longkamanfat的個人專頁

打邊爐最緊要個湯底！牛大人台式火鍋提供總共9款湯底，款款都有特色，我地今次就揀咗牛大人秘方麻辣鍋&阿嫲養身濃湯鍋。兩款都好足料好入味，而且食咗個幾鐘都無乜油喎，感覺良好！除咗湯底夠特色，牛大人提供嘅飲品都夠哂台式！有多種支裝花茶例如洛神花茶、桂花烏龍，味道清新又唔太甜，仲有冬瓜茶！食到幾飽都要飲🤩 食物方面有好多款式，叫叫下就叫到成枱都係😂 啲肉夠薄又唔肥，仲有熟食如台灣腸同炸雞。最滿意係原隻大海蝦！真係 巨 大 隻！仲要有膚㗎！食完即刻encore幾轉😂 不斷encore哪仲有蜆，大隻之餘仲好鮮甜，正！…查看更多

今日放假約左個朋友係元朗見面，都幾耐冇見過佢啦，所以諗住行下街、食下嘢、聚下舊咁啦😌。行到咁上下之後..就入左間專門食泰國水門雞嘅餐廳，其實之前都見過上網有人專訪，我諗應該質素都唔差嘅🤔🤔我地一齊叫左個泰式炒通菜同秘汁泰式生蝦Share一齊食。通菜方面，由於加左啲辣椒關係，所以會有少少辣，食落無咩特別，可以用黎送飯😂😂至於生蝦就隻隻都好大，一睇就見到好多肉，加埋佢嘅擺設，令到食客會有更多食慾，視覺同味覺都享受。之後各自各都叫左個水門雙拼雞飯同鮮蝦炒金邊粉。雞飯方面有兩種口味，所以唔會食厭唔想食。個人比較喜歡原味個種雞，因為好滑同肉質好林👍🏻👍🏻，如果中意食香口少少嘅話，炸雞個一種就啱哂啦，外脆內軟，加埋秘製嘅醬汁簡直係絕配啊！朋友嘅鮮蝦炒金邊粉又係偏辣少少，有幾隻大蝦喺旁邊，值回票價啦。食嘅時候要加啲青檸汁，可以令到自己更開胃，不過金邊粉本身都帶點酸，所以好容易就刺激到食慾，不停咁食啊食啊食😂😂平民嘅泰國餐廳好少有架，價錢唔貴又有質素嘅話，呢間已經唔錯架啦，裝修又簡單舒服，又有音樂聽下🎺🎺。…查看更多

早前約左同朋友放工食飯，去佢公司附近銅鑼灣既Ember到食晩餐。餐廳環境暗暗地，仲有埋live band，最啱放工嚟聽下歌，傾下計，chill下，飲杯野。首先叫杯嘢飲下，我叫左個杯cocktail係Tap Sonic，甜甜地好香花味，清新又易入口，加埋啲花做裝飾，影相一流，啱我地呢啲港女。叫左個小食mini burger share嚟食，三人份量，啱啱好夠我地每人食一個。Burger 既麵包加咗竹炭所以係黑色，食落外脆內軟，中間嘅牛好好食，味道濃郁。芝士溶溶地但又唔會滴到周圍都係，正！連埋啲新鮮既傻菜一齊食就冇咁漏。香煎鵝肝係我最愛，跟餐既加$58就有，價錢算係咁。Main course 我地叫左羊架，羊架煎得剛好medium rare。肉質嫩滑，味道唔太『騷』，肉汁仲保留係肉入面，食落好juicy，點埋薄荷啫喱一齊食味道好夾。…查看更多

