DoLaw's Profile

平價泰菜晚餐 環境舒服 適合聚會約咗朋友喺九龍城搵泰國菜，俾門口個fing手公仔吸引咗入黎😂地方乾淨，坐得舒服酸辣燒牛肉$38 晚市有優惠菜式，$38三揀一，因為特價嘢會好細，點知嚟到一啲都唔求其，牛肉半生熟，質感好好，醬汁少少酸辣，開胃好食.明爐香檸汁蒸烏頭 $228 烏頭大條，魚肉新鮮無泥味，香檸汁酸香開胃，魚肉滑溜菠蘿雞肉炒飯 $92 炒飯粒粒分明，有雞肉同蔬菜，炒得香口。分量足，好有泰國風味椰汁西米糕最後仲送咗兩件西米糕，呢個勁好食喎，結果想再加單嘅時候發現已經賣晒，下次一定要食！🥲椰青 $49 椰青夠冰凍，飲落清甜，解渴又解膩。樣嘢埋單$407，味道唔錯，價錢合理，份量足夠，可以encore!…Read More

朋友超鍾意食印度菜，上網睇到有素食嘅印度菜，專程嚟try try佢。餐廳環境寬敞，感覺乾淨舒服，侍應親切有禮，會主動介紹菜式。Ghee Onion Rava Masala Dosa $95印度薄餅外脆內軟，餡料有洋蔥香同薯仔泥，配埋三款醬汁，味道層次分明，非常正宗。Masala Kulcha／Garlic Naan $45試咗兩款唔同嘅餅，蒜香naan熱辣辣，麵包鬆軟，夠香口。Kulcha相對地脆口少少，配咖喱汁亦一流。Gobi Mushroom Fry $80蘑菇同椰菜花配埋酸酸地嘅醬汁，內裡保持嫩滑，幾有驚喜。Mango Lassi $55食親印度嘢都要飲嘅芒果乳酪飲品，酸酸甜甜，飲落清新Liver Cure $40一杯清新嘅特調飲品，紅菜頭汁飲完感覺好健康。整體嚟講好滿意，食物口味正宗，材料新鮮，選擇多。推介比鍾意印度菜或者想試素食嘅朋友…Read More

放工同朋友嚟旺角搵食，呢間鋪面乾淨企理，落單好快有得食。一人餐酸辣小鍋米線（湯）$78湯底酸辣開胃，辣度可以自選，對於唔係食太辣嘅我，BB辣岩岩好夠。配料唔少，食到最後都夠料。跟餐有小食，叫咗拍青瓜，清爽解膩麻辣手撕雞飯 $63雞肉好多，肉質嫩滑，麻香夠，唔算太辣，幾好食藤椒魚皮$28幾欣賞滕椒嘅麻香，魚皮爽脆，好開胃🤤椒鹽雞軟骨$28小食必點，炸得香脆唔油，椒鹽味香炸饅頭$25呢個有驚喜，外皮脆，入面鬆軟，面頭有煉奶同埋朱古力醬，非常欣賞👍埋單$222，兩個人食到好飽，以旺角區嚟講都算抵食。…Read More

放工想食台灣菜，價錢親民，選擇多，份量啱啱好滷肉鹽酥雞飯 $55飯面上有滷肉同鹽酥雞，一次過滿足兩個願望。滷肉鹹香夠味，肉汁撈飯一流豐盛牛肉麵 $74牛肉麵湯底香濃，牛肉厚切夠腍，入口即溶，麵條煙韌唔會腍晒，湯底飲落有台灣香料味，幾有誠意。滷味拼盤 $46拼盤有豆腐、蛋、滷水腸等，全部都滷得入味，鹹香啱啱好，送麵送飯都正。有機低糖豆漿（餐）$16豆味香濃，唔會太甜蜂蜜綠茶（餐）$12綠茶清香，解渴又清新。埋單$203，兩個人食到好飽，性價比高，小店簡約乾淨，出餐快，職員有笑容，感覺舒服。…Read More

