wetwong's Profile

其實每次經過呢間拉麵舖都想入去試，但每次都因為趕時間攪到未有機會，上星期做完針灸之後終於有時間幫襯😊石門站一出就會見到，所以正常好多人都會經過，外面望其實舖吾大，夜晚去食通常都要排隊，好彩我今次針灸完吾太晏，去到排左幾分鐘就入得，喺完全冇諗過食乜，冇上openrice睇評語介紹，膽粗粗叫左個特盛海老豚骨湯拉麵同埋餃子，因為第一次食呢間，所以麵質揀左適中，湯底揀左中味，心諗應該都安全呱😅拉麵黎到望落感覺好油，但賣相幾好，試左啖湯，個湯好濃，好重豬骨味，仲有啲鮮味，好足料嘅湯底，飲落反而吾覺油，好香好好飲🤤🤤麵系幼麵，好吸湯，但又吾會太淋，啱啱好😋😋😋豚肉叉燒，脂肪比例啱啱好，每塊吾太厚，又吾會薄到大風啲都吹走嗰隻，入口即溶，正😍😍😍麵裡面仲有2粒好似雲吞嘅野，不過放入口有陣酸味，其實我有諗過會吾會系變壞左😂仲有隻流心旦，因為我吾食所以吾知好吾好味，配菜仲有啲木耳，紫菜嗰啲，整體黎講碗麵系好好味，如果冇左嗰2粒野會仲好🤣🤣🤣小食叫左餃子，煎餃子好香口，但又吾會燶左，咬落去皮好薄，裡面嚿肉多汁，就咁食已經好正😋😋😋我食完個麵同餃子，但支茶仲未到，比我感覺如果我吾問，其實佢哋會吾會吾比我🤨裡面枱又吾多，你話好忙又吾系，細心留意其實都會見到個客冇野飲，又或者落單後即時比支茶吾系正常做法咩🧐系唯獨呢方面可能要改善下，其它都感覺良好，野食又好☺️…Read More

作為一個沙田友，新開又點會吾試呀！雖然系遲左啲😁6點鐘去到完全吾駛等位✌🏻聽講晚餐好多時都要等位，所以早啲系好啲嘅🤭🤭🤭坐底侍應即時比個籃我放手袋，好識做🤣🤣🤣外星人飛船送餐幾特別，呢方面應該吸引好多小朋友，我見有啲餐系分100g,200g,300g，吾同肉類吾同gram系吾同價錢，連飯都有分gram，呢方面就啱哂女士們/吾鍾意食飯嘅人，包括我😂同埋呢度系一人一爐，自己顧自己🤭🤭🤭嗰晚嗌左2個餐，一個系151，一個系163，仲有碟日本南瓜先黎200g嘅151先，呢個餐轉左紫菜溫泉蛋飯（+$15），裡面包括有西班牙豬五花、黑毛豬肋條、富士蘋果地雞肉，豬五花好肥，好似比左粒肥朱肉過我😅但用黎燒又好鬼正😋豬肋條系一塊塊吾系一條條，不過都食到豬味嘅，系肥啲啫🤣🤣🤣蘋果雞，初頭我以為有蘋果喺側邊，點知冇，問左嗰度啲人，原來系蘋果醃🧐但我食吾到蘋果味囉😅不過呢隻雞肉質都幾嫩滑，可惜大嚿左啲，好考燒嗰個嘅功力，好彩我阿媽都吾弱🤭跟住黎個200g嘅163宮崎和牛，牛肩肉有趙口，牛肉眼蓋有彈性好滑，牛三角腩油脂最重，總括呢3種牛嘅牛味濃，油脂分佈平均，入口即溶，肉質嫩滑，可以回頭，吾可以吾試嘅一個餐😍跟餐有個湯，湯好清甜，好啱食完咁多肉去飲😌離開間舖你吾會聞到自己有陣燒肉味喺身，返到屋企都冇人知，連我隻狗都聞吾到個度先勁😆😆😆未試過朋友真系要去試吓，連我對燒肉冇乜興趣嘅人都走去食，仲諗緊幾時再去，吾去你哋會後悔嘅呢😋😋😋…Read More