去咗係尖沙咀嘅The Right Place 餐廳環境好chill 好適合2個人or3-4個朋友gathering 餐廳嘅食物種類都好多同埋都有好多特色野食 海膽蟹肉扭捲粉好特別 一黎到就見倒中間一堆海膽係火箭菜嘅下面 蟹肉一啲都唔少 個汁好creamy 最特別係個扭捲粉 食落去有啲彈牙但又唔會硬 個粉開口嘅緣故 啲汁完完全全掛住係條粉到！烤澳洲M5和牛肉眼扒特別在於上面嗰塊香草牛油 塊牛油令到塊牛排食落更加香 口感更加滑 我個人本身唔會食芥末醬 因為覺得陣味太濃好難入口 但呢個芥末醬好清新 有啲似wasabi嗰種味 比較容易接受 牛排嘅配菜都幾特別 西班牙辣肉腸炒荷蘭豆 辣肉腸切到一粒一粒 口感偏實 可能切到太細粒 其實食唔出係腸嗰種味 配菜嘅薯條炸得香脆又唔會太油 薯條保留咗薯皮 食落去好香薯仔味！小食試咗烤原隻魷魚筒釀蝦膠配泰式辣汁 魷魚筒釀到脹卜卜 切出黎基本上都食到滿滿嘅蝦膠 魷魚好新鮮 口感好彈牙但又唔會太韌 個汁好清新帶有少少辣味 但個人覺得個蝦膠太過削冇咗個口感脆鱗甘鯛魚柳芝士漢堡 魚柳唔係好似平時食開嗰啲咁一塊厚厚嘅炸粉包住 魚皮炸到香脆 食落有唔同嘅texture同埋食到魚嘅鮮味 漢堡入面嘅松露醬好香滑又唔會搶哂舊魚嘅味 芝士又烤到焦香 個包就算放咗一陣都唔會濕哂or硬咗唔好食飲品方面試咗Tan Tanning杯cocktail好有中國feel直情好似飲緊茶咁 酒入面有桂花糖漿 杞子 紅棗 熱嘅時候飲陣酒味超級濃 凍咗反而偏甜 Drink That Culture 係凍嘅cocktail 呢杯野飲落有啲咸柑橘feel哪vodka帶有少少苦澀味 最後仲食咗個豆腐花 豆腐花加咗竹炭 薑汁 同whisky 其實酒味已經蓋過咗薑汁嘅味 但係豆味依然好香 鍾意whisky嘅人應該會好鍾意 佢原木桶上 一路食嘅時候都可以keep住熱我覺得餐廳環境同氣氛都唔錯 牆上面有啲壁畫同裝飾好有feel 枱同枱之間都有啲距離 令到空間感好大 好適合gathering 餐廳仲有個大screen應該係for睇波用😍…查看更多

喺荔枝角地區返工。基本上所有餐廳都食過晒，今日下午茶時段去新開既粵菜館食野。下午茶，好抵$26.8 有兩碟我點左A+C組合再加一個香煎蘿蔔糕A. 花菇滑雞飯五肉一菇，裝到滿晒，食完已飽飽地C.排骨蒸腸粉四舊排骨，五條白滑無餡腸粉仔。腸粉好白好滑，我叫姐姐拎上一碟豉油加甜醬。非常正！無諗過甘幾蚊已經食飽左我。食飽咗見到咁厚身煎香表皮既蘿蔔糕都係要食兩啖先。一咬開原來係有臘肉蝦米。臘肉嘅味道令咁厚身既蘿白糕口感變得好豐富，唔點醬都好好食最後，因為太飽都係打包左回公司加埋茶水，埋單$51 。勁抵食！…查看更多

今日選擇左大角咀既一間新餐廳二世祖。環境舒適，有落地玻璃。聽老闆介紹呢度d飲品勁大杯，又料多。我地馬上叫左兩杯先。右水蜜桃果粒茶一入口，勁香既鮮果味，茶味亦香濃。見唔見到個底部.....全部都係真材實料，自家煲自家榨！非常推薦，份量勁大杯，無糖水成份。無限份量.....多到係想飲晒都幾難度😂😂😂左洛神花柚子梳打餐廳呢到嘅洛神花，山楂，士多啤梨都係自家煲同榨！非常適合而家天氣咁熱嘅時候。味道酸酸地，非常開胃。食物方面燒春雞係其中一道廚師推薦菜，就試一試煙燻燒春雞釀蟲草花香菇中東米雞嘅肉質有驚喜 因為燒得岩岩好 就算系雞胸位置都做到口感嫩滑嘅口感味道方面比較新奇，因為雞入面包滿以菇.蟲草花.中東米為主嘅涵料，而最特別之處系佢以香"分"形式出場之餘，香味系用木香去煙"分"配搭好創新，清淡得黎帶少少木嘅香味，都好岩胃口墨汁龍蝦海鮮意大利飯呢個意大利飯每粒飯都吸引左墨汁。粒粒分明。同時亦都有一種好有咬口好彈牙嘅感覺。龍蝦採用蝦尾既部分。外層燒過，令其口感更結實更香，龍蝦肉厚實，肉質微甜。好味。食完已經好飽。二世祖超級窩夫配雪糕 呢個絕對係二世祖既絕招！簡單嘅配搭其實當中食落好高水準waffle 食落唔會實的的一舊粉團嘅感覺，做到外脆內軟之餘，入面仲有''煙銀''嘅口感，再有2種自家調制嘅配搭分別系以抹茶混蛋黃'象'及杯装嘅系士多啤梨混乳洛，而圖中球體嘅系雪糕，雪糕會有泫米茶同豆付2種選擇，喱2種選擇都系比較少系餐廳見到，可見佢地都花左心思去諗過，一d 都唔馬虎，喱方便都值得加分！…查看更多

