ching1512的个人专页

一向鐘意打邊爐嘅我，約左好姊妹去食養生鍋。一入門口姐姐同我地介紹有多款醬料，前菜小食同檸檬水，任我地自己拎我地揀左個鴛鴦湯底，尚膳養顔美人鍋同埋尚膳麻辣湯開始淥野食之前，一定要試左個湯底先，好鮮甜，落足料eg紅棗杞子，仲有大量桃膠另外有隻烏雞可以拆用食食材放面牛頸脊（細）兩個女仔食都食唔哂，好香牛味，淥一陣就食得蟹棒響鈴，好特別嘅一款，仲要有我至愛嘅蟹棒，即叫即炸值得推介鬼馬雙星，有墨魚或者蝦滑加左上油炸鬼上面，再加埋泰式甜醬，勁好配搭四色餃子拼盤，每一粒都大大粒好足料，入面啲蝦仲要係大大隻好爽口 要encore 海鮮拼盤有六款海鮮，每樣都好新鮮，尤其是係生猛海蝦，有手掌咁長，性價比高🥰除左食物質素好好之外，依到啲姐姐都好客，好主動換碟同加湯，有時仲會同我地傾下計。下次必定會再朋友黎食過…查看更多

任食火鍋就食得多，再加埋任食點心就差少之有少，今次就約埋朋友嚟呢度食餐飽。價錢方面又平，食物種類又多，真係值回票價先講下點心方面，種類都有十多款，蝦餃燒賣都可以以件數落單蝦餃皮簿，而且大大粒又多蝦肉，值得推介另外排骨佢唔同岀面酒樓，冇芋頭放底，排骨多肉，份量又足火鍋方面，湯底簡左香辣魚鍋，入面花椒八角都好多，成個湯底都好岀食，岩哂鐘意食辣野嘅我食物除左點紙落單，餐廳會另外設有自助吧，比人自己拎蔬菜丸類同其他小食，做得幾貼心另外亦有熟食拎，唔怕大家冇野食飲品種類都好多選擇，最意想不到嘅維他奶都有，汽水又有樽裝同罐裝選擇依到整體黎講，食不種類多，價錢唔貴性價比高，岩哂一大班人上黎大吃一餐…查看更多

因為疫情都好耐冇去過旅行，所以一於約埋男朋友嚟尖沙咀，專登食下家鄉菜-泰國野星期一晚七點黎到，已經坐滿左好幾枱客，座位好舒服又夠闊落，唔怕叫得多野都冇位放。食得泰國嘢點可以唔叫泰式生蝦，啲生蝦夠哂凍，又有隻，配埋個醬料酸酸地好開胃芒果軟殼蟹咪紙卷必叫每一舊都啖啖蟹肉，而且又多芒果仲要唔酸沙嗲串燒可以選雞牛豬，共六串，我哋叫咗各2串，佢個沙嗲汁好好食，我仲留返番點其他野食炸蝦餅係我至愛，即叫即整，好香蝦味而且唔會厚皮，而且大大嚿性價比高明爐鱸魚，可以揀鱸魚或者烏頭，另外配左一個湯跟上，味道有少少酸，夾埋鱸魚一齊食，份外鮮甜一啲腥味都冇成間店嘅裝修都好舒服，似身於泰國嘅餐廳入邊，店員又以泰國人為主，好客有熱情，服務都好好，下次一定會再嚟食…查看更多

之前黎食過一次，貪佢依到有成都風味火鍋，所以再黎encore位置係朗豪坊後小小，門口裝修都好搶眼，唔難搵到湯底方面今次揀咗鴛鴦湯底（豬骨同香港麻辣），唔太食得辣嘅朋友要留意番，依到嘅小辣都夠哂味醬料方面建議要試特制醬汁，唔會太辣而且香口，提升左食物鮮味食物方面每樣野都好新鮮，份量都好多，同埋好多特別部位，平時喺出邊都好少搵到有得食必叫：牛黃喉，碌十幾秒就食得，食落好爽脆波菜墨魚滑，墨魚味比較重，夠哂彈牙同入面有小小墨魚粒紫薯寬粉，碌耐左都唔會過淋易斷鵝腸： 超新鮮份量又夠多，洗得好乾淨唔會有腥味上菜速度都好快，服務員又會經常幫手加水收碟，整體價錢又合理，黎開依到嘅朋友可以黎食下…查看更多

