Eatfoodtgt's Profile

今日同同事放左工, 突然間好想食泰國野, 所以就黎左衣間銅鑼灣衣間SIAM 28度食LU~等左大約十分鍾左右入到去, 服務人員好周度咁放低MENU 比我地, 由於太耐冇食泰國野既原故, 所以今次決定食盡去!!衣個青木瓜沙律有少少辣辣地, 凍食真係好醒胃, 食完真係想快D食主菜呀!!!我地第2道黎既係泰式燒豬頸肉, 雖然衣味菜度度都有得食, 不過要煮得好食, 火喉真係好重要, 而衣個燒豬頸肉就做得岩岩好, 外皮趣趣地, 而肉質好嫩, 好彈牙, 真係好好食!我地跟住仲叫左必食既串燒~ 串燒既沙爹汁做得好野味~ 而個人認為~ 雞串係最好食既~因為肉質同沙爹汁最甲~食左咁多樣野, 係時候飲番個湯啦~ 我地叫左最出名既冬蔭功~ 衣個湯個辣度對於我黎講真係岩岩好~好易入口, 又唔會太辣~, 而個湯都好足料, 大家睇圖都應該睇到, 仲有好多海鮮之類,令個冬蔭功味道好濃郁, 正呀!至於炒粉方面, 我地就叫左衣個炒鮮蝦金邊粉~ 衣個金邊炒味道做得好均勻~ 而隻蝦都好大隻, 係蝦上面個汁辣辣地~幾好食!我地最後叫左衣個香辣通菜, 因為食左太多肉類, 所以就叫番衣個香辣通菜平衡番~ 雖然最到最後已經飽飽地, 但係衣個通菜真係炒得好有獲氣~食落真係好野味, 送飯真係一流~總括黎講, 銅鑼灣衣間Siam28, 第一次黎, 食物質素真係相當唔錯~突別推介*泰式燒豬頸肉 同 *冬蔭功!~…Read More

因為真係有好長時間冇食過放題啦! 好耐冇試過食到好滿足既感覺, 咁岩見到今日長沙灣有一間新開既放題屋，鋪面正正常常甘, 所以就同朋友入左去試下啦! d位都幾闊落既，餐廳環境都好唔錯~ 而我地亦都好快咁order左好多野食~刺身呢家野緊系要第一時間食啦，賣相相當唔錯bor~都算幾新鮮。。不過就唔算係好食~有其他放題既刺身好食過佢~壽司款式都好多，出到黎都系預期地好既，唔錯唔錯~食完冷盤之後我地就叫左個熱食，衣個熱食燒扇貝，係幾好食同幾鮮甜既，所以我同朋友都叫左幾輪食~炸物都算系好食既，食落去系熱辣辣既燒物都好正呀，呢舊羊扒一d都唔騷，但係食一個就已經好夠了~食唔落第2個整體黎講,衣間餐廳係新開既, 水平就一一般般~ 比較好食既有燒扇貝~因為有d地方冇得食~但係刺身同其他食物都真係冇咩特別了~…Read More

今日同朋友去銅鑼灣搵同事聚舊, 言談之中大家傾到健康既話題~ 所以好自然就去左食健康餐了~今次我地去左銅鑼灣既創意廚房度食~ 我叫左衣個健康餐既黑椒豬扒餐~!個健康餐包埋一個生果~一杯健康飲品~ 主菜既黑椒豬扒賣相都相當唔錯~ 大家亦都唔洗擔心話因為健康餐就怕食唔飽~因為塊豬扒係厚切~好夠份量! 而塊豬扒既味知道都相當唔錯~切開D肉汁流哂出黎~火喉掌握得都幾好~ 總括而言個健康餐味道相當唔錯~大家黎開CAUSEWAY BAY就要黎試下啦~…Read More

今日同朋友行完旺角, 天氣凍凍地, 所以突然想食番次泰國野~行下行下就去左阿來泰式地道風味度食LU~朋友叫左個海南雞飯~個海南雞飯好有雞味, D雞塊塊都好多用~加埋D泰汁拌飯真係幾好食~ 而湯方面~因為天氣凍凍地, 又難得食緊泰國野,所以我地就叫左衣個冬蔭功湯~ 大家都可以睇到個冬蔭功湯賣相真係非常好~亦都好夠料, 而個湯就辣辣地, 好醒胃, 隻大蝦都好有肉~成個湯都好好飲我地仲叫左個最多人食既泰式肉碎生菜包~ 食泰國野緊係要食埋個生菜包啦~ D肉碎好入味, 夾埋D菜食味道就岩岩好~唔會太鹹~總括而言, 衣間泰國野D野食都相當唔錯, 而小編覺得個冬蔭功湯最好味~大家唔知又點睇呢?…Read More