我同朋友都好鍾意食辣，都係行過入去呢間四川食店試下，點知又唔錯WO，我地得兩個人，叫唔到多野，所以只係試左個水煮牛肉、鐵板田雞及拍青瓜。整體嘅質素好唔錯，我地都好滿意!「水煮牛肉」好多牛肉片，而且個湯底好好味，辣得黎帶D麻，不過如果再辣少少就更好了!相「鐵板田雞」鐵板田雞真係好惹味，用左唔同辣椒，炒得香，而且幾大份，田雞肉又大粒，肉質又保持嫩滑，處理得好好，正!相「拍青瓜」青瓜咬感好爽脆，醬汁調較得好好，酸辣，好開胃。…查看更多

餐廳四面用紅磚及黑板砌成 可見用上不少心思裝修食物先以「焗法式田螺酥盒」打頭陣酥皮香口 咬落非常鬆脆再特別加點「蘇格蘭聖子皇配北海道海膽意大利飯」上菜已經聞到陣陣海膽味亦都可見用上超多海膽份量十足 誠意滿分海膽沒有一絲怪味 反而與聖子皇味道極為配合 相輔相成對於肉食性既朋友 咁就特別推介「炭燒美國特級安格斯牛肉眼」今次就試下7成熟咬落肉質鮮嫩 絕對唔會有粗糙感覺係真正7成熟 火力控制得岩岩好有別於其他餐廳會出現過熟情況總結一下餐廳食物份量同味道都滿意只係特飲方面微微低於期望仍然有改善空間整體都屬於偏高分的評級值得一試…查看更多

以前喺尖沙咀做嘢，必經這個商場。我稱呼佢叫死場，因為經過都唔會入去。時間過得真快，尖沙咀既Cafe執得好快。今晚約咗個舊同事去傾偈 ，點知成個尖沙咀得呢一間Cafe係個死場度。我哋叫咗一壺有機檸檬薑茶同水牛芝士巴拿馬火腿番茄醬薄餅。有機檸檬薑茶：冇諗過一壺茶係咁大壺，足以我哋兩個人一齊飲。初頭飲得少少薑味，焗多十五分鐘，薑味更加突出，唔錯！水牛芝士巴拿馬火腿番茄醬薄餅：佢應該係即叫即整，因為我經過水吧時，見到個焗爐著咗焗緊薄餅。薄餅熱辣辣、薄身、脆口。除眼見水牛芝士同巴拿馬火腿鯡，個底仲有其他芝士、"淋"咗嘅茄子同紅椒，味道上偏鹹亦有番茄既酸味，略為遜色。反而，之前食過嘅三文魚薄餅較為好食。溫馨提示：需訂位，因為佢預留大量嘅座位俾訂左枱既客人。由於任坐唔嬲，我同我朋友傾倒間鋪收工先走。全自助形式，自己取食物，自己放回食完既碗碟，沒有加一服務費。…查看更多

