miko531的個人專頁

一入餐廳，無人招待，侍應掛住同熟客吹水，我地便隨便揾個卡住坐。內裡環境昏暗，好彩夠暗，眼不見為幹淨。我點了個茶餐，＄28有塊牛扒,2隻太陽蛋,仲有多士和熱飲,實在太抵,所以無乜要求.牛扒可能"那"得太勁,所以肉好鬆好淋,但無牛味.朋友見一場來到,就點左碟鐵板燒牛扒.鐵板燒有餐湯,餐包和飲品.唔知係咪lunch太好賣,唔夠餐湯,廚師開稀比我地,好似開水咁.牛扒味道同茶餐塊牛係一樣,只係多左d汁,完全無牛味,朋友點7成,來到血淋淋,幸好鐵板上,惟有等一陣才食.…查看更多

好耐都無來過新世紀廣場,朋友先到,貪唔洗等位,就揀左呢間韓國餐廳.朋友還點定菜等我,實在太好,坐低等食.明洞炸物拼盆: 有薯條,炸雞肉丸和炸年糕薯條不太乾,上面有少少醬,都可以.配芝士醬食,芝士醬不太濃,味道剛好炸雞肉丸內有粟米粒,感覺怪怪,而且好乾炸年糕都幾煙靭,幾得意.朋友喜歡食年糕,所以點2樣年糕.半熔芝士炒年糕,味道好辣,啱我鐘意食辣的人,但朋友食左2啖就頂唔順唔食,因太辣.但辣味只限年糕表面,年糕再配芝士好漏,我一個人食晒,晚飯差點食唔落.…查看更多

一行4人食生日飯,有個荃灣地瞻介紹,果然無介紹錯.廳餐好多waiter係oppa,有個朋友是韓迷,所以全晚都nature high.雖然說是放題,但這間上碟速度快,又不漏單 .好可惜當日未續到酒牌,但可自攜酒精飲品,又有冰筒provide,算是一點保償.牛利好有牛味,不是蘇味那種,喜歡吃牛的可一試.這個牛忘記叫什麼,朋友話佢燒得好,所以好食.這個牛肉質有咬口,牛味不重,有點肥膏,所以燒完好香肉味又不會太難咬,配source加生菜都好好味.大腸,我唔食ga,但朋友話無出面食嗰d內贜味,但有大腸味,可能鐘意食ga先明生蠔好肥好大隻,超正.泡菜湯我就一般,但朋友encore左2次,佢話不是太辣,但又有泡菜味,比美韓國飲嗰d.…查看更多

復活節假期元朗一日遊,無計劃,行到邊食到邊,原本去同層另一間,見這裡不用等位,就入左呢間.一入門口,裝修別緻,環境舒服.我地選擇坐bar枱,可看廚師即席鐵板燒.但原來他們分工非常細致,不是客人叫的食物在面前即整,他們是每人專做某幾樣食物.我地點左一個一人前套餐"竹",$480,有比目魚,龍蝦,和牛,蜆和炒飯.比目魚無特別,好重牛油味,好淋,無魚味.龍蝦彈牙,又係好重牛油味,可能想遮蓋雪味,所以落重牛油和牛和蜆就不過不失炒飯忘了影相,又係同一問題,全部好油,放涼食更油我地再加一串牛舌,羊扒,豚平關西燒,日本吞拿魚Tataki,蜊(牛油風味)和2杯生啤.燒羊扒燒得比較燶,而且好多根,咬唔開.日本吞拿魚Tataki,這個不錯,吞拿魚配西柚汁,味道好清新.整體味道一般,這個價錢可食更好質素.而且出面好多鐵板燒是在客人面前燒,早知不是面前燒就不坐BAR枱.…查看更多

