cleoc's Profile

Chimac地址：九龍灣偉業街33號德福廣場二期5樓Food Count (Foodlie)韓式炸雞套餐 推薦👍(A)經典甜辣炸雞➕ (B)卡邦尼意粉➕(C)飲品 經典甜辣炸雞好好食😋唔太甜亦唔係好辣，好適合唔太食得辣的嘅人，大大舊炸雞，一件就夠飽啦。卡邦尼意粉好好味：香濃嘅芝士味，好creamy，美中不足嘅係，個人覺得意粉偏硬左少少（本人比較喜歡吃軟身的），如果軟番少少就perfect啦！飲品無咩特別，只偽普通嘅汽水，如果係比較韓式嘅汽水就更好喇！總體嚟講，呢個韓式炸雞套餐，份量好足，食量比較細的女仔，2個心人食呢個餐都有7,8成飽。抵食！人氣蜜糖牛油炸雞呢款炸雞味道都唔錯。但肉身有少少”鞋”同硬。鍾意呢種口感嘅人，不妨一試。…Read More

豪快海鮮煎蔥餅➕濟洲柚子蜜(凍)海鮮煎蔥餅：熱辣辣好好味，就算唔鍾意食蔥的朋友都唔使驚，因為呢個蔥餅出奇地食唔到有蔥味。本人平時出街食嘢係必須走青的，但今次竟然食咗兩塊。如果平時唔食蔥，而又對味道唔係好sensitive，值得一試。濟洲柚子蜜(凍)：正常的味道，無咩特別。泡菜豬肉鍋配白飯➕荔枝梳打泡菜豬肉鍋：大大鍋，好足料，豬肉好入味好淋，豆腐好嫩滑，泡菜辣得好過癮(雖然有少少偏咸)，配埋碗白飯啱啱好荔枝梳打：好香好濃嘅荔枝味，配埋梳打，簡值係夏日消暑必備品，一定要試。…Read More

泰國船麵是今次係第一次陪朋友嚟試餐廳好有泰國風味有啲去咗夜市嘅感覺.✅雞髀肉船麵呢個湯好濃甜甜地 用肉汁整成嘅湯好濃厚嘅滋味但係配咗黃麵好好食雞髀肉幾滑配菜仲有炸豬皮魚蛋等等炸豬皮好好食建議加錢食double分量蘿蔔好淋田魚蛋爽口高質仲大大碗✅海南雞飯雞肉好滑 有雞味雞皮爽脆特製醬汁係幾高 黃油雞飯好出色非常香價錢超平六十幾蚊 抵食✅泰式拼盤超抵食 二人份量有炸雞翼魷魚圈同芝士雲吞即叫即炸點埋酸甜醬好香口✅泰式無骨鳳爪鳳爪好爽 配埋無骨鳳爪酸酸甜甜幾好食配菜幾多呢個價錢簡直超值✅龍眼冰超級多龍眼甜甜地 性價比好高…Read More

約咗朋友去銅鑼灣食日本嘢第一次食呢間餐廳 裝修幾日本風有種浪人嘅感覺 入面裝修幾靚每一次入門口都會打鼓😚.✅檸檬帶子醬油刺身呢個真心好食推薦檸檬帶出咗帶子嘅滋味帶子又大大粒厚切 好好味 cp值高✅吉列拼盤有炸蠔炸魷魚炸魚炸蝦蠔幾juicy 炸蝦都大大隻又幾爽脆魚我冇食到 但係味道都ok✅特上壽司盛壽司飯正常 上面啲肉都幾大塊厚切幾滋味唔差呢個價錢銅鑼灣嚟講算好平✅自家風味慢煮美國牛小排啲牛肉好juicy整到啱啱好五成熟食入去牛味幾香 冇乜騷味 抵讚✅石野白味噌銀鱈魚西京燒呢個冇食到 但朋友話啲魚肉幾滑 有燒魚嘅香味個白味噌同銀雪魚match得幾好✅香蔥吞拿魚腩肉丼呢個好抵食啲魚腩蓉有一吋厚加埋香蔥真心幾好食銅鑼灣嚟講呢個價錢激抵…Read More

