AndyChan1413's Profile

朋友話放假帶我去食好嘢，真係估唔到原來係香港有一咁勁嘅壽喜燒餐廳，感覺好似去左日本東京咁。間餐廳係灣仔合和商場，原來真係來自日本嘅過江龍，主打食壽喜燒，成間餐廳個設計非常之日本，淨係個門口已經好似日本嗰啲神社，成間餐廳裝修設計都充滿日本風味。朋友請食飯梗係豪一豪，叫咗成個壽喜燒套餐，簡簡單單咩都有得食唔使諗。前菜溫物壽司壽喜燒烏冬，各有各精彩。重點要講吓個壽喜燒，餐廳安排A5和牛每個月兩次由日本空運抵港，所以啲A5和牛肉質非常出色，油脂分明，入口軟嫩，牛肉入口即溶。壽喜燒汁唔會太甜，傳統日本口味。…Read More

如果打邊爐只可以揀一個湯底，首選一定係醉胡爐嘅火焰龍蝦蕃茄海鮮湯底。餐廳店員首先會用清酒炒一下海鮮，之後再加入蕃茄龍蝦湯，湯底本身味道超濃厚，再加有清酒味道，入口鮮甜味道多層次。餐前小食亦相當出色，椒鹽粟米，粟米炒完之後都唔會太乾身，咸咸地甜甜地。手打墨魚丸，餐廳自家出品，傳統手打丸材料豐富，墨魚丸彈牙結實好食。手打蝦丸，確實足料，啖啖蝦肉，乒乓波咁大粒。流沙黃金炸魚皮，就咁食都好好食，放湯食口感不同，咸蛋黃味道適中。…Read More

老闆請食飯，收工近近地同班同事過左黎，呢間海鮮酒家位置都幾隱蔽，吾係大街大巷，都比較難揾少少，人流雖然無外面餐廳咁多，但可以坐耐少少傾下計慢慢食，聚餐都幾好，吾洗食到咁趕嗌左5個小菜＋1盤烤魚，烤魚選擇都幾多，嗌左半邊巴蜀川味烤魚，上枱有埋爐一直煮住，吾怕會凍，條魚越煮越入味，少少麻，少少酸，越食越辣咁，連d配菜都好吸湯，惹味！吾只烤魚吾錯，就連小菜都幾好食！嗌左2款海鮮都好正！香茅胡椒蝦味道好特別，好夾！胡椒味好出，蝦又夠大隻，炒得好香，真係好好食！而泰式咖哩膏炒青口就好惹味，青口超大隻，而且夠飽滿，隻隻都好肥美！韮菜花炒鹹肉，調味岩岩好，吾會過鹹，鹹鹹香香咁，而韮菜花炒得夠爽口！黑椒牛仔骨煲，黑椒味濃郁，牛仔骨份量足夠，好岩送飯，惹味好好食！燒味雙拼嗌左燒鴨拼叉燒，燒鴨好食，吾會好油膩，配埋酸梅醬一流！而叉燒略帶瘦少少，吾會有油膩感，肉質吾錯，食落吾會鞋口！呢間d小炒真心吾錯，期待下次再黎試下其他！…Read More

一鼎台式火鍋，位於屯門時代廣場3樓，餐廳新開張不久，但經常全場爆滿座無虛席，相信同餐廳高食物質素有關。餐廳以台式火鍋為主打，一人一鍋，湯底選擇都算多，重點在於湯底真材實料，味道濃郁，確實超出一般放題火鍋店之水平，絕對有驚喜。餐廳以手機QR code 點餐，上菜速度極快，牛肉油脂分明，肉味香濃，入口即溶，配合餐廳多種自家製醬汁，確實一流。晚餐更有數款台式飲品放題，其中最特別的可算是香水爆檸，帶有香茅檸檬味道，好飲。…Read More

「食乜好⋯」每次出外做野，每次都好苦惱呢個問題😫 今次好彩有同事帶路，黎左長沙灣既炯記餐室～環境好開揚舒服，如果唔係門面有大大個餐牌寫食咩，仲以為去左西式輕食餐廳，雖然的確有呢類野食提供⋯（燒味撈麵crossover全日早餐牛角包，仲要有得打邊爐係咩玩法😂）好啦，講返食左咩先。我地兩條友叫左兩個四寶麵一份小食，合理份量吧？結果餐點黎到就GG啦😱 係勁大份既四寶麵阿！超大份！一份兩個人食都得！單單計牛腩牛肚，我諗係出面食已經係個例牌小菜⋯點餐時我仲內心OS 70蚊好似貴左啲啲。對唔住，我錯了😂四寶麵有牛腩、牛肚、豬手、手撕雞。味道方面都係水準之作，牛腩軟稔，牛肚豬手入味，手撕雞正路野～麵撈得岩岩好，唔會太油膩，又夠味，正😋麵餐可以二選一，湯或野飲，紅蘿蔔湯好清甜😋 奶茶就不夠不失，奶味較濃。最後介紹埋個小食—麻辣爽魚皮，一點呢個小食，阿姐姐就話擇得好，佢都好鐘意食😂 大概係平時既小辣辣度，好爽口入味！同事之後都打包左份，話要拎返屋企煲劇送酒😂整體都好正！下次出開黎做野，就唔洗煩食咩啦😋…Read More

