BAUYY's Profile

24/10/2024 星期四、我致電相馬火鍋-西環分店，查詢星期五 25/10 夜晚火鍋放題價錢，職員話：食大閘蟹+火鍋放題$330，已計加一服務費，限時兩小時，我訂咗大閘蟹+火煱放題x 4 位，但到結帳，😱單竟顯示埋單總數$2298， 佢收咗$528 / 位x 4 ，再加一，我即刻話番俾佢知，打嚟book 枱嘅時候，佢我講 係$330/ 位，佢搵咗佢另外一個職員過嚟，展示一張 過膠價錢牌，佢話冇可能，唔食大閘蟹，放題都唔只 $330，佢質疑我係咪打錯電話， 試問我打錯電話點會book到位，個職員話 ：”$330都唔合理啦”😡😡 只係揸住張價錢show 俾我地睇正價價錢, 我有要求佢查番邊個職員工聽我訂枱個電話，佢話查唔到，佢都冇嘗試去了解就話查唔到，分明就係包庇自己同事，佢話佢係經理，佢再講$330都唔合理啦，（我get到佢意思話呀，冇可能330食到大閘蟹火鍋放題，我地為有都要照埋單啦，今次我當做買咗個教訓, 下次喱D要睇咗單先好開始食, 離開時我目測大部份食客都唔係香港人，因為香港人唔會食咁貴，質素咁差嘅火鍋放題，除非真係好好好好食，講完 ～食評：大閘蟹好細隻，好少好少蟹膏，然後一人一鍋的海鮮雞煲，然後蒸海鮮，食完蒸海鮮食火鍋，我冇轉湯底用番個雞煲加湯、但我個湯底變咗灰黑色，睇真原來有兩隻花甲打開咗之後裏便全部係灰黑色嘅泥😰，咁我換咗個湯底啦，食店又有規矩要食完雞煲，然後食完蒸海鮮，先可以開始點火鍋料同小食，牛肉只得兩款可選，我點了生蠔，同埋帶子，蠔同埋帶子片拎到嚟個碟係裝滿水，帶子片係片開兩邊 or more, 大家食緊時都話唔會有下次，雪糕係自己畢的，唔係杯裝Häagen-Dazs或者Movenpick，自己畢，打開曬好唔衛生, $528 食喱D牛肉同雪糕，咁真係唔值唔合理！…Read More