lol111的個人專頁

朋友慶祝生日book左間日式燒肉開心一下。見生日就食最top既雨餐,仲要做緊半價優惠為返先$500幾一位任食，有晒海鮮生蠔澳洲m4牛同埋西冷牛扒❤️❤️m4牛仲要係黑毛和牛。套餐會包一set海鮮拼盤，一set M4黑毛和牛，一塊西冷牛扒。其他肉類小食飲品甜品都係無限添加❤️任叫既仲包括澳洲A4牛。今餐我哋個個都食得好滿足。海鮮拼盤包括茶漬碗牛筋條，因為用醬汁醃製好，燒完原全唔洗加燒肉汁。仲有兩隻鮑魚，魚干，魚。魚勁新鮮彈牙，一啲都唔腥！重點係M4黑毛和牛同西冷扒，基本上唔洗加油，燒完直接用牛既油再燒其他肉類海鮮已經勁香！西冷拎上台時仲係岩岩冰箱拎出來出緊煙添！後段每人都食到飽晒，叫返支我至愛既韓國蜜瓜雪條，出面都賣緊$8支但依到任食🤭🤭🤭…查看更多

今日去深水埗買電話卡，順手搵好野食。中午經過住家feel小店見到差不多滿座，入面職員仲即場包緊餃子，岩岩好有一台位，儘管試下。鋪頭雖小，但卻有鋪頭主打餃子，小食，豆漿，估唔到驚喜位係有咖啡同巴斯克芝士蛋糕！❤️每枱客人人都係點餃子，所以我都揀左個煎餃套餐，有8隻2款口味煎餃，加日式小食，加一碗台飯，同一杯烏龍茶。煎餃今日係芫茜豬肉餃，一咬真係噴汁，真係要好小心食！搭埋自家製辣菜圃，係屋企既味道❤️❤️見到開始有人等位，叫外賣既人強調要多啲菜圃😂咸飯係入面有豬肉，類似海南雞飯咁，就咁食唔洗餸都好夠味！重點係每枱都話要巴斯克蛋糕，今日開心果味賣晒呀🥲淨返原味同焙茶味！真係唔好執輸即刻叫隻焙茶味，先$35 一件！今餐驚喜萬分💕…查看更多

尖沙咀窄巷有間日式居酒屋，算係要捐窿捐啦先搵到既好野食。居酒屋專門食燒海鮮，魚生，甲羅燒，日式地道食物，做得相當之出色，仲要不同款式日本酒，果味啤酒！！叫左蟹味噌甲羅燒同芝士蟹肉甲羅燒，居酒屋必食之選，幾十蚊一隻，撈青瓜絲一齊食，抵食之選！再叫埋龍神壽司同埋三文魚牛油果油酢漬，極之開胃。龍神壽司其實有三片厚厚魚生係上面，一次過滿足晒想食魚生又想食壽司既我。而油酢漬撈埋三文魚蓉非常之夾！居酒屋既熟食都好出色。鹽燒三文魚鮫點小小醬油已經好夠味，魚肉好滑。A4和牛壽喜燒$380有三片大大片超級淋，入口即溶即和牛😋😋😋一路食一路飲住巨峰生啤就最岩啦。而冰菠蘿梳打都超受歡迎，食完野仲可以咬埋件冰菠蘿做飯後果添！😋…查看更多

科學園不嬲少商場食肆，好難得搵到一間餐廳，睇餐牌似乎幾好食，仲做緊優惠，正餐+$25 送糖水優惠。下午茶時段，叫左西多士同奶油豬，再各加兩份$25 黑糖冬瓜奶桃膠，十分之抵食！首先外賣奶油豬，拎到返屋企都仲未太淋，仲有超多牛油同練奶，大大件，好抵食，share食一人一件就岩晒。西多士外賣都幫你加左牛油用糖醬，拎到返屋企切開就食得，職員會係外賣盒到切開一角通氣，等件西多士唔會焗到淋左，非常之體貼！最後重頭戲就係個黑糖冬瓜奶桃膠啦，個奶超重黑糖冬瓜味，好濃郁既奶味，仲頭超級多桃膠添！原價$40，跟餐先加$25，又香又抵食！養顏之選！餐廳仲出名明爐燒味，下次中午可以叫下燒腩仔+叉燒，先至$58！！！😋…查看更多