星期六係銅鑼灣食晚飯,周圍都好多人排隊,難得見這間無人排隊,網上有咁多人讚,就入去一試.入內裝修似日本拉麵館,但座位比較窄,可能今日比較凍,無乜冷氣,比較焗.點左個辛辣炙燒豚肉味玉拉麵,濃底好"潔"唔辣,但食唔出豬骨湯底味,而且好油.豚肉燒得比較燶,無乜豚肉味.蛋係流心蛋,味道不錯.麵可選擇硬度,我點了適中,麵質彈牙.食飽後,有2粒雪糕糯米磁,糯米磁不是雪到好硬入唔到口那種,它是一來可入口,值得一讚.…查看更多

星期六下午來HMV閒逛,人唔多,最啱怕迫的我.餐廳更是少人,內裡有bar枱和普通枱,餐廳中間有個表演台比live band,不過唔係日日有,星期六就晚上8點開始有band.我地點左2杯啤酒,當然要點雞翼來送酒.未上枱前,唸住都係普通野,估唔到賣相唔錯,仲幾有誠意.餐牌有3款唔同隻數雞翼可供選擇,我地點左6隻.雞翼一入口,味道濃,唔乾身,仲保持到肉汁.再配清新的西芹,實在唔錯.可惜,個醬汁係藍芝士醬,雖然味道唔錯,但味道太濃,搶左主角味道.還點左碟牛,上桌時以為上錯沙律比我地,因為只見沙律,牛的份量比較少.牛肉塊幾嫰滑,但我覺得有d"蘇味".沙律配有少少醋,味道剛剛好,還有少量黃色車厘茄醬,味道微酸.…查看更多

又係宵夜時間以前都食過幾次,係得嗰湯底ok,食物就麻麻.朋友家姐話近期食物質素比前改善不少,所以,比多次機會佢.我地點左半份麻辣雞煲,原本點大辣,因我朋友比我還食得辣,但經理勸喻我地點中辣,佢話大辣比出面食店辣.話如果到時唔夠辣,可以幫我地再加.好彩有聽話,中辣都好辣,但辣中有麻,不似出面其他食店,通常越辣就越偏鹹.雖然我地點半份,但個雞煲乜都有,有雞翼,雞胸和雞腿等,而且隻雞食到尾都唔"鞋",keep住滑,仲無雪味.大部份食物都可點一碟和一份,一份手打墨魚丸和魚皮餃,每樣得三粒,好彩係宵夜.手打墨魚丸值得一試好彈牙而且墨魚味好重.崩沙腩,好林,好香牛味.因湯底夠味,所以不用再點生抽.…查看更多

晚上9點左右去到,全場無爆滿.我地點左豬骨燙底併麻辣燙底.豬骨燙底唔濃,還有點淡,但偏肥.麻辣燙底唔辣,而且無麻味,沒有誠意.食物紙都是平時食慣的任食火鍋料,食物味道,新鮮度沒有驚喜,中規中矩.如果你對食物有要求,這不會是個好選擇.本地肥牛還可以,雖不是上盛材料,但都有牛味.鴨血似用粉開,無味.九肚魚比較新鮮,肉質肥美,是全晚最佳之選.但我地2個人去,份量一來巳好多,不似其他任食火鍋店比少少,但想點多幾款又怕浪費食物.全場飲品要比錢.啤酒得3款可揀,有藍妹,青島,仲有一款唔記得,大枝$28.汔水都是平時飲開的牌子,都唔係任飲.雪糕係最大驚喜,有Movenpick.…查看更多

係facebook見朋友post餐廳門口的照片,見門口好靚,所以冒名而來.一入餐廳,感覺好寬淌舒服,有sofa桌和普通餐桌.雖然餐廳仕應夠多,但想點菜,無人理會.因朋友未到,唸住飲住野等,但原來還未有酒牌.仕應話可自攜酒精飲品,不收開瓶費.見好多枱客都去附近買啤酒,我通知左朋友,佢就帶左支紅酒.餐廳唔錯,有紅酒杯提供.我地點左Seafood Risotto,我同朋友只食到魷魚,另一位朋友食到隻蝦仔,其餘乜海鮮都食唔到.魷魚無味,而且好難咬開,Risotto不似平時食嗰d,感覺似稀飯,有d酸酸地味道.又點左Master Butcher Pizza, Pizza比較濕,不能全件拿起來食.d ham偏鹹偏乾,有點食柴皮feel.最後,還有肉眼扒,我地點7成熟,點知有成9成熟,非常難切開.塊扒完全唔juicy,乾憎憎,又老又韌,真係不值試.…查看更多

