Milkanaf113's Profile

拍完車見到樂富廣場送咗$50 coupon夠$150就可以用就諗住試吓呢間lunch set見到一個意粉都要成舊水已經覺得唔太抵最後叫咗海鮮意大利飯 + 燒雞午餐附送餐湯及飲品先嚟咗兩個蕃茄雜菜湯完全係茄膏加水 好酸好難飲之後上飲品凍檸蜜同凍啡杯凍檸蜜係糖漿加水 （連最平嘅百花蜜都唔係）飲咗一啖乸喉已經在飲唔到老公個杯凍啡仲難飲過普通茶餐廳感覺好似雀巢咖啡粉開水 極度難飲最後我哋兩個 兩杯野完全冇飲過寧願飲清水講返主菜 個意大利粉完全冇味真係一啲味都冇 隻蝦非常之霉青口啲肉仲細過一毫子個燒雞好鞋冇味 街市買$30燒春雞都好食過佢最勁係連薯仔都係一浸酸味啲薯仔一咬係完全散開 西蘭花非常唔新鮮減完$50 Coupon 埋單都要二百幾寧願去7-Eleven買叮叮飯仲好食過佢永冇下次 超級失望加上咁樣嘅價錢性價比真係超低…Read More

去九龍城食嘢 本來想食隔籬街大助但冇位起碼要等兩個鐘又落大雨見到呢間望落去都幾大間就入去試吓囉價錢喺九龍城來講都算平諗住叫個豚肉生薑燒夠穩陣點知一嚟到好似成碗餵狗嘅飯咁樣賣相完全唔吸引我未食過咁樣嘅豚肉生薑燒啲豬肉係瘦肉厚切咁樣咬落去有啲癡牙賣相又唔開胃朋友叫咗牛肉味道好少少但都唔算超好食一路食上面個冷氣機又不斷滴水服務態度亦都麻麻地好冷漠好冷淡咁冇下次…Read More

喺樂富呢個美食沙漠成個商場根本冇嘢好食滿心歡喜等咗幾個月見呢間終於開張以為從此多個選擇....點左一個大將豆腐湯同石鍋飯兩樣嘢上枱已經完全唔熱個豆腐湯完全係公仔麵包粉溝水咁嘅味道未食過咁難食嘅豆腐湯牛肉石鍋飯啲牛肉好似柴皮咁硬同埋完全冇味加埋二百幾蚊找數嘢食嘢飲前後來錯好多次嘢飲又錯嘢食有錯人手又好似唔夠咁隔離枱未叫嘢就係咁上菜俾佢對面枱就等極啲嘢都唔到加埋二百幾蚊找數以為樂富終於有間正常嘢食點知都係令人失望價錢又唔平冇下次…Read More

因為好鍾意食酸菜魚見到佢有午市套餐即管入去試吓個酸菜魚一上菜嗰陣已經見勢色不對個湯顏色非常奇怪完全唔似正宗酸菜魚仲有陣浸酸宿臭味初初以為係啲榨菜嘅味道但食咗一啖已經唔想再食首先成個湯底小辣都非常辣辣味係死辣唔似正宗四川嗰種香辣好奇怪佢個酸味同辣味係完全分開嘅泡辣椒同花椒亦非常之少總之成個湯底就好似榨菜加醋咁上下嘅味道魚片數量算多可惜好多骨每塊魚片我起碼食到兩三條骨魚皮位置亦硬到咬唔開白蘿蔔已經切到好薄但都好多渣總括嚟講未食過咁難食嘅酸菜魚其實當時我勁肚餓但食咗四份一已經再食唔到落去（平時我係連啲湯都飲晒）Sor 真係冇下次一定唔會再幫襯…Read More

見到呢間小店諗住撐一撐上到去check完體溫就叫我自己scan QR code 自己orderLunch set要咖啡都要另加廿幾三十蚊叫咗杯dirty嚟到真係打個突隻杯望落去有啲污糟完全係茶餐廳俾人洗筷子嗰種杯墊都冇 望見已經飲唔落真係唔Expect幾十蚊一杯咖啡會係咁樣叫咗話推介嘅三文魚香草意大利粉同埋燉牛肉個意粉一嚟到就有陣臭毛巾味食咗兩啖 原來臭味係啲雪藏蝦再溝埋香草汁三文魚同蝦都非常之唔新鮮啲三文魚係碎的對唔住真係冇食過咁難食嘅意粉燉牛肉叫做正常少少但都唔係好味D汁稀過個水又咸兩個人食咗二百幾蚊咁嘅價錢絕對覺得性價比超低而且啲窗同窗邊都覺得好污糟Sorry 真係冇下次…Read More

不嬲都好鍾意食蘿蔔糕$9經過呢間見到佢咁傳統應該都唔差買咗舊蘿蔔糕拎走一打開痴線㗎完全得粉一啲餡都冇成舊野係完全冇味我一條蘿蔔絲都搵唔到食咗一啖成舊掉下咗又乾又硬完全吞唔到永無下次…Read More

佢最近改咗下午茶menu, 即管試吓叫左一份蔥油拌麵加鹽so雞拌麵非常之油，都算幾大碟但冇乜味真係得蔥同油乜都冇鹽酥雞又乾又硬，食咗一舊已經唔想食總括嚟講價錢唔算平喺深水埗大把選擇好過佢佢老公上海生煎包俾佢好食應該唔會再幫襯…Read More

經過見到有人排隊，本身又好鍾意食芋圓就打算一試，收費表好細好難睇，又見到好多野都話賣晒唔想食綜合，就問收銀妹妹可以點配搭點賣，之後用急口令大概話有豆花/仙草底再加其他嘢(全程黑面），但由頭到尾冇講價錢我問芋圓可唔可以三種溝埋(地瓜同紫薯），佢再黑面 "你要三種咪即係要三樣囉，咁即係你想要咩" ！之後落單，佢話31蚊我俾咗兩個五毫子佢，佢"gip"了一聲説 "唔收毫子wor" 之後用非常不友善的眼光望住我食物普通，收費唔平再加上咁嘅態度以後都唔會再幫襯…Read More

同朋友一人一碗紅豆沙及綠豆沙，應該是最簡單的糖水吧，糖水來到時大家o左咀，兩碗野都係豆還豆水還水，完全沒有起沙，感覺就是一些豆浸在一碗糖水中，那種甜度是吃了一口就想即刻飲水，吃多兩口甜得完全乸喉我和友人吃了三份一實在吃不下去，從來冇試過食糖水食到咁，$19碗也不算便宜，.....連最簡單的糖水也如此失敗，大概以後也不會幫襯了深水埗還有很多選擇，當日貪方便唔想等位，其實對面就有糖水佬轉彎就有綠林，為什麼還要選他…Read More

入到叫野食，但班侍應阿姐掛住傾計，我叫左五次都無人應，之後大聲話唔該排骨飯，收銀個短頭髮阿姐啤住我好惡咁話"知喇"之後大力放低杯碟，因為當時我揸住張點心紙睇緊有咩食，我阿姐以為我叫野，再一次好悪咁話「我知喇，都話幫你落咗啦」，我話我只係睇下張點心紙有咩食啫，佢竟然話「望望望都唔知你望乜」之後對面有個亞叔坐低睇唔到有點心紙，問佢攞餐牌，又比佢哋好惡咁鬧「係枱面啊，自己用眼睇啦」$29盅排骨飯小得可憐，排骨飯只有兩舊好咸，永遠blacklist …Read More