carolshek928's Profile

慢活下來轉左去紅磡區返工，一直未發掘呢一區有啲咩餐廳美食，估唔到原來係黃埔船旁邊係有間茶木，呢間茶木裝修比較別字，而家坐入去就令人想慢活下來路邊攤小食炸到脆卜卜，上枱時仲有一股熱氣，店員好細心，叫我哋要小心啲，唔好焫親鹽酥雞炸到酥脆可口，雞肉嫩滑，台式香腸肥而不膩蒜香麻辣豬耳朵少少麻辣，煙煙韌韌的豬耳朵配搭爽趣青瓜，非常好嘅開胃小食櫻花蝦花枝餅口感彈牙，亦有龍龍花枝薇，可見真材實料微辣半筋半肉手工拌麵茶木嘅拌麵一直都係我嘅至愛，我已經encore過無數次，今次食呢款半筋半肉，啲牛筋已經溫到好林，入口半溶，牛肉味濃抹茶鮮果流心歐軟去茶木，一定係最期待個甜品，留心歐軟，果然名不虛傳，個麵包中間係有個流心嘅mochi,配埋多士及雪糕，簡直係一流嘅享受，煙靭香脆鮮甜嘅口感集於一身…Read More

黃大仙中心的驚喜老公轉左去黄大仙番工，所以展開東九龍覓食之旅，估唔到平平無奇既黄大仙中心居然有驚喜-和氣食堂溫泉玉子牛油果凱撒沙律呢個係老公推介之選，溫泉蛋蛋味濃，啲沙律菜同洋蔥好夾，最驚喜係有牛油果，口感好rich好juicy 紫薯鮮奶&抹茶鮮奶/ 鹽味燒牛舌&三文魚椎茸燒我好中意紫薯鮮奶，我感覺甜入心，老公飲嘅抹茶鮮奶抹茶飄香，口感順滑。燒牛舌爽嫩唔會靭，食落仲有肉汁，三文魚椎茸燒配合得天衣無縫，加少少檸檬汁估唔到又出奇咁夾火炙鵝肝3點作為鵝肝控既我必食之選，鵝肝口感嫩滑，亦唔會搶曬魚同帶子既味道金蒜燒日本米茄子呢個必定必定要食，啲金蒜好香又唔乸喉，食完一碟想再叫，可惜個肚已經冇位蒜蓉芝士燒日本廣島蠔又係蒜蓉呀，和氣食堂啲蒜蓉燒好有水準，啲蠔又唔會燒到太老太熟，食落仲係好juicy大大隻櫻花蝦鯛魚湯泡飯呢個係和氣食堂既signature ，店員哥哥好好我，我想影想所以慢慢幫我倒湯，仲提示我地個鍋好熱要小心啲，非常貼心鯛魚湯湯底濃郁，呈奶白色，睇到湯色都知好足料，食既時候配埋旁邊既飯素，將整個湯飯層次昇華和氣食堂一定要食佢啲燒物，我要再去試…Read More

泰式風味一流同朋友都係屯馬線番工，所以收工約埋去九龍城搵啖食，一出宋皇臺地鐵站(B出口)對面就見到BTS既吹氣公仔,好醒晨,忍唔住都要影相串燒拼盤$118串燒拼盤做小食, 我中意佢入面包含唔同款式,最特別係泰式蠟腸, 燒完脆卜卜,好醒胃黃咖喱雞肉$108咖喱係BB辣,好適合我地成班唔食得辣既朋友口味,份量好多,入面都有8舊左右雞肉,包括雞脾仔,好抵食泰式蒜蓉包$48Encore之選 本身叫蒜蓉包係為左配咖喱, 點知D包一到就香到忍唔住食左,牛油味非常香濃,所以再encore叫多一份風味燒豬頸肉$128BTS燒物做得非常好,燒豬頸肉火喉剛剛好,香脆但不會太燶,仍鎖住肉汁味道泰式炒雜菜$98少少辣,非常惹味原隻芒果糯米飯$88甜品點都要試下芒果糯米飯，本身擔心一份甜品4個人分會唔夠,點知大份到大家都夠分,芒果鮮甜多汁,糯米飯椰香味濃…Read More