又係放學食消夜,朋友今晚帶我去食粥.鋪面係傳統粥鋪,望落好似唔多衛生,但眼見宵夜都坐滿客,連鋪出面都要加枱,心諗應該好好味.朋友仔點左牛肉豬潤粥,牛肉好滑,豬潤好大塊,$45真係比足料.而且仲有好多生菜.我就點左魚腩粥,成碗粥都係魚腩,份量十足,而且味道好鮮甜,但就好多骨.…查看更多

近期見d朋友不停係面書post呢間d相,巳經想食好耐,終於約齊4隻腳去食.我中午12點到,可能太早,我地四個人包場,店員安排左卡位比我地,6個人坐都不會太迫.我地食到1點到,全場都係少於10枱.老北京烤鴨要預訂,因有個朋友遲到,店員見我地成半個鐘都未叫上鴨,就提議我地先食,因我地訂枱12點,他們準時為我地預備,店員話再等的話,隻鴨d皮會無咁脆,影响食物質素.我地都好乖聽話食住等 我原本未肚餓,但食咗一啖後就唔想停口.鴨皮好脆,又有少少肥,不是油嗰種.但嫌青瓜等配菜少點.朋友點了這酌飲品,忘了叫乜名,佢地話比水濃,有淡淡檸檬味,近乎無味.漁牧混豬有三個醬汁,有綠茶,蜜糖芥未,乳豬醬,綠茶和蜜糖芥未幾清新,陪乳豬食又幾夾.乳豬下有糯米飯,d飯軟硬適中,不似傳統糯米飯頂住個胃.海鱸魚:我就喜歡辣,但我的朋友唔食辣,所以就點左酸辣味.朋友食都話d辣可接受,而且這汁好開胃.這個酸辣味平衡得好好,不會彑搶味道.我地另外再加左腐竹,雪耳和大白菜.因有火係下面馨住食,所以不會因為涼左條魚變"醒",而且不會越煮越老,這個值得一試.最後來個甜品,紫薯驢打滾,味道不錯,不太甜.…查看更多

今晚同妹行完街,周圍食店開始多人,見這間店不用排隊,門面又好似ok,於是入左去點餐.我地點左肉骨茶伴白飯和海南雞飯.肉骨茶起初飲,我和妹都覺唔夠味,但食到尾,d味唔知點解轉濃左,咁有好好多.豬肉夠淋,但唔係好入味.海南雞飯ｄ雞好滑,但d醬汁不是太夠味,唔知係咪呢間餐廳d味係淡,還是我食得太濃味 ,海南雞飯有個湯,有一陣花旗蔘味,似開稀的花旗蔘水.飯就好香,我唔鐘意食飯都食左大半碗…查看更多

今晩放學,係尖沙咀揾野食,無頭緒亂行,去到厚福街H8,見全座大廈都係食野,咁就左去.一出電梯,見門口似普通居酒居,都是以酒做裝飾.本來唸住睇下menu才決定,點知比仕應熱情招待,咁我地2個人就入左去.一入去見全部bar枱,得一將大枱,座位有限.我地坐在係bar枱,面對廚師,可見佢係面前即叫即燒.我地一去到order左支sake,但飲落似氣酒,味道甜甜地,適合女仕飲.之後點左串燒.師傳每一道串燒都好有心機慢慢燒,剰係反覆燒和加醬汁巳經值回票價,不似其他串燒鋪,每串串燒都係同一味道,而且燒到乾晒,無晒食物本身味道.雖然有點貴,但夠唔夠對自己好點也不過份最後,老闆娘送左支玫瑰比我,仕應還請我們食雪糕…查看更多