小雲＆小吉's Profile

近年， 香港多了很多芋圓店。但大多都係江湖騙子， 得過扯過。 但鮮芋仙卻是少有的台灣味道。 芋圓薯圓煙韌軟糯， 又有芋頭和蕃薯的獨有香味。 還有粉圓 (珍珠) 也做得得出息。 和加了糖漿的冰底一起食， 十分可口。 就算剛吃過飯， 都想吃一碗…Read More

市面上燒鵝， 不外乎電爐，炭爐，柴燒。 當中已電爐最普遍， 炭燒就多一點風味。 柴燒是最好，就真的是很少。 柴燒以荔枝柴燒為最好， 但市面上真是少之又少。 剛好，這一家就是買荔枝柴燒鵝， 入去試一試。燒鵝來嘅時候， 不算太肥， 但色澤均勻。 咬上一口，皮不算脆， 但就有一種獨特嘅荔枝柴香味， 在別的燒鵝店吃不到的。 那種香味，還會留在齒頰留香， 食人回味。 真的值得一試。 另外呢度嘅叉燒都好值得食。 肥瘦均勻 ，肉質鮮嫩， 帶有咬口。白飯呢，佢哋係用傳統嘅蒸飯，而唔係用電飯煲，飯粒乾爽 ，好有o趙頭。至於燉湯方面， 就一般般， 可以不試。…Read More

朋友要移民， 想臨走前， 多食地道美食。 燒鵝當然不可錯過。 進店後才知道是深井裕記的分支。 我們要了半隻燒鵝。上來時已經香噴噴。 咬上第一口，皮脆肉厚， 不算太肥。 無咩羶味。 不愧是出自燒鵝名店。我們食完一件又一件。 接着又來了北海道 3.6 炸鮮奶。 奶味很好， 又不像外面的加上雜味。是正式的古祖味道。但是椒鹽鮮魷就不是太好了。 又乾又硬， 很熱氣的感覺。 鵝油炒時蔬亦不見特別出色。 跟一般炒菜沒什麼分別。店內環境不算是豪華， 但得舒適， 跟傳統燒味店進步了很多。 …Read More

好耐無食素食。 充滿冀望。 結果幻想是美麗， 現實卻是殘酷的。先講賣相， 一點不吸引。 連相機食先嘅意欲都無。 所謂睇食評嘅朋友仔， 對不起， 沒有吸引的食物照片提供。再論味道， 三文魚壽司、煙肉壽司， 上面那片『魚生』 味道古怪都算。 啲飯一點也不是刺身飯， 求其攞啲飯揸埋一舊叫壽司。 再說其實熱食， 一點不熱。 味道還可以， 但不會食第二件囉。唯一可以的是咕嚕肉， 當然也是室溫的。 但起碼個汁嘅味道食得出是咕嚕汁， 同埋啲炸腐皮口感還可以。…Read More

行過間舖頭， 成個餐牌得三樣嘢。叉燒煎蛋飯， 叉燒肉餅煎蛋飯，同叉燒溫泉蛋飯。 好似好專注係叉燒呢個項目上。 充滿期待的點了一客叉燒煎蛋飯。 大概五分鐘後， 正是失望的開始。 首先， 啲叉燒又瘦又乾，食落又無肉嘅鮮味。 仲有師傅巧奪天功的刀法，叉燒薄如蟬翼， 應該可以上電視表演。 再食一啖飯， 簡直無得彈， 啲飯唔熱不突止， 仲要係生嘅。 粒粒飯咬落都生骨。仲有， 叉燒飯最重要的豉油又唔夠， 雖然落了少許蒜蓉，吊返少少味， 但只係杯水車薪。唯一入得口的是煎蛋。 呢碗是名乎其實的『差燒煎蛋飯』 …Read More

炸醬麵有啲似肉片多過肉絲， 味道都唔錯， 幾大碟 ，如果一個人食基本上食唔到其他嘢。 荔蓉天鵝酥、 傻豬豬， 造型都十分可愛 ，味道也不俗。 但係柚子蜜蛋散， 就有點遜色 柚子蜜酸酸甜甜，同蛋散唔夾 蛋散本身又唔夠鬆化， 食落有點失望。…Read More

