tomoya711's Profile

Goobne Chickens 🐔 又再次Goobne烤雞😈，烤雞香味不會輸炸雞，而且食落無咁多油健康點，食得多又會喉嚨痛，外賣自取還有9折優惠。 Le Sserapick Truffle Steak Chicago Pizza :整個pizza充滿了黑松露及芝士味，非常惹味，牛扒條有點似軟身的肉乾，pizza邊超級脆口。 Seafood-Jeon (Seafood Pancake)：韓式海鮮薄餅，配上微酸的醬汁。 Cheese Flying Fish Roe Egg Roll：雞蛋卷入面包著軟滑芝士🧀️，外層加上蟹籽配千島沙律醬，入口creamy。 Honey Alio Chicken：無骨的蜜糖蒜香雞，啖啖雞肉，岩晒喜歡食肉的朋友，就算小朋友食都唔驚會哽骨。 Honey & Curry Basasak Chicken：蜜糖咖喱雞，香濃的咖喱配上甜甜的蜜糖，一點都唔會辣。*以上為個人自費食評。…Read More

山本屋 尖沙咀名古屋著名烏冬食店，開業於1925年，至今有百年歷史。2023年11月30日香港第二分店進駐尖沙咀海港城LCX，聽說第五代烏冬手藝傳人會親自駐場🧐。 該店提供湯烏冬或平烏冬，湯烏冬有三款口味（老店傳統味噌 / 黃金鰹魚清湯 / 招牌咖喱）並使用砂鍋煮製，平烏冬則可選冷或熱。 服務方面，日本師傅積極廚房及樓面上菜兩邊走，結帳時也會送客人離開。其他香港店員也會主動服務，只係他們之間聊天音量較大。 美國安格斯牛肉煮烏冬（咖喱）：烏冬麵質有咀嚼感，湯配料有油揚腐皮、生雞蛋、京蔥，湯汁有咖喱味，但味道唔夠濃郁。牛肉肉質較靭身，整體份量唔算多。砂鍋令烏冬足夠熱。價格在尖沙咀係親民。 蟹棒天婦羅：天婦羅味道正常，調味料得天婦羅豉油，選擇較為單一。 未食過名古屋店，但香港店咖喱口味麻麻地，或者試下味噌或鰹魚湯會好些。🤔以上為個人自費食評。…Read More

The Bottle & Steak 西營盤 澳洲扒房一間位於西營盤的扒房酒吧小店，特色係四個七尺大雪櫃內裡有非常多不同國家的梳打水、果汁、茶、酒精飲品、清酒及啤酒，第一次走到雪櫃選擇真的有少少咪咗花多眼亂，裝修及音樂有情調，是一間合適摸下酒杯小聚的小店。 餐廳主打澳洲肉類及扒房，有貴價的M字頭牛扒，亦有親民價的扒類套餐，還有特色的鴕鳥扒、烤澳洲羊膝、蜜蜂香草烤雞、澳洲豬鞍架及法式油封鴨腿。 法式油封鴨腿：價格非常親民，不敢想像呢個價位食到油封鴨髀。味道方面淡淡的鴨油香傳出，肉質柔軟，遺憾係鴨皮未有煎至香脆。伴餐的薯條略咸。 牛油扒珍寶虎蝦：火喉過左少少，表面有點焦，近表層肉質有點乾身。 美國安格斯平鐵牛扒：牛扒較韌，但屬於可以接受範圍。*以上為個人自費食評。…Read More

LeeLaksa 上環 新加坡菜店內環境給人一種椰林樹影的感覺，老闆本身是經營茶葉生意，因工作關係經常到新加坡出差，被當地美味吸引決心聘請當地廚師將美味帶來香港。 李派海南雞飯拉白胡椒肉骨茶：雞肉滑嫩有雞味，肉骨點醬油食也幾好，肉骨茶湯汁微辣。雙拼可以食到肉骨茶之餘又食到海南雞，一次過滿足兩種口味，價錢亦親民。 檳城和牛蝦麵摻摻：湯汁微辣，和牛味道唔突出可有可無，直接叫檳城蝦麵摻摻可能味道差唔多，價格會便宜將近3分之1。 新加坡鹹蛋黃雞翼：鹹蛋醬脆皮非常出色，咬落去皮脆仲有流沙醬流出，本身有點警訝以為會好高分，但係雞翼可能熟左再炸，雞肉太老及乾身無肉汁，完全扣晒分。 班蘭咖吔多士：味道略淡。…Read More

