美極MM's Profile

表妹放完假要返美國繼續學業, 送完佢機坐車過來想行吓這個outlet mall, 週圍都幾多遊客買嘢, 我都在i.t.搵到兩件衫買.時間尚早, 食個飯先再行過, 望directory在樓上有美食廣場, 好過食deli france. 在飯bowl order了一客牛油炒野菌飯, 牛油炒幾有香味, 配上燒汁送飯幾夾, 不失為一個健康輕食. 呢個food court全落地玻璃, 樓底高感覺好開揚好舒服, 行完街食嘢竭腳好地方. 飯後又再上征途, 買衫過年從來是女士們的享受.…Read More

星期日本來想去食潮州打冷, 但男女話想睇獎門人, 不如買外賣pizza.一向幫襯Pizza Box, 聽朋友講Pizza Hut的芝心批好味點, 今晚就試吓佢是否屬實. 叫了一個二人套餐, 有普通至尊批, 加$8改了芝心批底, 原味雞翼8隻, 千層肉醬闊麵及忌廉雞湯兩碗, BEA卡九折後自取$141.3, 15分鐘有取, 馬上返上樓開餐睇電視.至尊芝心批toppings唔算豐富, 內含芝心份量亦不比Pizza Box的同類產品多, 雞翼及闊麵算ok, 忌廉湯是一般貨色, overall比Pizza Box的自取套餐遜色, 多了兩個湯而人家卻是大批, 價錢高了40幾%而無令我覺得比Pizza Box多的價值, 如果真是較好味的話, 我絕對樂意付較高價格. …Read More

行完吉之島, 過來食個下午茶, 啱啱有檯卡位走咗, 即刻攝入卡座伸吓腰.叫個傳統港式茶餐, 多士火腿炒蛋, 叉燒通粉及熱咖啡, 不久以前是$28, 而家要$30, 加幅可以接受. 三分鐘有得食, 快過自己煮公仔麵. 不過叉燒以前4片而家少了一片, 通粉份量亦少了, 其實加價是可以理解的, 但又同時減份量就似乎說不過去了, 不要只顧盈利而妄顧客人期望的價值, 短線賺錢而長線走客.…Read More

冷風吹至, 燃起我等女子換季之心, 故相約女友一逛太古城中心.自己早到了, 先作午膳邊等朋友吧, 一個人自然去foodcourt覓食. 最後仍是選中飯bowl的芝士吉列豬扒飯, 豬扒幾鬆軟, 沾上了芝士更帶點香味, 羅宋湯都唔錯, 有餐廳水準.購票時收銀推介加$8有一條燒秋刀魚, 價錢抵但午餐吃不下那麼多, 下次同男友再來試過.…Read More

男友家庭晚飯, 伯母話之前食過三小姐覺得幾好味, 故不作他選.男女說以前都會先訂位, 但現今市況應該walk in都有檯, 七點鐘去到果然大把吉位, 其他檔口亦如是.人未齊, 坐到七點半先點菜, 只需十分鐘六個菜全部上齊, 好在五分鐘後人到齊, 否則菜涼了就不好吃. 醬燒骨保持水準, 喜歡半肥瘦炆肉的必食, 豉椒炒蜆及炒蟶子份量比以前畧多了, 芡汁卻過杰, 切雞用鮮雞仍鮮味十足, 籠仔糯米蒸膏蟹 - 蟹膏豐盈, 糯米飯稍稍濕了但未至於爛飯, 金銀蛋菠菜合格, 後加兩個餸 - 豉椒鵝腸爽口而不肥膩, 陳川粉頗多開邊蝦, 用蒜泥齊蒸令粉皮入味, 所有熱菜都沒有令人失望. 吃飯其間啤酒推廣員相當落力推銷及不停為我們添酒, 但埋檯太頻密有點overdone的感覺. 埋單$538, 市況欠佳卻免除排隊之苦, 何妨多來幾次.…Read More

與友人在附近用過晚膳, 隨後便上來享受歡樂時光, 時值週末晚上七時半, 約有一半檯是空的, 可想金融海嘯影響之大, 相信過年後不少食肆酒吧會撐不下去而陸續倒閉.有wine promotion, 三人先後喝了兩枝智利merlot, 點了一客鴨腎佐酒, 特價只須$22, 紅酒和鴨腎都合口味, 壁上黑板所示, 還有幾款小食比起原來正價便宜了差不多一半, 坐到十時終於有九成客, 但今天是星期六啊, 那星期一至四如何敖過?…Read More

Weekend同朋友去TST行街街, 踏入十月尾天氣都仍然幾熱, 朋友說有少少累, 想食完晚飯再繼續shopping, 就近點落food court吧, 可以省點時間等位.兩人分開買, 她吃韓國石頭飯, 我選了小辛牛肉奄列飯, 還有忌廉湯和小食. 友人說她的石頭飯中規中矩, 好似燒未夠時間, 石頭碗並未有幾高溫, 我的牛肉飯相對唔錯, 有點改良了日式咖喱汁的味道, 又帶少少茄酸味, 幾醒神惹味, 忌廉湯幾滑, 唔似快餐麵粉忌廉湯, anyway兩人都食唔哂的飯, 稍事休息又繼續我們的行程了.…Read More

假期同bf及佢個妹飲茶, 當然係佢先去攞位.我到時已有位, bf話等了超過40分鐘先輪到枱, 我話叫的靚點心慰勞一吓佢啦. 佢個妹原來已點了大堆點心, 相繼上枱的有蝦餃, xo醬蘿蔔榚, 蝦腸, 叉燒酥等等等等, 想搵人取豆板醬, 揮了不知幾耐手先有人來招呼, 跟住沖茶亦如是, 雖然生意是好, 但人手似乎少了點, 尤其假期應該預了人多, 尚幸食物水準不差, 否則是次必定俾個喊面.…Read More

下午同姊妹到恆豐中心買完嘢, 行過來飲杯咖啡歇息一會, 要了一杯latte及一枝sparkling grape juice, 原來有後門露天雅座, 仲可以抽煙, 如果天氣不太熱的話, 坐吓傾吓食口煙都幾休閒, 還免卻路人經過眼望望, 蛇王勝地.…Read More

此分店搬上樓上後第一次幫襯, 未到12:00買外賣回家吃, 因有時段優惠, $17一個雞扒細飯, 吉野家最靚是外賣飯盒, corporate colour的翻蓋式可微波飯盒, 老實說飯品質就一般啦, 俾個笑臉是價錢平而包裝好.…Read More

週末同姊妹打完保齡球, 跟住要醫肚, 本來我想去飲茶, 姊妹又話想快的食完去開枱, 唯有去樓下food court啦.姊妹選擇食日本拉麵, 我就揀中'飯Bowl'的芝士吉列豬扒飯, 跟住再一人買杯凍檸賓. 一向心目中的快餐是煮定的, 然而這裡是make to order, 雖然要等, 但理論上品質應該會好的, 故等亦何妨. 買完飲品回來飯已做好, 馬上拿到姊妹的一桌細嚐, 吉列豬扒滲入滑蛋汁後更入味, 好過食炸定的硬繃繃豬扒, 珍珠飯的份量都不少(雖然落單時已叫少飯), 伴菜用車厘茄都算精緻, 姊妹話她的拉麵都中中地ok.今日的快餐已非昔日般只講求快, 每樣都預先做定又何來好品質, 當中一定要取得平衡, 各人需求不同, 魚與熊掌, 不可兼得. …Read More