重回曼谷夜市之旅天氣熱熱地，約埋朋友一齊去食泰國菜，喺利奧坊嗰邊有間新餐廳，見到都幾多人排隊，所以我地又試埋一份，大約等左15分鐘就有位入到去氣氛一流，好似去左Bangkok night market, 有幾張卡位設計成Tuk Tuk 車，勁想坐，可惜餐廳太多人，我惟有等嗰張枱既人食飽快手影張相食物方面，揀左個四人餐$408，可以揀五款小菜，另外，叫左套餐可以半價加野飲，超值泰式鐵板蠔仔炒蛋蠔仔新鮮嫩滑，唔會煮到過熟，配合甜酸醬，非常醒胃泰式菠蘿海鮮炒飯配料和份量十足，炒飯粒粒分明，醬汁入曬味 招牌焗黄咖喱麵包軟殼蟹必食推介，麵包香脆，軟殼蟹好大份，黄咖喱味道鮮明，唔辣，適合食唔到辣既人小食拼盤(小)泰式明爐花甲鍋超超超有泰式風味，適合食得辣既朋友，佢地話夠曬正宗，上菜時個爐仲係好熱，一邊食一邊keep warm 馬拉盞炒通菜（$58)芒果芝士沙冰…Read More

啱啱轉咗去紅磡工商業區番工，老公就上網搵左呢間”夢之丼”餐廳同我食餐好門面感覺日系，係屬於舊區土瓜灣入面既小清新深海池魚$78+鯖魚池身$88擺盤成個藝術品咁靚，我引唔住狂影相。刺身好新鮮，入口爽嫩啖啖肉花錦魚生丼$188唔係普通雜錦魚生丼咁簡單，上面有隻用味淋整既半熟蛋，拌埋個丼飯一齊食，蛋有陣陣酒香，帶出刺身鮮味夢之丼$298傳說中既夢之丼，丼名同店店一樣，係signature菜式。可惜嗰晚冇曬海膽，店員改俾另一樣同樣咁正既拖羅我地，入口即溶。另外，有一小杯橙醋，店員好有心機解釋，叫我地食之前飲番啖，作醒胃之用。蟹膏豆腐$48呢個小食出奇咁驚喜，好少係日本店食到咁高質既蟹膏豆腐，蟹膏濃香而不會過鹹，味道非常好，價錢又抵，係encore不二之選左口魚壽司$96磯燒帆立貝$68完全係jumbo size, 好好味😋…Read More

朋友係burger控，千叮萬囑推介呢間burgeroom俾我同細妹Burgeroom有兩間分店，我今次食尖沙咀美麗華呢間，位置非常方便，啱晒收工過去食今次每人叫左一款burger再加一杯飲品，另外再叫咗一個薯條share鵝肝牛肉漢堡$168個包仲係好熱，麵包香脆鬆軟，鵝肝好大塊，油香連埋下面嘅牛肉芝士，完全可以比麵包索晒啲汁和香味，非常美味，係超級享受之選，必食推介軟殼蟹漢堡$115完全冇諗過個軟殼蟹咁大份，兩隻手撳住個包，要擘到個口好大先可以一次過食得晒，好滿足。軟殼蟹炸漿好薄，一啲都唔油膩，材料新鮮，另外仲有啲沙律菜伴碟松露芝士薯條$68芝士汁好多，亦有陣陣松露味，係用小鐵板形式上碟，上碟時要好小心，因為鐵板同埋薯條非常熱，保溫效果一流，啲芝士就唔會咁快變凍，食完個包再食啲薯條，都仍然係咁香脆白桃乳酸梳打$38荔枝乳酸梳打$38成間餐廳環境好有氣氛，店員服務亦都非常好，見到我哋share食物，已經好主動咁比多兩隻碟。另外好欣賞佢哋一早已經將個burger切開一半，食嘅時候唔會咁論盡…Read More