Sick Burger 銅鑼灣總店位於馬鞍山，2023年於銅鑼灣希雲街開設第一間分店，負責人Chief Lai 融合西方快餐及港式創意，製作出特色創意漢堡、炸物、多士及奶昔。 Sick! Burger 招牌牛肉漢堡🍔：可選單層、雙層及三層的4安士安格斯漢堡扒，配上生菜、紫洋蔥、芝士🧀️、布冧果醬、番茄醬及柚子汁，麵包鬆軟，牛肉juice芝士香濃，口感豐富，平衡感亦非常良好的手工漢堡。 Chicken Wings 香脆咖喱雞翼：咖喱味意外濃郁，再配上泰式辣醬，味道層次豐富，加上香脆的口感。…Read More

《長洲覓食之旅1》在長洲講起特色食物，晌好多香港人或遊客心目中都係海鮮、魚蛋、芒果糯米糍，除左呢D究竟仲有冇其他好吃？ 《餃子冰室》提供十多款特色原創餃子🥟、肉飯及飲品。餃子可選煎或蒸，特色餃子有南乳豆卜餃、蜆肉芫荽餃、咖喱薯仔餃、肉餅餃、芋頭臘場餃等。 黑白土匪餃：模訪米線店的土匪雞翼，使用孜然粉、黑椒調味，內為雞肉餡料，外皮焦脆。 鹹蛋黃黃金餃：不稠不稀的鹹蛋黃流沙醬配上豬肉脆餃，蛋黃醬汁與肉汁及蔥混和，食落整惹味多肉汁。 黑醬油雞飯：使黑醬油、香料製成醬汁，配上入味的雞柳肉，作為主食出場，但在美味的餃子襯托下有點失色。…Read More

《長洲覓食之旅2》在長洲講起特色食物，晌好多香港人或遊客心目中都係海鮮、魚蛋、芒果糯米糍，除左呢D究竟仲有冇其他好吃？《火車頭米線》主打無味味精的豬骨湯底，每天使用約70磅豬骨熬煮5小時多。再從豬骨湯底做底演化出八款湯口味（清湯、香辣、酸辣、麻辣、紫菜蜆肉、蕃茄、芫荽皮蛋、胡椒豬肚）的米線，仲有多款餸料選擇，備受長洲街坊歡迎，是一間開業11年的米線店。豬軟骨蟹柳麻辣米線：麻辣度略為不足，但湯底好飲潤喉，豬軟骨超級柔軟好食。…Read More

《長洲覓食之旅3》在長洲講起特色食物，晌好多香港人或遊客心目中都係海鮮、魚蛋、芒果糯米糍，除左呢D究竟仲有冇其他好吃？《長洲鐵漢》主打特色串燒、炸物、小食，開業就快兩年。特色脆脆平安包外貌已吸引不少遊客。脆脆平安包（芝麻）：口感似炸饅頭內餡芝麻，香口略甜，流沙奶黃會好吃點。 脆脆平安包（流沙奶黃）：一咬開脆炸的麵包皮，內裡的流沙奶黃就擁出，是一個好吃的甜點小吃，必試之作。 炸雞皮：雞皮香口有油份。 風沙鮑魚：有少少似避風塘口味，鮑魚已預先切開為兩口，肉質略硬身。 蜜燒鹹蛋黃臘腸餅：長洲名物😂碼頭附近手信店舖有賣，在這單件賣略貴，口感…似…咸香酒香..香口點的大臘腸餅🤔，可以一試。 鹽燒牛舌：生熟程度控制得幾好，味道略咸。 冰鎮黃金咖喱魷魚🦑：冷冷的口感，食落幾舒服，魷魚感覺比其他好肉質彈牙，咖喱汁香濃，必試之作。…Read More

過江龍麺心國もと，日本總店開業於2011年至今12年、被社交平台IT media票選為葛僑區人氣拉麵店第一位，2023年7月於香港灣仔開業海外分店。 麵心國精選醬油拉麵：湯底以魚介湯混合雞殼熬製，再以四種油（雞油、蔥油、蒜油及貝柱油）調味，入口濃厚鮮美易入口，但係食到最後又會令人覺得少少過咸。 配料有雞胸叉燒3片、豚肉叉燒3片、紫菜3片、糖心蛋、洋蔥、京蔥、竹筍，雞胸叉燒意外地柔軟，比豚肉叉燒更好，豚肉叉燒較乾身及柴，拉麵麵質爽口掛湯指數唔錯。 另外炸雞幾juice，比餃子值得推介。…Read More