慶祝節日book左間韓國燒烤慶祝，食世子放題set, 勝在有醬油蝦，醬油蟹任食。入到餐廳裝潢有韓國地道烤肉店特色。我們一坐低就即刻用Qr code掃牛肉同醬油蝦，醬油蟹食。燒汁牛肉，辣汁牛肉都係醃過，燒一燒就食得，仲醃得好入味。最好食既食法應該係叫埋唐生菜，燒肉點一點醬汁在夾住唐生菜食！一流！亦唔會咁易食滯！！醬油蝦同醬油蟹係用左韓國醬油，麻油同芝麻一齊醃。唔會死咸，夠入味，就算就咁食唔送飯都一樣好味！蟹係軟殼既蟹，方便食，唔洗用手剝殼！！👍🏻飲品好多都係韓國飲品，亦可以加錢叫韓國燒酒。如果一大班人一齊食就可以叫下酒開心下啦👍🏻除左燒肉，仲有其他熟食同韓國特色食物，例如年糕、牛骨湯，石鍋飯，冷面。但食燒肉已經食飽左，唯有下次再試👍🏻😋…查看更多

位於荃灣plaza88地下有間chill爆食墨西哥野既餐廳，裝潢富麗，原來價錢卻抵到爆。當日去到已經全場機乎爆滿，但都搵到卡位！台上有水自助斟！Lunch set抵到癲！！！🤭🤭🤭叫左個新西蘭肋眼排配烤蔬菜和沙律，前菜可揀餐湯或沙律，包飲品同甜品。兩個人叫左一個新西蘭肋眼排（$125）+ 牛油咖哩雞配大蒜烤餅（$110）。前菜叫左一湯一沙律，轉配latte加 $20、埋單先$200+👍🏻👍🏻餐湯係蔬菜即打死的忌廉湯，豐富口感，不會草青味，鮮甜！前菜既沙律都勁大兜，配上橄欖油同烤雞肉粒，非常之開胃！牛油咖哩雞勁好味！咖啡少辣，但易入口！雞肉超級鮮嫩！撈埋大蒜烤餅一齊食正到癲！！！😋😋仲要熱辣辣上，超級超級惹味！！唔配烤餅可配白飯，但老闆都強烈推介配大蒜烤餅！仲有青瓜同蕃茄，食食下可以用來中和一下！新西蘭肋眼排配烤蔬菜和沙律係兩塊超大塊牛排，揀左medium熟，岩岩好，嫩滑口感，配埋醬汁同芥辣醬，超正！飲品揀soft drink唔洗加錢，轉配拉花咖啡加$20。用來打卡一流啦！總結：性價比超級強！！！…查看更多

原來上水都有日本地道拉麵小店。今日搵到去上水馬會道，專門食日式拉麵同刺生飯丼的日式小店。叫左一個三品海鮮刺生丼定食+黑蒜油拉麵。午市定食有埋兩碟前菜同湯，$88 十分抵！追加左個煎雞軟骨棒餃子（3隻）$18，同埋唐揚豆腐（3件）$18。三品海鮮刺生有帶子，三文魚同埋油甘魚，岩岩好全部都係最中意食既刺生👍🏻加飲品都只係$8！刺生滿新鮮的，加埋日本珍珠米，味道鮮甜！黑蒜油拉麵可選不同面/軟硬度/多蔥少蔥/加辣，我就加少少辣，免得蓋過黑蒜油香味。湯底超多黑蒜油，勁香！岩晒喜愛黑蒜油面既人！👍🏻👍🏻而溫泉旦係用上日本令雞旦！😋煎雞軟骨棒餃子同唐揚豆腐都好正，熱辣辣，點埋加左蔥花既餃子汁仲更加好食。…查看更多

今搵野食搵到去砵蘭街，地點都有小小難搵到，位處於砵蘭街189號2樓。一入到去好有日本風情，無論係裝修定碗碗碟碟都好日式👍🏻我地兩個人都叫左幾多野食，叫左個蟹籽沙律，有超多蛋黃醬比我撈，食醬之一既福音🤭再來一個北海道鮮帶子夾海膽，上面其實仲有大大粒魚籽，海膽同帶子都勁新鮮，食得出既鮮味，海膽鮮甜一啲都唔腥！👍🏻👍🏻👍🏻松葉蟹膏多士更加係正到不得了，蟹膏味勁濃，仲有點點黃油，搽上多士上面一齊食，食完想再點多一客🤭😋😋清酒煮蜆超重清酒香甜味，但煮過既酒會揮發，所以唔怕醉！雜錦天婦羅炸得熱熱地，即時上台，新鮮唔會淋！最後點左一啲串燒一齊食！燒豆腐有點驚喜，上面加左秘製醬，非常香甜！埋單總數不用$800，人均$400有找，屬高品質之選！…查看更多