由於有個朋友成日都話想去酒吧食野, 想要多D氣氛, 所以今次就同佢去左間酒BAR 度食野啦~ 今次去左尖沙咀既狗毛三度食~我同朋友一人叫左一個SET DINNER, 另外叫左個小食同2杯野飲~Champagne Cocktails杯cocktails 甜甜地, 好易入口~ 有埋個生果係個杯邊到 ~成杯野賣都好令~Buffalo Wings小食由於我同朋人都鍾意食雞亦既原故,所以我地叫左衣個Buffalo Wings~ 衣隻用烤法煮既雞亦好入味~ 雞亦有少少趣邊~幾好食!而main dinner 方面,我就叫左個西餐既黑椒羊仔骨黎食~羊仔骨個賣相相當唔錯, 睇得出煮廚好有心機~ 而味道方面, 成個肉個火喉岩岩好~ 淋淋地, 但係仍然有D 口感, 切開塊扒D 肉汁會流水黎, 睇得出火喉真係掌握得唔錯~一D SO味都冇, 值得推介~成間餐廳無論環境~ 野飲定 MAIN DINNER 都相當唔錯~大家如果過開黎就要試下啦!…Read More

因為太耐冇去九龍冰室食野LU, 所以今日就同埋新同事去左食番次啦~ 同上次一樣都係大約要等十分鍾先坐得低食野~太多打工仔支持LU~ 由於今次早餐食得太飽既原故, 所以今次我就叫左個E 餐~ 叫左個雜菌黑椒牛扒配羅絲粉沙津! 黑椒牛扒就算食幾多次都真係仲係覺得好好食~ 牛扒好淋, 加埋鹹度岩岩好既黑椒汁真係好好食~而個羅絲粉沙津... 由於小編平時真係好少有食蔬菜既習慣... 所以真係覺得唔係好岩我口味了~ 不過OVERALL 黎講都算抵食呀~成個SET LUCH 連飲品先48蚊~大家黎開KOWLOON BAY要試下啦!…Read More

今日放左工同朋友去左荃灣度買禮物比表弟, 買完野都成八點幾, 我地去左麵道度食拉麵~ 朋友叫左個玉龍蝦豚骨湯拉麵~ 而我就叫左衣個辛口特盛雞玉雞白湯拉麵食! 大家可以睇到個拉麵質賣相係唔錯既~而塊雞都比想像中大塊! 講完賣相就講味道啦~ 辛口拉麵辣味對於我黎講就岩岩好~唔算太辣~ 而D 雞扒都好淋好入味~唔錯! 而小食方面我地叫左衣個芝士天婦羅無骨雞亦~ 賣相唔洗多講啦~而芝士味都真係幾夠, 加上去左骨都真係好方便, 小食黎講21蚊都抵食呀!…Read More

今日同屋企人去完深水埗睇電視, 行下行下就去左長沙環道衣間Pizza Piazza度食野啦~因為細佬話好耐都冇食過扒, 所以就叫左衣個燒汁肉眼扒食! 雖然衣個扒餐唔係用鐵塊上, 不過大家都睇到個地賣相都相當之唔錯~ 而係味道方面, 衣個扒餐餐廳話係草鉰, 但係食落去就好似真係同其他牛扒冇咩特別大分別~ 而塊扒d牛味都算夠,不過就好似細塊左少少,SET LUNCH黎講就唔多夠食~ 總括黎講, 牛扒同配菜味道唔錯, 只係份量略為高, 價錢150多元亦較為貴~…Read More

因為實在有太長時間冇食過吉野家啦, 突然好掛住佢D牛肉, 所以今日同朋友放左學,係葵芳行完街之後就去左吉野家食牛肉麵啦~ 朋友叫左個照燒雞扒麵,而我就叫左最多人會食既牛肉麵, 雖然吉野家唔算係特別好食, 但係佢個牛肉飯同埋佢D牛肉汁都算係佢先有既特色, 係其他快餐店都食唔到,而佢D牛肉汁同埋D牛肉同用珍珠米煮既飯個味道都真係夾得好好,所以如果大家好耐冇食吉野家,就要快D黎食番一次啦~下次一於食埋佢夜晚既打邊爐先!…Read More