SP_CE cafe & lounge上環早排晌社交平台見到不少廣告，又鄰近工作地點決定一試。店外與店內均設有座位，裝修感覺就幾休閒feel，幾岩慢慢嘆all day breakfast咁。進入店舖內～～由於鄰桌點了意大利黑松露滑蛋貝果🥯上桌，黑松露香氣滿滿。 蟹肉蟹黃醬炒滑蛋貝果🥯：在黑松露油與這個猶豫再三，最後選了這個。坦白講有少少後悔，香氣上不及黑松露。味道上蟹籽蟹黃蟹肉略淡，未能好好帶出加成效果。滑蛋切開入面有蕃茄、生菜及半邊貝果，第一口感覺略咸，貝果🥯質感硬身，蛋內層過老，滑蛋只得表面。整體味道一般，價錢略貴，感覺唔值$168，飲品$48up，加埋一總消費$230up。另外，12月餐單與4月份對比，發現每款bagel滑蛋價錢急劇加價$30，CP感略低。 PS:店舖親善動物，有不少帶狗狗光顧的客人，缺點係主人看不住竉物，狗狗跑入廚房，雖然無做成騷動，但個人感覺不太好😵‍💫。…Read More

整體黎講，個人覺得整餐飯並不是太理想，食物種類多但質素歸類一般，有不少熟食過老、唔熱、僵硬等，有部分食物可以接受範圍。 服務方面亦不理想，漏單不少，點過的東西會無來，3份變1份，普遍放題店的問題。食唔夠45分鐘帳單就上黎，向店員查詢我們用餐時間至到幾時，店員可以企晌你臉前唔願意答，問了第四次才答帳單是去到8:30PM，但我們預約及入座時間是6:45PM前櫃台店員都是說用餐2小時是8:45PM，就連QR Code也是寫去到8:45PM，為何縮短了15分鐘，店員回覆敷衍你入座櫃台有講，有咩搵櫃台。根本乜都無講過，結帳時變1小時45分交枱呢個係咩做法？ 餐廳可取的地方是裝修、飲品同雪糕。裝修亮麗、座位闊落由別於一般放題店，飲品及雪糕種類繁多，movenpick & Häagen-Dazs任。 收碟算係收得快，不過佢地上菜同收餐的盤子有時混合用，盤子左邊放食物，右邊放食過的吉碟，感覺唔係太理想。 刺身：合格水準，種類亦唔少。 鵝肝多士：大份，但由別於普遍地方，因為他們鵝肝是炸的，外層有漿粉，食落較油，中心位有一兩件唔多熟。 蒸點心：蝦餃皮厚亦蒸過火蝦肉霉，小籠包凍及僵硬。 焗蠔：Ok!唔腥有少少油有少少辛辣。 乳鴿：完全是皮包骨無肉，是bb鴿純粹食皮以食。 龍蝦伊麵：凍的，不過真係有龍蝦肉。 避風塘炒蟹：炒老了蟹肉乾身，亦唔熱。 甜品：椰皇蛋白燕窩ok的椰香味重，楊枝甘露味道唔多對。 PS:個人覺得寧願比多少少去食自助餐，當日每人消費為$438再加10%。…Read More

《八時神仙草》 尖沙咀 台式甜品2013年八時神鮮草於台灣逢甲創業，主打各仙草系列甜品。於2022年香港中環開設第一間分店，現時在香港有三間分店（中環、尖沙咀、銅鑼灣）。 《抹茶焙茶奶蓋雪花盛盤》越食越美味的甜點，多重配搭一次滿足幾個願望😲。抹茶味雪糕香濃，冰塊奶蓋焙茶味略淡，但冰塊的仙草及仙草牽絲非常有仙草味，綿綿香濃的口感。 食完冰底部就係果凍一樣的仙草，加入旁邊的芋圓、地瓜圓、紅豆、花奶及珍珠，咁就開始食第二款甜品😈。 《圓仔芒果甘露凍》珍珠、鮮草、芒果及楊枝甘露特飲，香港限定口味。 不過甜品都係建議堂食，剛食過外賣感覺堂食會好點。…Read More