有食過越南野嘅朋友都知係香港食特別貴，今次同朋友係太子搵到間性價比高嘅餐廳食得越南野，當然一定要叫牛肉河粉，見餐廳碗碗面都大碗，所以決定先叫一碗share先，怕浪費食物。依到個菜單有個特別選款係夠粉，重要係唔洗加錢，岩哂啲大食嘅朋友火車頭牛肉河$52(有生&熟牛肉,牛丸同扎肉），份糧都幾多，河底都好香牛味，另外加埋芽菜同小小辣椒又嘗到另一番風味小食方面都有好多選擇，每樣價錢唔貴，可以叫多幾款都唔怕黑醋汁蒜茸牛油雞翼$38個汁小小酸，所以食雞翼唔覺油膩，反而有小小開胃蝦春卷$28每條都好長同入面蝦肉都多，香脆可口香茅豬頸肉$28有小小炭火香味，肥瘦剛好食得越南野，當然唔少得要叫米紙卷，依到嘅軟殼蟹米紙卷$76，有八件仲要件件都好大舊，值得要食餐廳整體服務都好好，座位又夠哂闊落，去開附近嘅朋友仔都可以去食下…查看更多

香港嘅串燒店唔多，尤其係旺區嘅少之有少，今日就帶左朋友黎尖沙咀到搵食鋪頭位置係地面唔算當眼，但入到鋪嘅裝修格局都有氣氛。依到啲串燒種類都算多，同有啲特色野食如海鹽少芫荽，燒雞泡魚乾等。今次我地叫左泰式原隻燒魷魚$88，比想像中大隻同都好厚肉豬頸肉$26，推介叫沙嗲口味，勁入味牛舌$49，每件都有厚度，食落唔會好乾同夠淋雞軟骨2串$26， 食落爽口，用嚟餸酒食一流墨魚丸$26 ，都係揀左沙嗲汁，食落都夠彈牙🥰芝心磨菇雞翼2隻$48，出邊好少見有呢款食，蘑菇比芝士味道濃，食落同雞翼都幾夾，可以再encore今次最推薦嘅係燒鰂魚因為都大條，所以都要耐心等候。店員同我哋講搣開啲皮就可以食，啲着夠晒滑再加埋個泰式汁，回味無窮由於用鹽燒食邊邊位嘅時候，會有小小喊，大家食嘅時候要小心啲以串燒店來講，依到上食物速度都算快，同佢大部份食物都會放上鐵板，食物就唔會太快涼，做得好細心，好多食物若有唔同口味選擇，燒出嚟嘅嘢食唔會燶好值得再嚟依度約埋三五知己再聚…查看更多

一向鐘意打邊爐嘅我，再次約男朋友再黎食胡爐撐枱腳。今次係第二次黎食，都冇令我失望，食物質素同服務仲keep得住打邊爐湯底好緊要，今次試下個清啲嘅佛跳牆雞翅鍋用料比得好足，等個湯煲滾一陣就可以先飲湯食雞，再放其他配菜。 點解我鐘意encore胡爐，係因為得兩個人食，依到嘅野食可以選擇半份/細份，咁我就可以叫多啲唔同種類身為牛魔王嘅我地，叫左個牛拼盤（細$388）一次可以食到五個部位手工雲呑 （半份$48）蝦比豬肉多，咬落又夠彈牙美國桶蠔 （$168） 有五隻，每隻都有手掌咁大，又夠厚肉芝士墨魚丸 （半份$52）食落中間有芝士，一拎起唔可以即食，唔係會比芝士燙到蟹棒 $68 稻庭烏冬$38打邊爐必叫，爽哂湯應精華😂煮耐小小都唔會太過淋整體服務同食物都好好，性價比高，坐位坐得都闊落。下次會再黎encore食其他特式湯底…查看更多