雖然三十四度都想打邊爐 入去吞pot 要咗個螺片花膠雞煲半隻， 湯底好濃， 雞同埋螺片花膠都好足料。 花膠唔係人哋出面薄薄鼻涕嗰啲， 而真係一塊塊有咬口。 打完邊爐飲返個湯都好好味。炸魚片頭 前菜小食 ，不過不失。 手打牛丸， 有牛味但唔算好彈牙。 但最驚喜嘅就係爆芝響鈴。 師傅made-to-order 。送嚟嘅時候已經脆卜卜，唔使浸湯都可以即食。 如果浸埋一秒鐘湯， 更加冇得彈。 外面浸咗湯淋淋地 入邊就脆卜卜， 中間仲有芝士流出嚟， 回味無窮。 必食之選…Read More

行過見到有位入嚟試下。海南雞飯專門店，咁梗係要食海南雞啦。 要咗個海南雞喇沙、 泰式豆漿紫米冰。 先講講入得口嘅喇沙 ， 味道香濃，又唔太難，值得回味。 跟住講下所謂嘅海南雞， 的而且個係這隻雞， 但係冇味， 完全冇雞味， 淨係識咬住一嚿肉，但係唔知係乜嘢， 啲醬油有一般， 如果呢啲叫做正宗海南雞， 我就真係未食過啦。講下個泰式椰漿紫米冰， 啲味道根本完全唔夾，完全唔可以攞呢啲嘢出嚟賣畀人食。 其實個大廚自己都唔知有冇食過自己嘅出品。…Read More

廟街內嘅食肆， 多如繁星。 在機緣巧合， 進入了這一家小店。 正正就是呢一份緣份 就可以上到美味嘅日本海鮮丼， 和一份人情味。原本進店是為了那個龍蝦爆丼， 可惜老闆說龍蝦已沽清， 唯有轉戰北海道三色丼 加蕎麥麵。 當個丼送上來時，賣相十分出眾 ，上層海鮮丼 ，下層蕎麥麵加少量新鮮蔬菜， 份量夠兩個人享用。 海鮮份量雖然沒有爆丼那麼誇張， 但是那一雙牡丹蝦 ，又粗又大又甜 ，還有爆爆的三文魚子和肥美的吞拿魚腩蓉。 吃得十分滋味。還有活赤貝刺身， 十分鮮甜， 就是份量少了一點。還要一提的就那個自選的串燒拼盤。 小雲選了芝士翠玉瓜、 燒牛舌 、明太子雞翼 和豚肉車厘茄。 四款各有特色都很好味 。其中要題的是明太子雞翼， 外面塗了甜甜的蜜糖， 裏面明太子少少辣 ，味道十分豐富。除了食物外 ，這裏雖然是一間小店 ，但他們不但沒有趕客人走， 趕交枱。 還殷勤地為客人添茶； 當相機影相時 ，又主動幫客人打燈； 隔離枱的食客， 正在慶祝生日， 他們又主動送上小禮物 。雖然不是什麼貴重的東西 ，但已十分窩心。 這樣的服務， 高級食肆也未必做不到 。這絶對是一間有質素的人情味餐廳。…Read More

在韓國bhc食過幾次， 今次專登係香港試一次。 炸雞保持到韓國嘅水準 。啲雞炸得外面脆裏面又有肉汁，每件雞都舖滿芝士粉，香香甜甜咁。 再加埋個原味yogurt ，簡直係絕配。 仲叫咗個沙律， Salad Cabb， 裏面有菜、有雞、肉、蝦、牛油果等， 配搭都幾新鮮。 但係個dressing就酸咗啲。 食到後尾，咪曬眼。仲有個芝士薯條， Special Fries， 如果作為小食份量都唔細。 芝士粉同炸雞嗰啲一樣。其實以上三樣嘢， 係有套餐價的 。 唔單止平啲，仲有芝士波 。但我哋點餐嘅時候，個 waiter 冇告訴我們有套餐。 直至離開咗餐廳之後，再睇返門前的餐牌自發現。 作為服務員 ，表現完全不專業，應該提供建議畀客人…Read More