冇話特別上openrice睇九龍城有乜好食，衹系一心諗住帶完個女睇醫生，再同個朋友坐低食啲野，傾吓計，行左幾條街，終於比我哋見到有戶外位😮‍💨2個人叫左個煙三文魚磨菇丹麥酥pizza，香煎羊架，窩夫拼盤，新鮮水果蜂蜜綠茶，cappucion❤❤❤首先講左個丹麥酥先，超濃嘅芝士味，上枱已經好香，三文魚加埋磨菇放喺丹麥酥上面咁食，好特別，個味好夾，側邊放左幾條草，食吓丹麥酥，又食吓草，會冇咁漏羊架，我哋叫嘅系小吃，吾系叫主菜嗰隻，不過佢都好用心都整，煎到啱啱好，完全食吾到騷味，外有少脆，但嚿肉吾會好靭，仲有啲汁，吾會好乾身😋😋😋cappucion冇乜特別，咖啡一杯，但吾系特別香嘅咖啡新鮮水果蜂蜜綠茶，望系好靚，但朋友話太甜，要另外加水先飲到😂窩夫拼盤，食埋個甜品先叫完美嘅一餐🤭🤭🤭總括一句，價錢吾貴，有啲咁嘅質素，我覺得可以再回頭，食野期間，啲侍應系咁望吓我哋，睇吓要吾要執枱嗰啲，坐戶外黎講都算吾錯…Read More

大年初四食開年飯，原本諗住出尖沙咀大都食片皮鴨，但衹限4位，email又冇覆可吾可以加到6位，為確保有飯食，改左去稻成，吾想太夜，攪到媽咪又攰又眼瞓，所以今年下晝食😊book2點枱，去到等左一陣就有位，大時大節算系咁😅原本留左一隻鴨，但入座後侍應推介4人餐，見有魚有雞有鮑魚有海參仲有花膠，所以決定食餐再加一隻鴨同埋加多份小籠包😍涼菜衹系粉皮呀，夫妻肺片＆肴肉，冇乜特別，又吾系話十分好味，所以影左相都費事post😂點心系小籠包，皮吾厚，有肉汁，但可能我太遲食，攪到吾覺好味😮‍💨主菜有酸菜鱸魚，吾好睇佢一隻隻紅椒喺面，但系吾辣㗎，連我吾食辣都覺得佢衹系輕微辣，酸菜系潮州酸菜...阿媽話🤣🤣🤣條魚好滑，我食就食吾到骨，但哥哥就食到有少少骨碎，所以食時都系要小心啲，個湯酸辣味適中，吾會蓋過魚味，聽講散叫有酸菜龍躉，下次可以試下😁再黎跟餐嗰半隻片皮鴨，期望越大，所以攪到冇乜驚喜，叫做不過不失啦，佢系鴨皮同鴨肉分開嗰種切法，上菜時用個盒仔，上面放皮，下面放肉，有個櫃桶仔放濕紙巾同埋一次性手套，望落幾靚，仲幾細心，鴨皮脆，但吾見有鴨皮脂，所以食落吾太大嘅鴨油香，燒得啱啱好，冇騷味又吾乾身，可以再食😋之後就黎埋花膠雲吞雞，目測有好多花膠，半隻雞，個湯清得黎好夠味，幾粒雲吞吾系十分好味嗰種，所以可以不理😂鮑魚扒翡翠苗，望落幾好，但我冇食，所以冇得評論🫣蔥燒日本關西遼參，其實咪系炒洋蔥加海參，不過佢炒到啲洋蔥出哂甜味，又吾燶，2樣味道加埋又幾好味，值得一試😋😋甜品系高力豆沙，出面冇乜點食過，所以吾知系點，但呢間嘅豆沙饀少左啲，得一粒仔，成嚿食都吾覺太甜總結，呢間啲食物幾好，食完吾會有口乾嘅情況出現，咁旺塲嘅日子啲人都幾有禮貌，未試過可以去試下😊😊😊…Read More

