豬狼美食遊記's Profile

今日女友黎葵芳搵我食早餐，行過見到有間新餐廳，望一望午餐餐廳，大概都係60幾蚊左右，唔算好貴，就決定入去試下。一入到餐廳，就好似入左一個花園咁，牆身有好多盆栽同壁畫，感覺好寫意好舒服，睇得出老闆好有心思設計間餐廳。餐廳菜單多樣性咁我地就叫左兩個午餐試下，咖哩牛肉飯 同 墨西哥捲餅。泰式紅咖哩牛肉飯 $ 68 ，咖哩味好突出好香，唔算好辣好岩香港人適合既辣度，牛肉都好淋，整體味道不錯。BBQ醬雞肉墨西哥捲餅伴田園沙律 $63 ，雞肉伴BBQ醬，好有韓式既感覺，辣辣地好過癮，捲餅好濕潤唔會好乾，食到好辣既時候可以食伴菜既沙律中和一下。另外隨餐餐飲加$4 升級左杯熱即磨咖啡。chill 一 chill，放鬆平時工作既壓力，確實係一個唔錯既地方。…Read More

今日同女友係沙田行街，行到攰既時間，想搵間餐廳坐下，咁岩係沙田中心見到一間裝潢好靚既日本餐廳，原來係日本迴轉壽司過江龍 壽司郎的姊妹店 -- 杉玉。見到門口有下午茶餐牌就決定入去試下啦。我地叫左個兩個下午茶餐 同 一個小食。炸蝦天婦羅烏冬 + 三文魚刺身  $ 45 ，份量以下午茶黎講岩岩好，炸物炸得好乾身唔會好油膩，刺身亦都好新鮮。炸蝦天婦羅烏冬 + 池魚壽司  $ 35，本身係配腐皮烏冬，可以免費轉炸蝦天婦羅烏冬，池魚都係好新鮮。灸燒長鰭大吞拿魚腩拌柑橘醋 $ 25，酸酸甜甜好fresh好開胃，吞拿魚都有灸燒過帶出更多既鮮美。宜家係香港要搵咁平既下午茶已經好困難，仲要坐得舒服，味道又好，真係好難得，十分推介，下次都會想黎試埋晚餐唔同既菜式。…Read More

平時係東涌呢頭番工，今日黎左東薈城呢頭食飯，心血來潮想食間日本餐廳，咁岩係俾我底地庫嗰層見到一間日本過江龍餐廳「日本橋海鮮丼」，個位置都幾隱咁岩撞正午飯時間，有午餐餐牌，所以叫左個豪華海鮮丼。豪華海鮮丼$118，每樣刺身都好新鮮，裡面有三文魚﹑蝦﹑金槍魚蓉等等，材料豐富。飯同刺身份量比例岩岩好，唔會話出現多飯少刺身問題。環境亦十分乾淨，性價比亦都好高，機場員工仲有95折，值得下次再黎試下其他野食。…Read More

今次係我第二次黎Spicy Salt用餐，以前食過呢度既Momo覺得味道好好，所以今次番黎再次品嚐。餐廳菜單多樣性我地叫左一個雞肉餃子，牛肉墨西哥脆餅，仲叫左杯啤酒。雞肉餃子，呢度既Momo有三款口味 同 不同烹調方式選擇，我地今次叫左雞肉口味，半蒸半煎。食物熱度足夠，咬落肉汁飽滿，食得出食材新鮮，同調味美味。牛肉墨西哥脆餅，入面好足料，餅皮好脆，牛肉新鮮，食得出入面加左牛油果醬，奶酪醬，小量蔬菜在內。服務員工，亦很體貼問我地對食物有冇任何問題。良好用餐體驗，價錢合理。…Read More