經常經過門口， 都高朋滿座。 今日專登入去試下 ，好彩今日有位。呢度嘅湯好特別， 無論係忌廉湯定係羅宋湯 ，都好濃好多料， 唔同出面水汪汪。 個羅宋湯裏面仲有好多菜好好味。 雖然餐包只係一般嘉頓貨色， 但都熱辣辣嘅濃湯特別開胃。牛柳拼大蝦份量唔係太大啱啱好。 本來要咗五成熟，但係呢度係七成 。好彩牛柳本身都好淋， 冇食柴皮嘅感覺。 蝦肉都幾實幾甜，雖然肯定係雪藏蝦，但係都交足功課。烚豬手嗰份量就大咗啲，如果一個人食有啲吃力，兩個人又似乎唔夠。 但其實個豬手都唔錯 ，唔係太鹹， 啲肉都幾彈牙。 不過唔明點解跟個泰式酸甜汁， 不倫不類。可惜餐廳啲位太迫， 隔離位講乜都聽到，差唔多以為係識嘅咁。 樓底又矮 ，形成個環境好嘈雜 ，想坐多陣傾下計都唔得。…Read More

個名叫世記咖啡。 當然要試下用藥煲煲出嚟嘅係咩味。 本身想試熱的， 但見佢一支支原支放在電櫃。咁又試下。 咖啡味係夠濃的， 但又唔覺得特別香。 同一般茶記又無咩分廿。 好彩當日去時唔洗排隊， 否則就蝕本了。…Read More

好耐之前， 聽講呢間自助餐唔錯 。一直無緣事 ，今次專登嚟試下。 最近 做緊優惠，每位有半隻芝士焗龍蝦。 好似幾吸引呀。 去攞隻龍蝦時， 見到隻嘢又乾皺皺，已經 一啲食慾都冇。 攞到埋位 ，又鯹又乾， 龍蝦尾也咗一啖就唔想再食。 諗住轉去食其他嘢啦， 烤牛肉仲乾嗰個龍蝦冇得彈。 去淥個麵吧， 啲湯勁咸。 攞啲長腳蟹嚟試下， 無味無道奀滋滋。 咁去食條菜啦 ，條菜仲老過隔離個阿婆。 行咗三個圈 ，終於搵到一樣食得嘅 ，就係木糠布甸 。結果一起過食咗三個。 未試過喺自助餐可以搵到咁多嘢係唔好食嘅， 勁！…Read More

久聞南屏三文治的大名。 特地來試試。 三文治的確很吸引。 所謂南屏三文治， 是叉燒火腿蛋治。 饀又大又厚， 新鮮制的， 當然好食。 第二美食是沙翁。 這些懷舊沙翁， 真的買少見少， 年青一軰， 一定要試。但講到第三樣呢？ 慘， 詞窮了。 試了辣魚麵， 又鯹又咸又唔辣。 想講下菠蘿油， 又凍又硬牛油又細薄。 咁不如講下咖啡， 同出要快餐店差唔多， 無咩好講。 咁先發現， 原來是沒有其實好食了。不過一定要讚的是員工，有老牌風格。 一開口就叫你落單要一次過講， 唔好逐樣叫， 浪費佢嘅時間。 但你講得快佢又甩單， 所以去呢啲嘅餐廳， 一定要配合佢哋嘅節奏， 不則盞畀人鬧。 …Read More

好難得在鬧市中， 找地一間有觀景， 不太嘈雜， 食物有質素， 服務又可以的餐廳。先說餐麭， 端上來時熱烘烘的， 加上香草牛油， 一個真的不夠。跟住仲有蕃茄湯， 好滑又有淡淡的茄味， 十分可口。 呑拿魚沙律是的醬汁用檸檬汁開的， 又酸又甜， 十分醒胃。 Set Dinner 的原因， 牛排只有 6安士。 但因為又湯又沙律仲有甜品， 已經好足夠。 講返件肉眼排。 五乘熟， 剛好， 有肉味又不太嘞。 但伴碟薯蓉就失色了。 雖然好有香奶油味，但是粉開的， 口感一般。雜菌炒長通粉。 是在素食餐牌上的。微辣。 雖然份量不是太多， 但又剛好， 因為還要食甜品還有豬勒骨，味道可以， 但賣相就一般了。 黑嘛嘛的甜品一個是跟餐的芒果芝士蛋糕， 很香芒果味。 但芝味差了點。 另一個單點的火焰雪山。 第一， 小雲可能見識少， 未見過咁細的火焰糕山。 只是一球咖啡雪糕包了一層薄 cream仲有， 端來時已用火槍燒了外面， 又沒有用酒點火， 火焰之名， 有欺騙食客之嫌另外， 如果經 Openrice 我有九折…Read More