milliedmond的個人專頁

今日同朋友行到邊食到邊，嚟到利東街Cooshti呢間兩層樓高嘅餐廳，環境舒適，餐牌選擇多，有日式、泰式、港式等菜式，咁我哋就去試下新嘢！我叫咗個two courses Set Lunch：🍲 Kimchi Salmon Chowder — 味道又幾夾，泡菜帶微辣，配上濃郁嘅三文魚周打湯，又真係幾好味。🥪 至於Beef Brisket Sandwich 配薯條 — 份量超足，我居然清晒成份！😛朋友就叫咗：🥗 Tuna Poke Bowl — 賣相幾吸睛，每樣食材都擺得好精緻，味道亦都一樣出色，絕對值得一試！💵 埋單連加一後 HKD $478，唔算平但環境、食物同服務質素都值，會再黎試多幾款菜式！😋…查看更多

今日去又一城行街，午餐時間就去已經好耐冇去既王家沙食下上海野，兩個人點咗酸辣湯 x2、上海粗炒麵、豆漿 x2～食物味道係幾唔錯，酸辣湯酸辣味調較得好適牛，而豆漿順滑香濃，炒麵炒得都ok 既。唯一小扣分係用餐具係全塑膠，感覺有啲似茶餐廳，加上要自助落單同付款，但照樣收加一服務費，有啲唔太合理🥲。💰埋單 $363，價錢唔算親民～整體嚟講，味道、環境都ok ，都可以一試。…查看更多

午後同朋友喺朗豪坊搵個chill位hea吓，無意間入咗一間幾有特色嘅餐廳～入座前要先落單，我就試咗佢哋主打嘅「薑汁撞奶」🫢結果…撞唔到奶，只撞到薑+水🥲反而朋友嗰杯西柚香橙茉莉茶🍊🍵顏值同味道都唔錯，香氣清新，唔會過甜，完全救番個下午！…查看更多

最近喺觀塘商廈搵到間餐廳 NATA，都算近地鐵站，佢哋嘅安格斯肉眼扒真係冇得輸，五成熟，剛剛好，配埋香蒜片簡直一流！另外叫左黑松露雞肉意粉同肉醬意粉，都好有水準，特別係黑松露意粉香味濃郁😋食完主菜梗係要來個必點既甜品～梳乎厘Pancake 鬆軟得黎充滿蛋香，甜度適中，真係冇介紹錯👍🏻整體用餐體驗不錯，惟一不滿意就是上菜節奏過急，感覺似催交枱，落單後10分鐘內已經上齊所有食物，建議日後可選擇分批落單。最後埋單3人食左約$700。😝…查看更多

今日係葵芳行街，lunch 就去左新都會試咗一間越南餐廳，感覺真係幾mixed。😬我地兩個人就叫左兩個set lunch ，每個set $118 ，有小食+主菜+飲品。我哋分別叫左烤牛肉撈檬同生牛肉湯河😌。撈檬賣相OK，但食落味道偏淡無味，即使加左魚露，但都係吾好味😅有啲失手。好彩牛肉河粉味道不錯，湯底香濃吾口渴，牛肉都嫩，幾有質素。小食魚餅就......有點凍同硬，食落就唔夠彈牙。反而小食芥蘭菜就好味啲。…查看更多

朋友介紹美麗華 Place 2 新開了一間抵食又好味既餐廳，今天約了幾個朋友一起去食個lunch ，試試新野😙我們點了四款不同的 Set Lunch share ，朋友特別推薦一定要試龍蝦湯，所以我們全部加錢換了龍蝦湯，果然沒有介紹錯，真的十分鮮美，「正」🥳主菜我哋叫左牛柳、肉醬意粉、黑松露 Pizza 和牛脷飯，每一道菜都好好味，特別要推薦牛柳——肉質細嫩，肉汁豐富，食完真係大滿足🤣牛脷飯的牛脷份量十足，厚切又有嚼勁，性價比超高 👍🏻黑松露 Pizza 也不得不讚，餅底香脆，黑松露香氣濃郁，層次豐富。我朋友話羊架都好「正」，可惜我地吾食羊。😜老闆話晚市會有歌手現場演奏，好有情調，搵個晚上一定要再來試試！ 最後埋單，每人大約 $100，真係超值，一定要推薦😘…查看更多

2月16日，我和朋友一行27人到 尖沙咀The one Odelice 餐廳舉行生日晚宴。首先，我們點了一些前菜，包括火腿、蝸牛如黑松露薯條，味道十分美味。主菜我們選擇了三文魚扒和牛扒，色香味俱全。餐廳的侍應服務態度親切友善，收費合理。這是一間非常值得推薦的餐廳，我們一定會再度光顧。…查看更多

記得2年前去食buffet質素非常好，但今日同朋友去食lunch buffet ，非常令人失望，除咗蠔新鮮，咖喱美味，有movenpick 雪糕和飲品任飲之外，其他食物質素非常差，首先糖醋肉又凍又硬，牛扒冇味，豆腐花凍，綠茶蛋糕但冇綠茶味，蠔仔粥啲蠔係唔新鮮，甜品款式比較少以呢一個價錢可以選擇其他更好嘅Buffet，至於服務態度係可以嘅，侍應都好Nice，環境都算清靜，但如果同朋友慶祝生日就千祈唔好揀呢一間，雖然酒店會在碟上寫happy birthday ，但要客人自己在甜品枱上筴蛋糕，蛋糕就得一款又被其他客人切到七七八八，基本上係揀唔到甜品放碟，相信唔會再去呢間食buffet。…查看更多

全中伏，首先叫左個泡菜豬羊餃，但整左個泡菜羊肉餃，後來侍應都好友善，立即更改。豬肉餃子及大蔥牛肉餃子味道都算ok ，但酸辣湯更加嚇人，味道超鹹濕超酸，一定唔會再光顧。…查看更多

朋友介紹下，琴日終於同幾個朋友去皇潮軒食潮菜，餐廳環境舒適，好適合朋友聚會，服務態度都不錯，有專人介紹特色菜，食物方面，賣相講究，味道亦美味，特別係蝦棗蟹棗，做得非常好，價錢合理，下次會再去☺️…查看更多