同朋友去咗北角慶祝生日北角匯呢個商場新落成 仲可以望海景觀唔錯 就係為咗氣氛去呢一間燒肉度食估唔到食物質素都唔差我哋兩個人叫咗濟州五花肉套餐外加咗隻大雞髀.✅套餐包括特選黑毛和牛上半身 肉牛五花牛舌 濟州五花肉 醬油梅花肉其實三個人都夠食每一種肉嘅份量都唔少芝士爐邊蛋 同生菜任添最鍾意食濟州五花肉同埋黑毛和牛上半身肉包埋啲生菜食埋個韓式醬汁實在係高質套餐仲包咗韓式炒粉絲 認真冇乜機會食到因為真係太多啲肉非常之飽肚雞 雞髀好大隻性價比係高但成隻係好難燒最尾決定斬件上燒效果又出奇咁好食 真心非常鍾意😚呢度嘅環境座位寬敞 傾計一流食物又大份 呢個價錢絕對係值得一試…Read More

價錢幾平 份量幾大碟裝修又幾靚 用嚟打卡都唔錯.✅慢煮雞胸蛋包飯好滑好嫩 入口即溶 特製醬汁好好味有啲似卡邦尼味道 蛋包飯好creamy啲滑蛋覆蓋曬成個飯好滿足✅燒醬油黑毛豬白切肉配大醬生菜唔好畀佢呃咗 睇落去肥豬肉咁但其實係好彈牙好入味非常之好食燒到個皮脆脆地點埋特製嘅韓式醬包生菜食實在係勁好食 如果有燒酒簡直係一流😂分量好多淨係食呢一個都夠曬包 適合減糖嘅人士✅韓式炸雞叫咗半份 炸粉唔算多入面啲雞肉都幾嫩滑配埋炸年糕同埋炸番薯條嗰醬汁幾好味一個價錢 有幾種唔同嘅食物 都幾抵食✅巴斯克芝士蛋糕芝士味幾濃厚唯一美中不足就係唔夠喉兩個人share唔得一個人食就ok嘅✅白桃梳打 白桃乳奶酪兩杯嘢都大同小異好濃白桃味啱曬愛桃人士…Read More

行過灣仔諗唔到食乜發現呢一間食crepe嘅餐廳原來都有好多其他嘅西菜食即時同朋友試下 環境好舒服上下兩層樓 高樓底 傾計一流.✅卡邦尼意粉非常之creamy 配上多大量嘅煙肉食落去好濃厚嘅感覺意粉食落去好有咬口 味道好驚喜不過略嫌有啲邪惡😂✅雙拼雞翼兩隻雞翼都size好大其實都幾飽唔可以當係前菜蜜糖雞翼脆卜卜之餘仲有蜜糖嘅香味 水牛雞翼水牛汁好正唔會過辣甜甜地開胃兩隻雞翼都好香口又夠曬大隻✅北京填鴨酥皮pizza上面好多芝士可以拉絲片皮鴨肉好多 個pizza皮好正好多酥皮咬入去好鬆化✅朱古力雪糕我哋叫咗走cream 味道都唔錯有好多粒brownie朱古力味好濃沃 價錢好抵性價比高…Read More

尖沙咀呢一間餐廳我係佢樓下丼飯專門店嘅fans今次特別陪朋友食下樓上居酒屋竟然質素都一樣 完全keep到個質素上面仲有樓上雅座☺️不過我就冇緣參觀✅刺身我哋叫咗三文魚赤身青魚全部都超厚切真心良心價完全冇雪味 師傅處理得好好✅壽司叫咗油甘魚同帆立貝壽司一樣都好出色特別推薦油甘魚 色澤均勻夠曬厚切✅串燒我哋叫咗雞軟骨 雞腎 牛小排雞軟骨 雞腎都好爽口✅廣島蠔好juicy 夠creamy炸到脆卜卜 點埋特製醬汁 好好味價錢嚟講一啲都唔貴cp值高✅鹿兒島黑豚肉鍋燒烏冬豚肉好滑溜 完全冇騷味 湯底好正同烏冬襯到絕.餐廳座位舒適 夠曬寬敞雖然我揀咗吧檯位置但係其他位置見啲客人都坐得好舒服任傾任坐 值得一試😘👍…Read More