接完老豆出院,返到院舍樓下都兩点幾lu,又係時候歎番個下午茶嘞我哋叫咗..... 魚旦面~~魚旦爽口彈牙唔知係咪自家制嘅呢?面又食唔到鹼水味喎 芥蘭~~老豆話好硬,所以食唔度,唯有我食埋....以前食芥蘭会覺得苦,仲要係苦過苦瓜,廿四味,出奇地今次唔苦喎但啲蚝油超咸呢...... 蚝仔肉碎粥~~粥裡面啲飯一嚿嚿,要我用匙羹整散佢,咬落好似生米咁蚝仔無腥味(可能係佢哋落咗好多薑絲呱)而啲蚝仔就真係好小朋友囉.... 老豆講得冇錯,魚旦真係唔錯!果然係"家有一老,如有一寶!"起碼揾食都叻啲啦!…Read More

去到荃灣,唔知食咩好,見到客家好棧個名又未食過啲嘢,膽粗粗去咗試,結果....... 兩個人叫咗兩碟餸: 鹽焗雞(半隻)~~望落隻雞已經唔多肉食,放埋入口,雞肉有少少"鞋",入味得嚟唔会太咸,都OK嘅但係唔知点解食到某幾嚿就特別咸呢?攪到我倆連飲几杯水 咸菜朱肚窩~~望落第一個感覺幾好,可能有個爐仔暖住食呱再望一望啲料,第二個感覺喺........咁似朱骨煲嘅?!朱肚洗得好乾淨,咸菜食落又唔咸,而支竹咬落硬咗少少,咁都唔緊要,最大件事喺我哋要邊食邊飲水 咁樣飲水法,唔飽先奇呀!點平都冇用啦!就算冇"衣食"都係咁話,即閃!…Read More

又係喺下午茶時段嚟肚餓,咁啱經過扒王之王,近近哋上去試吓先,出見到個門口,嘩!咁有情調呀 入到去,感覺整齊及舒服,沒有局束感覺,果然係平民餐廳呀 叫咗份吉列豬扒配薯條及熱咖啡 熱咖啡~我選擇落代糖,好似好健康咁一包代表一茶匙,落咗一包,以為咁啦!點知......原本又香又滑嘅咖啡比我攪到超甜 吉列豬扎炸薯條~~賣相好吸引喎!切開炸皮薄朱扒厚度適中,咬落仲好鬆軟不過塊朱扒赧幾為骨囉....d薯條炸到金黄色唔咸兼脆,OK喎 不過不失的一餐,下次可以再試吓其它食物…Read More

暫沒工作的我,係時候約朋友仔食飯兼閒聊!面皮厚嘅我提議去四眼佬,居然冇人反對 六點幾,冷清嘅塲面,再次任坐三個女仔,呱呱嘈咁討論食咩好,結果......... 鹵水鵝:勁肥嘅"我"遇着超級肥嘅"鵝"咬走肥膏放入口,居然咁入味嘅!?勁! 炸乳鴿:完全覺得似係非洲籍嘅乳鴿,咁黑嘅炸到咬落係有d脆但乾身咗少少囉..... 蒜蓉西蘭花:沒有炒散嘅西蘭花,多蒜蓉但唔咸,咬落唔太硬身啱啱好,"正"呀! 蒸魚:唔知係咩魚,唔多骨,食到好滑好鮮味,唔"鞋"喎!仲用好多葱去蒸,但唔見有薑嘅!? 邊食邊吹水,坐咗三個鐘,三個食飽嘅女仔各自歸家 …Read More

不適當的時間走嚟肚仔餓,唯有將個晚餐時間提前,提前,再提前啦下午茶嘅尾聲時段,去度邊都唔多人,又唔駛等位,真好 嚟到"一粥麵"買咗飛突然"叮"一聲咁諗起,一個人on dog dog坐喺度等食?唔好啦!都係買本雜誌先面皮厚嘅我主動問收銀可唔可以將個牌暫存喺佢度,轉頭先攞番!出奇地又唔介意喎 長脚姐姐好有禮貌咁喺我面前講咗d咩食物,仲叫我慢慢享用!真難得 Q版揚州炒飯~~望落絕對唔Q版,但好多料,尤其d叉燒粒,甜甜哋肥瘦適中有幾隻虾,好似一蚊咁大,但咸咗少少囉炒飯唔太乾身,有d仲有焦,可惜油咗d,但整体算錯 食飽飽,嘢都未飲完,樓面姐姐又好有禮貌咁問我仲要唔要,收咗隻碟先,慢慢坐啦!食咗$32喳,仲喺邊度揾喎!!!!!…Read More