老公話想食雞煲，但我又想打邊爐，所以book左18樓雞煲無論荃灣定旺角店，位置都係18樓，真係perfect match今次諗住有埋雞煲，所以揀左A餐，不過我見左右隔離好多都揀B餐，我下次都會試下，同埋食完之後見到呢個優惠，啱曬飲啤酒既朋友雞煲(唔辣)因為我同老公都唔食得辣，所以要揀唔辣雞煲，不過唔辣都好嘢味，加埋紫洋蔥，入曬味。份量都多，我地每人都食左8至10舊肉，入面仲有埋雞翼，啲雞肉好淋好嫩滑打邊爐食完雞煲就加雞湯打邊爐，仲可以自助出去再refill雞湯，用番雞煲既醬再加雞湯，真係好似佢既傳單咁寫，夠味唔使點豉油除左肥牛，我私心推介以下食物嚮鈴自家炸嚮鈴，大大隻，送上枱時仍然好脆花膠估唔到有花膠呢啲貴價野，用佢黎索湯汁好正蟶子(是日海鮮)估唔到是日海鮮係蟶子，剛好係蟶子當造季節，非常肥美飽滿冰豆腐打邊爐點少得冰豆腐，吸滿湯汁再一啖咬落去，好滿足紐西蘭羊肉片有羊食，絕對係喜出望外，一啲都冇臊味另外，餐廳裝修好有特色，有懷舊感覺，睇得出好花心思…Read More

天文台話會掛8號波，所以早收工拿拿聲去搵野食,行過彌敦道俾個poster吸引左，就揀咗呢間自助串燒燒烤剛好趕到5半前入座，可以7半前離座，每位208,抵到爛有一大個雪櫃自助拎野飲，款式種類都ok多，主要以配搭燒烤既清涼飲品同汽水為主入座店員都好清楚解釋唔同既醬汁同埋燒烤爐既用法，同時會黎一個welcome set，有10串，包含左蔬菜同肉，可以熟習下點用個爐。初初要master下個skill, 將串燒放啱位係個齒輪位置，不過燒左一兩串已經練到個技巧，完全冇難度食物種類好多，有和牛牛柳，牛舌，西冷牛，仲有唔少丸呀，蔬菜等等，比較驚喜嘅係有羊肉同埋台灣腸另外，我私心推薦以下呢幾款魚肉年糕好玩程度滿分，睇住啲年糕燒到脹卜卜，食嘅時候仲有少少拉絲煙靭感覺，必定要試燒賣燒野食點可以冇燒賣，燒到脆卜卜，再加上孜然粉同蒜鹽，絕對有炸燒賣嘅口感蜆肉未見到真身之前，我絕對諗唔到蜆肉點樣做串燒，估唔到呢間餐廳有幾細心，將啲蜆肉串埋一齊，燒嘅時候加埋佢啲牛肉燒汁，好鬼盞鬼初初諗住用燒烤爐慢慢燒，燒熟食物嘅時間比較耐，但估唔到佢好快熟，我哋兩個人食，絕對係食唔切，個碗仲有食物，但其他嘢又已經燒熟左，後尾我哋都要放慢燒烤嘅速度，所以下次要叫過幾個朋友嚟食，今次兩個人，食到40幾串…Read More