我去探個朋友仔，朋友仔就帶我去食好嘢，間野叫大漁屋台。對我嚟講商場有啲似迷宮，因為我唔熟牛頭角，但係我個朋友就非常快搵到。間日本餐廳裝修好日系，地方大又寬敞。北海道松葉蟹膏味噌椰菜沙律： 野菜沙律新鮮，我地竟然唔記得點蟹膏，食到尾先點蟹膏，蟹膏有點鹹，味道鮮甜，所以要用蔬菜陪襯。極上六點刺： 有赤身、油甘魚、三文魚、帆立貝、甘蝦同海膽。味道新鮮、肉質厚厚，口感不錯。和紙火鍋豚肉燒：由於朋友仔唔食牛肉，所以我哋揀左豚肉。紙火鍋除豚肉外，還有其他菇、豆腐、溫泉蛋等。湯底清，我覺得幾啱食，因為我主要食蔬菜，而豚肉畀我朋友食曬。關東煮：有大根、黑蒟蒻 、鵪鶉蛋、墨魚片。湯底鹹鹹的，配上入味嘅大根即蘿蔔，停不了口。黑蒟蒻彈牙有少少味、口感有趣。鵪鶉蛋就沒甚麼特別了。滑蛋吉列黑豚丼：以此飯作結尾，黑豚炸得鬆脆，肉嫩。滑蛋包裹著整塊豬扒，每小件豬扒都有蛋同飯，不錯。…查看更多

今日同媽咪係葵興探完親戚後，好想食台灣野，係OPENRICE SEARCH下台灣食店，最後我地選擇KCC既大公雞! 可能時間尚早，唔洗等位就入到去。餐廳職員比左二人套餐餐牌，價錢非常抵! $108有3碟送，同兩碗魯肉飯!!真係抵! 但我同我媽咪想試其他野，所以決定散叫野食啦。雜錦紅燒手工麵﹕職員遞上碗麵賣相已經好吸引!滷水湯已經夠入味，而且不是太鹹又不太膩。滷水汁浸入紅燒肉，肉質又嫩，煮得剛剛好。至於麵既煙韌也不是太軟也不是太硬。麵條浸入滷水湯既味，再加上有濃濃既湯襯托，非常好吃!蚵仔煎﹕期待已久的蚵仔煎，果然無令我失望! 呢個煎餅有好多蠔(夾親每塊都有好多蠔)，而且非常鮮甜，非常新鮮! 而且加上茄汁，好夾D蠔，亦帶出蠔既鮮味。再加上煎餅煎得恰當，沒有煎燶，亦沒有煎唔熟既地方，拍得上係台灣食既蚵仔煎。最後奉上熱金桔檸檬和熱珍珠奶茶，仍保持台灣飲品既水準，不過不失。…查看更多

我阿媽喜歡試新野，而我同阿媽又好耐未出過街食個飯。阿媽知道有間新開張既越南粉，所以我地決定去蔡瀾越南粉專門店試新野呀!我地約了夜晚7點食，去到就大排長龍，我地等了10分鐘先入到去!入到去環境感覺是高檔越式餐廳，環境很不錯呢!我們叫大左特別牛肉湯河粉、越南法棍三文治、越式蒸粉卷同越式春卷。特別牛肉湯河粉: 其實特別在於咩就唔太清楚，但眼見有生牛肉、牛丸、金錢腱、牛筋、牛栢葉等等...湯底清甜，牛肉很新鮮，牛筋很腍，河粉幼滑，加上香料配搭剛剛好，唔錯!越南法棍三文治: 值得推薦既菜式!! 非常好味!! 餡料應該係辣辣地既肉、生菜等，加埋甜甜辣辣既醬汁配上香脆既法包，十分好味!越式蒸粉卷: 不過不失的蒸粉卷，皮薄餡料豐富，有好多蝦米同蔥。越式炸春卷: 個人感覺略欠少少煎炸感，如果再脆一點會更好食。內裡的涵料算多，有蘿蔔絲、雲耳絲同埋粉絲，配上生菜一齊食中和油膩感。最後，賣單唔洗$300兩個人，食到飽一飽。題外話︰服務態度非常好! 當我腳被高跟鞋刮親，職員好細心和趕快比膠布比我，而且比多幾塊我tim。欣賞佢地既服務呢!…查看更多