今次同朋友去開深水埗，想食日本嘢，六點左右見到呢度門口有人排隊，趁下熱鬧見到鐵板燒又有啲興趣，就去試試佢落咗單之後先嚟沙律刺身拼盤開波有刺身拼盤，侍應會講食嘅次序，由清淡食到濃味，特別要讚帶子勁鮮甜！活龍蝦、活鮑魚鐵板燒重頭戲梗係海鮮！龍蝦肉爽彈鮮甜，重點係用埋蝦膏燒，彈牙不特止，蝦膏嘅鮮味爆炸入口！鮑魚同樣彈牙，調味唔會太重，食到鮑魚嘅原汁原味，同埋鐵板燒嘅香味👍鵝肝多士鵝肝燒到外面小小脆，而入邊嘅鵝肝油分充足，同多士真係天作之合😻牛肉薄燒牛肉薄燒即燒即食，入面有脆蒜粒，同埋香蔥，牛味濃郁，唔使點醬已經好夠味炒野菜 炒野菜，食落清爽，解膩又均衡，唔會一味油膩。炒飯 炒飯粒粒分明，帶住淡淡油香，感覺有返日本食鐵板燒嗰種溫暖。二人套餐$1198，加一後埋單$1318。價錢唔算平，不過以食材新鮮同鐵板燒體驗嚟講，偶爾犒賞下自己都抵食。…Read More

放工行過大圍，見到呢間新開甜品店，環境乾淨企理，主打創意糖水。見menu幾有心思，即刻入去試下焦糖脆餅海鹽奶蓋沾醬麻糬 $48一上枱已經聞到焦糖香。麻糬煙韌唔黏牙，外邊脆餅帶微微焦糖脆香，咬落好有層次。海鹽奶蓋唔會太膩，甜中帶鹹，沾醬麻糬一流，朋友超級鍾意無糖粉粿冰 $72夏天必點消暑之選。冰底本身已有黑糖味，唔係普通碎冰，有誠意！粉粿質地煙靭，咬落有彈性，配埋冰碎一齊食，透心涼。最啱食完飯嚟個refresh。班蘭湯圓 $48湯圓細細粒，班蘭味自然，咬落有淡淡椰絲椰香。椰汁湯底唔會太甜，飲落暖胃又舒服，食完有幸福感。今次試甜品，三款都唔踩雷。焦糖脆餅麻糬最有驚喜，粉粿冰健康清新，班蘭湯圓經典得嚟有新意。下次會想再嚟試埋其他糖水！…Read More

放工夜晚想搵個地方醫肚+小酌兩杯，揀咗呢間氣氛casual嘅小店。價錢親民，最啱三五知己吹下水。蒜蓉包一上枱已經聞到香氣，蒜香十足，記得趁熱辣辣食最好炒通菜通菜炒得夠鑊氣，爽口唔韌，有得揀辣度，唔太食得辣可以揀BB辣青咖喱-豬頸肉（+$10）咖哩係比較清淡嘅，不過豬頸肉都好足料，油香十足，肉質彈牙Classic Highball（$42）酒味唔算太濃，梳打夠氣，飲落醒神，配串燒都適合嘅青檸梳打（$24）解渴又唔太甜，鍾意無酒精飲品可以一試。串燒（牛肉$18 / 雞肉$18 / 白鱔$24）三款都叫咗，香氣十足。牛肉串脂香肉嫩，雞肉串多汁，白鱔稍為厚身，烤得啱啱好唔腥…Read More

餐廳主打高質粵菜，環境偏向高檔，整體好滿意，如果有家庭聚會或者同長輩食飯，呢個都係唔錯嘅選擇👍👍一口蝦多士蝦多士炸得香脆，蝦膠厚實彈牙，入口有濃郁嘅蝦味，配埋少少醬汁更加突出紫砂功夫燉湯燉湯係餐廳嘅亮點之一，今次試咗紫砂功夫湯，湯底清甜，材料煲得好出味，飲完暖晒個胃，感覺非常滋潤蜜汁厚切黑毛豬呢道菜絕對係全場焦點！黑毛豬厚切得嚟煮得啱啱好，外層蜜汁帶少少焦香，肉質嫩滑帶少少咬口，底層有啲豆，超級好餸飯魚湯竹笙魚腐皮勝瓜勝瓜吸收咗魚湯嘅鮮味，口感清甜滑溜，竹笙同魚腐配搭得宜，呢個菜清新，平衡返其他濃味嘅餐點非常好高質粵菜餐廳，食材新鮮，出品有水準，特別推介蜜汁厚切黑毛豬同紫砂功夫燉湯。…Read More

