Athena Ngam's Profile

今次第一次黎呢度食晏奏，之前黎呢度食過夜晚，食物質素都幾好，但服務就唔掂囉。訂座嘅時候我地訂12點，之後我地打去改遲半個鐘，個接線生已經西聲西氣。去到明明可以食1個半鐘，點知食咗1個鐘就叫我地埋單，剩返半個鐘就冇得再叫野食，好搵笨。食到我地一家人成肚火，未黎嘅人唔洗再黎。明明之前黎食晚市都幾好，唔明點解會越做越衰，晏奏都冇咩人，俾我地食耐少少洗死？收錢就咁積極？服務就差都咁？真係以後唔會再黎😤…Read More

我一直都好想試下爽魚皮，所以呢餐都期待左好耐，今日終於食到。從網上得知爽魚皮原來很少地方有，呢間位於旺角街市嘅妹記就最出名，距離巴士站不到5分鐘的路程，就可以來試試這裏的生滾粥和爽魚皮。 這裡的食物款式不算多，但貴在精，然而他們的魚是主角，每天都最早到樓下魚檔取貨。務求拿到最新鮮的魚貨供客享用。 最先上枱是我期待已久的爽魚皮，雖然只有少少的一碗，就令我有大大的滿足，魚皮十分爽脆，已加入了滾油及豉油做調味，上面更有青蔥及薑中和油膩感，完全沒有腥味，讓我想不斷接着吃，難怪聽老闆說有人一口氣吃四碗了。 接下來要介紹的就是生滾粥，我一向都很喜歡吃生滾粥。這裡的生滾粥是用魚湯熬製而成，質地雖然不是綿綿的那種，但卻有鮮甜的味道。 既然這裡最拿手的食材是魚，在網上看了很多食評都推薦魚腩粥，所以我便點了一個生滾魚腩牛肉粥，果然沒有令我失望。牛肉有鮮肉味，魚腩很滑，很鮮甜，好像出世以來都沒有吃過這麼好吃的魚。瞬間令我的舌頭高潮了，美食帶來的驚喜和喜悅不禁還掛在臉上。 差不多吃了大半碗，才發覺它真的很足料。絕對不是馬虎的，十分有誠意。最初只是在網上看他們的價錢覺得偏貴，但是當我真正來到朝聖，發覺以這樣的質素來說，絕對是物超所值，價錢跟我在外面吃的差不多，但質素卻優秀一大截距離。滿足了我對爽魚皮的期待還令我喜出望外，不枉我這個平時睡到日上三竿的人，也要專登一大清早過來。值得我一直繼續做他們的捧場客。…Read More

話說呢間野我已經嚟過幾次，次次都係叫生牛肉河粉，我食過咁多次，剩係得一次係真係可以做到半生熟牛肉出嚟，次次牛肉都咁熟，我去其他餐廳食都唔會咁樣。咁我究竟係叫緊生牛肉河定係熟牛肉河呢？我已經不停俾機會佢去改，我幫襯左都一段時間，點不知一啲改善都冇，今次我真係忍唔住要投訴佢，我叫佢負責出嚟同我解釋，佢話公司規定唔會比全生嘅牛肉，淨會提供半生熟嘅牛肉。半生熟？得果少少地方係真係粉粉地色囉，其他基本上係全熟。你自己做唔到我要求就唔好話呢樣果樣啦，咁多藉口。最後我決定報海關算數。依家已經叫咗海關跟進。我機會俾咗你，時間俾咗你，面又俾咗你。唔怪得我。個八婆仲要咁串，我真係忍冇可忍。…Read More

我之前去呢間野度食過生牛肉河粉，覺得唔錯，想再去食。我明明叫咗一個生牛肉撈檬粉，佢俾咗碗咁嘅嘢我，之後我問佢係咪比錯咗，佢同我講呢碗係生牛肉撈檬粉，我問佢嗰啲牛肉點解咁熟嘅，佢同我講話正常㗎，因為我唔會比生牛肉你食。我真係好想粗口佢，但係我諗諗吓可能呢間餐廳佢哋個做法係咁樣啦，佢都係打份工。但係我唔明白，既然我叫生牛肉你都比熟牛肉我，咁我想問吓兩者之間有咩分別？就算佢係因為驚食到人哋肚痛，咁又唔見壽司店啲魚生係熟嘅？你既然俾得人哋揀，話有果樣野，就要真係做到先至好擺出嚟啦。我個套餐包杯嘢飲，我叫咗杯凍檸茶少冰，佢就同我少甜。好，我唔同佢嘈，直接投訴間野算。…Read More

話說我叫咗碗生牛肉河粉，佢竟然俾咗碗咁嘅嘢我，啲牛肉明顯熟咗八成。我之前試過去第二度食都唔係咁。我問佢講點解會咁，佢指住果剩返少少粉紅色嘅牛肉話係生牛肉，話佢哋因為用咗啲好滾嘅湯淋落去先至會咁，咁其實佢哋有冇諗過用第二個方法整？佢哋可以將啲湯從旁邊淋落去，咁咪唔會整到咁熟囉。因為我估佢哋係將啲湯直接淋落啲牛肉度先會咁。可能公司規定係咁做法啦，咁我唯有唔再去嗰度食。…Read More