晨早起床,清新開朗.........尋晚返咗阿媽度瞓,瞓醒又唔知附近有咩好食,唯有落商塲間茶記啦 "早餐食通粉,唔駛成日瞓!"所以叫咗A餐,反旦多士,凍啡少甜.... 先嚟嘅凍啡少甜~~唔知係咪啲冰細粒,望落去密質質,所以覺得好多冰呀不太甜的凍啡飲落雖然有啡味,但不濃烈,OK啦 再嚟嘅係反旦多士~~多士咬落暖暖哋,脆lock lock至於反旦腸仔望落超油呀唔敢食!唔敢食! 最尾嘅係火腿通~~望落雖然發漲咗,但食落湯底唔會好咸,通粉漲得黎又唔會感覺糊狀喎幾好!幾好! …Read More

凍咖啡攞時已溶緊啦!會唔會之前倒多了? 朱扒咬落唔夠鬆囉,而且最唔明点解有旦包住塊朱扒,是否代表先炸再舔旦再煎呢?真係不得而知嘞!炒飯做底又唔覺炒得油,軟硬適中,唯獨欠缺飯香 茄汁很酸...有蕃茄有波蘿咪仲酸.... 剛剛瞓醒嘅我,又要落街揾食啦!今次去大家樂先!講起大家樂,多年來令我印象深刻嘅有1蚊1隻糯米雞,2蚊1杯熱奶茶及一哥焗朱扒飯! 今次我就食番"一哥"啦!多年冇食過不知現在味道如何,真的很期待 算吧!現在很多中央厨方,故此不能要求過高…Read More

母親節又到啦!係時候約埋家人吃餐飯氹一氹家中嘅師奶之餘,又可以有藉口一家人聚一聚嘞可惜今年哥哥超給忙碌呢!祗能飲茶,不能晚膳家姐提意去帝都間帝玉庭,喺冇人反对下就打咗去booking!準時1pm到達,但....準時都要等????咁駛乜早幾日打嚟留枱呀咪玩啦!!!家姐見我嘅情緒病想發作,即时解釋"booking咗之後,嚟到攞籌雖然要等,但可優先,而家好多地方都係咁啦!"原來如此!!! 入座了!入座了!點心紙放喺枱中間,張張唔同!食物嚟嘅速度都算怏,先係煎炸食品,再嚟嘅係點心....我祗知是什麼食物,不知紙上點寫,唯有憑感鱟去乱作名,各位:不好意思 爆灯墨魚餅~~咬落不太粉,重墨魚之餅!因墨魚好似係高膽固醇,故又名爆灯! 好粉蘿蔔糕~~咬落真係好粉囉!太多粉所以唔覺食到蘿蔔絲/味! 乾巴巴腐皮卷~~煎得太乾啦!卷內又少材料!揾笨!揾笨! 冷冰冰炒腸粉~~雖然味道唔錯,不會太咸,也不是過油,但凍嘅oh my god!幸好侍應主動去弄熱!但願不是"叮一叮"吧.....回來後的炒腸粉,簡直係good!good!good呀! 揾笨炸雲吞~~大大塊嘅雲吞皮,炸至金黄色兼非常香口,但包住嘅材料太少了! 好"孫"雲吞醬汁~~醬汁內的材料豐富,有蝦有尤魚等等,但酸咗少少,唔係酸酸甜甜嘅咩? 爆瘡長春卷~~春卷裡面隻蝦都幾鮮,值得試! 穩陣点心~~豆苗餃,蝦餃~蝦鮮,皮簿,"正"! 排骨~肥少少囉! 准山雞札~雞札內除了雞,芋頭及冬菇外,特別之處有叉燒!但是到碟底嘅油已不想吃了... 燒賣~~賣相不佳,所以冇食!可能我見識少呱!見到有片似冬姑嘅物体放喺燒賣面喎!即時食慾下降....点睇都唔似飽魚啦! 漏單之作............ 翻叮燒腩仔~~肥膏出油中,皮又唔翠, …Read More