原來尖東開左間韓燒店，星期五晚收工去去食，未到7點已經勁多人，好彩入得快。我地兩個人叫左個2-3 人餐食，一坐低店員就勁快上調味料同前菜斟茶！👍🏻👍🏻👍🏻前菜係任添既🙌🏻有沙律菜，薯蓉、辣羅白絲等。店員時不時都會過來幫手斟茶，茶係麥茶，所以就冇叫到飲品了。開餐前店員會介紹點樣食，同埋介紹餐廳既招牌麻醬，仲會幫手調埋醬汁，醬汁會用上招牌麻醬+3圈醋+1圈醬油+芫荽+蔥。可以點招牌肥牛、招牌瘦肉食。而燒肉汁味粉就可以點橫膈膜等。一上茶我地即刻燒老太太特色肥牛同瘦牛，勁快就熟，即刻點下招牌麻醬試試，不得了，非常之夾，牛好淋，入口即溶！！！再燒埋橫隔膜同雪花肋條，有咬口，唔太靭，新鮮！中間試埋其他小菜，芝士粟米同金針菇都好香，食下肉類再中和下慢慢食👍🏻最後燒埋五花腩，夾住生菜食，點埋醬汁同夾埋蒜頭，韓式既食法！！兩人埋單連加一$700幾，係抵食既，飽到不得了🤭😋😋…查看更多

荔枝角出名多工廈多好野食，今日搵左間西餐廳gathering係憶利工業大廈2樓。餐廳晚市開18:00，但夠晒鐘都未開門，要係門口等…叫左個$158和牛漢堡扒蕃茄意大利粉同埋燒波士頓龍蝦牛油果意大利飯$198。叫左5分鐘唔洗就有野食到，勁快！首先半隻龍蝦暖暖地，蝦鉗開左口方便食！個飯冇乜牛油果味，但就好重黃椒味。和牛漢堡扒蕃茄意大利粉就勁多蕃茄醬👍🏻和牛漢堡都有4片，燒到香香地。份量偏少，兩個人食應該要加多樣小食/前菜才夠，最後叫左個黑松露芝士薯條。飲品好飲，叫左個chocolate banana smoothie 同 grapefruit lemon soda.飲品都幾精緻，重香蕉味配朱古力！👍🏻…查看更多

今日去開元朗，做完野搵下有冇咩好野食，買份下午茶返屋企醫醫肚。搵到一間cafe裝修好令，叫法國小屋，裝修主調粉紅色，好似去左旅行咁！👍🏻👍🏻入到去叫左個餐牌推介既意粉 - 明太子蟹肉意粉＄88， 同埋一個小食，千層薯片。等左一陣好快就拎得啦，搭埋車返到屋企都仲熱，非常之好！👍🏻👍🏻明太子蟹肉意粉勁多醬汁，入面仲撈左好多一絲絲既蟹肉，伴埋勁多既明太子食，非常之滿足，意粉煮到唔會太淋，外賣返屋企食都仲好好味！👍🏻😋👍🏻之於個小食千層薯片，其實係用左好多片薯仔整成，薯仔切到一片片薄片，再撈埋好多煙肉同白汁一齊焗，做小食又得，主食仍夠飽！！！新鮮既菜式同煮法！👍🏻👍🏻😋😋…查看更多