友人放工心血來潮想食泰國菜，最終揀咗呢間 ，感覺裝修新淨，座位闊落，坐得舒服，啱晒傾計泰式生胡椒炒蜆（$178）蜆嘅份量好多，胡椒味道突出，炒得香口廿清邁香酥酸辣魚（$248）全晚最驚喜！魚肉嫩滑無腥味，炸起又酥脆，青檸汁夠酸，又開胃又惹味鹹魚炒椰菜（$108）蔬菜份量足，鑊氣夠。屬於穩陣之作。芒果沙冰（$68）芒果味香濃，沙冰口感細滑，夏天飲一流。Cobalt Blossom（$108）顏色靚，味道帶花香，酒味唔重，女士應該會鍾意。泰式咸蛋蟹肉蟹膏炒蛋配薄餅（$268）🌟呢個真係不得不提，蟹膏、蛋同咸蛋味道融合得好好，每啖都夠晒惹味。配薄餅一齊食，好爽！今次最推介清檸酸辣魚，味道夠層次，食材新鮮，雖然價錢唔算低，但偶爾食下都值得再訪。…Read More

放工嚟科學園Happy Hour，點知一入到去，原來有Live Band表演！成晚唱足兩個鐘，氣氛好好，完全feel到好放鬆原隻爆汁啤酒雞 伴薯菜（$198）呢個必食！雞皮燒到好香，但肉質仍然好juicy, 配埋薯菜，吸埋啲雞嘅肉汁，非常好出色！特別要讚係原隻雞上枱打完卡之後廚房會幫手切開，食得好方便😉生啤自由配（$78+$60）$78有一杯啤酒加一款小食，再加$60 ，有多一杯啤酒再加兩款小食，即係total 138就有兩杯啤酒+3款小食，好抵食！SAPPORO生啤夠冰凍，飲落特別爽炸池魚，酥脆，不過略嫌啲骨有啲多水牛雞翼，微辣開胃，熱辣辣食更加好食炸白蘑菇，問侍應攞咗啲白松露醬，埋超好食，外面酥脆，入邊嘅蘑菇仲係Juicy嘅，呢個非常推介生蠔（6pcs $198）鮮味十足，每隻都肥美多汁cafe酒吧嚟講，食物同氣氛都交足功課。店員落單快，轉枱都主動幫手。寬敞坐得舒服，最正係有Live Band唱足兩個鐘，現場氣氛超級正…Read More

想泰一泰，朋友介紹，主打泰式同東南亞菜，滿意值得推薦！串燒 (6串，$108)點咗雞、牛、豬、烤得剛剛好，唔會太乾，每串都非常惹味！冬陰功（$88）好足料，酸辣比例啱啱好，香料味亦都好足夠，非常開胃泰式柚子蝦沙律 ($98)朋友想扮健康，叫咗沙律，好fresh 呢道沙律酸甜適中，柚子清甜多汁，搭配蝦肉鮮甜彈牙，非常開胃，係熱天必試嘅菜式！馬來文咖喱 ($118)咖喱味道濃郁但不膩，用嚟配埋印度脆餅 ($42)，脆餅吸滿咖喱汁，簡直係完美拍檔。泰國椰青 ($62)椰青水清甜解渴，好清爽，特別適合配埋辣味菜式。總結，餐廳環境乾淨舒適，座位間隔亦足夠，不會覺得擠迫。價錢亦合理。地方夠大好坐、適合朋友聚餐或者想食地道泰味嘅朋友。…Read More

自從旺角分店執咗之後，就冇食過鐵牛，今次嚟尖沙咀分店充滿期待！點咗兩款鍋同幾款小食，滿意！鴨屎香狂打檸檬茶（$36）茶味濃郁但唔會太澀，檸檬香氣十足，飲完非常解渴，清新感滿分！鐵牛臭臭鍋（$128）餐廳嘅招牌，湯底帶有濃郁嘅臭豆腐香氣，但味道唔會過於強烈，入口香辣開胃。配埋安格斯牛肉片，肉質鮮嫩，吸滿湯底味道，非常惹味，可以encore! 台灣本味麻辣鴨血鍋（$138）麻辣鴨血鍋辣度適中，湯底厚重而帶香，辣味唔會過火，足料滿足！木魚炸豆腐（$40）外脆內嫩，吸滿湯汁後更加好味。鹽酥小拼盤（$56）菜式搭配得非常豐富，絕對係重口味之選。太甲椰椰芋香（$15）足料的芋香，朋友話超好飲！落單快速，餐廳座位間隔闊落，坐得舒服👍…Read More