一向鐘意打邊爐嘅我，約左朋友黎食新開冇耐嘅台式火鍋。呢度裝修環境有點古式，枱數量唔算多，枱與枱之間都闊落，好岩同朋友一邊食一邊傾計叫左個鴛鴦湯底 $68/位，麻辣口味個邊有鴨血同豆腐，而酸菜個邊有白肉同粉皮鴨血豆腐同酸菜都可以再添㗎，醬料可以岀面自己拎最細心係，枱邊有差電位，岩哂成日電話冇電嘅我用打邊爐最緊要係配菜，我地叫左老油條，蝦滑，雜菜同特級牛肉等，每樣都好岀色。尤其是，老油條配麻辣湯，食落唔會太油膩，咬落又香脆，係我至愛。好彩有店員提醒，牛肉淥幾秒到粉色就話可以食，唔係高會好熟依到啲服務都好細心，會不時幫手收碟同問下洗唔洗加湯/配菜…查看更多

前幾日同男朋友興祝，經同事介紹揀左黎依到食好野。入到黎見位唔算多，開頭以為平日日子所以唔多人食，點知之後發現樓上原來都有好多住位，而且係榻榻米方式，一早坐滿哂講番食物方面，依到主打新鮮食材，每日都有新鮮魚由日本空運到港，所以愛食魚的話就要一早黎黎前菜叫左個青瓜，有小小麻油同酸味，雖然簡單但好岩做開胃小食嚟到居酒屋，點可以唔少得食刺身，依個刺身拼盤夠晒新鮮，尤其是有我最愛嘅凡立貝，食落啖啖肉，份量都唔少櫻花蝦炸豆腐必要之選，平時食開嘅豆腐都好厚皮，但依個就用櫻花蝦包住，食落口感好得意而且又唔油膩味增煮牛舌，好濃牛味，每舊都有厚度一啲都唔孤寒，肉質夠腍，必叫除咗新鮮食材之外，依度有好多唔同類型嘅串燒，如果坐喺地下果層，就可以一路望住師傅細心烹調。甜品以黑糖水信玄餅為做總結，岩哂鍾意食甜野嘅我，食完好滿足，令人回味整體來講，依到已裝修格局好岩約埋三五知己，慢慢傾下計同品嚐日式美食。食物質素又夠哂好，服務員又會不時幫手加茶，值得加分…查看更多

前幾日朋友生日，因為大家都鐘意打邊爐，於是約左係旺區嘅尖沙咀，依到係韓國街隔離近佐敦站所以都容易搵到。Book左七點半食，黎到都坐滿哂人。爵士佛跳牆鍋 $398，落足料有素翅，花膠，鮑魚等。等湯滾起就可以先飲湯，後加水再打邊爐牛頸脊(中) $368 夠哂新鮮，淥半分鐘就食岩岩好，份量又夠，三個人都食唔完手打蝦滑 $98, 用新鮮蝦打成，入面仲有小小蝦肉，食落去夠彈牙，值得食紫菜響玲 $88 魚皮餃 $48(半份)手工水餃 $48 (半份)蟹棒$68黎依到食，貪佢人小可以選擇叫半份，依到每樣野食都大大件，餃皮夠薄，一啲都唔馬虎之前黎過一次，水準都keep得到，一定會再黎食…查看更多

近排好鐘意同男朋友四圍搵好野食，今日經同事介紹下黎左依到食日本菜。因為外牆有大大個相樸手，所以好易就搵到看門面仲以為係細細間冇乜位，點知原來仲有二樓，上到去都已經坐滿九成位，環境唔嘈坐得都鬆動食物方面蟹肉蟹子牛油果沙律，蟹肉同蟹子份量都好多好重手鹽燒牛舌芯，每舊都好厚用，燒得岩好，食落唔盒太硬。旁邊有wasabi, 蔥花,岩鹽同檸檬比你自己揀鐘意食嘅配搭。豚肉香蔥卷，鐘意食蔥嘅朋友，必叫之選👍🏻蔥拖羅卷，一件一口食好滿足申子飯黎得依到必食之一，上面蛋白打起食落軟綿線，再加飯素海苔同蔥，配搭一流，食落有幸福感燒白鱔，啲皮燒得脆卜卜，肉夠哂厚又唔會乾整體來講，依到服務同環境都好舒服，食物又夠特別性價比高。好岩下次約埋三五知己再黎食…查看更多