去尖沙咀搵泰國菜食，上網搵到一間好chill既餐廳。位置比較難搵，位於加連威老道嘉蘭圍。兩個人叫左3樣菜：安格斯牛肉沙律，燒豬仔骨伴薯條，咖哩軟殼蟹配黃咖哩+$24加泰式煎餅，飲品方面就點左兩杯沙冰：青蘋果沙冰，芒果沙冰。沙冰超大杯，用啤酒杯裝，大大杯仲有粒粒新芒果肉，勁解渴！chill住傾下計咁飲，唔覺唔覺就飲得晒！安格斯牛肉沙律係大大碟酸酸甜甜既沙律菜，有少少辣，做前菜岩晒，勁開胃，牛肉係用調味料燒過，勁香口！咖哩軟殼蟹有3種咖哩揀既，分別係黃咖哩，紅咖哩，青咖哩，而我地揀左冇咁辣既黃咖哩，配埋泰式煎餅食，超級惹味，咖哩仲落左雞髀菇同茄子做伴菜，軟殼蟹亦十分新鮮！最後燒豬仔骨一上台超級香！強烈推介，焗過既豬仔骨上面淋上秘製醬汁，超級香，勁惹味！肉質又唔會太靱，唔痴牙！一路飲住沙冰一路食住薯條，時間過得好快！…查看更多

真係好耐冇食過日式吉列牛，咁岩搵到間旺角廣華街有一間熱石牛，即管同友人一齊去試下啦！我地叫左御燒極上級吉列牛配紫菜味素飯+流心蛋+麵豉湯/汽水 $118，同埋御燒特級牛小排配紫菜味素飯+流心蛋+麵豉湯/汽（$158）。好快就有得食啦！店員擺好熱石後，就會點火，同埋講解下點樣食。燒熱個熱石後，就脂肪掃滿塊熱石，等佢有啲油份，再擺上新鮮既牛肉塊上去，即時滋滋聲，好治癒！而吉列牛就要每邊燒3分鐘，再蘸特製醬汁食。牛肉入口即溶，唔會太韌！而白飯仲係珍珠米添！配埋隻流心蛋一齊食，真係勁滿足呀！ 中途個火燒晒，店員都即時好細心咁幫手換過個火種。保持塊熱石一直熱住，等我地可以慢慢食、慢慢燒！套餐可以揀配沙律/白飯。一個餐其實勁多片牛肉，細食既真係可以只配沙律菜都好夠！👍🏻👍🏻…查看更多

旺角最多人既街登打士街，今日去依頭掃街睇下有乜好西食，見到有一間幾特別，賣庶汁主題外賣飲品。見到咁特別所以買返兩杯試下，叫左一杯甘庶鮮奶，一杯庶杯鮮橙。🍊甘庶鮮奶即是庶汁加鮮奶🥛，原來係估唔到咁match, 甘庶汁係天然鮮揸，加埋鮮奶到有好清新好fresh既感覺，竟然飲鮮奶都有種鮮渴既作用！而庶杯鮮橙即是甘庶汁加新鮮揸橙汁。店鋪全部用新鮮鮮揸水果，十分天然！甘庶加橙汁非常之健康。店家仲有其他茶飲，包括斑蘭椰汁，咖啡+甘庶汁☕️☕️等等特色飲品。掃完街飲返杯甘庶汁就岩岩好，解渴又好味！下次去登打士街掃街即管試下甘庶汁+咖啡。餐牌都幾有新意，夠特別，係正最旺果條街隔離，方便搵食！🤣🤣😋😋…查看更多

搵左一間位於尖沙咀廣東道（apple隔離）十幾年老字號居酒屋同朋友慶生。入到去好有高級感，亦有高私隱度卡位座。原來居酒屋有日本老師傅坐陣，野食全部都好有心思，刀功了得，亦係勁新鮮。首先刺生新鮮到食到有鮮甜味！仲擺碟有心思，擺得靚之餘仲刀功了得，砌到成朵花瓣咁，打卡一流之餘食落仲鮮甜！生蠔勁肥美，師傅加左秘製酸汁，以為食落會好似泰式生蝦咁，但估唔到酸汁同生蠔係咁夾，食落有提鮮既作用，生蠔勁鮮甜，一啲腥味都冇，朋友唔食開生蠔都覺得好味易入口！蟹卷係加左勁多旦黃醬同蝦籽，蘸勁多蝦籽同旦黃醬一齊食，好滿足！！！之後再食埋個福崗特產：牛腸煲！師傅話改良左加左啲辣椒仔，有少少辣味既湯，煲煲下湯底勁鮮甜，我地連湯都飲埋，同埋啲菇菜一齊食，勁入味，正到不得了！居酒屋日本師傅同店員都好nice,好傾到計，聽講居酒屋老闆仲係日本人添！怪唔得咁地道啦！…查看更多