今日特意黎到屯門食呢間特色漢堡! 個名都好特別又好易記, 叫做”貓毛”係住宅樓下, 如果住係樓上就好, 我會成日落黎幫襯我叫左個貓霸漢堡, 係有2塊好厚身既牛肉, 再夾住一塊厚切菠蘿, 加上醬汁同埋生菜, 有D口感, 2塊厚牛肉真係好惹味, 煎得香之餘仲好JUICY. 而加菲漢堡就係豬肉加芝士~ 麵包皮好香脆, 熱食真係頂呱呱啊!!套餐跟薯條或薯餅, 我地都揀左薯條, 數量都好多, 一個女仔食一個餐真係會食唔哂!!! 野飲方面我揀左香港人朱古力 (60%朱古力), 真係好濃, 好香朱古力味! 岩哂中意飲朱古力既你~…Read More

Dodam chicken 位於觀塘亞太中心三樓，餐廳雖以正宗韓式炸雞為主，但其實餐牌選擇非常多，午餐時段更有多款set lunch 選擇，豐儉隨心。二人午餐點了韓式海鮮煎餅及芝士辣烤雞拉麵，海鮮煎餅確實出色，海鮮材料豐富，煎餅帶脆而且調味適中，更可配餐廳自制醬汁進食，必點推介。第一次嘗試芝士辣烤雞拉麵，份量相當足夠，韓式微辣醬汁撈拉麵，有啖啖肉嫩滑烤雞，韓式魚片吸收醬汁味道，好食。加上兩杯柚子及藍莓乳酪，可幫助減油膩感，非常滿足的一個午餐。…Read More

今日放工之後同屋企人去咗位於長沙灣嘅炯記冰室 發覺好多嘢都想試吓 所以我哋就點左一個二人餐😃😋 二人餐包括咗好多唔同嘅嘢 佢哋嘅老火湯煲得好甜好好飲 同埋裏面都會有瓜👅 一我哋點咗一份麻辣手撕雞 佢哋啲手撕雞超好食 少少辣 再加埋手撕雞果種口感 100分呀 屋企人話椒鹽雞腎都好好食 😋 唔會太鹹調味剛剛好 佢哋嘅生菜都好清甜 連埋手撕雞一齊配飯食都會好正 我就點咗一個白飯 屋企人就想試吓佢嘅鵝油撈麵 佢哋都話好好食 👅 佢哋個牛魔王就會好多牛腩同埋牛肚 我身為牛肚控 瘋狂食佢哋啲牛肚 好正 牛腩肥瘦均勻 都係好入味 ♥️ 酸辣雲耳都好好食 如果配埋青瓜就更加正啦🐷 之後每人再加一杯凍飲 買單都唔使$200啦 真係抵食之選呀…Read More

⭐東涌黃泥屋村2號地下⭐今日去左東涌outlet血拼一下, 見難得入到東涌就係到食埋晚餐先出去啦曾經有朋友介紹過東涌個邊都有d好有鑊氣小炒就聽我朋友講 揀左呢間大頭蝦南風海鮮餐廳試下啦我地2個人叫左辣雞煲(半隻), 燒味拼盤, XO醬炒蝦仁, 飽到不得了燒味拼盤(有叉燒拼燒腩仔)叉燒大大塊, 半肥瘦叉燒燒腩仔墊底, 烘得層皮好脆, 小小咸咁辣雞煲(半隻)雞件多, 而且好入味, 好辣有洋蔥,芫莤,大蔥,花椒八角勁多條辣椒, 同埋辣椒油做底,配料既香味令雞更加好食, 同埋愈煮會愈辣XO醬炒蝦仁蝦仁大大隻, 數量都唔少, 一上枱已經好香XO醬味加上西芹新鮮爽脆, 唔錯!雖然唔太近市中心但員工NICE, 野食好,下次會再黎!…Read More

炯記手撕雞 深水埗, 地鐵站行4分鐘平日夜晚7點幾既時間幫襯, 都差不多滿座個人喜歡食叉燒, 所以叉燒飯係必點, 男朋友就叫左碟燒腩仔飯, 再另外ORDER左醬皇豬手(例牌), 同埋一碟黃金皮蛋我同店員要求左叉燒要肥D, 叉燒唔太肥又唔太瘦, 都OK既, 最開心係見到有燶邊, 燒得幾好. 白飯方面, 米係長長的應該係泰國米, 煮得較小水, 乾身, 加上甜豉油一D都唔寡. 燒腩仔皮脆肉香, 唔太多肥膏, 肉質唔會好柴, 又唔會死咸, 不錯!! 醬皇豬手(例牌), 有6隻大豬手, 最緊要冇毛!! 因為有毛真係好影響食慾.我對於呢間店既招牌菜抱有好高既期望, 好彩都冇失望, 豬手好入味, 好大塊皮, 食完好膠住嘴既感覺, 好多骨膠原~ 黃金皮蛋有D辣, 皮蛋新鮮, 大份…Read More

