Ellylnt's Profile

星期一收工諗住求其食啲嘢，點知撞正呢間 「炊澗小館」 排長龍！等咗3-4張枱先入到，睇嚟真係有料到～ 🔥 必試招牌：手工肉餅（煎/蒸兩食） ▪️ 招牌雜錦蒸肉餅 ($118) – 一啖咬落去，臘腸油香 + 魚肉鮮甜 + 蝦粒彈牙，仲有 鹹蛋黃 流心爆餡！最正係加咗 馬蹄粒，爽脆口感即刻升Level，送飯真係無敵！ ▪️ 煎手工肉餅 – 外層微脆，內裡Juicy，醬油鹹香啱啱好，唔會太膩，食完想再Encore！ 🐔 三吊老醬油鮮雞 雞肉超嫩滑，醬油帶甜，好有傳統風味！雖然唔係好大份，但勝在夠入味，撈飯一流～ ▪️三吊油雞甜甜地 好岩送飯  撈飯神器（偷偷地講 我地仲加咗一碗飯食tim) 🍱 套餐抵食之選 跟 健康靚湯 + 養生茶 + 白飯(可以簡日本白米/16穀米/炒麵，$100多啲搞掂，性價比高！特別係個湯，真係冇味精，飲得出老火足料。 💡 小總結： – 家庭客居多，夜晚好旺場，建議早少少去 – 小菜有鑊氣，肉餅真心推介，係會令人掛住嘅味道 – 價錢合理，太古區來講算係高質街坊小店 📌 炊澗小館  #港式小菜 #炊澗小館 #手工肉餅 #太古美食 #香港食好西 #排隊都值得 #家庭飯堂…Read More

🎂 生日必訂：手繪蛋糕畫盤＋小煙花蠟燭提前一日預約「生日畫盤」，上碟時超驚喜！職員會手寫祝福語＋裝飾，配上閃閃小煙花蠟燭, 主動幫手影即影即有，紀錄低開心時刻，儀式感十足！🍽 食物高質 樓上舖罕見• 西班牙蒜油大蝦配酸種麵包， 蒜油大蝦好好味 好高質配埋麵包成件事好滿足• 提子冧酒蛋糕- 味道特別 冧酒味都好出 係一個食完你會記得嘅cheese cake以樓上Cafe嚟講，食物水準絕對超出預期！💯 員工服務滿分 慶祝氣氛一流當晚場內十幾枱客慶祝生日，職員完全冇hea做，枱枱都會大大聲講生日快樂、幫手影相，笑容真誠又熱情。聽到隔離枱嘅歡笑聲，自己都跟住開心埋一份！香港少數嘅餐廳因為staff 而我記得呢一間餐廳 當日唔少人有好多要求，女仔影相又想靚啲，拍片out foc 又想拍多次。啲staff都無hard feeling / sad face, 仲好開心講 「我再行過呀！」呢一下，都值得打一篇食評比佢 比呢一間餐廳！📝 小貼士－畫盤蛋糕記得預約時註明 （要早一日 confirm) －晚市較旺，建議預早訂位…Read More

平日嘅晚餐都唔使排隊 灣仔開左一間新嘅韓國嘢食 性價比高 份量比較多手機QR code 落單餐牌入面有套餐同單點嘅野食主打菜式，當然有湯麵 湯飯同埋蒸餃 🍜套餐入面配兩個小菜，仲有一碗小飯今次我哋就叫辣牛肉湯麵同埋辣排骨湯麵特別嘅係我哋覺得兩個湯底係有啲唔同辣排骨湯麵想像中冇咁辣嘅紅油都比較少麵體方面比較似烏冬同刀削麵嘅合體版 比較似中式嘅扁面 十分彈牙喺香港比較少見嘅韓國蒸餃 大大隻皮都比較薄而迷你紫菜包飯方面就冇乜特別我哋仲叫多咗個梅子汁🧃甜度比較高，唔適合開始戒糖嘅你…Read More

旺角區 眾多餐廳之中想簡一間黎慶生 同朋友聚會一下呢一間可以加入你個list入面啦！申子地下（類飲bar枱）同一樓兩層今次平日晚餐時間都好full 大家氣氛都比較似下班後chill chill的感覺🫶🏻食物方面 選擇很多推介呢個玉子燒 唔係預製再翻熱嘅玉子燒 入面未熟透仲冇蛋液流出來的非酒精類飲品都唔差 我地叫咗凍抹茶牛奶今日特別的係我地黎慶生🎂佢地上蛋糕時 仲會好用心咁幫你set 又唔會唱生日歌 真係又一I 人慶生之選！ …Read More