食既唔同，依度係一片豆腐，比一粒粒食更有滿足感，sum係上面既調味料十分惹味川椒雞係夥計叔叔推介既，之前冇食過，辣辣地有浸香味，雞肉嫩滑，配飯最高！食完咁多肉就緊係要食下菜啦～蒜蓉炒豆苗係打冷必食，份量大又好食～除左椒鹽豆腐我地班熱氣人仲叫埋椒鹽鮮魷，喼汁同椒鹽食物係絕配～其實朋友仲叫埋沙拉骨同蠔餅，但我已經飽到食唔落，聽佢地講係好新鮮值得一試既！對於今次咁傳統既打冷一啲都唔失望，咁有特色既菜館好值得發掘下啊～…Read More

天氣凍最啱同朋友仔打邊爐!平時打黎打去都係果幾間任食  決定發掘下旺角有冇d 新既邊爐鋪頭  ～天下糧倉  見到個menu   主打食唔同部位既牛  呢期做緊半價優惠個煲有龍頭裝飾  幾豪華牛骨湯底幾清甜鹿兒島a4 牛肩胛  推薦見到d 雪花幾靚  而切得幾薄  有入口即溶既感覺極品肥胼 （前腹位）牛味幾重  但筋稍為多左d 午餐肉  大大份! 另外都點左d 邊爐料  亦相當唔錯手工菜肉餃冇影低 細細粒咁都十分推介～經過旺角想試下新既邊爐鋪頭  不坊一試!…Read More

心血來潮想食泰國野，見亞萊泰有個二人套餐，有ABCDE五款野食好似幾抵食就試下A係泰式小食拼盤，有春卷、蝦餅、魚餅同鳳凰丸各兩件~全部都好泰國風味，惹味得黎又熱辣辣B我地就揀左大頭蝦冬陰功湯~依度既冬陰功湯係偏酸，但飲飲下都會有陣辣味留係個口度，好開胃!C就嗌左18吋軍艦咖哩海中寶~一上菜真係比佢驚艷到，雖然我冇度佢係咪真係有18吋，但驟眼睇落係似4人份量多過2人! 咖哩汁淋係麵包上面，令麵包索晒啲汁，再加上海鮮﹙有魚蝦魷魚等等﹚，即使食包都唔dry我地驚淨係食包會唔夠飽，所以另外再加配左個泰式鮮蝦金邊粉，但so far係飽到上心口食唔晒XD依度既金邊粉係偏幼身，要趁熱食如果唔係就會痴埋一舊，依個份量既麵黎講料都幾多，蝦食落都爽口D就叫左馬拉盞炒通菜~略為油左少少，但味道不錯野飲就額外叫左食泰國野必點既芒果椰汁特飲，芒果都幾甜，凍冰冰好解膩~最後E係泰式甜品4件~ 不過不失~埋單都係400蚊但食左咁多野，如果散叫貴好多，依家性價比高，抵晒…Read More