呢間位於旺角嘅地舖西餐廳，以鐵板扒同漢堡為主打，氣氛輕鬆地道。最令人驚喜一定係佢哋嘅漢堡：厚切漢堡扒上枱見到已經好吸引，咬落真係juicy到爆，肉香四溢，每一啖都食到牛肉嘅鮮味，配上煙肉同融化芝士，味道層次分明，食落去好滿足。加錢叫埋酥皮湯Fruit Punch一上枱已經見到色彩繽紛，入口酸酸甜甜，非常清爽。用新鮮果汁調配，有橙香、菠蘿味同少少莓果香氣，唔會過甜，飲落解渴又開胃。配搭西餐特別夾，可以中和返肉類嘅油膩感，夏天飲一流。鐵板扒方面，今次叫咗肉眼扒，特登揀咗7成熟。上枱時鐵板仲滋滋聲，啖啖都保留住熱力。切開見到中心粉嫩，火喉控制得非常好，入口肉味濃厚，質感軟腍又唔會韌，每一口都咬得出肉汁。配菜有烤過既瓜同粟米粒，簡單清新，啱啱好平衡返肉類嘅油膩感。燒汁鹹香惹味，唔會搶走牛扒本身嘅肉香，反而令整體味道更加突出。套餐飲品揀咗可樂，凍冰冰送上，氣泡感十足。牛扒配可樂就係經典組合，飲落夠爽快。整體嚟講，呢間餐廳無論漢堡定鐵板扒都做到水準，適合一班朋友聚餐或者想食足料西餐嘅時候嚟打卡，價錢合理，值得一試！…Read More

今次同朋友行銅鑼灣，呢間小店門口有啲低調，裝修風格簡約，帶有濃厚嘅和風氣息。點咗兩款主餐，整體體驗唔錯👍刺身三色丼（吞拿魚、三文魚、油甘魚）+ 溫泉蛋三色刺身丼嘅刺身品質相當新鮮，切片厚薄適中，三款刺表現都好好，丼飯粒粒分明🤤加咗隻溫泉蛋，蛋黃流心，拌飯一流，令整碗丼飯更加有層次。牛肉壽喜燒套餐 + 海苔飯 + 溫泉蛋壽喜燒湯底甜鹹適中，牛肉片勁大塊唔欺場，而且油脂好香，煮得剛剛好，嫩滑而不柴。配埋海苔飯，飯香中帶少許鹹香，加埋壽喜燒湯汁後更惹味。再加隻溫泉蛋，一啖飯一啖肉，好滿足！ 服務員態度親切，落單速度快，食材介紹詳細。餐廳雖然唔大，但座位好闊落，適合朋友聚餐或者輕鬆用餐。總結表現令人滿意，食材新鮮，性價比高，值得再訪！價錢中等偏高，但以質素計，絕對值得一試。…Read More

朋友想食韓國野，成日行過見到招牌，就想去試吓，入到去裝修好有feel好有氣氛，座位闊落，坐得好舒服芝士炒雞（$328）超級超級大pat芝士，夾埋炒雞，少少辣好滋味勁邪惡😆 仲有無限添加的side dish，有芝士蛋、泡菜、紫菜飯，一次過滿足晒好多願望✨另外叫咗海鮮蔥煎餅（$138），印象深刻的係，煎餅唔太厚粉，入邊全部都係海鮮同埋蔥，煎得好香口🤤野飲方面，一杯叫咗桃味嘅Outdark Rita（$88）倒插啤酒夠晒靚好適合打卡😂另外一杯叫咗韓國米酒yuza makgeoli ($38), 正常發揮呢度嘅食物份量都幾大，環境氣氛幾好，而且店員都好主動，服務都唔錯，好適合人多聚會share食…Read More