一直都心思思想試天天海南雞，今次終於行動，去左沙田間分店因為乜都想試，唔知點揀好，所以最後決定叫個二人餐，由前菜到主食都有，仲有埋飲品，$499，好抵未上菜前，先試下佢啲茶。我覺得啲茶都夠濃，唔會係平時淡某某，誠意十足天天海南雞主角天天海南雞，不愧係拎過米芝蓮，雞肉不肥膩，肉質鮮嫩，雞皮滑口，配搭三款醬汁，值得一讚係薑蓉入面有青檸汁，感覺清新。二人餐仲配一小煲雞油飯，飯粒分明，油香味重，必食之選蝦皮素肉鬆凍豆腐老公好中意呢個餸，醬汁有少少辣，加上蝦皮，非常送飯斑斕汁椰香鱈魚我好推介呢個菜，因為好特別。鱈魚炸漿薄，非常鬆脆。最特別係個醬汁，顏色好特別，非常綠，估唔到咁好味，椰香味好香，食落口會有淡淡斑斕味参巴辣椒炒通菜炒通菜發揮正常，少少辣好刺激酸柑桔蜜(熱)&年代奶茶(凍)我推介奶茶，茶膽特別香老公推介柑桔蜜，佢話酸酸甜甜好夠味道…Read More

上星期等老公收工嘅時候，去咗奧海城附近行街，然後經過一間果子海南雞外賣店，見到佢價錢好似好抵，所以就走咗入去買咗啲外賣返屋企。果子海南雞飯其實個飯38蚊,份量好足料，雞肉大概10幾嚿，個油飯都幾好有，油香味重，飯度軟硬適中，雞肉好嫩滑，亦俾左隻雞翼，加上有齊三款食海南雞既醬汁，絕對超值。如果下次再買，我會選擇加$10轉做雞髀，因為個飯本身都係38蚊，就算加多$10都係40幾蚊，已經有海南雞髀飯，值得再encore豬頸肉喇沙掺掺幫老公買咗個豬頸肉喇沙掺掺，分量十足，勁多麵，湯底椰香味濃，辣度亦都唔會非常之辣，適合中意有少少刺激既人。豬頸肉都有7至8塊，男士想夠食。另外再叫左兩份小食沙嗲雞肉串燒沙嗲醬都俾得比較多，花生味濃，醬汁”傑”身粟米墨魚餅魚餅彈牙，細細塊易入口成餐飯都只係122,已經可以食到兩個人勁飽，性格比極高…Read More

星期三打算去荔枝角Aeon 掃平野，所以早少少去長沙灣呢邊啲工廈食lunch,經過呢間Pizza Piazza, 就俾佢價錢吸引左唔使80蚊可以有湯，有main,有飲品,所以即管一試洋蔥餐湯燒大蝦凱撒沙律🥗估唔到份量都唔少，啲蝦好大隻，輕輕燒過先上碟，所以好有風味。另外，啲沙律菜都好新鮮 ，加埋啲汁好開胃，唔覺唔覺我就食到清左碟”堅”水牛城雞翼我本身對水牛城雞翼情有獨鍾，見到叫set可以用28蚊加配，所以都叫左份試下。雞翼煮得剛剛好，唔會overcook, 咬落去好嫩口，辣味適中，啱曬我呢啲食到小小辣既人青檸荔枝梳打由於天氣太熱，所以都係加錢叫左特色飲品，荔枝配青檸感覺好fresh, 正好中和番食左雞翼既膩值得一讚係餐廳員工態度非常好，隔住口罩都feel到佢地笑緊下次再過黎長沙灣要再encore呢間小店…Read More

話說今日屋企人要入屯門做野，所以我都順便入去探朋友，再行下vcity ,估唔到係vcity 既一田入面居然有間好有heart既小店天魔主打fusion food, 我覺得有少少似韓式加美式fusion菜厚厚豬肋骨揀緊食咩嗰陣，已經聽到👂有3個人叫左呢個厚厚豬肋骨，所以跟風。豬肋骨係用慢煮方式處理，肉質淋軟易入口，醬汁亦好入味，下面仲有啲薯蓉拌碟，建議一啖肉一啖薯蓉呢個餸會再encoreXXL韓式三文治本住好奇個三文治有幾大，所以叫左呢個XXL韓式三文治。估唔到真係好大份，三文治好特別，除左有厚厚午餐肉外，最特別係有泡菜係入面，加埋啲蛋同蕃茄，居然出奇咁夾，好特別吉列炸蠔$18蚊呢個價錢性價比好高，唔會炸到過火侯，外脆內嫩，值得一試朱古力泡沫咖啡另外我留意到佢有塊寫住初一十五另有素食菜式，感覺好貼心，唔知係咩黎呢，搞到心思思好想到時再黎試…Read More