今日放左工同以前個同事GATHERING, 去左大家以前返工既銅鑼灣度食DINNER, 因為個同事成日話想食韓國野食既原故,所以我地就去左 Mr. Korea Chicken 度食啦! 我地叫左個芝士魷魚伴韓式年糕同香辣拉麵~ 個香辣拉麵因為好快就比佢食左,所以影唔到相.. 但係大家可以睇到衣個芝士魷魚伴韓式年糕個賣相都真係相當之唔錯! 而且, 唔此賣相, 連食都一樣咁好食, D芝士同D年糕真係好甲, 熱食岩岩黎真係冇得頂~而個魷魚都食得出好新鮮同埋好大條, 好有咬口! 雖然要成百幾蚊一個, 但係度度韓國野都相信係差唔多價錢同埋衣度都真係算好食~所以大家如果經過causeway bay 就要黎食下啦!…Read More

今日放左工因為LUNCH 太晏食野既原故, 所以dinner 諗住食少少野就算, 於是就去左衣間樓下冰室叫左個瑞士雞脾餐食啦! 衣個瑞士雞脾餐包有瑞士雞脾一隻, 牛油餐包一個同埋一個少少既沙律~ 隻瑞士雞脾係整得幾入味既, 個瑞士汁又唔會太鹹, 而個沙律就一般般, 始終都係為食試佢個瑞士雞脾~ 成個餐56蚊, 唔包野飲, 價錢黎講就覺得貴左少少, 雖然隻脾係唔錯既~但係就好似唔太抵食了, 下次應該會試下佢其他野食~…Read More

難得今日個個屋企人都得閒, 所以我地就提早左食團年飯! 因為大家住到天各一方, 所以就去左大家既中轉站- 深水涉既高高酒家度食啦! 因為團年飯所以就食得好D~ 我地叫左好多海鮮食,其中最好食既就係椒鹽鮑魚仔 & 蒜蓉開邊蝦! 個椒鹽鮑魚仔相信大家見到賣相都覺得已經好想食, 實際上D 鮑魚真係比睇仲好食, 好有咬口, 同埋用椒鹽整真係好好食, 好入味,係好特別既食法~ 而個蒜蓉開邊蝦雖然就比較普通D, 不過佢個蒜蓉鼓油汁都做得好出色~不過成間野都略為貴左少少, 如果大家唔衡量抵唔抵食的話, 衣家高高酒家真係值得大家一試既!…Read More

由於今日放工要開OT, 9點鍾都未返到屋企, 所以太肚餓充頂唔住就去左大快活到食晚飯啦~ 因為見到大快活D 扒餐加埋野飲要成70蚊, 就算小縞鍾意食牛, 都覺得真係太貴, 所以最後就叫左個咖哩牛腩飯度食算~ 因為小編都食得幾辣, 所以就叫左加辣!! 大家睇相都見到個賣相唔差, 而小編就覺得係大快活入面, 真係得焗豬扒飯同埋咖哩牛腩飯係叫比較好食~ 但係價錢方面都略為有D貴, 唔加野飲都差唔多50蚊, 快餐真係貴左少少 wor, 不過都真係算係好食既, 如果大家好耐冇食既話, 耐唔耐去食下都唔錯嫁!…Read More

今日同朋友去完太子買衫, 因為諗唔到有咩下場, 所以就係太子同佢一齊行番去石硤尾啦~ 行左差唔多半個鍾, 都已經4點幾, 大家都有D肚餓,就直接去埋佢介紹既品香樓度去食下午茶了。 朋友叫左個咖哩牛腩飯,而我就叫左衣個芝士海鮮龍脷柳飯! 衣個芝士海鮮龍脷柳飯個賣相係幾好既~ 但係可能因為自己真係食慣比較濃味D既野, 所以我就覺得衣個芝士汁味道真係唔係幾夠, 特別係2條蟹柳, 就算加左D白汁都好淡味~不過40蚊黎講都算收貨既~大家如果去開石硤尾,想搵番D野食就可以黎試,下啦!…Read More

今日因為屋企個keyboard 壊左, 所以同朋友出左去深水涉去買野。買完野行下行下去到深水涉衣間周記油渣麵~ 我朋友就叫左個招牌油渣麵, 而我就叫左衣個新鮮生滾豬肝麵! 個麵雖然只係34蚊, 但係大家可以睇到D 餸都真係好足料, D豬肝真係多到可以鋪哂成碗麵~可滿足呀! 而新鮮生滾豬肝麵D 豬肝 真係同個名一樣好新鮮, 火喉岩岩好, 一D都唔會覺得煮耐左~ 所以如果第日大家黎開深水涉買野/食野, 就記得黎衣間周記油渣麵度食番個麵啦!…Read More