Emilychow828's Profile

人均$150吃一個午餐，份量少，又唔特別好食。最離譜係那個擬似老闆娘的收銀態度極差，我泊低架車之後只係想過隔離去叫朋友過來，那女人立即走出嚟喺我架車旁邊大叫「唔入嚟食即刻揸走架車」，我話去叫朋友轉頭返嚟，那收銀繼續喺街大叫「唔得呀」，首先，我唔知一停低車一定要九秒九行入你門口，第二更加唔知成塊地係你嘅，只能給你食客泊車，建議你做返個指示牌同全世界講塊地係你嘅，第三即使塊地係你嘅，亦唔使好似捉賊咁喺條街度大聲渴住我嘅。食餐飯唔使食到成面屁咁嘅，有時拍烏蠅真係有原因。…Read More

今日去食晏基本上無人，記得以前好多人，不過價錢係平，刺身定食$168，但當然亦反映喺食物質素上，you get what you pay. 刺身定食嘅刺身質素好平庸，就係爭鮮嗰種，但又室溫，帶子係一舊片開三片但只畀兩片你嗰種，北寄貝係無味食膠嗰種，吞拿魚有血腥味嘅。最勁係沙律，係用炸物墊底嗰啲唔洗嘅椰菜加天婦羅蝦甩出嚟嗰啲炸漿，如圖。其實無沙律我係ok，見到反而諗尋晚嗰餐，人哋嗰餐。個湯係麵豉湯，好大碗。飯，好食。…Read More

呢間平時都會幾常去，因為住附近，好方便，而且平日無乜人，唔使等位，坐得好舒服，情人節唔想周圍去，都特登book返呢間，點知去到佢無枱畀我哋，原本諗住慶祝，結果無枱食飯，仲要係熟客都唔理，去到無位都無人理，我哋2個企咗喺餐廳十分鐘先有人行過嚟話其實無枱畀我哋，咁我book枱做咩呢，仲要今日情人節諗住慶祝，無諗過係book咗枱但無枱，完全係一間無誠信同嘅介意得失熟客嘅一間餐廳，一次好失望嘅經歷，建議大家過時過節都唔好去，萬一好似我哋咁無枱就好掃慶…Read More

6月4號晚上去食晚飯，叫完嘢食好快啲生肉就已經上哂枱，啲肉依然好好食，不過坐唔夠15分鐘就上雪糕，根本都未食完，肉都燒唔夠一半，點可能食雪糕，只能夠睇住啲雪糕喺火爐邊溶，而且啲侍應又黑口黑面，行過嚟幾十次問食完未，成日伸隻手嚟攞未食完嘅嘢問食完未，但係我只係坐咗15分鐘，既然趕收工就唔好收order，又無提我地原來你9:30要狂執走我哋啲嘢，隻手不斷喺我枱面拎嘢走，甚至隊我對筷子又唔換筷子畀我地，又唔道歉，體驗極差，同2年前相差好遠，唔會再嚟…Read More

今晚去食煲仔飯，只係咸魚肉餠煲仔飯，等咗一個鐘都未嚟，問伙計，check都唔check敷衍答整緊，再等十分鐘都無，隔離檯遲嚟嗰個已經有，明顯漏咗單，再問佢，佢話「唔等得，唔好食」，大佬，唔想做生意咪閂舖囉，天寒地凍等個飯成粒幾鐘都無，仲要畀伙計兇，貼錢買難受。另外叫咗個腐乳炒通菜，完全無腐乳，通菜係淥完先炒，一pat pat,濕到死，難食到勻。蒜蓉開邊蝦，啲蝦又霉又臭，食一隻已經唔敢食。重點係，食完番屋企屙。勸君勿以身嚐膽。…Read More