是日落大雨，媽媽冇煮晚飯，於是我地走去鰂魚涌搵飯食，見到魚湯為名既食店，就衝咗入去試。晚上七時左右，已經坐爆全場。我哋叫鮑魚花膠魚肚魚湯烏冬、原隻波士頓龍蝦湯飯同追加海膽。鮑魚花膠魚肚魚湯烏冬﹕價值$138既貴價材料烏冬，湯底尚算有鮮味，沒有魚腥味的感覺。烏冬有口感，不是太腍，烏冬吸收少少魚湯味。配料有魚肚、花膠、鮑魚等其他配料，視覺效果強勁，全部都有口感，但味道有點偏淡。原隻波士頓龍蝦湯飯﹕波士頓龍蝦屬中小型，龍蝦本身已熟透，它只靠著火爐去助暖。可能媽媽幫我食烏冬食耐左既關係，令龍蝦助熱過火而令肉質有點老。亦因為坐熱過久，飯吸收了湯既精華，非常濃郁，好入味。海膽﹕加$80有碟，屬正常，口感。埋單時發現佢冇收加一，可值得一試。…查看更多

何以有此講法，因為曾經住過馬鞍山一段時間，講真，好食嘅地方係無乜。呢間cafe喺馬鐵沿線 知道石門比較多嘢食，今次朋友約我試下。Cafe裝修唔錯，地方座位寬敞，樓底高，入到去幾舒服。我哋叫咗二人餐，選擇左扒大蝦芒果沙律、扒紐西蘭羊扒、法國鵝肝炒飯。先黎兩件麵包。麵包暖暖的，圓嘅有提子味，麵包鬆軟。方嘅係脆脆的。餐湯：今次餐湯係蘑菇湯。用匙羹舀起第一啖，以為佢係好稀，點知好有蘑菇味，仲有粒粒嘅蘑菇粒。扒大蝦芒果沙律：沙律菜非常新鮮，配上少少酸尾尾又甜甜哋嘅sauce，覺得清新又開胃。驚喜嘅係大蝦，因為大蝦煎左，變左隻中蝦，但食落香口爽口又夾到個沙律。扒紐西蘭羊扒：我哋叫咗7成熟，對我嚟講有點熟，下次可叫5成。羊扒有三件，size屬較細，肉面煎得香口，肉質嫩口，羊味唔算濃。另配上特定醬汁，其醬汁有點似牛尾湯特濃版。如唔想點醬汁，可要求芥末或薄荷醬。鵝肝炒飯：可能食咗羊扒嘅關係 ，因此覺得其炒飯較為清淡。當中食到鵝肝碎，但比例上較為少。飲品及甜品：欣賞佢嘅朱古力蛋糕，朱古力味香濃又有蛋糕嘅口感。…查看更多

下班在同事帶路下來到紅磡崇潔街，沒想到這條小巷會是條隱世食街，而且附近都有不少韓式食店!!由於忽然想吃韓燒就選了韓兄弟!!門口跟裝修也不錯!!可能是平日吧，晚上也頗寧靜，店內電視播放年代比較久遠的韓語歌，聲浪適中，沒有很吵，蠻適合跟朋友到來聊天。又雖然沒有一條條典型的抽油煙管，但神奇的是店內也不會污煙障氣。店員跟店長都是韓國人，不過店長會說流利廣東話，當問到有什麼推介的時候，還會問我們吃不吃生牛肉，我就不太吃生牛肉的，不過同事想試就來了兩人份量的，上菜時店長還怕我們不會吃的方法，教我們將醬跟牛混著吃，相當貼心。除了這些，還跟同事店了一份精選套餐SET A、一客豬皮、牛舌、八爪魚，當然少不了炸雞!!精選SET A包括豬頸肉、梅頭及五花腩，配上生菜跟醬汁食真的一流!!!再來就是炸雞，吃這麼多次，真心第一次吃到如此辣的炸雞，起初不知道是來自李家的，亦忽然不會分普通跟辣炸雞，於是一手就夾了辣醬的，辣醬後勁相當凌厲，吃後嘴唇麻麻的，狂喝水也不夠。喜歡挑戰辣的朋友必試!!!整體來說環境跟食物都不錯，值得推介，不要讓美食店的光茫隱藏在大街之中。…查看更多