台北風味在深水埗疫情關係仲未有得去台北，實在太掛住台灣嘅美食，經過深水埗黄金附近見到古早牛肉麵，忍唔住入去試吓入邊裝修都幾有台灣風味，搵咗一啲台灣嘅舊招牌，再加上喺夜市見到嘅燈箱餐牌，十足去咗台北既夜市下午茶選擇多，再可以自由加配小食同特色飲品由於實在太掛住台北食物，所以一個人我都點得幾多食物滷水大腸米粉分量足夠，大腸起碼有十幾片，湯汁亦好濃好夠味，米粉可以索晒啲湯汁，配搭得好好，比較驚喜嘅係作為配菜嘅白蘿蔔，入口清甜冇渣，值得推介台式小香腸好掛住台式香腸嘅味道，餐廳煎到香腸皮脆，鎖住入邊啲肉汁，兩條份量一個人食剛剛好檸檬蘆薈紅茶(加愛玉)茶味濃，蘆薈份量亦多，我額外再加埋愛玉，為炎炎嘅夏日來一個透心涼。另外我十分欣賞佢杯蓋上面嘅標誌設計，見得到落左心思未有得去台灣旅行之前，呢間餐廳絕對可以一解鄉愁…Read More

質素保持到，一定要推介冇諗過今時今日都可以用咁平既價錢食到好野意房菜呢間店舖七八年前已經開始食，當時係食佢嘅夜晚，招牌酥皮鵝肝牛柳講非常好，羅宋湯亦都好夠味 我今日假期下午喺旺角，再經過呢間舖，見到佢下午茶個餐牌，真係非常之有驚喜，冇諗過$40都可以食到扒， 塊西冷都大份，份量十足，唔會煮得太熟，咬落去入口軟稔亦都有肉味，當然以呢個價錢，你都預咗要用黑椒汁去伴牛扒。薯條係粗身薯條，我會牛扒真係非常夾。跟餐再配一杯飲品，飲品選擇都多，唔同口味嘅凍茶，或者台式珍珠奶茶都唔需要加錢，食完成個餐只係$39 ，真係非常超值，絕對推介…Read More

酒醉蟶子一定要encore 早放工所以6點半前就去到餐廳，唔使等位直入，坐得好舒服一直以來都好喜歡唐宮小聚既醉蟹，但店員姨姨話蟹唔啱季節，所以冇出，叫我地試下酒醉蟶子。另外仲叫左兩隻招牌沙田乳鴿，紅油抄手，脆蝦多士，以為期間限定既黑胡椒大虎蝦。酒醉蟶子大概有7-8隻，蟶子好飽滿，冇沙，亦醃得非常夠味，咬落去啖啖酒香，絕對推介沙田乳鴿保持水準，皮脆鴿肥，咬落啖啖肉，鴿油流出，做緊優惠39蚊一隻脆蝦多士炸到香脆乾身，上面有啲松露醬，包住原隻蝦，如果份量可以多一個就更好，三個唔夠分紅油抄手正常發揮，不過不失，不過我覺得比較辣黑胡椒大虎蝦消費滿200蚊就可以用69蚊追加呢個蝦，兩隻大大隻虎蝦，上菜時會連埋個爐，一邊熱住，啲醬汁就唔會凍左，好貼心。黑胡椒味夠，又帶有少少甜味，蝦肉新鮮，蝦頭部分都食到啖啖肉，可以再試…Read More