鏞記燒鵝一向出曬名依家分拆咗好多間呢餐廳就係其中一位繼承人開嘅主打都係賣燒味 而家仲會賣小菜特別去試下.✅金茶王超滑溜 茶味香 有濃郁奶味非常正✅叉燒燒鵝雙拼燒鵝果然名不虛傳 燒鵝味香皮夠脆 點埋酸梅醬真係一流叉燒都一樣出色 咬入去好juicy蜜糖香十足 有少少燶邊 好有技術✅韭菜麻辣燒鵝非常之大塊 咬入去好煙韌滑溜彈牙 冇血腥味韭菜加麻辣汁 非常惹味✅例湯個例湯都好好飲大大嚿豬骨 啲肉煮到碎曬非常清甜✅口水雞非常大分 又麻又辣賣相非常之靚啲雞又滑連雞皮都食得.估唔到連小菜都咁出色餐廳細細間但五臟俱全小菜燒味都做得好唔錯地點方便呀啱曬住喺附近嘅街坊😊…Read More

香港潮州打冷舖唔多但係良心打冷舖就直情係世間少有紅伶飯店係我由細到大嘅食堂適逢媽咪今日話唔想煮飯所以我哋即刻走落去醫醫肚.✅潮州鹵水拼盤份量多 有魷魚鵝腸紅腸等等滷水好入味大大碟 作為前菜真係一流✅鵝片認真都幾厚切 鵝肉好正超香咬入去好鬆軟唔會過硬點埋特製醬汁 酸咪咪好惹味✅蜜椒薯仔牛柳粒呢個必點 超正牛柳粒又淋又軟仲好juicy加埋少少蜜糖黑椒勁香薯仔炸到脆卜卜 一樣係甜甜地成個餸都好開胃✅椒鹽鮮魷好有誠意 cp值高 魷魚爽脆外面炸到脆卜卜 椒鹽香口微辣✅蠔仔粥非常多蠔仔 有啲懷疑係食緊蠔仔粥定係炆蠔仔😂個湯好甜 啲飯唔會煮到腍啤啤真係潮州粥口味配埋啲芫茜蔥啲蠔好滋味完全冇食過飯😅✅反沙芋頭呢個又係必食 即叫即整外皮脆卜卜 芋頭好香加埋蜜糖 好似食緊薯片.間打冷舖頭真係難以忘懷每一樣菜色都非常之經典大大碟誠意外加裝修好有港式風味同朋友聚舊好ok…Read More

今個星期我升職諗住獎勵下自己 是日同屋企人去咗食龍蝦伊麵魚翅 朗口.✅上湯焗西澳澳洲龍蝦伊麵ok大大碟對得住個價錢龍蝦都唔算偷工減料 咬入去幾爽口芡汁落得重咗 好在個湯底OK伊麵都幾多 冇overcooked✅紅燒煲仔翅即叫即整 都幾良心 真係叫做淡淡翅 勁多翅 真心幾成本價cp值高 但麻麻地鍾意佢用芽菜伴魚翅✅金牌燒味雙拼燒腩仔係幾脆嘅不過應該係再焗過 但我接受到啲燒肉幾juicy 收貨蜜汁叉燒有燶邊 食入去有啲似美珍香嗰啲肉乾 全晚最好食嘅係佢✅士多啤梨大蝦球份量略嫌少咗啲 但個蝦球真係幾好味蝦肉好爽口 外層炸到脆卜卜士多啤梨好開胃.一行四人埋單人均四百蚊左右嗰次份量好多 龍蝦伊麵都收貨而家呢個市度嚟講 都算抵食…Read More

今日去黃埔買野，走個陣有d餓，想食個快飯，就係地鐵站附近見到呢間可以企係度食嘅壽司鋪 -- 板卷。 見到佢都幾多野offer, 就叫左個壽司set同散叫左d自己鐘意食嘅野。 價錢真係幾抵，幾10蚊有成10件壽司，d 選擇好唔錯亦好肯比貴價食材，真心贏晒d 連鎖壽司店，就算返屋企都仲可以食到高質素！超有誠意。佢嘅飯係用赤醋，對比白醋個味道我自己覺得係俾較好。 佢嘅壽司每件都會有唔同嘅調味係面， 好似柚子胡椒/鹽/wasabi/蒜蓉/蔥，都會好夾。 呢個價錢呢個質素真係無得輸。…Read More