大家都知屯門岀名多牛，除左牛仲有岀名就係位於龍門居嘅龍門冰室喇。難得入到去屯門搵朋友，點可以唔去打下卡呢。平日夜晚七點幾去到，等位人數唔算多，大約10分鐘左右就有位，入面唔算大但都坐得舒服，仲要有唔少marvel嘅裝飾，都幾有氣氛黎得依到食，識叫就一定叫佢個招牌瑞士雞翼 ，平時一夜啲黎都叫唔到經常好快賣晒，好好彩今次比我食到我地叫左瑞士雞翼撈丁同麻辣瑞士雞翼同蛋米線，等幾分鐘啲野食好快就到，雖然快但唔係一早整定嘅，食落仲熱辣辣，一啲都唔馬虎依到個麻辣勁香，雖然碗面望落唔夠紅，但平時食得辣嘅我食㕑幾啖都忍唔到，之後試下張啲米線放落瑞士汁到變撈米線，依到啲瑞士汁小少甜，雞翼同蛋都入哂色夠哂味，唔怪得咁搶手。依到啲野食種類多，價錢都合理，份量同味道都好好，值得下次排隊一食…查看更多

尖沙咀厚福街岀名多野食，幾次有人係16/F岀升降機已聞到個陣陣嘅邊爐香味。今日難得早左收工，一於約埋男朋友過黎撐枱腳。七點黎到都已經坐左幾枱客，打邊爐最緊要就係個湯底，有選擇困難症嘅我，唔諗咁多就叫個四格鍋，一次過滿足我個味蕾四格鍋分別有，皮蛋芫荽、蕃茄牛腩、沙嗲同埋麻辣湯底，每款都做得好岀色配料方面手工九菜餃，皮簿多料，好香九菜味蟹柳係必叫，又容易入味牛拼盤 （大份）意想不到的大份，每件都好新鮮厚度適中，不過如果兩個人唔大食，建議可以叫細份食物用料新鮮，價錢又唔貴，cp值都好高，店員服務都好好，有傾有笑，下次都可以叫一班朋友黎聚會…查看更多

這間餐廳位於九龍城，一莆進餐廳，感覺非常舒服，很有浪漫的感覺。我們點了Parma Ham Pizza，這個Pizza廚師烹調得非常好，首先Parma ham明顯採用高級的來貨，火腿肉質柔軟，味道細緻。我們亦點了頂級美國西冷扒，果然沒有令我們失望，西冷扒煮得外脆內嫩，可以見得出廚師的用心製作，喜歡吃牛的粉絲絕不能錯過。這一間餐廳除了食物美味，環境也很好。下次各位來到九龍城，除了可以吃泰國菜之外，也可以嘗試這一間餐廳👍🏽…查看更多

依幾日放假，一於要同男朋友搵好野食，近年香港興起食卜卜蜆，難得有機會去開尖沙咀，就決定黎依到食好野。依到位於尖沙咀婚紗街個頭，位置唔難搵，門口有姐姐派傳單又會幫手開門，幾好服務上到一樓一開門就聞到小小濃濃嘅酒香，未食到就醉。難得黎到，必叫嘅當然係要卜卜蜆喇，兩個人食就叫個細份。 等左陣好快就上枱，蜆嘅份量都唔少，上枱個時店員會比一瓶酒我地，等啲蜆差唔多煮好再倒入去濃濃嘅酒配卜卜蜆係最佳配搭。另外，因為蜆份量都多同只有兩個人食，我地另外叫左份黃金炸蝦🍤新鮮即炸，所以要等耐小小，蝦都算大隻同新鮮，不過大家記得要襯熱食。依到服務都好好，店員好主動幫我地換碟，環境闊落好岩約埋三五知己一齊黎食「醉」。…查看更多