這間燒鵝店已變成同事既放工之選店員先送上兩碗家常湯，大大舊粟米蘿蔔，很足料叫了一份豬手撈粗，每條面沾上鵝油十分爽口，又不油膩另外燒鵝飯也很嫩滑皮脆肉嫩，而且大大份，晚市份量多了很多，配上酸梅醬，很香口另外點了一份例牌的醬皇叉燒，因為之前下午茶食過，又香又多蜜汁，很入味，所以今次要叫一份例牌可以食多點，叉燒十分之有水準再點了個小食，鹽焗手撕，手撕雞肉很淋，配上芝麻，簡簡單單已經好好味另外發現門口有個雪櫃可以買小食外賣返屋企吃，有很多款麻辣小食，我買了海蜇燻蹄，份量有很多，而且很入味，燻蹄凍食更好食，夜晚睇波一流配搭…Read More

位於西灣河太安樓的幸福鍋，主打台式火鍋，疫情下晚餐無堂食，一人外賣火鍋回家，算是一個不錯的選擇。餐廳火鍋餐牌選擇簡單，主菜方面豬牛雞海鮮配搭齊全，可以按個人喜好自選，而湯底選擇亦有六款，有辣有唔辣。套餐必配有蔬菜盒及麵食，一人晚餐份量都相當足夠。個人喜好主菜澳洲牛小排拼美國牛板腱，兩款牛肉口味不相，澳洲牛小排肉質較嫩，油花分明，美國牛板腱肉較瘦，比較有咬口，肉味香濃，配上台式濃香沙茶鍋，絕配。餐廳外賣包裝穩妥，+10 更提供一人安全簡易爐具，食得安心又放心。…Read More

晚上又是一家人一起吃飯的好時間 今天和家人到了大圍的新強記燒鵝海鮮酒家 吃飯因為我們和兩位老人家一起吃飯，所以我們叫的東西都是比較清淡👍 我哋叫咗一碟叉燒，佢嘅叉燒都幾大嚿好好食😋肥瘦適中咬落去仲有濃濃的豬肉香味！係我食過以來覺得算為中上既叉燒！有驚喜聽講佢哋嘅乳鴿都係好出名嘅所以我就點左一隻試吓！佢將隻乳鴿一開咗四 咁我哋屋企人每個人一人一件 隻乳鴿燒得剛好唔會太老咬落去好脆 好Juicy好多汁~ 之後當然要點晚飯必備嘅菠蘿咕嚕肉啦 超多咕嚕肉啊超好食 炸得剛剛好啲汁又甜甜酸酸的好開胃 😋😋之後仲點左啲海鮮一碟黃金大蝦同埋一條魚 黃金大蝦睇相都見到好多隻好抵食 條魚都好新鮮好肥美 人均大概150左右都好抵食 下次過時過節又可以去食…Read More

胡爐，位於鍋鑼灣耀華街百樂中心，餐廳走中高價特色火鍋路線，特色湯底食材用料等等，都非一般傳統中式火鍋可比較。餐廳湯底選擇確實非常多，豐儉由人，是夜選擇蕃茄龍蝦海鮮鍋，店員會先略炒龍蝦大蜆等海鮮，加入白酒後點火，再加入蕃茄龍蝦濃湯，酒香撲鼻，湯底味濃而鮮甜。餐廳選用食材亦相對高級，手切牛頸脊油花分明，肥瘦適中，肉味濃而且有咬口。餐廳處理海鮮食材亦相當放心，蟶子處理乾淨，泰式生蝦，配泰式酸辣汁，生蝦新鮮爽滑，醬汁開胃。黃金魚皮：即叫即炸，香脆惹味。…Read More

打鑊甘火鍋串燒，位於北角渣華道熟食中心街市，餐廳以火鍋及串燒為主打。餐廳雖然位處於街市熟食中心內，但餐廳地方餐桌等均非常乾淨整潔。餐廳湯底選擇雖然不算多，但食物質素確實喜出望外，食材超級新鮮，海鮮類均用心處理乾淨，值得一讚。必點項目手切特級肥牛，一碟牛肉兩種口味，牛頸脊油花分明肉味濃，抓邊帶筋有咬口，各有特色。手打牛筋丸及蝦丸，粒粒彈牙，粒粒新鮮。餐廳另有大量串燒選擇，是夜以火鍋為主，故只點了一款燒油甘魚鮫，烹調時間味道處理一流，真心好食。…Read More