因為住得好近尖沙咀我哋兩公婆好鍾意去搵下cafe hea下時間今日第一次嚟呢間餐廳主要原因係因為佢個名叫草民好有趣入到去發現有一大片草地可以畀你坐喺嗰度同朋友傾下偈hea下時間好有綠色嘅感覺好似去咗野餐咁😊佢哋啲食物比較健康同清淡.✅焦糖單骨雞翼價錢好平68蚊已經有一大碟非常有誠意全部整到單骨好容易咬 雞翼有少少chi然嘅味道外層炸到脆卜卜再用蜜糖炒幾炒 真心非常之好食有啲似乜乜山嘅文青風雞翼性價比勁高✅黑松露牛肝菌野菌意大利飯廚師手法幾正宗 正宗嘅意大利飯係有少少咬口 佢真係整到嗰種質感黑松露同牛肝菌 有一種非常creamy嘅感覺 個質素好似去咗食意大利餐廳咁正✅南瓜露筍什菌意大利飯呢個都一樣好高質 首先本身露筍就係一樣好健康嘅食物南瓜打爛整意大利飯入面 甜甜地非常開胃夠曬清新又健康✅爆脆草地滾球因為當初冇仔細閱讀menu估唔到上菜係一個朱古力波波用木槌敲碎咗 入面係baileys雪糕 同埋少少餅乾真心勁好食其實坊間都有唔少係呢一個甜品但係講埋去都要二三百蚊😂呢度98蚊一次實在係太抵成個甜品都食得麵包朱古力波波上面嘅蝴蝶結都可以食 真係超正.餐廳員工 好友善大家同聲同氣 傾得好開心就算平時遇到嘅事有幾抑鬱我相信我哋都可以迎難而上😢…Read More

呢間真心性價比勁高第一次食已經決定咗下個禮拜再翻食😂❤️頭盤✅池魚他他池魚好新鮮 配埋下面啲配菜食鮮味更濃 份量作為餐前小食啱啱好✅雞泡魚乾推薦！味道同出面嘅分別唔大不過佢即叫即整 食入口仲有少少脆最緊要係份量超抵食✅吉列炸蠔炸粉唔多 入面嘅蠔幾大隻完全冇炸到過龍 入面仲滑捋捋食入去好多海水味 大大隻點埋特製醬汁 好和味.❤️定食✅吞拿魚丼定食性價比極高 砌咗幾款吞拿魚唔同嘅部位畀你大拖羅中拖羅赤身 極大量吞拿魚蓉全部厚切新鮮 分量好足200蚊都唔使 良心價一定會再encore✅千層海膽飯因為已經食咗好多小食 嗌細版已經夠曬海膽超新鮮好creamy濃沃嘅海膽味 就算叫細版都一啲唔孤寒真係做到千層嘅效果老實講根本唔需要食下面啲壽司飯已經飽曬cp值好高 勁多海膽 打卡都好開心😂😂.❤️刺身鮮帶子刺身 三文魚腩刺身全部每樣都有四！大！件！超厚切 呢個價錢絕對係勁抵.❤️日本芝士蛋糕以芝士蛋糕作結 芝士味濃 入口好滑好creamy.價錢唔貴 食咗咁多嘢每人消費約四百蚊超級飽 多唔同選擇質素比得上廚師發板男仔嚟食都唔會餓親 真心極推薦！edited11:0411:0722:1422:1422:1422:1422:14…Read More

是日去銅鑼灣食一家大細當然係去食中菜啦.✅海蜇燻蹄顧名思義係小食 份量唔細燻蹄煙韌點白醋食幾開胃海蜇微辣夠彈牙 兩樣小食都做得唔錯✅鮮紅茄湯肉碎煮菜苗分量好足料大大份 蕃茄湯好濃個菜都好冧甜 清淡得嚟又健康✅胡椒焗海生蝦蝦肉好爽 食落去好鮮味 唔似雪櫃蝦胡椒爆香好惹味 啱曬細路仔食✅拔絲黑豚肉酸甜甜 黑豚肉炸到外脆內軟真係做到拉絲效果.估唔到傳統中式餐館都做到酒店嘅質素雖然賣相唔夠浮誇 但絕對比到好食兩個字edited10:5510:55…Read More