《久久》 中環 台式料理位於中環街市G/F的久久，主打台式牛肉麵，價錢親民份量足夠，味道正常，算係打工仔恩物。 久久川味牛三寶麵：三寶（牛腱心肉味香濃、牛根軟滑、牛肚口感麻麻但唔韌）。湯汁偏向香口的辣味唔算太辣，有榨菜提高左湯香。麵條有點軟咬感一般，亦唔掛湯令食落無湯汁味。 麻辣鬼椒起司雞腿蛋吐司：餡料為香煎嫩滑雞腿肉、煎蛋、燒熔芝士，外層麵吐司🍞香脆，鬼椒的辣味唔夠辣。 古早花雕雞卷：雞卷肉嫩滑配上輕微的花雕味，以冷盤來說幾開胃。 芋香珍珠奶茶：不輸外面的手搖店，濃厚的芋香，唔太甜，正常糖份量和出面半糖差唔多。…Read More

梅丘壽司の美登利総本店 旺角在日本東京經營壽司店約45年，現時在全日本約十多間分店。香港分店建立於2018年，由和心集團經營，現時有3間分店（旺角、沙田及尖沙咀）。經營宗旨以鮮、技及心，為僱客提供優越用餐體驗。 該店為慶祝5周年開店紀念，由11月13日起逢星期一、三晚上7時後提供預約制的壽司放提夜，據說有80多款食物提供。不過，當日午市只能單點🤧。 五點刺身盛盒：池魚、中拖羅、油金魚、墨魚及元貝。 特盛手握壽司盛合：赤身、油金魚、三文魚、玉子、小肌、赤蝦、比目魚、魷魚、熟蝦、中拖羅、香蔥吞拿魚腩。 另外，隨餐附送味噌湯及茶碗蒸。 👅👅指數手：7/10👅👅…Read More

曾經的欣圖軒於2022年底為慶祝酒店回歸根源，恢復原名麗晶軒。過去於2015至2019年，榮獲米芝蓮🌟🌟，2020年獲米芝蓮🌟，現為米芝蓮🌟🌟餐廳。 行政總廚劉耀輝師傅與主廚鄭文生師傅共事二十載，並透過多年的精湛廚藝及粵菜知識，不斷推出嶄新菜式。餐廳亦有茶藝師駐場，提供精品的特級茶茗。裝修方面以優雅古風及翡翠玉石裝飾為主，就連餐桌的擺設也採用玉石設計以成。 服務及價格方面，個人食過3-4間米芝蓮一二星的中餐，亦睇過幾間同類型的中菜餐單，麗晶軒的定價算偏高，但服務質素及態度是最好，細節位做得最足夠。 餐桌亦會提供六款醬汁及香脆合桃作餐點，供喜好不同口味的食客使用，醬汁有自家製海鮮豉油、黃椒醬、豆板醬、香辣醬、陳板梅子醬等。————————————————————————原隻鮑魚海鮮脆芋盒：蝦肉蟹肉芋頭的海鮮盒，非常好吃份量亦足夠，唯一不好的是鮑魚太腥，嚴重破壞了這個美味。 精緻海鮮金魚餃：餃皮皮薄略黏，餡料為菜粒、薑粒、魚肉及蝦肉，較為淡味，加點辣椒醬會好吃些。 黑松露窩貼大蝦（半份）：較為細份😅兩隻手指合起的寬度，麵包酥脆，蝦味及黑松露味略淡。第三件蝦的火侯過了熟透了。隨餐點附上喼汁，供不同喜好的食客使用。 龍帶玉梨香（半份）：欣圖軒的名菜留至今，形狀大少比乒乓球細少少。外皮酥脆，內裡餡料上層帶子，中層龍蝦肉，下習為梨，三種唔同的鮮味及甜味原整融合，非常有層次。火侯控制得非常好。隨餐點附上檸檬汁及准鹽，供不同喜好的食客使用。 花膠竹笙灌湯餃：湯底鮮甜的浸餃，餡料以蝦肉、豬肉、雞肉、金華火腿絲、瑤柱絲為主，隨湯亦配上花膠竹笙。 脆釀鮮蟹蓋：材料主要以煮熟的拆殼蟹肉，加入鮮奶、洋蔥等炒成餡料釀入蟹蓋再酥炸。蟹肉足夠，茨汁較黏口，洋蔥較多。 黑松露滑蛋斑球炒河：茨汁主要以蛋醬及黑松露做成，再加上兩塊斑塊，非常滑嫩鮮美，唯一不好是河粉中心黏埋一舊，好大可能是茨汁與河粉分開炒，河粉炒先亦放了一陣。 雪燕酥皮蛋撻：酥皮同蛋醬都做得好好，但略為過甜，呢種甜味有點像蜜糖味，有點蓋過蛋香的甜味。…Read More