星期六,下午無節目....唯有近近哋喺屋企樓下食嘢啦!今次坐咗喺水吧附近位置,点了D餐~~XO醬海鮮炒鴛鴦粉及凍咖啡少甜 例行公事,有餐湯餐包跟埋 包~~暖冚冚湯~~夠熱,但唔夠滑,所以加咗少許牛油,即刻唔同哂牛油~~雖然獨立包裝,但.....溶哂咁滯喎!唔會有事呱 XO醬海鮮炒鴛鴦粉~~碟粉嚟到,第一個感覺......真係好粉囉啲海鮮呢?揾到啦!揾到啦!喺d鴛鴦粉下面呀!不過.....咁袖珍嘅???有冇攪錯呀!成碟嘢得嗰1粒蜆肉2隻蝦毛5嚿仔墨魚?仲要食落口啲所謂嘅XO醬得少少辣,完全唔似用XO醬去炒囉 凍咖啡少甜~~似超甜多啲囉想點呀???? 結果除咗餐包,餐湯食哂外,d乜粉乜啡全部有淨,其實每次幫襯之後都會有呢個諗法.........."明天會更好!"…Read More

自從與"他"分開後...差不多有一年设來了!吃過很多附近的打令店/小廚,沒有一間使我想再次光顧,唯獨是這間極不起眼的食店,還是覺得你最好! 晚上6时8分左右到達,沒有客?星期日喎?都好!我可以任坐 等待朋友期間已叫啤酒給自己解喝,爽呀!5mins後終於比我等到啦!"衰仔!想餓死人家個女咩?"朋友滿面歉意話"最多比你叫雞嘞!想叫咩雞?"想也不用想,當然是~~ 啫啫雞啦! 每次叫這雞也很期待侍應由廚所取出來的一刻...吱吱喳喳,香味撲鼻,在塲很多食客也会留意(包括當年的我)很熱很熱又比隻雞"辣親"大家請放心這雞濃味而不咸,雞更沒雪味咖,唯獨美中不足就是煲底有很多油,不知是否雞油呢?邊吹水邊飲酒,簡直一生一大樂事呀!為了飲酒期間有餸吃,所以一連叫了三个餸~~ 豉油皇大蝦:大大隻彈牙嘅蝦,超多膏!正!正!正呀!但点解蝦殼咁咸ge?莫非今朝輸馬,所以...... 椒絲腐魚炒通菜:"正"菜一碟,但...乜腐魚好貴嘅咩?好似食到好少腐魚味囉... 薑葱炒蟹:啖啖肉兼食到鮮甜嘅蟹味law,食到完全停唔到手ar 由六时多坐到十时,飲飽食醉的我倆便離開!…Read More

素食的日子,又要往沙田,令我再次到訪原本想叫番上次的餸,但同個仔去,咪比個衰仔自己叫囉,今次叫了1)上海冷面~~一碟面加七種醬汁分開上,仲有一碟芽菜加青椒絲同埋一碟唔知係木耳定云耳絲,有麻醬,甜醬,豉油,黑醋,花生磨成的粉粒,仲有兩隻唔知係乜嘢醬(有隻類似辣椒油就無試),侍應放低後仲講明邊隻係豉油邊隻係黑醋(真細心)賣相就唔多吸引囉,食落都唔差,但無乜驚喜,淨係令我联想到d商塲賣嘅＋蚊几包嘅撈面,可能有得食有得撈(玩)個衰仔連食三碗呀! 2)醬爆雞丁~~馬蹄粒,冬菇粒加埋豆腐乾切粒炒埋一碟,啲汁濃得嚟几好味,但啲豆腐乾就一般啫…Read More